::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
حل جميع مشاكل إيقاف الفوتوشوب وإستعادة الإعدادات الافتراضية-Restore Photoshop default
الكاتـب : JUST AHMED - آخر مشاركة : اميره باحجابى - مشاركات : 4 -
البطل المزيف....قصة قصيرة
الكاتـب : مارد الغضب - آخر مشاركة : اميره باحجابى - مشاركات : 3 -
الوفاء
الكاتـب : يحيى الفضلي السودان - مشاركات : 7 -
كوكب جديد
الكاتـب : يحيى الفضلي السودان - مشاركات : 10 -
لا تقلقى - بقلمى
الكاتـب : الفارس الخيال - آخر مشاركة : اميره باحجابى - مشاركات : 5 -
سهل نخسر بعض
الكاتـب : شاعر الحب الحزين - آخر مشاركة : اميره باحجابى - مشاركات : 12 -
غموض عاشق - بقلمى
الكاتـب : الفارس الخيال - آخر مشاركة : اميره باحجابى - مشاركات : 2 -
حز في قلبي
الكاتـب : يحيى الفضلي السودان - مشاركات : 7 -
خط الزمن
الكاتـب : ahmed 22 - آخر مشاركة : اميره باحجابى - مشاركات : 7 -
إزاي تضيف التأثير الدرامي بالفوتوشوب - Create a Dramatic Color Effect
الكاتـب : JUST AHMED - آخر مشاركة : اميره باحجابى - مشاركات : 2 -
انا حاسس بيك
الكاتـب : ahmed 22 - آخر مشاركة : اميره باحجابى - مشاركات : 5 -
السلام عليكم
الكاتـب : يحيى الفضلي السودان - مشاركات : 10 -

إضافة رد
 
LinkBack أدوات الموضوع انواع عرض الموضوع
قديم منذ /07-21-2011, 12:55 AM   #1

عضو ذهبي

 

 رقم العضوية : 47900
 تاريخ التسجيل : May 2010
 المكان : سعودية تعشق ام الدنيا...
 المشاركات : 1,339
 النقاط : *تحدوها البشر* will become famous soon enough*تحدوها البشر* will become famous soon enough
 درجة التقييم : 101
 قوة التقييم : 0

*تحدوها البشر* غير متواجد حالياً

أوسمة العضو
اهــداء مني لكــــل شخص حـــــــزين ......!!!





السلام عليكم ورحمه الله وبركاته

هذا الموضوع [ أهداء لكل شخص حزين ]

احترت فين انزله ما لقيت انسب من هالقسم لهـ..

طبعا مشواركم طــــــــويل معايا .. لو رايق اقرا

تلاحضون اننا تعودنا الايام هذي انو كل شخص مننا حزين

زمان لو نشوف واحد حزين نحزن معاهـ طوالي

وكلنا نتكلم معاهـ ونضحكوا ونخليه يحب الحياهـ

اما الحين ؟

لو نشوف واحد حزين .. بدون مانفكر .. نعتبروا شي عادي !!!

طيب واذا حزين ؟ ايش الغريب ؟ الكل حزين ترى مو بس انتا !

طيب

طالما الكل حزين .. حبيت اعلمكم ((( فن التعامل مع الحزن )))

بحكم اني اكلت تراب في الدنيا الين امتلأ فمي

ولسى حاكل في المستقبل

وهذي بعض من المعلومات الي اعرفها في

فن التعامل مع اي شكل من اشكال المشاعر [ فرح , حزن , الخ ]

طبعا الدين والقرآن والاشياء هذي عارفين انها تسعد الانسان

فمايحتاج اتكلم فيها

لاني بتكلم من [ منظور نفسي ]

.................................................. ...............

الفرح عبارهـ عن طاقه

السعادهـ > طاقه

الحب > طاقه

الشوق > طاقه

الالم > طاقه

اليأس > طاقه

الفشل > طاقه

النجاح > طاقه

التحطيم > طاقه

الكآبه > طاقه

وايضا ؟؟؟

[ الحزن ] عبارهـ عن طاقه

والسؤال هوا

في ايش راح تفرغ الطاقه هذي ؟؟؟

شي يفيدكـ ولا يضركـ ؟؟؟

بالاكتآب ولا بالصبر والمحاوله ؟؟؟

طبعا

كل الطاقات الايجابيه والسلبيه نقدر نصبها في مصلحتنا !!!

