..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : إيلاانا - مشاركات : 4 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


إفتح قلبك -- الحلقه الآولى -- Dr_nour

بقلم أعضاء بنات مصر - حصري


إضافة رد
 
LinkBack أدوات الموضوع انواع عرض الموضوع
قديم منذ /08-06-2011, 04:36 PM   #1

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

إفتح قلبك -- الحلقه الآولى -- Dr_nour

بسم الله الرحمن الرحيم
السلام عليكم
اهلا ومرحبا بيكم فى
اولى حلقات


إ فتح قلبك



طبيعى الانسان يكون جواه هموم ومشاكل


















وطبيعى بنواجه كل يوم صعاب






















بتسيب فى الغالب اثار فينا


























ومع اذدياد الضغوط اليوميه























بنلاقى نفسنا بنضطر نوقف



























ونبحث عن حد يسمعنا
























بنكون محتاجين نفضفضله
























نخرج اللى جوانا






















احيانا بيكون فى نوعيه بتكابر


























حتى لو كان على حساب نفسها





























وبتصر على الكتمان جواها


























وفى كمان اللى بيكتم بسبب خوفه
























او عدم جرأته على تحدى نفسه























بس فى النهايه
























إفتح قلبك






















برنامج بس لكل جرئ

























بس لكل حد حابب يتحدى نفسه























بس لكل حد محتاج يخرج اللى جواه























ومع او فتح لنادى تحدى (( إفتح قلبك ))























كان اول اشتراك
























سريع حبتين
























بس جرئ جدا
























فى الوقت اللى كانت نسبة المشاهدات فيه بتعلى
























كانت هى اتخذت القرار بالمشاركه























مع اجماع الاغلبيه ان غموض البرنامج سبب ليهم حالة رفض مؤقته للاشتراك فيه



























هى بنوته عندها 19 سنه
























من مدينة المحله
























متواجده فى المنتدى
























نشيطه ,, بس متسرعه























اتحدت نفسها























واتحدت البرنامج























حاولنا نرجعها عن التحدى ده























كانت مصممه























استخدمت 3 BASS
























بس مش ده المهم
























المهم انكم حتابعوا الحلقه
























وتقرروا
هل هى فعلا صريحه وجريئه ؟























والا من نوعية محبى الظهور والشو ؟























معانا مشرفة قسم الصحه





Dr_nour


خلونا نرحب بيها







وقبل ما نبدأ .....





ناخد فاصل خفيف ونرجع تانى بسرعه




مع ضيفتنا الجميله
Dr_nour فى






















جربت انك تناقش ومحدش يسمعك











مليت من الصوت العالى فى ساحات النقاش











اتخنقت من اللى بيتكلم ومبيسمعشى

































خطوتين للخلف



























وسيبك من ده كله


















وشارك معانا فى












حوار بعد الفطار على الرابط ده











  رد مع اقتباس
قديم منذ /08-06-2011, 04:55 PM   #2

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي




رجعنالكم تانى فى
افتح قلبك

وضيفتنا واضح انها جايه متحمسه للغايه

طيب خلونا نلقى عليها نظام البرنامج

اللى حيكون العقد اللى بينا وبينها لحد اخر الحلقه

eft7.2albek: انتى فى برنامج مش مطلوب منك حاجه غير انك تصفى ذهنك
انتى اشتركتى وانتى متأكده ان فى جزء من حياتك حتضطرى تظهريه قدام الآعضاء
شوفى الفون وانا حكتب وبعدين ارجعى تابعى معايا
مش اى حد بيوافق انه يظهر بحقيقته قدام ناس فى الاساس هم بالنسبه ليه غامضين
علشان كده قلنا انه تحدى
وان محدش بيقبله او حيقبله وده مكنشى حيزعلنا
اتجاوزتى مرحلتين من عمر البرنامج
الاولى انك مفرقشى معاكى مقدمة البرنامج وكنتى جريئه واشتركتى
التانيه اننا حاولنا اثناءك عن فكرة الاشتراك فى رساله خاصه وعرض شروط البرنامج الصعبه
وبرده وافقتى
ودلؤتى انتى معانا فى اخر مرحله وهى حضرتك قاعده قدامنا ومستعده للظهور
بشكلك الحقيقى
بجزء كبير من حياتك الحقيقيه
باراء كتير قوى من الناس ممكن يتفاجأوا بيها
نظام البرنامج
منعا للمقاطعه حيكون فى رمز بعد ما تخلصى الاجابه حتكتبيه
اللى هو ده
#@#
قبل ما تكتبى الرمز ده معناه ان اجابتك لسه مخلصتشى
وانا نفس الطريقه
طبعا ليكى 3 BASS
مش عايز اكتر عليكى
بس انتى جاهزه


nour: ثوانى
ليا 3 ايه ؟؟


eft7.2albek: باس
ممكن تفوتى اى سؤال باستخدام الباس ده
بس بمجرد ما تخلصى التلاته
حيبئى قدامك بديلين
الاول تكملى للنهايه مع الاسئله
التانى انك تنسحبى


nour: ولما انسحب ايه الى هيحصل
؟


eft7.2albek: خلاص حيكون البرنامج انتى لحد كده
بس احنا كسبنا التحدى


nour: حلقتى هتنزل؟


eft7.2albek: طبعا ومعاها انك انسحبتى


nour: طيب
تمام
اتفضل


eft7.2albek: اوك نبدأ
كنتى اول حد اتجرأ وقرر انه يشارك وبرغم شروط البرنامج الصعبه
قلتى انك مستعده لها
ياترى دى رساله لمين
هل لنور
او لحد تانى ؟
#@#


nour: مآ كآنتش رسآله لحد خآلص
مجرد انى حآسه انى مبعملشى حآجه غلط
ومش خآيفه من حآجه آو من حد يبقى ليه ما اشتركش
#@#


eft7.2albek: نفهم من كده ان حياتك هى الصحيح المطلق
وان نور مبتغلطش
#@#


nour: لاء طبعــآ ,, انا انســآن ,, والانسآط دآيمــآ بيغلط ,, بس بحــآول على آد مآ آقدر انى اتجنب الوقوع فى الخطآ
ودآ فى حد ذآته اول طريق الصح
اه يآمآ الوآحد غلط
بس المهم انك تتعلم من غلطك وما تكرروشى
#@#


eft7.2albek: الجمله الآخيره دى كم مره اتحققت فى حياتك
انك متكرريش غلطك
وكام مره مقدرتيش تحققيها
#@#


nour: مممم ,, ممكن نقول 75 % اتحققت
زى مثلا ان انا كنت بثق فى النآس بسرعه جدآ وفى اى حد,, على عكس دلوقت خالص
و25%ما اتحققتش
حآجآت حيآتيه عآديه
بس نحآول نوصل لنسبه اعلى
عشان الانسان لو مكآنش دآئم المحاوله انه يصلح لنفسه
هينزل لتحت مش هيطلع لفوق
#@#


eft7.2albek: بتشوفى ان نور بتناقض نور ؟
#@#


nour: سعآت
يعنى سعآت احكم على موقف بعقلى اوى
واجى ابصله بمنظور تآنى ىلآقى نفسى غلط
فدآ فى حد ذآته تنآقض
#@#


eft7.2albek: انا قصدت التناقض بمعناه الحقيقى
انك تؤمنى بالشئ وضده فى نفس الوقت
#@#


nour: ما بيبقآش ايمآن
بيبقى تضآرب فكرى ولخبطه وجدآنيه جوآ الشخص
او غموض خآرجى للمعتقد نفسه
انما ما حدش بيؤمن بشئين فى نفس الوقت
#@#


eft7.2albek: طيب تفسرى بايه لما تقولى وده على لسانك
ان الواحد لازم ميعتمدشى على حد لوحده ويديله ثقته
ومن ناحيه تانيه
تقولى النقيض
ان ثقتك مركزه فى شخص واحد
اللى هو
د فارما
#@#


nour: عشان زى ما جاوبت حضرتك فوق
سعات بحكم عقلى فى موقف
يخلينى اقول ان
الواحد لازم ميعتمدشى على حد لوحده ويديله ثقته
ولمآ اجى احكم مشآعرى
اقول


eft7.2albek: ان ثقتك مركزه فى شخص واحد
اللى هو
د فارما
#@#


nour: اجابتى كانت خلصت بس نسيت احط العلامه


eft7.2albek: افهم من كده ان علاقتك برفيف معتمده على مشاعرك اكتر منها على عقلك؟
#@#


