اسأله رخمه جدا جدا !!!!

[Mo7aMeD Lotfy]

كلنا بنتعرض لأسئلة رخمة

ندخل فى الموضوع على طووووووووووووووووول

خلـونـــا نشــوف أمثلة

....................*

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

....................*

انتم معزومين عند ناس ورحتو لبيتهم وأول ما فتحولكوا الباب يقول ابنهم
الصغير: انتوا جيتــواااااااااااااااا ؟

(( لا لسه ))

....................*

والعكس : انت لابس هدومك و متأنتك و على سنجة عشرة وريحة البارفان واصله
لاخر
الشارع .. وخلاص بتفتح باب الشقة,, يجي حد من أهلك وينادي بصوت عالي :
انت
خااااارج ولاّ اييييييييييه

(( !!! لاء دانا لسه راجع ))

....................*
أو مثلا راكب العربية ودوّرتها وخلاص هتطلع ... يجيلك لك البواب
ويخبطلك على
الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

....................*

مثلا ماسك سماعة التلفون وقاعد تضغط الارقام يجي حد من أهلك ويقولك: انت

هتتكلم في التليفون ؟


(( لا.. بتفرّج عليه ))

....................*

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد
وقالك:
هاه.. قاعد تذاكر ؟

(( تقوم رامي الكتاب و تقوله لااااااااء ))


....................*

ربنا هاديك كده ... ماسك سبحة و عمال تسبّح ، يجي حد من البيت يعدي
عليك
ويقول: هوّه انت بتسبح ؟
(( لاء.. هفرطها و أسلقها ))



....................

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة
ديه
ولا ايه ؟

(( لاء.. طالبها اخنق على نفسي ))

....................*

و مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك
هههه
و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

....................*

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و
تفسحوا أولادكم ونتصل بالمعارف نعيّد عليهم و نقولهم كل سنة و انتو
طيبين

(( سبتيله ايه يقوله يارخمة ؟))؟

[يبدأ الحب بابتسامة]

ههههههههههههههههههههههههههههههههههه
والهى الموضوع جااااااااااااااااااااااااااااااامد مكنتش عايزة اضحك بس ضحكتنى هههههههههههه

[rozy]

ههههههههههههههههه ايه الرخامه دي :242: انا بهزر تسلم الايادي

[the silent love]

هههههههههههههههه حلوه اووووووووي بجد ميرسي *حبيبتي من تكون*

[misho]

هههههههههههههههههه

حلوة اوي

ننتظر منك الجديد

[Nad!n3]

فعلا حاجات بتحصل من دي
تسلم

[حنـــــون]

حلو اوى وجامد موت

والهى ضحكتنى بس بصراحه

فعلا اسئله رخمه موووووووووووووت

هههههههه

تحيااااااااااااااتى ليك حبيبتى من تكون

على كل موضيعك الجميله

حنون

[Mo7aMeD Lotfy]

مشكورين على المرور الجميل

[wessa]

بجد رخمه قوى ...................
.وبتحصل على طول
شكرا لك كتير اخى

[نانسى]

موضوع اكتر من رائع فعلا كنت محتاجة انى اضحك وانت ضحكتينى من قلبى --كلك رقة وذوق :cv27: