حملة الموسوعات الرمضانية+ البدآية +الملاحظات

[Sєяєєη●•ʚɞ]

اقتباس
المشاركة الأصلية كتبت بواسطة Beauty soul

طب وانا هقيس تعاونكم مع بعض ازاى وتخطيطكم فى الموسوعه ازاى ؟؟؟
ماهو دة دوركم انتم مجموعات صغيرة علشان تتعاونوا مع بعض وترتبوا مع بعض الموسوعه وتكونوا محددين كل واحد هتنزل ايه
علشان الموسوعه تكون منظمة وما احسش ان كل واحدة مالهاش علاقة بالتانية
لازم تكونوا متفقين ومقسمين الشغل وصعوبة الموضوع هو انكم تكونوا اكتر من واحدة فى توبيك واحد ومنظم كمان دة اللى عاوزة اشوفه واشوف قدرتة كل مجموعه ع تنظيم موسوعتها وتعاونها مع بعض ودخولها الموسوعات التانية



انتي برضه مش اخدتي باللك انا اقصد ايه او انا اللي مش فهماكي هي عموما اوكي بس حابه اشرح الفكره
انا اقصد انه في النهايه عاوزين موسوعه متكمله نحس فيها بجهودنا اللي احنا عمالنه تفضل حتي بعد رمضان
موجوده في القسم الاسلامي
حتي كمان لما تنزل في توبيك منفصل ده هيسهل عليكي التقييم وكمان هيسهل علينا نعرف نرد ونتابع
لكن ادخل كل موسوعه وادور في المشاركات عن الجزء اللي نزل اظن دي لخبطه كبيره
لكن انا اقصد انه لو نزلنها في توبيك منفصل كل يوم هتعرفي مين رد ومين لا وتقدري تقيمي توبيك الموسوعه وفي الاخر هنتعبك شويه كل اللي عليكي تعمليه انك هتنقلي
الجزء اللي نزل للتوبيك الرئيسي وفي الاخر هتكون عندنا موسوعه منظمه علي بعضها موجوده نستفيد بيها قدام حتي بعد رمضان لو اتنقلت زي ماقولت يبقي ثوابها اكبر وقدرنا نعمل حاجه بجد منظمه
في النهايه دي كانت وجهة نظري

ياحبيبتى قولى وجة نظرك زى ماتحبى
انا بحب المناقشة جدآآ واعرف وجهات النظر وافكر فيها
فكرت فى وجة نظرك بس لو اتعملت اتخيلى معايا كدة
كل موسوعه لو نزلت موضعها فى توبيك منفصل يوميا
هنحسب تقييم 10 ايام بس هيكون عندنا كام توبيك للموسوعات ال8
80 توبيك
لان كل يوم بينزل توبيك فالمجمل 80 توبيك لـ 8 موسوعات فى 10 ايام بس
طيب لما احب اعمل التقييم فى 10 ايام بس
هل الاحسن ليا انى افتح 8 توبيكات ولا افتح 80 .!!
الاسهل 8
تعالى بقى نحسب عدد المواضيع اللى هتنزل منفصله فى اخر الشهر وانا هجمعها فى موسوعه رئيسيه
كل موسوعه 30 موضوع
هنضرب 30×8= 240 موضوع
لما انقلهم انا لوحدى هيكون انتحار

طيب تعالى نقول مش انقل انا لوحدى وهخليكم انتم يوميا الجزء اللى نزلتوة تنزلوة مرتين مرة موضوع مستقل ومرة فى الموسوعه الرئيسية
اولا الاعضاءممكن تتلغبط ومش تفهمنى وناس هتنسى وناس ماعندهاش وقت
تانيا هيكون تعب ليكم جدا
ثالثا والاهم ازاى اضمن ان مافيش حد هيرد ع الموسوعات الرئيسية من الاعضاء التانين خصوصا ان التوبيك هيكون مفتوح
ولو قلنا هنحط روابط المواضيع مش الموضوع نفسة هتكون الموسوعه شكلها مش حلو لان كلها روابط

طيب تعالى نرجع تانى لـ، 8 موسوعات بتوعنا
انا معاكى انك ممكن تتلغبطى علشان توصلى للمشاركة الجديدة
بس لو هتردى كل يوم هتلاقى نفسك وصلتلها سهله
كمان التاريخ انا مركزة عليه جدا علشان كدة
لما تكون اجزاء الموسوعه عليها تاريخها هيكون سهل عليكى تعرفى الموسوعه دى فى انهى يوم حتى لو غبتى عنها