nour: ايون


eft7.2albek: ياريت الرمز يا نور


nour: طيب معلشى والله
#@#


eft7.2albek: د سما ----- د رفيف
شايفه كل واحده فيهم ازاى
؟
#@#


nour: د/ سمــآ بغض النظر عن انها بنت خالتى
فهى بنى ادمه محترمه وعآقله ويعتمد عليها وقويه
بس احيــآنآ بتحكم مشآعرهآ على عقلها
ممكن نقول بحكم طيبتها
د/ فارما
اجمل حد قابلته فى حياتى
ممكن نقول هى ورده فى بستآنى


eft7.2albek: الرمز يا دوك؟؟؟؟


nour: لسه بكمل
مممم
بس بردوآ سعآت بتنشف دمآغهآ
على منها بتكون غلط
ودآ العيب الى فيها انها دمآغها نآشفه حبتين
بس هتطرى ان شاء الله
#@#


eft7.2albek: فارما ورده فى بستانك
واجمل حد قابلتيه
مع ان علاقتك بيها مبنيه على تغليب المشاعر على العقل
زى ما قلتى
ومع ذلك بتعيبى على سما
انها ساعات بتحكم مشاعرها على عقلها
مش شايفه ان فى حاجه غلط فى الجزئيه دى ؟
#@#


nour: بردوا
حضرتك بتتكلم فى جزئيه شرحتها مرتين قبل كدآ
انا سعات مببقآش عارفه احكم عقلى ولا مشاعرى
فبشوف الصح واعمله اللى حد كبير
#@#


eft7.2albek: ده بناءا على وصفك لنفسك بانك مزاجيه ؟
#@#


nour: لو حضرتك بتسمى دآ مزآجنجيه
فمآشى
مشيه مزآجنجيه
#@#


eft7.2albek: انا مش بوصف ,, بس انتى وصفتى نفسك قبل كده انك مزاجيه ؟
#@#


nour: انا فاكره كويس الى حضرتك بتقول عليه
فى حوارى مع نودى فى حياتك تحت المجهر
قولت معتدله تترواح بين المزآجنجيه وحآجه كمان
بس دآ كآن على سبيل الفكاهه فى الكلام
انا معظم كلامى ع المنتدى بيبقى فى حدود الفكاهه الى حد ما
#@#


eft7.2albek: بعد ايام مش كتير قوى حتدخلى نادى العشرين ,,,, ياترى نور قبل العشرين هى بعد العشرين ؟
#@#


nour: ايام مش كتير اى بس
لسه سنه
بحالها
الله اعلم
مبحبش احكم على حاجه ما خوضتهاش
#@#


eft7.2albek: حاسه انك لسه مراهقه ؟
#@#


nour: مين حسسك بكدآ
؟؟


eft7.2albek: الرمز يا نور


nour: #@#


eft7.2albek: انا اللى بسأل فى البرنامج
حاسه انك لسه مراهقه ؟
#@#


nour: لاء الحمد لله مش هقول لحضرتك عديت المرحله دى
بس اوشكت عل ى الخروج بآمآن
من غير خسآير كبيره
#@#


eft7.2albek: اكبر خساره كانت ايه لحد دلؤتى ؟
#@#


nour: مممم
انا لحد دلوقت ما وقعتش فى الحب
كل الى مريت بيه كآن اعجاب
والاعجاب خلآنى فى مره اتخلى عن مبدآ ليآ
وندمت عليه بعد كدآ
وهى دى كانت الخساره


eft7.2albek: الرمز يا نور


nour: #@#
اسفه


eft7.2albek: ولا يهمك
: 2010 ؟
#@#


nour: بردوا اظاهر حضرتك قريت حياتك تحت المجهر كتير
المهم
عآدى سنه زى اى سنه بس كآنت حآفله بالمشآكل
بس الحمد لله عدت
والحيآه من غير مشآكل اكيد ملهاش طعم
عشآن كدآ قولت انها اتعس واحلى سنه فى نفس الوقت
على قد ما قاسيت فيها كتير على قد ما اتعلمت منها بردوا كتير
وقبلها كانت نور حاجه
ودلوقتى حاجه تانيه
#@#


eft7.2albek: ممكن نربط بين ندمك على تخليكى عن احد مبادئك والسنه دى ؟
#@#


nour: لاء خآلص مفيش علاقه
دى كانت حاجه ودى حاجه
#@#


eft7.2albek: يبئى تختارى حاجه من الاتنين تتكلمى عنها
يا اما المبدأ اللى خسرتيه
يا اما القرار اللى اخدتيه فى 2010
؟
#@#


nour: ممممم
القرآر الى اخدته
هو دخولى كليه طب
الى كان حلم بالنسبه ليا من وانا ف اعدادى
وبعد ما دخلتها كان الحلم اتبخر
كان خيالى فيه حاجه
والى انا شوفته حآجه تنيه خآلص
مممم
نقدر نقول اتبهدلت فى الكليه دى كتير
: #@#


eft7.2albek: كلامنا عن اخطاءنا بيساعدنا نتخلص من الندم عليها ,,,,, ايه رايك فى الكلام ده ؟
#@#


nour: مش دآيمن
فى وآحد تلاقيه فرحان اى وهو بيحكى عن الغلط الى عمله
ومش همه اى حاجه
المهم يكون عندنا الدآفع للتغير للآحسن
وندمنا بجد على غلطنا
#@#


eft7.2albek: ده اللى خلاكى تختارى تتكلمى عن القرار اللى اخدتيه ومتختاريش المبدأ اللى خسرتيه
والا انتى بتحاولى تدفنى المرحله دى من حياتك ؟
#@#


nour: تقدر تقول مبحبش ارجع للى رآح منى
انك تبص قدآمك هيديك نتآيج افضل
#@#


eft7.2albek: احنا بشر قبل ما نكون اداه بيتطبق عليها المقولات الفلسفيه ,,,
اى حاجه تمسنا من جوه
بتسيب أثر
فما بالك لو كانت اول مره ؟
يبئى اكيد حتسيب جرح
؟
#@#


nour: والله ما فاهمه حاجه
وضحلى بس عشان اعرف اجاوب


eft7.2albek: بتحاولى تظهرى بصورة اللى مش فارق معاها يا نور
لكن الحقيقه ان خسران مبدأ
معناه ان فى حد قدر يمتلك عقلك
لدرجة انك تتخلى عن مبدأ عندك
فمش بسهوله تقولى انك تبصى لقدام ؟
ايه تعليقك ؟
#@#


nour: هههههههه
انت خيرتنى فوق
وانا اخترت
كدآ فيه نصب


eft7.2albek: طيب الرمز الاول يا انسه


nour: #@#


eft7.2albek: انامش بسأل عن المبدأ نفسه
انا بسأل عن تجاهلك ليه وانك مش فارق معاكى
فى فرق كبير بين السؤالين
#@#


nour: خلاص فهمت
بص حضرتك
احنا لو حطينا الحآجات الى جرحتنا فى يوم من الايام قدام عينينا طول الوقت
محنش هنقدم خطوه لقدام
لكن احسن حل ليهــآ
اننا ننساها ونرميها ورآ ضهرنآ
مش موضوع مش فارق معايا او مكبره
زى ما وآحده ردت عليه فى توبيك نودى
بس بحآول زى ما قولت ما احطش هموم على الهموم الى موجوده اصلا
#@#


eft7.2albek: انتى محجبه ,, وبتعتبرى ان الحجاب ستره للبنت ,, مش شايفه ان ده انتقاص من البنات اللى مش محجبه
خصوصا ان فى بنات فى المنتدى مش محجبين ؟
#@#


nour: لاء خآلص
كل وآحد وليه فكره وليه رآيه وشخصيته
وكل وآحد حر فى تصرفاته وافعاله ما دآم غير جآرحه للآخرين
زى ما بيقولوا الى بيشيل اربه مخرومه بتخر على دمآغه
#@#


eft7.2albek: مع لبسك الحجاب ,, ياترى حسيتى انه فرق معاكى قوى من المعاكسات ؟
#@#


nour: بردوا لاء
الشباب الى بيعاكس دآ شباب فآضى موراهوش لا شغله ولا مشغله
مش حوار بقى بنت محترمه او مش
حوار فرآغ ونآس مش لاقيه حآجه تعملها فبترزل على خلق الله
وحوار ثقافه واسلوب بباه ومامته ربوه عليه
حاجات كتير ممكن نحكم من خلالها
#@#


eft7.2albek: كلماينا عن التكوين العائلى ؟
#@#


بس قبل ما تجاوبى على السؤال ده



خلينا نروح لفاصل ونرجع تانى








قسم بقلم الآعضاء






منارة الابداع فى منتديات بنات مصر



يرحب بكل الاعضاء



شارك بفكرك




عرفنا عن نفسك



انضم الى كتيبة ادباء منتدى بنات مصر



هنا حيث للتميز عنوان



مواضيعنا تخطت حاجز الالفين موضوع







كلها من نبع فكر رواد القسم








بامكانك الاطلاع على شروط القسم


من هذا الرباط









  رد مع اقتباس
قديم منذ /08-06-2011, 05:15 PM   #3

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي








ورجعنالكم تانى فى الجزء الثانى من حلقة النهارده


مع ضيفتنا Dr.nour


قبل الفاصل سألناها عن تكوين اسرتها ,,,


تعالوا نعرف الاجابه منها



nour: بآبآ ... رآجل طيب وابن حلآل كدآ بس اما بيعصب .. بيبقى وحش اوى

مآمآ ..... طيبه شويه عنه ... بس وقت اللزوم بتبقى شديده .. منآش مؤمنه بكل معتقداتها