لا احد يقول هذي طاقه سلبيه

ومانقدر نتحكم فيها !!!

لا لا .. غلط [ كلها طاقات تقدر تفرغها في اي شي تبغاهـ ]

> ركزت ؟؟؟ في اي شي تبغاهـ !!!

وهذا دليلي :

1)

الزعل > طاقه !

فيه شخص يقول

لمى ازعل .. البس اليد حقت الملاكمه

واتخيل الجدار [ وجه الزعل ]

واضربه بكل ماأوتيت من قوهـ

الين اطيح ع الارض .. وارتاح

فرغتها > بالظرب

2)

المديح > طاقه !

شوفي نفسكـ

لمى زوجكـ يمدح طبخكـ او تنظيمكـ للبيت او اهتمامكـ فيه

تلاقيكـ المرهـ الجايه تبدعين اكثر ! صح؟

فرغتيها > بالأفعال !

3 )

الفشل > طاقه

العلماء لمى يفشلون

تلاقيهم يكتسبون [ طاقه ] ويقوون اكثر وتزيد همتهم اكثر واكثر

وبالاخير يحصلون على مبتغاهم غصب !

فرغوها > بالابتكارات

4)

الحب > طاقه !

لمى تحب انسانه

تكتسب طاقه .. وتفرغها بأنكـ تحاول تسعدها طول عمركـ !

فرغتها > بأسعاد شخص او بالاصح [ شغل ] يعني تشتغل على راحتها

5)

التألم > طاقه !

لمى تتألم من شتم الناس لكـ وسبابهم

المرهـ الجايه تحذر منهم وتموت احساسكـ تجاههم عشان مايضرونكـ

وتحاول تعطي نفسكـ فكرهـ انكـ الافضل عشان تزيد ثقتكـ بنفسكـ

فرغتها > بالثقه

6)

الشوق > طاقه !

الزوجه لمى تشتاق لزوجها

تلاقيها تزبط البيت وترتبه

وتحط ورود وتعطر الجو وتتكشخ

وتسوي مفاجآت له وتشتري هدايا

فرغتها > بأسعاد زوجها والي هي [ افعال ]

7)

اليأس > طاقه

لمى تيأس تلاقيكـ جالس لوحدكـ

وتبكي تبكي تبكي الين تخلص دموعكـ

فرغتها > بالبكاء

8)

الفرح > طاقه

لمى تفرح بترقيه

تلاقيكـ تبدع اكثر واكثر عشان تحصل على مال اكثر ومنصب اكبر

فرغها > بالمثابرهـ

9)

الحزن > طاقه

لمى تحزن تلاقيكـ تفرغ حزنكـ بالبكاء

او بالسب او بالشتم او بالتذمر او بالحظ العكر او بتنقيص قدركـ

............................................

امثله كثيرهـ واكيد قد سمعتو كلمه [ ابرد حرتي ]

على فكرهـ تراها تفريغ للطاقه

واكيد بيكون تفريغها بيكون بالسب او الظرب او الشتم

يعني اي طاقه تحصل عليها

تقدر تفرغها بأي شي تبغاهـ انت

سواء كان فرح ام حزن

طيب خلينا نشوف الحزن

في المثال فوق قلتلكم انو نفرغها بالبكاء

بس هل نقدر نفرغها بشي مفيد ؟؟؟

نعم

زي ايش ؟؟؟

زي الصبر ! .. وبكذا [ نكسب حسنات ] و [ يقوى الايمان ]

وتزيد الثقه والهمه

والرسول عليه الصلاهـ والسلام قال :

سبحان الله امر المسلم كله خير

ان اصابه خير شكر وان اصابه [ شر ] صبر !

طيب بكذا معناتو المفروض لمى نكسب طاقه [ نستفيد منها ] صح ولا لا؟؟؟

طيب خلينا نقول اني ابغى استفيد منها في الدنيا

وقتها هل اقدر استفيد من الطاقه هذي بشي يفيدني بالدنيا ؟؟؟

نعم اقدر

كيف ؟؟؟

انا حاط ليا جدول

اذا زعلت لابد اقرا من الكتاب الفلاني

يعني اجبر نفسي !!!