اخر نقطة الخاصة بإنك عاوزة موسوعه منظمة ومتواجدة دايما
الموسوعه هتكون متواجدة دايما ومثبته فعلا ولو حبيت احذف كل المشاركات اللى بين الاجزاء وبعضها والخاصة بالاعضاء بعد كدة او فى نهاية الشهر سهل يتحذفوا وترجع الموسوعه اجزاءاها متصله مش منفصله وهتكون منظمة

بس انا هدفى من دة كله ايه ان الموسوعه تكون حاجة زى العمل الجماعى كدة وتنزل حته حته ونقراها ونتفاعل فيها يهمنى التفاعل والاستفادة اكتر من شكلها فى الاخر هيكون عامل ازاى
لان لو هنركز ع الشكل يبقى ننزل موضوعاتها كلها مرة واحدة وماحدش يرد بس مش هنلاقى حد قرأ ولا كلمة
وزى ماقولتلك ممكن فى الاخر نرجعها متصله لو حبينا
كمان عاوزة اقيس قدرتكم انتم فى التنظيم للموضوعات والتنسيق بينكم
يعنى مثلا فى الصيام مش الاقى حد بدأ موسوعته بالحديث عن ليله القدر قبل اما يعرفنا ايه هو الصيام وفضله واحكامة ( فاهمة قصدى) التسلسل والترتيب والتنسيق بينكم فى الموضوعات وانهى موضوعات تنزل قبل التانية وتنسيق الموسوعه نفسها بينكم كل دة عاوزة اشوفه
اتمنى انى اكون قدرت اوصللك وجة نظرى ..

[مِسكُ الشَهادة]

السلام عليكم ...
ربنا يجزيكم كل الخير يا رب
حقا ً موضوع قيم منك ِ أختي
جعله الله في ميزان حسناتكم ...

[Sєяєєη●•ʚɞ]

وعليكم السلام
نورتنا
وتقدر تتابعنا فى الموسوعات اللى نزلت

[بـقـآيـآ ح ــڻيـڻ დ]

سيروو بجد الحملهـ تجنن يا قلبى

كان نفسى اشتركـ بس مدخلتش بقالى فترهـ

هتآبع معاكم بئاا

ربنا يبآآركـ فيكى بجد ع الفكرهـ دى

وكل سنهـ وانتى طيبهـ ياقمر ،،،

[Sєяєєη●•ʚɞ]

اقتباس
المشاركة الأصلية كتبت بواسطة CraZƴ Noηa

سيروو بجد الحملهـ تجنن يا قلبى

كان نفسى اشتركـ بس مدخلتش بقالى فترهـ

هتآبع معاكم بئاا

ربنا يبآآركـ فيكى بجد ع الفكرهـ دى

وكل سنهـ وانتى طيبهـ ياقمر ،،،

وانآ كمآن كآن نفسي تشتركى معآنا يا حنينو ،،
تآبعي معآنآ الموسوعآت وفي جدول متثبت فى القسم لو حآبة تشتركي معآنا فيه ونشجع بعض
منوراني ياحبيبتى ..

[Sєяєєη●•ʚɞ]

