انـــا والتليفزيون ورمـــــضـــــان >> ومعانا SiLver Spectra

[salamonty]

السلام عليكم ورحمة الله وبركاته ازيكم بقي يا احلى اعضاء رمضان كريم عليكم ويارب تكونوا بخير النهرده حلقه موش عاديه مليانه نشرات وبرامج اخباريه ووثائقيه ^^ النهرده معانا مديرنا اللى كلنا بنحبه لله ف لله ايوووه ^^ د طارق SiLver Spectra عاجباانى اوى صورتك الرمزيه ^^ نشوف الاسئلهــ ايه اكتر قناه متابعها؟ الطبيعي هو قنوات الاخبار بالاخص الجزيرة و البي بي سي و ناشونال جيوجرافيك ايه اكتر مذيع\ه متابعه؟ عمرو أديب طبعا القاهرة اليوم ايه اكتر حاجات شداك فالتليفزيون؟ في رمضان بتفرج على الشعب يريد و رامز قلب الاسد و آدم مش شرط الي بشوفه يعني مبسوط منه و مقتنع بيه ,,بس اهو دا الي بشوفه أو الي شدني ايه اللى متابعه وموش بتفوت له حلقه؟ مسلسل آدم بالرغم من اني مش بحب تامر حسني ,,بس ماعنديش مشكلة اني اشوف اي عمل المهم هو قيمته و قصته و كيفية اداءه هو دا حكمي ,,مش بحكم بشكل مزاجي فهو المسلسل مكتوب كويس و متمثل كويس ايه اكتر برنامج بتحس انه رخم؟ في برامج كوميدية كتير سخيفة جدا ا ايه اكتر مسلسل بتحسه رخم؟ المسلسل دا الي اسمه راجل و ست ستات الجزء الثامن باين ,,سخيف جدا ,,مش عارف ايه سر النجاح الي يخليه يكمل ل8 اجزاء ,,الباقي مش بتابعه اوي بس حاسس مستواهم عادي ,,شخصيا بمل حاجه كنت عايز تتابعها بس الفرصه موش اتحاتلك؟ مسلسل عادل امام الي اتأجل لرمضان الي جاي دا كنت مستنيه لان عادل امام ممثل قوي و بيختار قصص قوية ,,مش مجرد انه بيمثل و خلاص انت من محبي التى فى ولا عادى؟ زمان كنت مدمن ,,قبل ما ادخل الكلية و ادمن النت بس حتى عالنت بحمل برامج تلفزيونية كتير التليفزيون بتاعك مكانه فين:242:؟ انا مش بحب تلفزيون الصالة بحب التلفزيون يبقى تحت رجلي عالسرير يعني تبقى ممد كا و هو ادامك مين نجمك المفضل؟ أحمد حلمي - عادل امام - احمد السقا بتحب تسمع مين؟ ماليش مطرب عربي محدد ايه نوعيه البرامج اللى بتحب تشوفها؟ حوارية سياسية فنية مواهبية وثائقية ,,كلو بس مش بشوف اي حاجه ,,بنقي الي يشدني بس اكتر سؤال محرج من وجهه نظرك سمعتوا بيتقال لحد فبرنامج ؟ مش في ذهني و الله دلوقتي مواقف الممثلين و المذيعين قبل الثورة بتحرج اي شخص ايه الحاجات اللى كنت بتحب تتفرج عليها فرمضان زماااان؟ الكرتون أكيد و بطلته من زمان حد زعلان انه موش عمل اعمال فرمضان؟ لا مش بتفرق التلفزيون مليان ما شاء الله ايه الاعلان اللى بتحبه وايه الاعلان الى بتتنرفد لما تشوفه؟ الاعلانات بتاعت كونو دي كانت عجباني بس مش بتيجي في رمضان الاعلان الي بينرفزني الاعلان دا بتاع اغنية اجنبية كدا حد بيغنيها بغباء بالعربي ,, مش فاكرها و لا فاكر الاعلان ,,المهم انه اعلان متخلف بتتفرج عالتى فى مع مين؟ مع الي يعد في الاوضة ساعات اخويا ساعات امي ,,بس امي في الغالب بتبقى عايزه تسيطر عالروموت فاما بتنازل عنه و بخرج او انها بتروح الاوضه التانيه او اني بجبرها على الي بشوفه ايه الحد الاقصى لمشاهده التى فى؟ ماعنديش حد اقصى لاني بخليه شغال و انا نايم بس بوطي صوته ,,مش بحب اقفل التلفزيون ,,بحس بكئابة برنامجك المفضل موش لازم يكون بيتزاع فرمضان؟ القاهرة اليوم ,,بس ساعات بيبقى ممل ايه رايك فالبرنامج؟؟:thumbdown: زي الفل انا لولا اني كنت شوفت حلقات له ماكنتش وافقت كنت منور يا طارق مستنيه تعليقاتكم وردودكم تيكير

[Aya 7ekaya]

حلقه جمييييييييله ياقمر مع الادمن المتميز
تسلم ايدك ع الحلقه والاجوبه كانت اكتر من رااائعه

[♥..pure]

منوريا طارق ,
اختيارات مميزهـ يا سلمى ,,
اسئله لذيذهـ وبسيطه وعن التي في ^^
اتمنى نجاح واستمرار البرنامج
دام نبضكـ ,,

[بنت المختار]

تقديم حلو وحلقة احلى
ومنيح إنك ما مليت من الاستضافة بالآخر

سلومنتي
مجهود حلوووووو
يسلمووو

[βзήŦ ℓǻẑĨήǻ]

ههههههههه
انت بتمل بسرعه اوي
فيه حاجات كتير بتنرفزك
بس الحلقه حلوة والاسئله كمان
متنوعه كده وخفيفه
تسلمي ياسولي ع المجهود

[sεηυσяιтα ησOση]

حلقة جميلة اوى اوى

ودوكتر طارق منوووورها على الاخر

[الحان الورد]

حلقة حلوة وطارق منورها
الاسئلة خفيفة وحلوة بجـد
مجهود جميل ،،تسلمي
بالتوفيق يارب

[حنـــــون]

حلقه جميله ياقمر
وضيف مميز والاسئله لطيفه جدا
شكرا ع البرنامج الجميل

[ماتركس]

حلقه جميله يا سلمي

منور يا دكتور باجاباتك الجميله

بالتوفيق ليكم

[حب مهزوز]

حلقه وبرنامج في منتهي الروعه
تسلم ايدك يا قمر علي المجهود