واعطي عقلي فكرهـ انو لمى اقرا الكتاب هذا راح افرغ كل طاقه الحزن فيها

في البدايه اقرأ وانا معصب ههه الين شويا اهدا وارتاح

بعد ماارتاح الاحظ نفسي اندمجت مع الكتاب ! وابغى اقرا اكثر

وفعلا اجلس ساعتين زيها وانا اقرا

انا بالطريقه هذي استفدت من طاقه الحزن

ومو بس لمى ازعل

في جدولي كاتب كل المشاعر !

من فرح وحزن والم وسعادهـ وكل شي

ولابد امشي عليها غصب عني

اجبر نفسي

لانكـ وربي والي خلقني لو تستسلم لهوالكـ ؟؟؟ راح تتعب

والدليل :

قال الله تعالى

[ ونهى النفس عن الهوى * فإن الجنه هي المأوى ]

يعني اجبر نفسكـ وادعس على هواكـ وخليها تمشي تحت امركـ

مو انتا الي تمشي تحت امرها !!!

طبعا اكيد لمى تسوي الكلام هذا

راح تحس انو فرغت الطاقه بس مو كلها

بقيت 20 او 30 % وماتدري ايش بتسوي فيها

كمان الحل عندي

روح ابكي لوحدكـ الين تخلص النسبه هذي

وراح تخلصها في 5 دقايق !!!

تدرون؟؟؟

وربي ماخربنا الا عاداتنا وتقاليدنا الي كل شوي نكتشف انها خاطئه

رجل او امرأهـ

ابكي الين تقول بس ولا تفكر في احد

انا لمى اروح للبحر طبعا ابغى افرغ باقي الطاقه بالبكاء

واجمل مكان عندي البحر

طبعا قبل ماابكي كمان [ اعطي عقلي فكرهـ ] انو ابغى ابكي عشان

افرغ باقي الطاقه وارتاح .. مو اتبكبك الين يغمى علي !!!

وفعلا

ابكي والاحظ 5 دقايق او 10 دقايق وبعدها اقول خلاص ههه

ولاااااااااااا مو بس كذا

وربي تلاقيني اضحكـ ههه ودموعي على خدي في نفس الوقت

وامسحها واقول للكنترول سيستم الي هوا [ العقل ] ههه :

خلاص ترى انا فرغتها اعطي الاوامر انو انا سعيد ^_^

طبعا عقل الانسان مو سهل وربي .. بس احنا مانعرف نستخدمه

وقتها العقل يقول انتا سعيد ؟؟؟

طيب اوكي دقيقه بس

ويجلس يفتش بالملفات حقت الذاكرهـ عشان يثبت فكرتكـ الي عرضتها عليه !

ويدور اي شي سعيد بحياتكـ

وتحس بعد دقيقه او اقل .. انكـ بجد سعيد الحين !!!

تبغون اثبات لكلامي ؟؟؟؟

ماتلاحظ انكـ لمى تزعل وتحزن

ويجي انسان قريب من قلبكـ ويقولكـ الدنيا حلوهـ

ويحاول يضحككـ ... تلاقيكـ تضحكـ ودموعكـ على خدكـ

بس مو على طول ! تبقى يمكن دقيقه او اقل

ليش ؟؟؟

لانو بالفترهـ هذي العقل جاتو فكرهـ ولااااااااازم يثبتها !!!

والفكرهـ هي [ انكـ سعيد ] وهوا مو شايف فيكـ السعادهـ

فيروح يجيبلكـ سعادهـ من الارشيف حقكـ

بعدها بتضحكـ !!!

____

BRB


يتبع








  رد مع اقتباس
قديم منذ /07-21-2011, 01:02 AM   #2

عضو ذهبي

 

 رقم العضوية : 47900
 تاريخ التسجيل : May 2010
 المكان : سعودية تعشق ام الدنيا...
 المشاركات : 1,339
 النقاط : *تحدوها البشر* will become famous soon enough*تحدوها البشر* will become famous soon enough
 درجة التقييم : 101
 قوة التقييم : 0

*تحدوها البشر* غير متواجد حالياً

أوسمة العضو
افتراضي

تبغون دليل ثاني ؟؟؟

لو انتا في قمه سعادتكـ


وسمعت ولو موسيقى حزينه

تلاقيكـ تقول لنفسكـ يؤؤؤ ع الكئابه طفي طفي ماابغى اخرب جوي

ليش ؟؟؟

لان العقل على طول راح يبعد عنكـ سعادتكـ ويفتش ماضيكـ الاليم

عشان يثبت الفكرهـ الي شفتها او سمعتها او حسيت بيها !!!