ازيكم عاملين ايه ..؟؟ / اخبار الصيآم اية ..؟؟ انتهت بسرعه اول 10 ايام فى رمضان اللى بدأ يجرى مننا ونسأل الله ان يتقبل صالح اعمالنا فيهم خالصة لوجهه الكريم طبعا الموضوع دة جزئين :sly: ملاحظات خاصة بالحملة وقوانين جديدة طرأت عليها + تقييم اول 10 ايام لموسوعات الحمله ومطلوب من كل اعضاء الحمله انهم يردوا ويعرفوا الملاحظات اولا ملاحظات حابة اقولهالكم فى الحملة ::sly: :star: :star: :star: ' ' احب اشكركم اولا على التفاعل المفرح المشجع الجميل من كل اعضاء الحمله فى اول 10 ايام وع حرصهم وانتظامهم فى الحمله وتنسيق موسوعاتهم وتنظيمها ،،، احب كمآآآآن اسألك شوية اسئلة مهمين اوى ومش عاوزة اجابة عاوزاكم تسألوهم لنفسكم وتجابوا بينكم وبين نفسكم عليهم وهم ياترى انت فعلا بتقرأ الموسوعات اللى بتتدخل ترد عليها ولا بترد لمجرد الرد فقط ؟؟ وطبعا دة بيبان كويس من الردود :::star: هل بتقرأ الموسوعه اللى انت بتحطها ولا بتحطها وخلاص ؟؟ طبعا تبقى كارثة لو بتحط معلومات تفيد بيها غيركم وانت لأ :::star: هل استفدت من الموسوعات واستفدت بمعلومات ولا لأ؟؟ :::star: هل انت بتتعامل مع الحملة ع انها فرض واتحطيت فيه وقلت لنفسك ياريتنى ما ادبست وادخل ارزع يومى واطلع ولا شايفها انك بتعمل حاجة مفيدة فعلا لربنا ؟؟ اخر سؤال :sly: :::star: هل حسيت فعلا بإندماج روحانى وموجة نيتك دى لله وانك بتتدخل ترد علشان تاخد ثواب وتستفيد ..؟؟ :star: :star: :star: ' ' الملاحظات :sly: صعوبة الحمله كان فى عدم معرفه الاعضاء ببعض فى الموسوعات فى اعضاء اندمجت مع بعض بسرعه واتعرفوا ع بعض واتعاونوا واتعاملوا كوحدة واحدة واعضاء تانية حاسة انهم لسه غربين عن بعض فبتمنى انهم يندمجوا مع بعض :star: :star: :star: ' ' طبعا لاحظت ان فى ناس مش مهتمة خالص لا بردود ولا حتى بأيامها فى الموسوعه ولا حتى بتنسيق الجزء اللى بتنزله هى بتيجى ترزعه وخلاص وتطلع وانسق انا وراها وع النقيض فى ناس بتتفنن فى تنظيم الجزء بتاعها وبحس انها عاوزة تطلعه احسن مايمكن علشان تجذب القارىء وتفيدة فعلا وناس منتظمة جدا فى الرد اليومى وناس حاسة انها بتقرأ فعلا وبتستفيد الجزء الاولانى مزعلنى جدا خصوصا ان دخولهم فى الموسوعه منع دخول ناس تانية كانت عاوزة تتدخل وتستفيد يبقى لازم انتم كمان تفيدوا وتستفيدوا وتكونوا قد العمل دة اما الجزء التانى فهو مفرحنى جدآآآ علشان كدة قررت :sly: :star: :star: :star: ' ' اولا : اى عضو هيغيب ع الموسوعه 3 مرات فى خلال الشهر كله ومن غير اما حد معاه من الموسوعه ينقذة وينزل بداله يومة هضطر اسفه جدا انى ادخل حد بداله وعاوز يستفيد فعلا وانتم شوفتوا انا عملت ايه علشان مازعلش حد فى اول الحمله وحاولت ادخلكم كلكم لان انا اكتر حاجة ممكن تضايقنى لما الاقى يوم فى الموسوعه مانزلش والاعضاء ما استفدوش هتغيب ضبط مع اللى معاك فى موسوعتك ينزل بدالك اليوم بتاعك علشان مايتحسبش غياب قلبناها مدرسة هعملكم ايش يعنى علشان تهتموآ ثانيا : اى عضو هيتأخر عن الجزء بتاعه قبل الفطار ينزل اى عضو من موسوعته بداله الجزء دة من غير تردد عاوزاكم تكونوا وحدة واحدة وتخافوا ع بعض لما تلاقوا واحدة من مجموعتكم اتأخرت عن يومها والفطار خلاص هيقرب اعرفى ان حصلتلها ظروف فإدخلى انتى انقذى الموقف ونزلى بدالها من غير تردد ولا حتى تسألى انزل ولا لأ بس استنى عليها الاول علشان مالقيش شد شعور لو اتأخرت اوى لقبل الفطار بنصف ساعه كدة نزلى الموسوعه ثالثا:انا طلبت منكم تقسيم موسوعتكم لاجزاء كان الغرض منها اشوف قدرتكم ع التنظيم وطبعا لازم تراعوا نقطة وانتم بتقسموا ان الجزء اليومى لا يكون طويل وممل يتعب اللى بيقراة ولا يكون قصير اوى يحس اللى بيقراه ان المعلومة ناقصة يعنى حاولوا توزنوا العمليه شوية وفى نفس الوقت تكونوا حاطين فى دماغكم انتم عاوزين تعرفوا الاعضاء انهى موضوعات من الموسوعه فى الشهر،، مثلا حاطين فى بالكم انكم هتعلموها موضوعات كذا وكذا ،،، فلازم نكون مخططين كويس للموضوعات دى وماشين بنظام معين علشان الناس تحس انكم بتفدوهم فعلا مش مجرد موضوعات ملهاش علاقة ببعض بتتحط وخلاص لازم الموضوع نحس منه انة مترابط وبيكمل بعضة واختاروا موضوعات مهمة سهله للاعضاء علشان يستفادوا فعلا لان الغرض الاساسى هو الاستفادة اكتر من كونة بنضبط موضوع وخلاص أخيرآآآآآآ:sly: :star: :star: :star: ' ' طبعا انا حاجات كتير فوق دماغى فى الحمله من تنظيم ومتابعه