إفتح قلبك

[قلم بلا حبر]

بسم الله الرحمن الرحيم

السلام عليكم

إفتح قلبك





برنامج حوارى خاص ,,,

بنعتمد فيه على صراحة العضو وجرأة وقوة الآسئله

مفيش اى نوع من الخطوط ,,

لا حمرا ولا سودا ولا حتى تركواز

شروطنا ,,

انك تقبل اسئلتنا

مش حنجبرك تقول الصراحه ,,

بس احنا حنعرف نطلع منك المعلومه

مش حنجبرك تشارك

بس اكيد حنكشفك قدام نفسك

البرنامج اكيد مش حيشترك فيه كل الناس

لانه محتاج حد جرئ

وحد واثق من نفسه

وحد عنده استعداد للاعتراف بغلطه






معنديش مانع ان البرنامج يتعمل منه حلقه واحده طول الشهر





بس تكون حقيقيه





من غير مجاملات




من نوعية الاجابات الديبلوماسيه ,,




وان المناطق دى محظوره



احنا حاطين البرنامج ده فى القسم للتحدى ليس الا ,,,,,



لو محدش اتقدم لخوض التجربه ,,




مفيش عندنا اى مانع ,,




ويبئى القسم كسب التحدى




حتقدر تقاوم نفسك




وتبرز مواطن ضعفك




وتعترف باخطاؤك




يبئى اكيد انت قبلت التحدى




مش حنكلفك حاجه ,,




لا رسوم




ولا دمغات




ولا مخالفات





كل اللى عليك تضيف ايميل البرنامج





وتعلنها صريحه





انك قبلت التحدى فى رد فى الموضوع





واحنا بدورنا حنحدد معاك ميعاد






لخوضك التجربه بكل اسراراها



افتكر ان التحدى مش سهل ,,,




محتاج منك وقت كبير تفكر ,,






ياترى انت قد انك تفتح قلبك




ياترى حتقدر تجاوب وتصارح وتعترف



** ليك فى البرنامج 3 BASS





لو خلصتهم حتكمل لاخر البرنامج وانت مجبر ترد على كل الآسئله





ايا كانت هى ايه الآسئله




وافتكر ان أصعب موقف ممكن يمر على الانسان



لما يكشف عيوبه قدام نفسه ,,,




فما بالك لما يكشفها قدام الاخرين




-- انا حاسس انك خفت



وبدأت فعلا تتراجع




وحتفكر تانى انك تخرج من الموضوع




وتعمل نفسك ماخدتش بالك من العنوان





وصدقنى ده فعلا الاجراء الصحيح





ده فى الاخر تحدى




مش دعوه




او استضافه ,,





حتقول فيهم كلمتين وتمشى





الاسئله غير متوقعه ,,




ومش مكتوبه




وحتتاخد من اجوبتك





ومن معلومات حنجمعها عنك






يعنى الموضوع مش سهل ,,,





فاحسنلك يا ابن الناس تعمل نفسك مبتعرفشى تقرا





وتخرج من وجع الدماغ ده ,,





والباب اللى يجيك منه الريح




محدش ضامن ,,





مش ممكن تعمل فيها بطل




وتقول انا حشارك






وتلاقى نفسك اتخبطت فى سؤال





تقف قدامه وتقول ياريت اللى جرى ما كان






ما تخليك يا ابن الناس زى ما انت




محدش يعرف عنك حاجه





غير اللى انت عايز تعرفهوله ,,,





وصورتك تفضل زى ما هى ,,,






بس فى نفس الوقت





اه لو قدرت تكون انسان شفاف ,,




اكيد احترامك حيذيذ ,,





وقبولك عند كل اعضاء المنتدى حيذيد ,,






وقبل كل دول انت قدام نفسك حترتاح






القرار بايدك






احنا مش فارق معانا




الموضوع يفضل لاخر رمضان زى ما هو






من غير اى مشاركات





بالعكس حنبئى احنا اللى كسبنا الرهان





اسيبك انا دلؤتى تفكر ,,





وتعيد ترتيب الامور ,,





القرار مش سهل




:
:
:
:
:
:
:
:
:
:


ياترى الموضوع يستاهل انى اكشف نفسى وحياتى قدام الاعضاء ؟

:
:
:
:
:
:
:
:


طيب اشمعنى انا ما اكيد كتير مش حيشاركوا ؟



:
:
:
:
:
:
:
:
:


طيب فرضا سألنى عن .......... ساعتها حعمل ايه ؟



:
:
:
:
:
:
:
:




ياترى حكدب ؟


:
:
:
:
:
:
:
:
:
:



طيب ما هو فى ناس عارف الحقيقه وكده حيعرفوا انى كداب ؟



:
:
:
:
:
:
:
:
:


والا اقول الحقيقه وساعتها موقفى قدام باقى الناس كلها حيبئى شكله ايه ؟







ياترى .....................