ولو انكـ ضليت تسمع

راح تنقلب سعادتكـ لجحيم وراح تنسى كل شي حلو

وتحس انو ملفات الكئابه انفتحت لكـ

وتبدأ تعيش الجو الكئيب !!!

طيب يااخوان

طالما اننا عرفنا ان العقل يمشي ورى كلامنا وافكارنا ؟؟؟

ليش مانجيب افكار حلوهـ ؟؟؟

عشان يدور ع الملفات الحلوهـ ونعيش مبسوطين ؟؟؟

بصراحه ؟ تبغون الحق ؟

بدال مانحكم العقل .. هوا الي حكمنا

يعني بدال مانعطيه الاوامر وهوا ينفذ

سار هوا يسمع اي اوامر [ من برا ] > زي الموسيقى الحزينه

ويطبقها علينا ويثبتها !

وانا ؟؟؟ جالس زي الاطرش بالزفه

لا انا الي اعطيت الامر هذا ! ولا انا الي نفذته !

الي يجيني ارضى فيه وكأني بدون عقل !

وربي يااخوان مشكلتنا مانستعمل عقولنا العظيمه لصالحنا !!!!

ربي خلقته عظيمه مش اي كلام

المهم

تبغون تعرفون ليش لمى نبكي مايوقف بكائنا

ومايروح الحزن ابدا الا بالنوم ؟؟؟

لانكـ بكل بساطه اعطيت [ عقلي ] [ فكرهـ ] بأنو انا ابغى اكتئب

واحزن وامرض واصارخ واسب واتذمر

وفعلا العقل يسمع اوامركـ ويثبتها لكـ !!!

لاكن لو قلنا للعقل .. هيه ترى شوي ببكي وخلاص

يعني مجرد ماافرغ طاقه الحزن > معناتو انتهى الحزن بالنسبه لي اوكي ؟

يقولكـ ابشر طال عمركـ وفعلا ينفذلكـ اوامركـ ويثبت نظريتكـ !!!

اقولكم شي مشابه للهرجه هذي ؟؟؟

المرض

اخواني واخواتي ماتلاحضون انو اغلبنا نمرض بأوقات الاختبارات ؟؟؟

اشمعنا يعني الهوا يتسمم مثلا ؟؟؟

ولا اكلنا يتسمم مثلا ؟؟؟

يعني مالقي غير هالوقت ؟؟؟

لا لا لا .. لا هوا ولا عدوى ولا تسمم ولا شي

انتا الي جبت لنفسكـ المرض !!!

لانكـ تقول لنفسكـ او واحد يقولكـ

تخيل لو مرضت بالوقت هذا كر كر كر

وانتا تقول

لااااااااا ماابغى امرض بالوقت هذا

[ وتخاف ] وشاكـ انكـ بتمرض

طبعا العقل بيقول شاكـ انكـ مريض ؟؟؟

طيب دقيقه خليني اشيكـ على جسمكـ بالكامل

فيرسل الخدم حقينو ويقولهم شوفو الرجال مريض ولا لا

لانو شاكـ والله اعلم

فيروحون يدورون اي مرض

ولو مالقيو ؟؟؟

ماراح يرجعون له فاضيه يدهم ههه لا .. عشان مايحكم عليهم بالقصاص ههه

لانو بيقولهم > تكذبون الرجال يعني هاهـ ؟؟؟ اقتلوهـ خخخ

فيأمرون اي شي انو يفسد او يمرض

عشان يثبتون كلام المدير حقهم

> ويجلسون ايام مختفين الين يجبرون اي عضو من اعضائكـ ع المرض

وبعد مايمرض

ويجون ويقولون له .. صدقت ياباشا صح مريض بالعضو الفلاني

شككـ كان في محله

فيروح العقل ويقولكـ صدقت يامدير باشا

شككـ في محله وابشركـ انت مريض

وقتها انتا تصرخ لاااااااااااااااااااااااااااا

بدال الفلسفه هذي تبغون دليل من السنه النبويه ؟؟؟

قال رسول الله صلى الله عليه وسلم :

[ لا تمارضوا فتمرضوا فتموتوا ] !!!