يومية ورد ع استفسارات لانى لما بحب اعمل حاجة بتابعها بنفسى علشان تطلع مضبوطة وراضية عنها علشان كدة قسمتكم مجموعات وقائد لكل موسوعة فيه موسوعات مريحانى خالص وماشيلتنيش همها فعلا طبعا بشكرهم وفى مجموعات محتاجة دايما انى اكون معاها،، علشان كدة لاقيت ان فى موسوعات محتاجة تضبيط شوية وتناسق اكتر بين اعضاءها زى موسوعه الادعية والاذكار لان معظمها اعضاء جديدة وكانت محتاجة قائدة متواجة دايما طبعا مون لاف بنوتة جميله بس الموسوعه كانت محتاجة تواجد اكتر منها فى المتابعه ولكن للاسف هى كمان مشغوله فى رمضان شوية فعلشان كدة قررت فى الموسوعه دى بالذات احط مع مون مساعدة قائدة علشان لو واحدة فيهم مكانتش متواجدة التانية تكون موجودة القائدة مون لاف مساعدة القائدة هى Noda بس لو نودا هتكون مشغوله تبعتلى لانى فى الحاله دى هضطر استعين بحد خارجى يشيل الموسوعه كلها كقائد لان الموسوعه دى محتاجة تضبيط ومتابعه فعلا لانهم لو هما الاتنين انشغلوا هشد فى شعرى انا القائدة ومساعدة القائده دورهم:sly: :star: :star: :star: ' 1- لازم يتعاونوا مع بعض ويتواجدوا ويتابعوا الموسوعه فلو لاقوا بنوتة اتأخرت شوية عن معادها تتدخل واحدة فيهم تنبهها ولو الموسوعه مانزلش منها حاجة قبل المغرب تتدخل هى وتحط الجزء 2- يتابعوا الادعية اللى بتنزل اذا كانت متكررة ولا لأ ومافيش واحدة فيكم تعتمد ع التانية لما تشوفوا حاجة ناقصة والموسوعه بتاعتكم محتاجاها اعملوا ع طول مش تقولوا التانية هى اللى تعمل يعنى الموسوعه محتاجة متابعه مستمرة هتقدرى يانودا ولا لأ خلصنا الملاحظات ندخل ع التقييم:sly: تعالوا افهمكم التقييم هيمشى ازاى :star: :star: :star: اول 10 ايام هختار افضل موسوعتين (مركزين) تانى 10 ايام هختار مركزين وفى نص الشهر كدة هيتعمل استفتاء لكل الموسوعات ماعدا المراكز الاولى اما الموسوعه اللى الاعضاء هتختارها هتتحط فى التنافس بين الموسوعات الاولى (الاولى فى اول 10 ايام والاولى فى تانى 10 ايام) وكدة هنكون خرجنا ب3 موسوعات فى التقييم النهائى منهم واحدة بإختيار باقى الاعضاء والتلاتة دول هيكونوا كدة كدة كسبانين لان التقييم النهائى 3 مراكز اما الترتيب هيكون حسب وجة نظرى فالموسوعه المنتظمة طول الشهر واعضاءها منتظمين فى الردودو والتفاعل هيكون لها الاولوية فى المركز الاول وممكن اعمل اى مستجدات جديدة فى التقييم تعالوا نشوف تقييم اول 10 ايام فى الحملة الرمضانية:sly: :star: :star: :star: اولا : شكر خاص جدا للمشرفه العسوله м a я a м واللى اتبرعت انها تشارك فى تصميم جوائز الحمله بلا مقابل بشكرك ياحبيبتى :::star: ثانيا تم استبعاد كل الموسوعات اللى اتأخرت فى يوم ونزلته بعد الافطار اتبقى عندنا 3 موسوعات اختارت المركز الاول للموسوعه اللى حسيت انها حابة تفيد الاعضاء فعلا وعملت فكرة جديدة فى الموسوعه ونزلت موسوعتها بشكل مفيد رغم ان موضوعها كان محتاج تنظيم كبير :star: :star: :star: المركز الاول:sly: :star: :star: :star: كان لموسوعة مكارم الاخلاق شهادة تقدير + 100 مشاركة لكل عضوة فــــــــــرح Beauty soul فراااشه ألف مبروك لأعضاءها الثلاثة شهادة التقدير وحصول كل واحدة منهما ع 100 مشاركة وحطوا الشهادة فى توقيعكم :star: :star: :star: المركز الثانى:sly: :star: :star: :star: لموسوعة اسماء الله الحسنى 75 مشاركة لكل عضوة sαяsσυяα حب مهزوز иεαт GiяL الف مبروك حصول كل واحدة منكم على 75 مشاركة تنسيق جميل ونشاط حلو للموسوعة :star: :star: :star: كان التنافس بين موسوعتين هما السيرة النبوية واسماء الله الحسنى فتم حساب عدد ردود اعضاء افراد الموسوعتين فى باقى الموسوعات الاخرى طبعا انا بعامل اعضاء الموسوعه كوحدة واحدة يعنى اللى لو واحدة منكم ردت هيتحسب للموسوعه ككل واحد ولو انتم التلاتة هتاخد الموسوعه 3 وهكذا كان الفرق كبير فى المشاركات بين الموسوعتين فموسوعه اسماء الله الحسنى كانت مشاركاتها اعلى لحرص التلات اعضاء فيها ع الرد عكس موسوعه السيرة النبوية كانت معظم المشاركات لدنيا فشدوا حيلكم معاهاياجماعه فى النهاية بشكركم جدآآآآ واتمنى انى اشوف تنافس اكتر وشغل عالي فى العشر ايام الجايين واللى المفروض تزود فيهم الطاعه عن العشر اللى فاتوا ونكون بنتقدم مش بنتأخر ولاتنسوآ ان تجددوا نيتكم وتجعلوا العمل خالص لوجه الله تعالى اى مشاكل / استفسارات قولوا عليها:sly: واسيبكم تهنوا بعض :star: :star: :star:

