جميع حلقات برنامج (( كلام وحكايات )) مع (( ahmed seven ))

[AHMED SEVEN]

الحلقة الاولى بعنوان نفسك تطلع ايه ( باختصار )

:SuN014:

اقولكم نكتة فى الاول بس نكتة بايخة .. مرة واحد مجنون لقي كنز كله دهب وياقوت قال الحمد الله بس لو القي الخريطة .. هههه بايخة اوي هههه

سؤال بنتسأله واحنا فى سن الطفولة البريئة سؤال مابيتحققش الا بنسبة 1% وبتبقي بالصدفة .. السؤال هو نفسك تطلع ايه لما تكبر؟ كل واحد وليه رده بس مش عارف ليه متقسمه تقسمتين كده يعنى الولاد ياما ضابط يا ما دكتور والبنات ياما دكتورة يا ما مدرسة او مدربة فى سيرك ههه المهم انها اجابات الاطفال متبرمجين عليها زي الكمبيوتر دوس على الزرار يجاوب .. ما الاطفال بيشوفوا وبسمعوا يعنى لما واحدة تيجى تبوس الطفل المسكين ده وتقولوا يا رب اشوفك دكتور قد الدنيا مش عارف قد الدنيا ازاي المهم لاكن عمركم شوفتوا ولد اتسال وقال انا نفسى اطلع نحات مثلا او كاتب او عالم .. لا اظن ده يبقى من القلائل النابغة .. بصراحة وزى ما كلنا عارفين ومجربين التعليم فى مصر يجيب شلل الاطفال للاطفال وللكبار .. يعنى حاجة كده زي المربي بالسبانخ هي حاجة توجع العقل تتعبه وترهقه على الفاضي ... يعنى انا وانا صغير كنت عايز ابقي صحفي او ضابط رغم ان انا بموت فى الرياضة موووت وتلت اربع اصحابي مابيحبوش الرياضة دي بيكرهوها كمان النحو كنت جامد فيه وبرده اصحابي كتير كانوا مابحبهوش طيب لو يسالوا الولد ده بيحب ايه ايه المواد اللى جايب فيها درجات عالية يعنى اكبر درجات فى 3 مواد يعنى لو فى العربي كويس اوى وفى الرياضة وفى الدراسات يبقى يتعلم فى المرحلة اللى بعد كده حاجات تنمي ده وتزوده وتفيده احسن بكتير لما ياخد مثلا كيميا وهو مالوش فيها خالص وبيكرها او علوم او لغة مابيحبهاش ومش هتفيده يختار اللغة اللى هو حاببها مش ياما فرنساوي او المانى طيب ولو عجبك .. تعليم اللغة الانجليزية فى الاول فى المدارس الحكومية زفت الصراحة صحيح هيدوروا على اللغات التانية وفى الاولى مش مهتمين .. انا وانا فى الحضانة وانا قد عقلة الصباع كنت باخد الحروف الانجليزية وحفظتهم صم زي اسمي وكنت مبسوط لان مش كل الولاد اللى اعرفهم حفظنها جيت دخلت اولى ابتدائى مفيش انجليزي ولا تانية ولا تالتة قال ايه الانجليزي فى سنة رابعة 4 مش ممكن صعب اللغة كل ما تبقي بدري كل ما هتبقي اسهل كتيير .. ما علينا .. انا كنت بتكلم فى اي اصلا ههه الحلم البريء امتى تصنع حلم تقدر او تقدري تحلمي وتحققي حلمك بايدك هو ده النجاح اللى بجد ان الانسان يصنح حلمه بنفسه ... متكدبوش على الاطفال الابرياء هه طبعا الاولاد الايام دي مش اطفال دووول شياطين لاكن مش حلو ابدا نسالهم سؤال ملوش اساس ومينفعش نقلهم لما تكبروا هنعملكم كذا وكذا وفى النهاية ميلقوش اعرف هما بيحبوا ايه وابنى حلمهم على هذا الاساس علمهم اللى بيحبوه ودي تبقي البداية ...


اللى اللقاء غدا وحلقة جديدة وكلام جديد من برنامج كلام وحكايات

[TIMO]

برنامج جميل يا معلم
فعلا التعليم فى مصر دا تعليم تعبان
تعليم يقفل المخ مش يفتحه
عك وليس كله كويس
متارع يا معلم معاك

[ساحر الأحزان]

كلمات وفضفضات جميلة يا احمد

وكل عام وانت بخير

[sεηυσяιтα ησOση]

كلام جميل وحلقة حلوة وبانتظار الجديد

[عاشقة ذكر الله]

حلقة جميييييييييييلة جدا

فعلا التعليم المصرى كله عك فى عك وكله بيعتمد ع الحفظ موش ع الفهم

تسلم ايدك

[βзήŦ ℓǻẑĨήǻ]

هههههههههه
النكته بايخه اوي كويس انك عارف
علي فكرة هو ده بأه نتيجه التعليم في مصر
كانت حلقه دمها خفيف وفي انتظار الجديد بس
بالله عليك من غير نكت ^_^

[بنت المختار]

مية مية لما الواحد يدرس شي بحبو رح يطلع بنتيجة احسن وافضل من شي مفروض عليه ومش بحبو
وفعلا المفروض نعرف الصغار بيحبو اية ونمي حبهم وقدراتهم للشيء الي ممكن يبدعو فية
كلام وحكايات فيها معنى
أحمد
يسلموووووووووو

[falta tanto amor]

برنامج جميل ودمه خفيف اوي

افتكرت وانا بقرا البرنامج ده ان كان فيه طفل قريبنا

لما نساله نفسك تطلع ايه لما تكبر كان يقولنا ...... حانوتي

هههههههههه بجد والله اهو ده غير كل الاطفال

تسلم ايدك يا احمد عالبرنامج لذيذ اوي وممتع

[AHMED SEVEN]

اقتباسالمشاركة الأصلية كتبت بواسطة TIMOبرنامج جميل يا معلم
فعلا التعليم فى مصر دا تعليم تعبان
تعليم يقفل المخ مش يفتحه
عك وليس كله كويس
متارع يا معلم معاك


ايه كله معلم معلم مفيش افندي ههه تسلم يا ريس انت لسه شوفت حاجة التقيل جاى ورا ههههه وتابع يا معلم هههه .. تحياتي ليك يا مبدع

[AHMED SEVEN]

اقتباسالمشاركة الأصلية كتبت بواسطة ساحر الاحزانكلمات وفضفضات جميلة يا احمد

وكل عام وانت بخير



تسلم يا ريس على مرورك .. نورت الصفحة والبروجرم ... وانت بخير .. بس كنت منتظر ولو تعليق صغير بس عادي .. تحياتي الغالية