يعني لا تقول لنفسكـ انكـ يمكن مريض

عشان ماتمرض بجد وتموت

ولا تقول لنفسكـ انكـ يمكن حزين

عشان ماتحزن بجد وتموت

واذا كنت ذكي ؟؟؟

بتقول لنفسكـ انكـ سليم وسعيد [ حتى لو كنت حزين ]

عشان العقل يرسل الخدم حقينو مشان يعالجون امراضكـ ويثبت وجهه نضركـ !!!

العقل عظيم ياناس

تدرون انو علاج اي مرض بالدنيا 80 % منو علاج نفسي ؟؟؟

الكلام هذا سمعتوا من دكتور نفسي

وانتا اكيد مريت فيها .. لمى تقول لنفسكـ انا مو حزين او مو مريض

يعني مجرد كذب !!!

بالاخير الكذبه هذي تسير حقيقه !!!

ياحبيبي

لا تحزن !

ابكي ايوا .. فرغ طاقه ايوا .. بس لا تحزن طول عمركـ

لا تخليه يسيطر عليكـ .. احكمه لا تخليه يحكمكـ !

لا يرتفع ضغطكـ ويجيكـ السكر وتمرض وتندم بعدين

على ايش يعني ؟؟؟

موت انسان ؟؟؟

تدري عاد ان الموت مو اصعب شي ؟؟؟

قال الله تعالى


((وَلَنَبْلُوَنَّكُمْ بِشَيْ‏ءٍ مِنَ الْخَوْفِ وَالْجُوعِ وَنَقْصٍ مِنَ الأَْمْوالِ وَالأَْنْفُسِ وَالثَّمَراتِ وَبَشِّرِ الصَّابِرِينَ))


لازم نركز علي هالترتيب على فكرهـ !!!

الموت > في المركز الرابع !

اصعب شي الخوف

مثل حاله اليهود عايشين طول عمرهم خايفين من المسلمين

هذي حياهـ ؟؟؟ وربي ابكي يومين ثلاثه واضحكـ رابع يوم

ولا اني اعيش حياتي كلها خوف في خوف

لا تحزن لا تحزن لا تحزن

طيب بسالكم سؤال

انشتاين وفرنكشتاين ودافنشي ومندل والعلماء كلهم هذولا

تحسبهم طلعوا علماء كذا من الله ؟؟؟

لا والله لا والله لا والله

كل طاقه يحصلو عليها .. سواء [ فرح او حزن او الم او فشل او ظلم او خيانه ]

يفرغوها بالعلم وبالاكتشافات وبالاختراعات !

ايوا يفرغوها فيها

لمى يفرح ؟ تزيد الهمه عندو ويبدع

لمى يفشل؟ تزيدهـ قوهـ ! [ ويحاول مرهـ واثنين وثلاث ]

لمى يحزن؟ يحط حرته [ بالعلم ]

< زي لمى احنا نحط حرتنا بالظرب او السب او اي شي

اقصد زي لمى نفرغ [ الطاقه ] هذي بالسب والظرب

بس عارفين ايش الفرق بيننا وبين العلماء؟

احنا فرغنا طاقاتنا بأشياء > سخيفه وغير مفيدهـ

اما هم فرغو طاقاتهم كلها بحاجه وحدهـ > العلم والاكتشاف والاختراع

تدرون ان العلماء بالعادهـ [ اصحاب دين ]؟؟؟ بغض النضر عن اختيارهـ لاي دين !!!

ليش متديينين؟

لانهم يعرفون ان العبادهـ بتعطيهم الامان والقوهـ والعزيمه والراحه

يعني يعبدون كذا زيطه زمبليطه مشي حالكـ بس عشان يرتاح ويقدر يعيش ويقدر يبدع !