اخويا الكبير ... الحمد لله خلص كليه السنه دى ... وربنا يوفقه فى طريقه

اخويا الضغير ....... عاوز يتضرب علقه عشان مزهقنى

#@#



eft7.2albek: اب وام وولدين وبنت

#@#



nour: ايوووووون



eft7.2albek: الام بتشتغل ؟

#@#



nour: وكيله فى مدرسه

#@#



eft7.2albek: كانت سبب من اسباب تفوقك ؟

#@#



nour: ههههههه

ماما طبعا لازم تكون سبب من اسباب تفوقى

دى كانت تقعد على دمآغى من الفجر عشان تطحينى وحاجات غريبه كدا

#@#



eft7.2albek: كنتى معاها فى نفس المدرسه ؟

#@#



nour: لالالا

عمرى ما اتقابلت معاها فى مرحله دراسيه

بس زمايلها كانوا يعرفونى كتير



eft7.2albek: #@#


nour: #@#



eft7.2albek: الوالد شغال ايه ؟

#@#



nour: محآسب



eft7.2albek: حكومه والا قطاع خاص

#@#



nour: حكومى وخآص



eft7.2albek: ازاى دى ؟

#@#



nour: يعنى فى فتره

كان مسافر وكان شغال فى بنك

واما رجع اشتغل حكومى



eft7.2albek: حفضل احط انا الرمز كتير



nour: #@#



eft7.2albek: ممكن فى يوم نشوف الصوره الرمزيه ليكى هى صورتك الحقيقيه ؟

#@#



nour: لاء

اولا عشان دى مش من قواعد المنتدى

ولو حتى كان مسموح بيها

مفضلشى انى احطها

#@#



eft7.2albek: عموما السؤال بيكون افتراضى

مين اول واحد اكتشف انوثة نور ؟

#@#



nour: انوثه نور ازاى يعنى

ويكتشفها بتاع ايه



eft7.2albek: يعنى اول حد لمحلك انه معجب بيكى

#@#



nour: مممممممم

هههههههههه

دآ وآحد كان عبيط خالص بجد

فضل يمشى ورايا تلا ت شهور

من غير حتى ما يكلمنى

فى الاخر لقينا والدته من غير معاد حتى جآيه بتقرع باب الع روسه

ههههههههههه

وعملت فيهم حتت مقلب

ماما قالتلى خشى اعمليلهم حاجه

وكان عندنا كذا حاجه فى التلاجه

عملتلهم عصير رمآن ببذره من غير ما اصفيه وعليه كذلك جوافه ببذرها

ههههههههههه

الناس بقت عماله تشرب وتمضغ

#@#



eft7.2albek: مين خلى نور تدمع ؟

#@#



nour: ههههههههههه

نآآآآآآآآس كتيــــــــــــــــــــر

#@#



eft7.2albek: اكتر حد حسيتى انه خانك كان بنت والا ولد ؟

#@#



nour: محدش



eft7.2albek: امال ليه بتقولى انك بتسئ تقدير الناس احيانا ؟

#@#



nour: مور شرح؟



eft7.2albek: يعنى اساءة التقدير بتخلينا نشوف حد على غير حقيقته

فبنديله مساحه ميستحقهاش

فطبيعى لما نكتشفه نحس بالخيانه ؟

#@#



nour: ممكن نقول دآ كآن سوء خبره من نور

بس الانسان الى بحس انه ما يستآهلشى ما ينفعش اوصفه بالخيانه



eft7.2albek: تزعلى من الرأى اللى بيقول انك متصلحيش تكونى ربة اسره بسبب انك خفيفه ؟

#@#



nour: خفيف ازاى يعنى؟

بستخف دمى مثلا ؟

دآ قصد حضرتك؟



eft7.2albek: ايوه

#@#



nour: ممممم

واى علاق ه دآ بدآ

مفيش علاقه خالص

وهزعل ليه حتى لو قالو

انا عارفه نفسى كويس

يبقى خلاص



eft7.2albek: بتهتمى برأى الناس فى شكلك ولبسك ؟

#@#



nour: مش هقولك لا ء

بس على قدر الامكان

ومع ذلك الناس ما بيعجبهاش حاجه

فبلبس المعتدل

والى يتكلم بقى يخبطط دماغه فى الف حيطه

#@#



eft7.2albek: امتى حسيتى انك وحيده ؟



nour: ممممم

كتير

خصوصا انى بنت وحيده على ولدين

*#*



ولا بتعملها ازاى

؟



eft7.2albek: ايه حكاية العيون الملونه معاكى ؟

#@#



nour: هههههههههه

دآ حضرتك فتشت فى المشاركات القديمه بقى

ممم بحب العيون الملونه

بس مش اى عيون

يعنى والله مره كنت بشترى حاجه من عمو بتاع السوبر ماركت الى عند جدتى

هو كبير شويه بس عينه حلوآ مآشآء الله

فكنت انا وبنت خالتى

وفى وسط الكلام قلتله والله يا عمو عينك جميله جدآ

من كتر ما بتشد للعيون سعات بجيلى هبل

بس طبعا عقلنا دلوقتى الى حد ما

#@#

استنى

اكمل

وكل اما امشى مع مامآ

والاقى حد عينه ملونه

بوشوشها واقولها ,, آنآ عينى مطلعتشى ملونآ ليه

#@#



eft7.2albek: زوج نور عيونه حتكون ملونه ؟

#@#



nour: لالالاء بردوآ مش مقياس حطآه

دآ مجرد شغف

زى شغف اى بنت بالاطفال

او بآى حآجه بتشد النظر

#@#



eft7.2albek: التجربه الاولى انطبق عليها الشغف ده ؟

#@#



nour: ههههههههههه

خآلص مآلص

منآ قولت

مش معنى انى اعجب بالعينين يبقى معجبه بالشخص

لاء ,,, انا اعجب بالعيون فقط

#@#



eft7.2albek: نور فى الواقع مش نور اللى فى المنتدى .. صح والا غلط ؟

#@#



nour: خآلص

بص حضرتك

معتقدش

ان حد من ورآ شآشه هيبقى زى الوآقع وخآصه البنــآت

يعنى آنــآ فى ع المنتدى بهزر مع كل النآس فى حدود الادب والاحترام

بس فى الوآقع بهزر آه بس مش مع كل النآس

ع المنتدى ممكن منفتحه شويه

بس فى الوآقع مقفله حبتين

يعنى وعلى هذه الشآكله تسير المركب

#@#



eft7.2albek: ممكن نقول انطوائيه ؟

#@#



nour: الى حد كبير

بس فيه عيب

انى لمآ بآخد على حد

بآخد عليييييه اوى

#@#



eft7.2albek: المنتدى من وجهة نظرك ستاره تعوضى بيها نقص الاجتماعيه فى حياتك ,,, العباره صح والا غلط ؟

#@#



nour: لاء خآلص

حضرتك انا هقولك حآجه

آنــآ آهلى ادونى حريه

فى تعآملآتى الخآرجيه ووثقوآ فيا

فنآ المفروض اكون جديره بالثقه بتاعتهم دى

فتعاملى ف المنتدى

قريب من الوآقع ولاكن فى اختلافات

طبيعيه لاختلاف البيئه الى بتتعامل فيها

#@#



eft7.2albek: فى العباره الدارجه ,, اسكت لاوريك الوش التانى ,,, نور ليها وش تانى

؟

#@#



nour: والله يا استآذ سيد

الوش التآنى مآ بعرفش اطلعه

لانى مبحبش ابقى زعلانه مع حد

ولا بكون مدآيقه م ن جوآيآ

فممكن اهوش بيه

بس صعب اطلعه

ما بيطلعش الا لما اكون فعلا اتخنقت

زى ما بيقولوا حاجه كده الكريم اذا غضب

#@#



eft7.2albek: امال ايه حكاية انك بتستفزى بسرعه ؟

#@#



nour: اه بتنرفز على فكره

بس مبطلعشى نرفزتى ع الى قدامى

على عكس نــآس كتير

#@#



eft7.2albek: اخر مره اتخانقتى فيها كانت امتى ؟

#@#



nour: مممممم ,,

مش خنآقه خنآقه

ممكن تقول زعل

#@#



ربنا ما يجيب زعل ,,,

ناخد فاصل ونرجع ,,


بس فكرى فى السؤال ده وانتى فى الفاصل



لقب زمايلك فى المدرسه كانوا دايما بينادوكى بيه ؟




استنونا ............