[SplendiD SouL]

مجهود مميز ياسيرين وملاحظات جميله
اولا انا شخصيا استفدت جدا من الموسوعات حاجات كتير اتعلمتها
بصراحه مش كنت عارفها وكمان الثواب كفايه اوي
وثانيا بقي مبروك للموسوعه بتاعتنا والفضل من وجهة نظري يرجع لفرح بجد مهتمه بالموسوعه اوي
ومتابعه معانا دايما ربنا يوفقها
وبعدين بقي مبروك ليا ومبروك للموسوعة اسماء الله الحسني
الشهاده حطتها اهون :icon30:

[Sєяєєη●•ʚɞ]

مبروووك ياقمرى
انتم بقيتوا مركز اول يعنى لازم تحافظوا عليه لحد نهاية الحمله علشان تفضلوا فى التقييم والمنافسة
يعنى المفروض يكون شغلكم من نار والشغل يعلى علشان تحافظوا ع المركز دة وتتدخلوا فى التقييم النهائى مع الموسوعتين اللى هيتم اختيارهم باقى الشهر
انتم بالنسبالكم بقى ليكم فرصة فى الدخول فى التقييم النهائى لكن اى تقصير ممكن يمنع الفرصة دى
فدى نصيحة منى ليكم
ومبسوطة كتير ان الحمله عجباكى وفادتك
وكوغيس انك حطيتى الشهادة

[فراااشه]

شكرا ليك يااحلى مشرفه مجهود رائع للمنتدى منك

[beautycat]

الف الف مبروك لكل الموسوعات اللي فازت
ومجهوووووووود رائع يا سيرو
ان شاء الله نهتم اكتر ونقدم الافضل
وعلم وسوف ينفذ حبيبتي
ربنا معانا يارب