شايفين تفكيرهم فين وصل ؟؟؟

واحنا الي ربنا منعم علينا بنعمه الاسلام

رامينه عرض الحايط ولا فكرنا اصلا

بجد يااخوان

وفيه ناس فاهمين سر تفريغ الطاقه [ ومن المنتدى كمان ]

يفرغون طاقات الحزن او طاقات الحب > بالشعر او بالخواطر

ناس اذكياء بجد !!! ولهم مني اجمل وارق واحلى تحيه

وشوف انتا ايش تختار

لو اخترت انكـ تفرغ طاقاتكـ بالشعر او غيره > راح تبدع فيه غصب > زي اعضاء المنتدى ماشاء الله عليهم

اختار اي شي

حتى لو تبغى المال ! وربي غير تحصلو

اقسم بالله غيرتكون مليونير لو تبغى

< بس المشكله هنا انو بعض الناس يفرغون كل طاقاتهم > بجمع المال

بس لو سوا كذا؟ .. ماراح يرتاح بحياته

ليش؟

لانو نسي حق من حقوق ربنا والي هي > عبادته

وهوا مافرغ ولا ذرهـ طاقه فيها !

والكلام هذا يفسر ليش [ الاثرياء ] ينحترون من فترهـ لفترهـ

يعني خليكـ انسان وسطي

( اعمل لدنياكـ كأنكـ عائش ابدا ! )

( واعمل لأخرتكـ كأنكـ تموت غدا ! )

ولو طبقت الكلام الي فوق ؟ راح تحصل ع المال والبنين والراحه [ والسعااااادهـ ]

سؤال

ليش نستسلم للحزن وللأمراض والكئابه ونخليها تسيطر علينا ؟؟؟

بالرغم انو مشاكلنا وربي بسيطه

شوف

ماابغى اقسم لكـ وماابغى احلف

[[[ سواء صدقت ولا لا ]]]

حبيت اقولكـ انت/ي [ ماعرفت ايش هوا الحزن ولا قد شفته بحياتكـ ]

يمكن شفت سرابه من بعيد وبكيت

يمكن شفته من بعيد وخفت وبكيت

يمكن مريت في طريق [ الحزن مر فيه اول ] وبكيت وحزنت

لاكن ماتعرفت عليه !

ولا جلست معاهـ !

ولا سولفت معاهـ !

فليش تخلي [ سراب الحزن ] يسيطر عليكـ؟؟؟

تبغى تعرف الحزن الحقيقي فين وكيف شكله ؟؟؟

روح لدار الايتام .. روح للمعاقين .. او العنايه المركزه
الاماكن هذي بتعلمكـ الحزن الحقيقي

وبيقولوكـ شكله وكل شي عنو

وبعدين تعال

حتى لو كان حزن حقيقي .. ليش تخليه يسيطر عليكـ؟؟

نصيحه محبه :

احزن ابكي زي ماتبغى > لاكن لا تخليه يسيطر عليكـ !!!!!!!

ولا ترحب فيه ابدا .. وحاول تطردهـ بكل قوهـ

واذا ماعندكـ قوهـ؟؟؟

< اخضع لربكـ .. وترجاهـ وادعيه انو يصبركـ .. وراح يعطيكـ من خيرهـ


الحين

تعلمت فن التعامل مع الحزن ؟؟؟

واخيرا

اعتذر ع الاطاله

والاسلوب كمان .. و التنسيق بالكمات
صحيح كلها مرتبطه بس برضو يعني تنقصني الخبرهـ

وان شااااااااء الله انكم استفدتوا ولو الشي القليل

اتمنى وربي منايا اني قدرت اوصلكم المعلومه بطريقه سهله

اخر حاجه خلاص هههههههه

انتا سعيد ^_^ حتى لو دموعكـ على خدكـ الحين .. انتا برضو سعيد ^_^

ربنا يريح قلوبكم ويسعدكم ويحفظكم ويدخلكم الجنه ياااارب



انتظر رووودكم +تقيمكم
لو اعجبكم الموووضوووووع^^







  رد مع اقتباس
قديم منذ /07-21-2011, 01:31 AM   #3

عضو مشارك

 