مسابقة الذكاء الخارق (( اعلان مدفوع الاجر يا سيلفر :smile: ))









الجزء الثانى







لو عندك مهارة التركيز




لو حابب تجرب قدرتك الذهنيه




لو حابب تشارك فى اقوى مسابقه فى منتديات بنات مصر




يبئى احنا مستنيينك فى مسابقة (( الذكاء الخارق 2 ))





المسابقة بتعتمد على الذكاء الحسابي المقترن بالمنطق


و التحليل





عبارة عن 9 مستويات في فلاش واحد




كل مستوى به مطلوب واحد فقط




كل ما عليك هو ايجاد هذا المطلوب في كل مستوى




و ارساله فى رسالة خاصة للعضوية
Solving competitions



لشروط المسابقه وملف الفلاش



ادخل من هنا




http://forums.msryat.org/msryat257672/










  رد مع اقتباس
قديم منذ /08-06-2011, 05:37 PM   #4

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي







ورجعنالكم تانى



فى الجزء التالت من حلقتنا النهارده من برنامج



افتح قلبك



ومعانا

Dr.nour


سألناكى قبل الفاصل عن اللقب اللى زمايلك كانوا بينادوكى بيه



nour: مفيش عآدى بينآدونى باسمى

#@#



eft7.2albek: عمر ما حد طلع عليكى اسم ؟

شهره يعنى ؟

#@#



nour: لاء خالص

مبحبش الدلع اصلا

#@#



eft7.2albek: انتى وسما ورفيف اتظلمتوا من لجنة تحكيم اكاديمية بنات مصر

كلمينا عن الموضوع ده ؟

ومين بظنك اتعمد ده

#@#



nour: هقول لحضرتك حاجه

هو كل وآحد فينا كان وآثق من شغله جدآ

بس اكيد الفروق وآضحه بين موضوع وموضوع فى كل حاجه

بس عموما لولا اختلاف الرآى لبارت السلع

وكل وآحد من لجنه التحكيم كان حر ف رايه

مبحبش اظن فى حد

#@#



eft7.2albek: بس انتوا ظنيتم فعلا واتهمتم عضو واحد فى اللجنه بكده ؟

#@#



nour: والله فعلا مش فاكره

بس هتلاقى وقت غضب ممكن

#@#



eft7.2albek: اكتر اشاعه طلعت عليكى وضايقتك بس مش فى المنتدى ؟

#@#



nour: مممممممم

استنى افتكر

بيتهيالى محصلشى موضوع الاشاعه دا

لانى مش بحب الظهور اصلا

فدآيما محدش بيقرب ناحيه الى فى حاله

#@#



eft7.2albek: ولا حتى فى العايله ؟

#@#



nour: ولا حتى فى العيله الحمد لله

#@#



eft7.2albek: استنيتى منه رساله ومجتشى ؟ مين هو

#@#




nour: الدكتور الى باخد عنده كور السنه الى اتت كان المفروض يبعتلى نتيجتى فى رساله

ومبعتهاشى يظهر كان مكسوف

قام اتصل

#@#



eft7.2albek: ايه موقفك من الحجاب مع الجينز والتى شيرت ؟

#@#



nour: هى حاجه تغيظ وتنرفز اى حد بيخاف على دينه

بس انا مليش انى اتكلم

ما دام البنى ادمه الى قدامى مش صغيره

فهى مسئوله عن نفسها

وزى ما قولت الى بيشيل اربه مخرومه بتخر على دماغه لوحده مش على دماغه هو والى جنبه

#@#



eft7.2albek: افهم من كده انك بتلبسى جيبه وبلوزه مثلا

#@#



nour: لاء

بس لبسى مستور

عندى العبايه وعندى الجيبه وعندى البنطلون

بس كله محترم

المهم انك متخدشى نظر الى قدامك بلبسك

#@#



eft7.2albek: ايه اكتر تعليق على طريقة لبسك ضايقك ومقدرتيش تمسكى اعصابك ؟

#@#



nour: مش عارفه

بس زى ما قولتلك مش بثور على حد من اول مره

بس هو ممكن حصل من ورايا ووصلى بطريه مآ

ودايقنى بس

#@#



eft7.2albek: امتى تحسى بالغيره ؟

#@#



nour: لما بحس انو انا فقدت اهتمام شخصيه بعزها

#@#



eft7.2albek: السؤال كان واضح بس انتى لفيتى عليه

امتى تحسى بالغيره

من صاحبتك

او زميلتك

او قريبتك ؟

#@#



nour: والله مش لفيت

بس انا فهمته كدآ

عموما لو انت بتكلم ع الغيره عموما

ففى غيره مستحبه

بتدفع الانسان للاحسن والافضل

وفيه غيره بتملاه حقد من الى قدامه

اما عنى انا بقى

بغير الغيره الطبيعيه

الى هى بتاعت كل الناس

#@#



eft7.2albek: مش شايفه ان المنتديات بتبئى مليانه بالمثاليين قوى ؟

#@#



nour: اه شايفه

بس الى بيحاول يظهر ع المنتدى

بيحاول يطلع بالحلو الى عنده

اما الوحش او الوش التانى او المستخبى بتاعى بخلاف المسميات

دآ ربنا وحده اعلم بيه

#@#



eft7.2albek: عضوه فى بالك حالا ؟

#@#

اتأخرتى

#@#



nour: رفيف



eft7.2albek: #@#



eft7.2albek: احتاجتى وقت كبير ليه ؟

#@#



nour: لالا

كنت سرحت بره بس

معلشى



eft7.2albek: مين مروه ؟

#@#



nour: ايه

مين مروه؟

ههههههه



eft7.2albek: ههههههههههه مصادرنا غلط يعنى؟

#@#



nour: مفيش حد فى عليتنا غير مروه مرات خالى وبس

وعمرى ما جبت سيرتها اصلا



eft7.2albek: ما انتى جبتى اهو

#@#



nour: مين الى جابلك الكلام دآ



eft7.2albek: اكتر حد بترتاحى ليه وتفضفضيله ؟

#@#



eft7.2albek: اتأخرتى كتير

#@#



nour: كنت بفتح الباب

رفيف جات



eft7.2albek: لا متدخلشى الاستوديو



nour: رفيف

لاء ماهى دخلت خلاص



eft7.2albek: طيب نكمل

متفوقه بس مش مثقفه ؟ تعليقك

#@#



nour: انا يعنى؟



eft7.2albek: طبعا



nour: هههههه

ومين قالكم

ممكن نقول الحمد له متوفقه

بس نص مثقفه

لانى مش دايما بتفرج ع التلفزيون

ولا بتابع الاخبار

يعنى ممكن تكون الدنيا مقلوبه

برا

وانا مش عارفه

#@#



eft7.2albek: مشرفة الصحه اختيارك ,, والا هو اشراف والسلام ؟

#@#



nour: اشرف والسلام

#@#



eft7.2albek: بتضايقى لو حد انتقد ليكى موضوع او انتقد وجودك فى الاشراف ؟

#@#



nour: لا ابدا ... بالعكس انا بحب النقد بس يكون نقد بناء

عشان اعرف ايه الغلط واصلح منه

#@#



eft7.2albek: يعنى لو حد طلع قال نور متصلحشى للاشراف ,, علاقتك بيه حتتأثر ؟

#@#



nour: لا طبعا انا هرد عليه عادي جدا ونتناقش ونشوف الاسباب اللي خلته ينقد

ولدام انا واثقه في نفسي يبقا مش هيأثر على علاقتي معاه

#@#



eft7.2albek: طيب من المشرفين لا يصلح للاشراف ؟

#@#



eft7.2albek: تأخير

#@#



nour: متعودتش احكم على حد من غير دراسه

وبصراحه مش متابعه كل الاقسام عشان اتحط في موضع تحكيم

#@#



eft7.2albek: شرطنا فى البرنامج ان مفيش ديبلوماسيه

وانه تحدى

انتى فين من ده ؟

#@#



nour: امممممممم

ممكن نقول الناس اللي بقالها كتير في الاشراف ومش بتدخل

بس اعتقد ان طاقم الاداره والمشرفين عرفوا ازاى يتخلصوا من الموضوع دا مؤخرا

بس مازال لسه فيه ناس

وفيه ناس كمان من نفسهم شافوا انهم مش بيعملوا حاجة او مش بينتظموا على الشغل فيه

فتخلوا على المنصب

#@#



eft7.2albek: يعنى انت شايفه ان كل طقم المنتدى كمشرفين يستحق فعلا وجوده فى الاشراف ؟

