يوميات مستكة وعصفور

[banouta]

النهارده جبتلكم قصه علي هيئه يوميات


يارب تعجبكم



عصفور ومستكة متربيين مع بعض من زمان
وساكنين فى شارع واحد وكمان قرايب وفى مدرسة واحدة
عصفور ولد زى العسل وطيب جدا وفيه صفات حلوة كتير
ومستكة بنت خالته بنوتة شقية ودمها خفيف.

وهما دول ابطال قصتنا

ملاحظة: عصفور بيحب يرخم اوى على مستكة

الحلقه الاولى هاحطها بعد الموافقه علي الموضوع

ولو عجبتكو عايز ردود وهكملها ان شاء الله

[banouta]

ايه يا جماعة مردتوش انزل اليوميات ولا لا

[banouta]

الحلقه الاولى

مستكة:الو
عصفور: الو , مين معايا ؟؟
مستكة: انا مستكة يا عصفور مش عارف صوتى
عصفور: مستكة مين (طبعا بيرخم عليها)
مستكة: اخص عليك يا عصفور انا كدة ازعل
عصفور: خلاص خلاص بهزر معاكى
مستكة: ايه الهزار ده يا عصفور انا افتكرتك مش عارفنى
عصفور: لا طبعا مقدرش معرفكيش
مستكة: بجد يا عصفور؟؟
عصفور :طبعا يا مستكة يعنى بنت خالتى ومعرفكيش
مستكة : بنت خالتك....بس ؟
عصفور : احم...آآآآ قصدى يعنى بنت خالتى وقريبتى وكدة يعنى ازاى معرفكيش
مستكة : وكدة يعنى ...ممممم ماشى يا عصفور (وهى متعصبة) ماما عزماكو بكرة على الغدا انت وخالتو وعمو.
عصفور : وانتى عيزانى اجى ؟
مستكة : لا مش عيزاك ( وبتقول فى سرها يارب يجى )
عصفور : خلاص انا جى بكرة...المهم طابخين ايه بقى ؟
مستكة : تعالى كل وانت ساكت
عصفور : ماشى اى حاجة هاكلها عندكو زى العسل بس اهم حاجة بلاش انتى الى تطبخى والنبى
مستكة : ليه بقى ياسى عصفور مالو طبيخى ؟؟
عصفور : احم ... ولا حاجة مالوش
مستكة : اوك يا عصفور سلام وماتنساش تقول لخالتو
عصفور : مستكة.....انتى هتقفلى؟؟
مستكة : عايز حاجة يا عصفور ؟
عصفور : احم آآآ كنت عايز اقول حاجة كدة بس بصراحة مكسوف يعنى
مستكة : قول يا عصفور ....... (ياربى اخيرا هينطق)
عصفور : لا انا مكسوف
مستكة : متتكسفش يا عصفور
عصفور : طب ونبى قولى لخالتو ماتنساش المخلل بقى عشان بحبه اوى
مستكة قفلت فى وش عصفور



وتانى يوووووم................

تررررررررررن (جرس الباب)............





نكمل الحلقة الجاية..