::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
حبيبتي وبس
الكاتـب : واد حبيب - آخر مشاركة : همس الرحيل - مشاركات : 2 -
اللي ف مرايتي
الكاتـب : د/ عبد الله - آخر مشاركة : مارد الغضب - مشاركات : 5 -
كادت تنسي..!
الكاتـب : YOo YA - آخر مشاركة : همس الرحيل - مشاركات : 5 -
حبيبي رجعلي تاني
الكاتـب : واد حبيب - مشاركات : 10 -
علي قلبها
الكاتـب : عاشق ولهان - آخر مشاركة : همس الرحيل - مشاركات : 9 -
كل عام وأنتم بألف خير
الكاتـب : شاعر الحب الحزين - آخر مشاركة : فداااااااااااء - مشاركات : 9 -
كلمة
الكاتـب : شاعر الحب الحزين - آخر مشاركة : فداااااااااااء - مشاركات : 7 -
[درس] تبييض الأسنان بالفوتوشوب - Photoshop teeth whitening !
الكاتـب : JUST AHMED - آخر مشاركة : مهيب الركن . - مشاركات : 6 -
رســـــالة لك ^_^
الكاتـب : Arco Baleno - آخر مشاركة : دمعه حائره - مشاركات : 15 -
يارب احنا غلابه
الكاتـب : واد حبيب - آخر مشاركة : همس الرحيل - مشاركات : 5 -
سفيرة القلم
الكاتـب : شاعر الحب الحزين - مشاركات : 12 -
أول مرة
الكاتـب : شاعر الحب الحزين - آخر مشاركة : زهره رضا - مشاركات : 7 -

 
 
LinkBack أدوات الموضوع انواع عرض الموضوع
قديم منذ /08-10-2011, 12:01 AM   #1

عضوة مميز

 

 رقم العضوية : 31007
 تاريخ التسجيل : Sep 2009
 العمر : 24
 الجنس : ~ بنوتة
 المكان : أخرآلشآرع يمين
 المشاركات : 3,584
 الحكمة المفضلة : ليس كل سقوط نهآيهـ ,, فسقوط آلمطر أجمل بدآيهـ
 النقاط : βзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to behold
 درجة التقييم : 812
 قوة التقييم : 1

βзήŦ ℓǻẑĨήǻ غير متواجد حالياً

أوسمة العضو
افتراضي الحلقه التانيه من (كش ملك) ومعانا (سيلفر سبيكترا)

السلام عليكم ورحمة الله وبركاته
اهلا بيكوا في حلقه جديده من كش ملك

وزي مااحنا متعودين علي التميز
فضيفي النهارده
حد مميز جدا
انسان مفيش في طيبة قلبه
اداري ناجح جدا بشهادة الجميع
شايف شغله كويس اوي وبيتعب جدا في مواضيعه
مهما قولنا عنه موش هنقدر نوفيه حقه
موش عشان هو الادارة لكن عشان هو

silver spectra
اهلا بيك ياطارق في كش ملك ومنورنا اكيد
احنا النهارده تاسع يوم رمضان خلينا نقولك الاول
كل سنة وانت طيب ورمضان كريم


كلمتين كده تعرف بيهم الاعضاء اللي كلهم عارفين طبعا ^_^
مين هو طارق؟


مواطن مصري محسوب على ال85 مليون نسمة

لو موش عارف نظام برنامجنا
هو باختصار عبارة عن 3فقرات
اول فقرة ع الموبايل
تاني فقرة بالمستندات ودي بتبقي من خلال
مواضيعك وردودك
وتالت فقرة هي كش ملك
10اسئلة بسألهملك وبديلك 3اختيارات واجابة اخري
لكن ليك الحق في استخدام اجابة اخري مرتين بس
تمام


ودلوقتي نبتدي اول فقرة معانا
وهي ع الموبايل :

قولنا بأه اهمية الفون بالنسبة لطارق بتشكل كام %؟

100%
ليك في رغي الفون لحد الفجر والحوارات دي؟
لأ طبعا ,,أنا في المختصر المفيد دايما
اجمل رسالة اتبعتتلك ايه ؟
و الله مش في بالي بس مش بستخدم الرسايل غير قليل ,,يمكن زمان أيام الشباب كان الواحد دماغه فاضية شوية ,,قبل ما النت يلحسها
هو في رسالة في بالي بس قليلة الأدب ما تنفعش هنا ههههه
ههههههههه كده البرنامج ممكن الرقابه توقفه
عندك حوالي كام اسم متسجل علي موبايلك؟
مش هعد أعدهم يعني ,,بس كتير
لأن الخط دا جايبه من أول ما نزلت مصر في صيف 2006
و مش من النوعية الي بتغير خطوط
قولي مين في البلاك ليست بتاعت طارق؟
ماحدش ,,يمكن كان رقم او اتنين زمان ,,الي هو نظام الغلاسه دا ,,بس حاليا مافيش
ايه هي نغمة موبايلك الحالية ؟
نغمة من نغمات الجهاز ,,أنا بحط حاجات هادية مش بحب الحاجات المزعجة
يعني ممكن تلاقيني حاطت الضفدع مثلا
ياعيني ع الهدوء
ولا حتي غيرتها عشان رمضان ؟

لأ ,,لا بعد و لا قبل ,,مش بحط ادعية و أناشيد و الحاجات الي بتبقى مزعجه دي و بتوتر الأعصاب
مش عارف الناس بتستحملها ازاي!!
صورة طارق بتحتل خلفية موبايله^_^ ولا لاء؟
نو ,,بحب خلفيات الديجيتال بس
ايه هو اسم بلوتوثك؟
T@Rek
مش بستخدمه غير نادر جدا
كنت زمان ايام الشباب