#@#



nour: لا طبعا

فيه فوارق في النشاط

فيه واحد شغله 10% وفيه 50 % وفيه 80% بس متلقيش اللي يوصل لـ 100%

فيه قصور اكيد

#@#



eft7.2albek: مين من الاداره او المراقبين حساه متسلط ؟

#@#



nour: لازم يكون فيه نسبه تسلط في منصب الاداري او المراقب

لو معلمش كدا ومسيطرش على الامور هتبقا فوضى

ومحدش هيعرف ياخد حقه

ممكن اقولك انهم لازم يكونوا كلهم متسلطين

#@#



لازم يكونوا متسلطين ,, يعنى مينفعشى بالاقناع ,,

مصيبه لاطلع متسلط وانا مش واخد بالى



خلى السؤال ده فى بالك ,,,



كام مره دخلتى قسم مشاكل الاعضاء الاجتماعيه ؟



حنروح لحد الفاصل اللى هناك دوت ونرجع على طول



استنونا ...................













منتديات بنات مصر





من قوانين المنتدى




يمنع منعا باتا نشر الروابط الإعلانية للمنتديات الأخرى بالمواضيع وبالرسائل الخاصة



يمنع إرسال البريد بالرسائل الخاصة



لإدارة المنتدى الحق فى حذف او غلق اى موضوع مخالف او مكرر



يمنع منعاً باتاً كتابة أو طرح أي موضوع أو مشاركة تحمل إساءة مباشرة إلى المشرفين القائمين عليه.



في حال وجود أي شكوى ضد أي مشرف، يرجى مراجعة المشرف العام أو أحد أعضاءالهيئة الإدارية عن طريق الرسائل الخاصة



.
كل من يخالف اى بند من هذه القوانين يتم حظر عضويته نهائيا




للمساهمه باقتراح او فكره يرجى الدخول فى قسم صوت الآعضاء




على هذا الرابط









وللشكاوى يرجى الدخول هنا








مع تحيات




ادارة منتديات بنات مصر











  رد مع اقتباس
قديم منذ /08-06-2011, 08:07 PM   #5

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي






اهلا بيكم فى الجزء الرابع من حلقة النهارده من




أفتح قلبك ,,, والدكتوره نور لسه ضيفتنا




اكيد فاكره السؤال ,,,



كان بيقول كام مره دخلتى فيها



قسم مشاكل الاعضاء الاجتماعيه ؟



nour: ممممممم


عموما انا دخلته مره قبل كدآ


اول السنه الى فاتت


يعنى تقريبا بقاله سنه


وكنت عرضه فيه مشكله صعوبه اول سنه ليا فى الكليه وازاى احلها وكدآ


#@#




eft7.2albek: بس كده ؟


#@#





nour: ايون ههى مره


#@#





eft7.2albek: طيب حاولى تبصى على قائمة مواضيعك وشوفى كام موضوع ليكى فى مشاكل الاعضاء الاجتماعيه


#@#





nour: لحظه اشوف


والله مش فاكره غير ده


بس يمكن الميمورى ضرب عندى ولا حاجه





eft7.2albek: طبيعى لان الفتره دى فى حياتك عليها علامات استفهامات كتير !!!!!!


#@#




nour: لحظه بسجل دخول




eft7.2albek: اوك معاكى




nour: مش ظاهر عندى غير موضوع وآحد فعلا


زى مانا كنت فاكره


#@#




eft7.2albek: فى موضوع قديم ليكى بتاريخ 21/7 /2009


وده اللى خلانى حسألك الآسئله الجايه دى ؟


#@#




nour: دآ يوم اشتراكى ف المنتدى


اول يوم ليا اصلا فى عالم المنتديات والنت




eft7.2albek: اول ما سجلتى كنتى بتتعاملى بطريقه غريبه جدا فى طرح المواضيع والردود


؟


#@#




nour: غريبه على وآحد له فى الكلام دآ


مش على طفل بيحبو فى حيآه جديده


#@#




eft7.2albek: المسأله مش مسألة طفل بس فعلا اللى يتابع طريقة كلاممك مختلفه جدا عن دلؤتى ؟


#@#




nour: حضرتك اهو بتتكلم وترد على سؤالك بنفسك


#@#




eft7.2albek: طيب انا حوفر عليكى المجهود واجيبلك اقتباسات من الموضوع




nour: اتفضل


بس اكيد الطفل مش زى الانسان البالغ الكبير


واكيد شخص لسه بيتعلم يعنى ايه كمبيوتر مش زى شخص بروفشنال عليه


فى موقف مع الادارى طارق


اول ما دخلت ولقيت هو الوحيد الى لونه احمر ع المنتدى ومكتوب عليه اداره


ضفت ميله


وكان ضمن كلامى


ازاى ابقى حمرآ زيك كدآ


من المواقف الفكاهيه فى اول المشوار دآ


#@#




eft7.2albek: بس ده لو فصلناه عن عن باقى المواضيع


انما دى مرحله كامله شابتها تناقضات غريبه


وتصرفات اغرب


مش تصرفات طفوليه


الطفوله احنا عارفينها


فى بنات فى المنتدى 15 سنه


وبتكتب فى بقلم الاعضاء


تابعى معايا الاقتباسات دى






اقتباس

كان هناك شاب يملك الكثير من المال ولكن يبحث عن الزوجه الصالحه التى يطمئن على فتياته الثنين معها

(رغد وحنين)ولكن الله عز وجل اراد ان يختبرم فاوقعه فى امراه لا تعلم الله








nour: ايه دآ ؟


دآ كلامى !!




eft7.2albek:




اقتباس
منها مرارات الحياه ورات الطفلتين ذل الدنيا والاخره ولكن جاءت المصيبه الكبرى ياويلاه انجب منها الطفل الذى كان يحلم به طيله حياته وولكن هل يرضخ الوالد وهو يرى الطفلتين ومدى عذابهما مع هذه المراه الجاحده لا وبالتاكيد فانه شخص يعلم الله ولا يرضى بالذل والهوان للطفلتين فماذا ترون انه فعل ؟؟؟؟؟؟؟؟؟؟؟؟










eft7.2albek: امال لو عرضتلك الابتسامات حتقولى ايه ؟


ده غير ان المراقب العام فى وقتها اضطر من تفاهة الموضوع يحذفه


ايه تعليقك


#@#




nour: مش فاهمه حاجه


بس كنت بعمل كوبى وباست لاى حاجه واحطها


هو اصلا الكلام دآ كان على ايه


nour: ؟


مش فاهمه حاجه




eft7.2albek: خلينا نسيب الموضوع ونروح لمنطقه التانيه




nour: لالالا




eft7.2albek: انتى قلتى ان الوالد شديد حبتين




nour: موضوع ايه الى نسيبه


مش اما نخلصه




eft7.2albek: ياترى الضغط الاسرى أثر على شخصيتك ؟


#@#




nour: مش اما نخلصه


nour: ؟؟




eft7.2albek: لا خلاص انتى قلتى كنتى بتعملى كوبى وبست


انتقلى بئى للسؤال التانى


#@#




nour: اووووك


وآلدى قولت انه طيب جدآ


بسفى مقوله بتقول اتقى شر الحليم اذا غضب


دآ مكانلوش اثر سلبى


بالعكس كان بيتوافق هو والحآجه على طريقه الشد والجزر فى تربيتنا


مش اما نخلصه


#@#




eft7.2albek: نهاية ماسأه – أسيره ومحتاجه حنان – بنادى على الزمان - حيران والله حيران