 رقم العضوية : 69534
 تاريخ التسجيل : Apr 2011
 المكان : الوطن العربى عنوانى
 المشاركات : 288
 النقاط : king girl will become famous soon enough
 درجة التقييم : 50
 قوة التقييم : 0

king girl غير متواجد حالياً

أوسمة العضو
افتراضي


وأما من خاف مقام ربه ونهى النفس عن الهوى * فإن الجنة هي المأوى

قرأت الجزء الاول عزيزتى فاحببت ان اقيمك
قبل الانتهاء من الجزء الثانى
لانو عنجد موضوع رآئع
و الك كومان خمس نجمات يا عسل
سلمت يمناكِ يا قمر
والافضل انو الواحد يسمع قرآن مو موسيقى لانها
اصلاً حرام ما بتعالج بتزيد الامر سوءً







  رد مع اقتباس
قديم منذ /07-21-2011, 01:50 AM   #4

Красивая улыбка

 

 رقم العضوية : 41393
 تاريخ التسجيل : Feb 2010
 العمر : 25
 المكان : اجمل بلاد الارض(مصر)
 المشاركات : 5,528
 النقاط : جميلة مصر has a spectacular aura aboutجميلة مصر has a spectacular aura about
 درجة التقييم : 198
 قوة التقييم : 1

جميلة مصر غير متواجد حالياً

أوسمة العضو
افتراضي

شكرا على الموضوع الجميل
بانتظار المزيد







  رد مع اقتباس
قديم منذ /07-21-2011, 07:19 AM   #5

عضو ذهبي

 

 رقم العضوية : 47900
 تاريخ التسجيل : May 2010
 المكان : سعودية تعشق ام الدنيا...
 المشاركات : 1,339
 النقاط : *تحدوها البشر* will become famous soon enough*تحدوها البشر* will become famous soon enough
 درجة التقييم : 101
 قوة التقييم : 0

*تحدوها البشر* غير متواجد حالياً

أوسمة العضو
افتراضي

اقتباسالمشاركة الأصلية كتبت بواسطة king girl
وأما من خاف مقام ربه ونهى النفس عن الهوى * فإن الجنة هي المأوى

قرأت الجزء الاول عزيزتى فاحببت ان اقيمك
قبل الانتهاء من الجزء الثانى
لانو عنجد موضوع رآئع
و الك كومان خمس نجمات يا عسل
سلمت يمناكِ يا قمر
والافضل انو الواحد يسمع قرآن مو موسيقى لانها
اصلاً حرام ما بتعالج بتزيد الامر سوءً



ميرسي علي كلامك الجممممميل ده يا قمر
و فرحتيني لان الموضوع اعجبك^^
بجد اسعدنـــــــــــــــي ردك ومرورك وتقييمك
منووووووووووووواني يا عثثثل







  رد مع اقتباس
قديم منذ /07-21-2011, 07:21 AM   #6

عضو ذهبي

 

 رقم العضوية : 47900
 تاريخ التسجيل : May 2010
 المكان : سعودية تعشق ام الدنيا...
 المشاركات : 1,339
 النقاط : *تحدوها البشر* will become famous soon enough*تحدوها البشر* will become famous soon enough
 درجة التقييم : 101
 قوة التقييم : 0

*تحدوها البشر* غير متواجد حالياً

أوسمة العضو
افتراضي

اقتباسالمشاركة الأصلية كتبت بواسطة جميلة مصرشكرا على الموضوع الجميل
بانتظار المزيد

مرووووووورك الاجمـــــــــــــــــــــــل
منووووووووووووووووووووراني يااااااقمممممممر







  رد مع اقتباس
قديم منذ /07-21-2011, 11:33 PM   #7

مشرفة التنمية البشرية سابقا

ღмεмoяιεѕღ

 

 رقم العضوية : 6436
 تاريخ التسجيل : Sep 2008
 الجنس : ~ بنوتة
 المكان : سمــآء ثآمنـة
 المشاركات : 7,022
 الحكمة المفضلة : You only live once , but if you did it right .. once is enough
 النقاط : الحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond repute
 درجة التقييم : 2375124
 قوة التقييم : 1188

الحان الورد غير متواجد حالياً

أوسمة العضو
افتراضي


موضوع روعـة بمعنى الكلمة
أسلوب مشوق + محتـوى رآئع ومفيد
بجد تسلم الأيــآدي على المجهود
كلآمك طـآلع من القلب وإن شآء الله يكون وصل للقلب
ربنــآ يبعد الحـزن عننا جميــعاً .،
بشكرك مرة تآنية على إبدآعك
بالتوفيق دآيمـاً