ــــــــــــــــــــــــــــــــــــــــــــــــــ ـــــــــــــــــــــــــــــــــــ



وطبعا مش محتاج اقول ان الموضوع ده يمنع وضع اى ردود فيه سوى للى حيشترك بس ويقول

انا قبلت التحدى

اى ردود غير كده حتتحذف بدون اعلام كاتبها ,,

لا شكر على الموضوع ولا على الفكره ولا اى حاجه

فى الانتظار ..............................................

[قلم بلا حبر]

واضح انك سرحت فى التفكير

لدرجة انك نسيت هو فين الايميل ,,, ههههههههههههههه


الايميل اهو ولا يهمك

eft7.2albek_msryat@yahoo.com


بس بصراحه


انا عن نفسى حفكر 500000000 مره قبل ما اعمل فيها عنتر فجله


معاك وقتك ,,, التحدى لحد يوم 27 رمضان

وبعد كده

انت من طريق والبرنامج من طريق

معاك ربنا يا بركه

[Dr.nour]

حلو آوى آوى آوى
عجبتنى الفكره وطريقه الطرح ,,
والتشويق والجرآه فى الكلام ,,

.
.
.
.
.
.
.
.
.
.
.
.
.
.
.
.
.
مشتركه بآذن الله ,,

بس آنـــآ مش عنتر فجله ,,
:icon31:

[Lαzєzα]

ايه جو الرعب ده؟^^

عامه


مشتركه ان شاء الله

مش فاهمه بقى ايه حكايه الايميل دى؟

[countess]

قوي جدآ البرنامج


متابعين معاكم

[فــــــــــرح]

مش عارفه ليه اما شفت الموضوع
مش حقول ضحكت
بس حقول ابتسمت ابتسامه عريضـــــه

طب في لحظة الحقيقة ..
كان الرهان على 500.000 ريال


*_^

هنا حيكون على ايه ..؟؟

واي اللي يحوج اني اشترك هنا ؟؟


عشان كدا


انا مشتركة وبكل قووووة

عاوزه اعرف مين اللي بيحبني وحتقبلني بعيوبي
ومين اللي حيشمئز مني
لصراحه انا محتاجاها ...

وانا مؤمنه جداااا بمبدأ

( إن خفت لا تتكلم ,,, وإن تكلمت لا تخف )

وكل سنة وانتم طيبين

[Words Whisper]

حلوة اللعبة

مع اني مش عارفة نوعية الأسئلة هتكون ايه

بس فعلا الفكرة عاجباني

او بمعنى أدق عجبتني طريقة العرض

حسيت انه من سيربح المليون

و جورج قرداحي بيخوف المتاسبقين ههههههه ..

اوكـ ماشي تراي ..

[فارس الكلمة]

قلم بلا حبر
رائع موضوعك ما بالك لو كان فيك حبر ماذا كنت كتبت
موضوع رائع جدا ومشارك معكم ولكن بشرط
أمتنع على أى سؤال يحتاج لكشف الحقائق الشخصية ههههههههههه
لا بجد موضوع كتير رائع تسلم عليه

[rany]

بجد الفكرة ماشاء الله تحفة تسلم عليها
وانا عايزة اشارك فيها

[قلم بلا حبر]

5+1

معقوله كل الناس دى عايزه تنتحر ,, اممم قصدى عايزه تشارك

انتو ايه يعنى

عايزين تثبتوا لنفسكم انكم 100%

طويب

قدامنا شهر رمضان ,, واحد ورا التانى حيندم انه فكر يحط رد فى الموضوع ده

اتفضلوا يا اساتذه ,,, واحد واحد من هنا

الآخت اللى فى الاول (( Dr.nour ))

انتى كده دخلتى المرحله التانيه من البرنامج

حنبعتلك رساله فيها شروط البرنامج (( وبالمره نحاول نعقلك تانى عن اللى انتى ناويه تعمليه ))

ونستنى منك رساله

يا اما موافقه ,,, يا اما تريحى وترتاحى

فى ملحوظه لفتت نظرى ,,, مش عارف حد خد باله منها والا لآ


ان اللى قرروا يتحدوا نفسهم ,,, 5 بنات وولد

ده معناه ايه ؟

اسيبكم تفكروا

ويمكن من السؤال تقدروا تعرفوا برنامجنا شكله ايه

No mercy