كلها مواضيع عبرتى فيها عن حاله عشتيها


كلمينا عنها ؟


#@#




nour: مش كل حاله او قصه بتتكتب فى الاقلام بتكون على اهداف حيه


بس اكيد وآحد منهم


كان فى فتره المشاكل الى قولت لحضرتك عليها


وكان مجرد تعبير وتنفيس عن النفس فى اخراج عبارات حلوه


#@#




eft7.2albek: بس ده لو فصلنا الموضوع عن الردود ,, اللى يتابع الردود يتأكد ان صاحبة الموضوع


بتعبر عن نفسها


؟


#@#




nour: منا بقولك


اكيد كان فيهم تنفيس عن النفس


بتخرج فى صوره خاطره او شخابيط كتابيه


#@#




eft7.2albek: فكرتى تروحى لطبيب نفسى قبل كده ؟


#@#




nour: لاء مش طبيب نفسى بالمعنى


فكرت انى اشوف حد معرفوش


اقعد اشكيله واحكى معاه


مش بالضروره طبيب


كل الشعب المصرى عاوز يعمل الحركه دى


#@#




eft7.2albek: الميكروباص كله بلاوى .. ده حقيقه ... ايه اكتر بلوه حصلتلك منه ؟


#@#




nour: مش فاكره حاجه محدده


بس اكيد بيبقى كله معاكسات والكلام الى بيتحدف من الشباب الفاضى زى ما قولت قبل كدآ


#@#




eft7.2albek: وده سبب لانك تاخدى موقف سلبى من الشباب ؟


#@#



eft7.2albek: اتأخرتى


#@#




nour: سورى


ممممممم


لاء عادى بس انا عموما بقيت بحب اتعامل بحذر شويه


#@#




eft7.2albek: مفكرتيش توسعى نطاق اجتماعياتك خصوصا انك معتمده على صديقه واحده ؟


#@#




nour: لاء


انا بتعامل مع كل الناس


بس فى حدود فى التعامل او اكلام بينا لحد خط معين


بس كصديقه صديقه


ما افضلشى غير انها تكون وآحده


#@#




eft7.2albek: ولو الواحده دى خسرتيها لآى سبب ؟


#@#




nour: ربنا ما يجيبشى خساره


بس ان شاء الله ما تحصلشى


#@#




eft7.2albek: السؤال تانى


لو الواحده دى خسرتيها لآى سبب ؟


#@#




nour: حضرتك مش عاوز تاخد كلامى وتسكت ليه


اه احنا ممكن نزعل من بعض


بس ما بنخسرشى بعض


حصل بينا الى يخسرنا اى حاجه


وراحت كل حاجه واحنا الى بقينا


الوآحده دى


عايشه وسط اهلى كانها اختى بتاكل وتشرب وتلعب وتتدلع وسطنا كمان


#@#




eft7.2albek: انتى شايفه انها ممكن تكون عوض عن علاقات تانيه فى حياتك ؟


#@#



اتأخرتى


#@#




nour: اه


عوض ولاكنها لا تغنى


زى ما قولت بردوا


انت مش معنى انك ليك صديق وآحد


انك ميكونشى ليك ميت الف زميل


وزميل مقرب كمان


فهمان عليا قصدى !!!!



eft7.2albek: #@#





nour: اتاخرت





eft7.2albek: الرمز يا ابله





nour: #@#


حاضر يا استاذ




eft7.2albek: حبك لفارما بتحاولى تعوضى بيه احساس الحب الطبيعى بين ولد وبنت


فى حياتك؟


#@#





nour: هههههههههههههههههههههههههههههههههههههههههههههههههه هههه


ازاى يعنى


ههههههههههههههههههههههههههههه


لاء طبعا


كل شخصيه فى حيات الانسان


بيقابلها وبيحبها بيكونلها مكان مخصص فى قلبه


ولكل انسان مكان لا يطغى على مكانه الاخر


ال احساس الواد والبت ال



#@#




eft7.2albek: بس فعلا فى حلقه مفقوده بين علاقتك بفارما والنقص فى حياتك العاطفيه


وده اللى خلى فارما نفسها تقول





اقتباس

جميل ما كتبتى وابدعتى يا نور


فعلا الحياه من غير رفيق صعبه


بس اجمل شئ لما تلاقى الانسان اللى يحبك


وتعيشى معاه باقى عمرك


وتعيشى معاه حياه مستقرة هادئه


ساعتها


هتلاقى الدنيا بتفتحلك صدرها








#@#




nour: بص عشان حضرتك ترتاح


والمشاهدين الاعزاء بردوا يرتآحوا


بما اننا فى بث نصف مباشر على الهواء مباشره


ففارما


هى الصديقه الى ممكن تقول برتاحلها


والانسان زى ما بيقولوا بينام على الجنب الى يريحه


وهكذا بالنسبه ليها


اما حوار نقص عاطفى


فهقول حضرتك حاجه


انا مش بفكر فى اى ارتباط حالى الا مثلا كمان سنتين تلاته بحكم دراستى


والقرار دآ اتوصلتله بذاء المصرى الدفين


لان مجرد التفكير فيه دلوقتى غلط


وانا بقيت بحب ابعد عن الاخطاء


#@#




eft7.2albek: وايه الخطأ اللى وقعت فيه قبل كده وعايزاه ميتكررشى تانى ؟


#@#




nour: هقولك حاجه


هو ينفع نبطل حكايه الرمز دى وهبقى اقولك خلصت


عشان خنقتنى


منمكن؟




eft7.2albek: لا طبعا لانه موجود علشان يخنقك فعلا لما تحسى ان الامور اتزاحمت عليكى


#@#




nour: مبهزرشى والله


انا مش هحطه




eft7.2albek: #@#




مظنش انك حترفضى شروط البرنامج لمجرد انك عايزه ترتاحى


كنتى ممكن ترتاحى ومتشتركيش من البدايه


#@#




nour: حآضر حضرتك




eft7.2albek: الرمز يا انسه




nour: بالنسبه للخطآ انا بردوا قولت عليه قبل كدآ


هى كانت حاله اعجاب فى غير وقتها ولا مناسبتها ولا جوها


nour: #@#




eft7.2albek: قلتى انك من عيله محافظه


وانك ملتزمه


وانك بتحطى لكل حاجه حدود


ازاى قدر يتخطى كل ده ويخليكى تعجبى بيه ؟


#@#




nour: هههههههههههه


اول مره اعرف انو الاعجاب بحد عيب فى حد ذاته ولو اعجبت بحد ابقى من عيله غير محافظه


دآ مين ممكن يقول كلامك دآ؟


##@#




eft7.2albek: مش كلامى دى افعالك هى اللى بتقول كده


لما تعترفى انه كان خطأ


وانك اتخليتى عن مبدأ
#@#




nour: مجوزتهوشى عرفى على فكره


دآ كان اعجاب حتى مصرحتش بيه


وكان كمان وقتى وانتهى


زى ما اى حد بتعجبك مثلا افكاره


لبسه


طريقه مشيه مثلا


هههههههههه


#@#




eft7.2albek: ايه علاقة الافكار واللبس بانك تعجبى بحد ويسيب جرح زى ما قلتى وندم ؟


#@#




nour: ندمى كان على مبدآى الى اتهاونت فيه


مش على الشخص الى اعجبت بيه


#@#




eft7.2albek: وايه هو المبدأ اللى اتهوانتى فيه ؟


#@#




nour: بالنسبه للموضوع دآ


انتى خيرتنى قبل كدآ


وانا ما اخترتهوشى


مش عاوزين نصب ف النص


#@#




eft7.2albek: هههههههههه لا مش نصب بس ده كان تخيير فى سؤال اختيارى


انما ده سؤال اجبارى ؟


#@#




nour: اوك



BASS






eft7.2albek: اوك اول BASS


عقبال الاتنين اللى فاضلين




nour: لاء


عشان انا اول حلقه


والخدمه مميزه


ليا اربعه


#@#




eft7.2albek: لا طبعا 3 بس


بنات المحله زى بنات المنصوره نعرفهم ومنتجوزهمشى ,, دى مقوله دارجه


تعليقك


#@#




nour: مممممممم


على كدآ بقى انا ميتبصليسى


ميتبصليشى


اصلى محلاويه وجامعتى المنصوره


حاجه فله يعنى


عموما ما حدش يقدر يدرج قانون وآحد على كل الاشخاص


ماحنا ممكن نقول الكلام دآ على بنات القاهره عموما


ع الاقل مبينه شعرها ونص بطنها وحاجه حلوآ خالص


ينفع يتبصلها عن حق


لا اؤمن


#@#




eft7.2albek: بتضايقى لو مشيتى مع واحده من اللى قلتى عليهم ولقيتى الشباب مركز معاها ومنفضلك ؟


#@#




nour: لاء مانا مبمشيشى


مع حد مش عاجبنى اصلا


وبعدين اختار الرفيق قبل الطريق


#@#




eft7.2albek: افهم من كده ان كل صحباتك محجبات ؟


#@#




nour: الحمد لله


وغير كدآ وكدآ


النسبه الغير محجبه فى الجآمعه عندنا عموما بتبقى غير مسلمه


وقليل لما بنلاقى مسلمات غير محجبات


#@#




eft7.2albek: مش شايفه ان الاحصائيه دى اوفر حبتين ؟


#@#




nour: هو انا حطيت اصلا احصائيات !!