  رد مع اقتباس
قديم منذ /07-22-2011, 01:36 AM   #8

R i v e r s

نشاط راقي

 

 رقم العضوية : 69341
 تاريخ التسجيل : Apr 2011
 العمر : 24
 الجنس : ~ بنوتة
 المكان : momy's heart
 المشاركات : 1,327
 الحكمة المفضلة : ~' كلنـآ كالقمر :: لنـآ دآئمآ ذلكـ الجـآنب المظلم ~
 النقاط : Love Paradise has much to be proud ofLove Paradise has much to be proud ofLove Paradise has much to be proud ofLove Paradise has much to be proud ofLove Paradise has much to be proud ofLove Paradise has much to be proud ofLove Paradise has much to be proud ofLove Paradise has much to be proud of
 درجة التقييم : 1073
 قوة التقييم : 1

Love Paradise غير متواجد حالياً

أوسمة العضو
افتراضي

بسم الله تبآركـ الله :: حقيقة حبيبتي موضوعكـ فرّج من سريرتي قليلآ ::
تسلمين أختي بوركتِ يآربـ جميع المبآركة ::
في رعاية الله قلبي (:







  رد مع اقتباس
قديم منذ /07-22-2011, 05:05 AM   #9

جَـار القمـَر

 

 رقم العضوية : 70074
 تاريخ التسجيل : May 2011
 الجنس : ~ رجل
 المكان : ДĽẼΧ
 المشاركات : 13,732
 الحكمة المفضلة : أؤمِن أن هنآك أشخآص أفضل منّي ،، ولكني أؤمِن أن لآ أحد يشبهن..
 النقاط : ŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond reputeŅĢM has a reputation beyond repute
 درجة التقييم : 17730
 قوة التقييم : 9

ŅĢM غير متواجد حالياً

إرسال رسالة عبر MSN إلى ŅĢM إرسال رسالة عبر Yahoo إلى ŅĢM

 

 

 

 

 

أوسمة العضو
افتراضي

موضوع جميل أوى


بأمانه الله ينور

ننتظر المزيد والعديد







  رد مع اقتباس
قديم منذ /07-22-2011, 08:07 AM   #10

من مبدعى المنتدى

نثــــراتـ عطــر* ~

 

 رقم العضوية : 14913
 تاريخ التسجيل : Mar 2009
 الجنس : ~ أنثى
 المكان : مصرية .. بس بدوام جزئي :)
 المشاركات : 5,586
 الحكمة المفضلة : يا رب دايما لو الحق معانا ما نحسش بالضعف :)
 النقاط : روح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond reputeروح صامتة has a reputation beyond repute
 درجة التقييم : 2303205
 قوة التقييم : 1152

روح صامتة غير متواجد حالياً

أوسمة العضو
افتراضي

كلامك اكثر من رائع حبيبتي الانسان يجب ان يقدر ذاته
ويحترمها كما هي و عليه مواجهة الحزن لانه شعور عادي
نشعر به ولكن المشكلة حين يكون زائدا عن الطبيعي
طرح رااائع جدا للموضوع
سلمت يمناك
ارق تحياتي







  رد مع اقتباس
إضافة رد

الكلمات الدلالية (Tags)
منى, لكــــم, اهــداء, حـــــــزين, شخص


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
100 نصيحــــه لكــــل عــــروســــــه دقات قلب منتدي ليلة العمر 4 02-27-2010 12:27 AM
أزيـــــاء YoCo لكــــل صبيـــه تحــــب تكــــون كيــــــوت ^___^ شجـرة الدر الازياء الاناقة - ملابس شتوية - ملابس صيفية - اناقة - ازياء 4 07-29-2009 12:41 AM
أقدم لكــــم بطـــاقتي الشخصيــــــة dr.mishmisha مواضيع عامة - ثقافة عامة 2 12-05-2008 08:47 PM
هــــل تقبلـونــى أخــت لكــــم ؟ الملتزمة منتدى الترحيب بالاعضاء الجدد 16 05-23-2008 03:01 AM


الساعة الآن 02:52 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w