#@#




eft7.2albek: بصى على كلامك كده تانى وحاولى تدورى على تعريف لعلم الاحصاء ؟


#@#




nour: مممممم


احطلك احصاء بجد ما دام حضرتك طالب


لما تيجى تبص مثلا لسكشنى


ففى وآحده مسيحيه والباقى مسلمات محجبات


واما تبص للدفعه على منى معرفشى حتى نصهم


بس الى اعرفهم ممكن عدد الغير محجبات المسلمات ما يجيشى 5


بس مش شايف ان حضرتك اوفرت فى حكايه اسئله الحجاب دى !!


#@ #




eft7.2albek: لان اجاباتك بصراحه اوفر قوى وحاسس انك بتجاوبى وانتى حاسه ان اعضاء المنتدى كلهم بيبصوا عليكى


وده مسببلك ضغط نفسى


#@#




nour: انا قاعده ريلاكس


خالص على الكرسى


وقدامى 2 BASS


والسؤال فى حاجه غير سخصيه


فاستنتاج حضرتك غير متوافق خالص


#@#




eft7.2albek: شوفى المفروض انى لو حسيت انك بتهربى بديبلوماسيه


احاول اخرج الحقيقه بكذا طريقه


وده اللى بيخلينا نطول فى الاسئله


بس على العموم


ده اخر سؤالين فى نقطة الحجاب


الاول




nour: وانا ههرب من سؤال سهل ليه؟




eft7.2albek: لا ما هو اضح


خلينا فى اول سؤال




nour: اتفضل


حضرتك توهتنى


بس كمل


#@#




eft7.2albek: الحجاب مش مقياس للاحترام بالعكس البنت المتحرره صعب انك تاخد منها حاجه لانها فى الغالب جريئه


وبتعرف تحافظ على نفسها كويس


اما البنت الانطوائيه


ففى الغالب بتكون ساذجه


وبتفقد حاجات كتير مع اى كلام ناعم


دى مقوله دارجه على لسان الشباب


ايه تعليقك ؟


#@#




nour: معنى كلامك ان البنت المتحرره من الحجاب مجربه كل حاجه مع الى رايح والى جاى


وبردوا مش معنى انك شوفت بنت واحده محجبه انطوائيه وعرفت ان حد ضحك عليها بكلمتين حلوين


انو يكون الاغلبيه كدآ


فى حاجه حلوا اوى اسمها الشخصيه


اكيد الكل سمع عن بنت بميت راجل


وفى الى سمع عن بنت ساذجه


وفيه ميت حاله وحاله


بس عمرك ما تقدر تعمم السذاجه على المتحجبات


لان دآ كلام غير صحيح بالمره


#@#




eft7.2albek: كويس وفى نفس الوقت يا ترى ليه بتعممى الانحراف على كل بنت مش لابسه حجاب ؟


#@#




eft7.2albek: اتأخرتى


#@#




nour: كان فيه فون


سورى


انا معممتش


انا برد على كلام حضرتك ع المحجبات


#@#




eft7.2albek: ثوانى اجيبلك الاقتباس ده




اقتباس

ماحنا ممكن نقول الكلام دآ على بنات القاهره عموما


ع الاقل مبينه شعرها ونص بطنها وحاجه حلوآ خالص


ينفع يتبصلها عن حق


لا اؤمن








#@#




eft7.2albek: بتضايقى لو مشيتى مع واحده من اللى قلتى عليهم ولقيتى الشباب مركز معاها ومنفضلك ؟


#@#




Nour Msryat: لاء مانا مبمشيشى


مع حد مش عاجبنى اصلا


وبعدين اختار الرفيق قبل الطريق


#@#




nour: كلاملا لو جبت اكتر من شخص وقراه


كل واحد هيفسره بصوره


فى الى هيشوف انى المتحرره فى نظرى وحشه


وفى الى هيفهم انى بتجنب اى مشاكل او كلام


فبختار الانسب لنظامى انا


وآحده يا سيدى متحرره


وزى الفل


بس انا بحب وبرتاح اكتر لواحده محجبه


فين المشكله بقى !


#@#




eft7.2albek: كده مفيش مشكله ,, كان قبل كده كان مشكله هو الحجر على حرية انسان مهما كانت ميوله


نكمل


ايه علاقتك بالبحر ؟


#@#




nour: ممممممم


مشتاقله اوى


وبحب اقعد على الشط واشم نسيمه


بحسه بريح نفسى


وبشيل منها هموم كتير


ويحسسك ان الدنيا لسه بمبى


#@#




eft7.2albek: اكتر مكان رحتيه كمصيف ؟


#@#




nour: اسكندريه وراس البر


#@#




eft7.2albek: بتفكرى تروحى فين السنه دى ؟


#@#




nour: مش بفكر عشان عندنا حاله وفاه ومش ينفع نروح فى حته




eft7.2albek:



فقرة اجابات سريعه




حاولى تهدى شويه





علشان نكمل



معاكى BREAK




خدى كيت كات





وانتم بينا ناخد فاصل ونرجع تانى






استنونا ...........................













تعالو نرجع روح القرأن





المسابقه الآكثر متابعة فى القسم الاسلامى






الآسبوع الخامس













تابع كل دول



جميلة مصر





عذب المشاعر





الأسلامبولي





الفتاة الغامضة





ςυтз♥g!яl





۩۩elMagic ۩۩





Doodaer





fire heart





lazeza




~..~a7la smile~..~





تابع المسابقه من هنا










  رد مع اقتباس
قديم منذ /08-06-2011, 09:34 PM   #6

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي





ورجعنالكم فى أخر جزء فى حلقة النهارده من برنامج



إفتح قلبك



مع ضيفتنا ,, Dr.nour



وفقرة ,, اجابات سريعه



الفقره دى محتاجه سرعة بديهه وصدق ,,,



لان الاسئله مترتبه على بعضها يعنى لومقلتش الحقيقه



حتكشف نفسك فى سؤال بعديه ,, وهكذا







nour: اووووووووك



نرجع



eft7.2albek: السؤال اللى جاى بالفصحى علشان تجاوبى عليه بالفصحى لانه عن المنتدى وعنك




nour: اجابات قصيره؟



eft7.2albek: هل لديكى الجرأه لزكر اسماء أعضاء فى الاجابات ام لآ ؟ وفى حالة لآ ,, يعتبر BASS



nour


: نعم



eft7.2albek: البرنامج غير ملزم باجاباتك


نبدأ



nour: يعنى ايه؟



eft7.2albek: هى بتتقال كده


مشيها


نبدأ



nour: افهم طيب



eft7.2albek: يعنى الفقره دى بجد محتاجه سرعه وجرأه


واجاباتها ممكن تسببلك مشاكل



nour: وافرض مش فاكره اسم عضو


انا ذاكرتى فى الاسامى زفت



eft7.2albek: انا مش بفرض اسماء معينه


انا بدى صفات وانتى تركبى عليها اى اسم لاى عضو او عضوه


هه موافقه نكمل فى الفقره دى والا لآ


اه + معلومات بسيطه عنك



nour: كمل اما نشوف اخرتها



eft7.2albek: اوك


الاسم الثلاثى؟



nour: ههههههههههههههههه


لالالا



nour: انت كدآ بتخبط ف الحولل



eft7.2albek: هههههههههههههه قولى BASS



nour: نور _ مصريات



eft7.2albek: اوك يبئى تانى BASS


فاضلك BASS واحد



nour: لالالالالالالالالا


انا مقولتش باص


وبعدين لو هاخد باس


يبقى ع السؤال كله


انت بتنصب كدا


وانا مش هلعب



eft7.2albek: قلتلك من الاول انه شامل معلومات عنك


واسماء لاعضاء


مكذبتش


بس اى سؤال فيه بعد ما توافقى بيعتبر


BASS


مستقل بذاته



nour: خلاص احذف السؤال كله على بعضه من بره


وادى تان ى باص راح


وعليه العوض



eft7.2albek: اوك وكان ده تانى



BASS



للاخت المتحديه





ودلؤتى ,, اسمحولى انتقل بيكم



لفقرة البرنامج الرئيسيه



التحدى الحقيقى للضيف



يا يقدر يعدى ويكمل لمواجهة المجهول




يا ينسحب من التحدى




فقرة ,,, إفتح قلبك







معايا يا نور ,,, حتفتحى قلبك ؟؟



nour: اكتر من كده


بقى مفندق ع الاخر خالص



eft7.2albek: اكيد حتتفاجأى لما تعرفى ان كل اللى فات ده كان مجرد تعارف بين البرنامج وبينك وبين الاعضاء


انما البرنامج


مبنى على الفقره الجايه دى



nour: كمل كمل



eft7.2albek: وهى بتعتمد على موقف حصل



nour: احكى احكى


ولا يهزك



eft7.2albek: وبنحاول نتابع معاكى ملابساته كامله


الاول خلينى اعرض عليكى حاجه


مستعده



nour: start


besm ellah



eft7.2albek: ياريت لو توقفى كتابه خالص




nour: ؟؟





.


.


.


.


.


.


.


.


.


.


.


.


.


.


.


.


.


.


.


.


.


.


.


.






eft7.2albek:



اقتباس
الى من تملكت قلبى فى لحظات كثيره

اقتباس

عشت معك اجمل لحظات عمرى


فتمنيت فى لحظه ان تكونى انتى رفيقه حياتى


اعلمى اننى كنت على استعداد ابيع العالم بأسره من اجلك


اعطيتك كل ثقتى وحبى وكل شى احببته اشركتك فيه


احببتها فخانتنى


فتغاضيت عن خيانتها من اجل حبى لها


لا اريد ماضيكى المولم


ارحلى واتركينى فى همومى والامى


ارحلى فهذا ما اردتيه دوما من اجل عشيقك


حققى امانيكى على حساب جراح من احبوكى


كل كلمه فى الاغنيه من اجلك فاسمعيها من اجلى لاخر اللحظات بيننا







nour:



bass




eft7.2albek:

نورتينا يا نور فى برنامج



افتح قلبك



كنتى ضيفه مميزه



لاولى حلقات البرنامج




مقدرتيش تكملى معانا التحدى



بس بجد انا اتشرفت بيكى وبمعرفتك

طول ما كنا بنعمل اعداد الحلقه



وللاعضاء اللى كانوا مستنيين الحلقه



يارب تكون عجبتكم



وبالمناسبه



الموضوع ده شاق جدا جدا جدا



حفكر المره الجايه استعين بفريق عمل



بتمنى للجميع السعاده



والى لقاء مع ضيف تانى ,,

ومتحدى تانى




قرر انه يفتح قلبه فى











تحياااااااااااااااااااااااااااااااااتى""""""""""







  رد مع اقتباس
قديم منذ /08-06-2011, 09:50 PM   #7

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي

بجد الموضوع كبير يا جماعه

بس هى جت كده بئى

تحيااااااااااااااااااااااااااتتى : للجميع







  رد مع اقتباس
قديم منذ /08-06-2011, 11:07 PM   #8

الأم الحنون للمنتدي

 

 رقم العضوية : 8040
 تاريخ التسجيل : Nov 2008
 الجنس : ~ أنثى
 المكان : مصر
 المشاركات : 13,172
 النقاط : حنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond reputeحنـــــون has a reputation beyond repute
 درجة التقييم : 4390262
 قوة التقييم : 2196

حنـــــون غير متواجد حالياً

أوسمة العضو

16 تكريم أدارى وسام افضل ضيف حلم الشيطان وسام اختبار القدرات (3) المركز الثاني وسام النشاط الادارى 16 

افتراضي

بجد برنامج تحفه ياسيد ومتعوب عليه جدا
وضيفه مميزه اوى واجابتها تحفه
ولولا ان البرنامج لنور ماكنتش قريت كل دا هههههههه
بس بجد عاجبنى اوى اسلوب الحوار وشئ متوقع منك طبعا
وكمان اجابات نور جميله صحيح انسحبت بس كانت جامده ^*
تسلم ع الموضوع الجميل ياسيد







  رد مع اقتباس
قديم منذ /08-06-2011, 11:36 PM   #9

Êŵ3ää WêêŞΉåk ,ॡ

مشرفة سابقة

 

 رقم العضوية : 25369
 تاريخ التسجيل : Jul 2009
 الجنس : ~ بنوتة
 المكان : EGYPT
 المشاركات : 10,729
 النقاط : Dr.nour is a glorious beacon of lightDr.nour is a glorious beacon of lightDr.nour is a glorious beacon of lightDr.nour is a glorious beacon of lightDr.nour is a glorious beacon of light
 درجة التقييم : 464
 قوة التقييم : 1

Dr.nour غير متواجد حالياً

أوسمة العضو

416 411 405 

افتراضي

ارفع بعلو صوتى ,, واناشد المسئوليـــــــــن ,,
آنــآ لم انسحب بتاتا ,,
آنآ جايه آخد الباس التالت بتاعى ,,
لقيته اتنفض مره واحده وقالى ,,
شكرا لكى عزيزتى نور لقد انتهى البرنآمج ,,
ونورتينآ ,,
وانا اطالب الادآره بآكمال الحواااااااار ,,
ومليس دعوه حد يركعلى حقى الى عمو سيد غريب آآخده ,,










  رد مع اقتباس
قديم منذ /08-06-2011, 11:45 PM   #10

مشرفة قسم حواء سابقا

 

 رقم العضوية : 4582
 تاريخ التسجيل : Jun 2008
 الجنس : ~ بنوتة
 المكان : الركن البعيد الهادى ~
 المشاركات : 7,985
 الحكمة المفضلة : ان معى ربى سيهدين
 النقاط : رنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond reputeرنين has a reputation beyond repute
 درجة التقييم : 7069553
 قوة التقييم : 3535

رنين غير متواجد حالياً

أوسمة العضو

وسام اجمل مدونه حلم الشيطان الوسام الذهبي 

افتراضي

مجهود مميز جدا يا سيد كما تعودنا منك دائما
لكنى اشفقت على دكتوره نور فعلا
فبصراحه حسيت انك مش مجرد بتطرح اسئله وخلاص
لا بتحاول تقول اسئله مترتبه على اجابتها فى مواضيع سابقه وده يضاف الى حسابك فى محاولتك الدائمه لتقديم شىء مميز
احيكى نور على جراءتك وانها حاولت على قدر ما تستطيع ان تفتح قلبها
ولكن اعذرنى لا يوجد منا من يستطيع فتح قلبه بكل صراحه حتى لو مع النفس
الف شكر ليك على المجهود المميز وتحيه طيبه لضيفتك
منتظرين الضيف القادم
خالص تحياتى







  رد مع اقتباس
إضافة رد

الكلمات الدلالية (Tags)
الأولى, الحلقه, drnour, إفتح, قلبك

« نظرة فاحصه..(هناك من يشبهنى)...>تابع لمسابقه الاقلام | قصة وهم...في طريق الحياة!!! »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
إفتح قلبك .. للدنيا ملاك صعبة الإمتلاك فضفضة الأعضاء 3 06-17-2012 08:02 PM
إفتح قلبك قلم بلا حبر بقلم أعضاء بنات مصر - حصري 19 09-27-2011 07:58 PM
فقرة مواجهة المجهول -- افتح قلبك -- Dr_nour قلم بلا حبر بقلم أعضاء بنات مصر - حصري 10 08-06-2011 03:49 AM
برومو اولى حلقات افتح قلبك - Dr_nour قلم بلا حبر بقلم أعضاء بنات مصر - حصري 22 08-05-2011 12:47 PM
[ إفتح قلبك ...للدنيا ..] elbasha sherif مواضيع عامة - ثقافة عامة 6 03-18-2011 03:06 PM

مجلة الحلوة / مذهلة

الساعة الآن 04:25 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