ايه ياعم محسسني انك عجزت ماانت برضه لسه شباب
طيب كده بتنتهي اول فقرة معانا النهارده
فاصل ونرجعلكم تاني
بالمستندات
استنونا


رجعنالكم تاني بالمستندات

ونشوف اول مستند

(الخوف حاليا من أن نحكم بسلطة تدعي الدين
مش الخوف من الدين نفسه ,,لكن الخوف من أفراد يعتلوا مناصب و يفرضوا قوانين بنظرتهم الخاصة
لأن الاعتراض عليها بيكون بالنسبالهم كالإعتراض على الخالق!!
فتقدري تقولي انها بتكون ديكتاتورية بلباس الدين
لكن دا مش شرط ,,الموضوع بيحتاج وعي فكري
وعي فكري + دين = انسان ديمقراطي معتدل سياسيا
بدون وعي فكري + دين = تطرف )


بعد الرد ده
عاوزة اعرف ايه رأي طارق في الاخوان المسلمين ؟


الإخوان عندي أفضل جماعة بتحكم بالدين بالمقارنة بالحركات الأخرى على سبيل المثال الجماعة الإسلامية و الجماعات السلفية الي مش بيكون عنده أي فهم للسياسة و كيفية ادارة الأمور ,,و في الغالب هما بيفضلوا يبعدوا عن المناصب الي بيعتبروها مشبوهه ,,لأنه وقتها هيضطر يحكم بالمنطق و العقل و هما ماشيين بالتلقين أكثر من التفكير ,,فهيحس انه بيناقد نفسه فبيفضل يفضل داعية و شيخ مسجد بحيث ماحدش يقدر يمسكله أي موقف أو قرار قيادي اتخذه

أما الخوان فهم حركة سياسية محنكة
لها خبرة طويلة ,,لكن مش بيعجبني فيهم انهم بيستغلوا عقول البسطاء في رفع شعارات اسلامية ,,و كمان خايف من احتكارهم للسلطة سواء بشكل شرعي او غير شرعي
و دا بيتحقق من تكتلهم ,,هما كتله واحده ,,لما مثلا منصب نقيب الاطباء يتعمل عليه تصويت دائما يفوز الاخواني ,,و الصيادلة نفس النظام ,,فبحس انهم بيمسكوا المنصب و بيجدروا فيه ,,فبيبقى صعب ان حد يقدر يفوزهم لأنهم زي ما قولت كتلة واحده ,,بيعتبروا انه واجب ان كل الاخوان يصوتوا للاخواني الي زيهم حتى لو كنت ما اعرفش الشخص المرشح دا مين

لكن شخصيا مش ضدهم و ما اقدرش الومهم على تنظيمهم
بس كنت اتمنى ان يكون عندنا حزبين على الاقل بنفس القوة بحيث اننا نعادل المعادلة السياسية

رأي سليم جدا طبعا وفعلا لو فيه احزاب تاني بنفس القوة المسأله هتكون احسن بكتير

تاني مستند

(منصب أمانة الجامعة العربية هو منصب بلا انجازات
أمانة الأنظمة العربية الديكتاتورية ,,طبيعي مش هيكون لصاحبها اي انجاز يذكر
لأنها بتضم دول بتحكم بشكل مستبد و باقتصاد ضعيف بيتعمد على الاستيراد

انت عندك مثلا نبيل العربي
لما كان ماسك الخارجية ,,الكل كان بيحبه و بيحترمه و ظهرت له شعبية كبيره
معرفش مصري واحد كارهه أو بينتقده
مسك الأمانة العامة دلوقتي ,,و طلعتله تصريحات شبه بتايد النظام السوري ,,و شوف كمية الانتقادات
و دا طبعا غصب عنه
زي ما بقولك أمانة الأنظمة المستبدة ,,
عشان كدا هو كان رفض المنصب أكثر من مره و ما قبلوش غير بسبب ضغوطات قطر
فما تدورش على انجازات أمانة الجامعة العربية )


ده كان رد ليك في موضوع (كيف تري عمرو موسي)

انت شايف جامعه الدول العربيه ازاي ليها فايده ولا لاء؟
وتفتكر امتي هيكون لامانة الجامعه العربيه انجازات؟
يعني عايزة اعرف ايه سلبياتها وايجابياتها لوفيه؟


دورها شبه مش موجود في أي حاجه
لأن الدولة الأم الي بتحضن الجامعة العربية في وضع غير قيادي
و عشان تكون في وضع قيادي هتبقى محتاج وضع اقتصادي قوي
مش وضع اقتصادي بيعتمد على اعضاء الجامعة العربية!!
لأن القائد المفروض بيكسر مش بيتكسر
انت لو عارضت اي دولة ليك عندها مصالح مثلا هتقولك يلا بالسلامه و خد الجالية بتاعتك و مش عايزينك ,,فانت كدا بتتكسر
و بالتالي دايما هتلاقي الجامعة العربية بتاخد افضل موقف و هو السكوت ,,

امتى هيكون للجامعة دور ايجابي ,,لما مصر يرجعلها دورها في المنطقة + لما دول الخليج تتحرر من الحكم الاستعبادي و عادة تقديس الحاكم ,,يعني نوعا ما قراراتهم و مواقفهم فيها شيء من الطائفية ,,الي هي اساس قوة شعبيتهم اصلا
يعني مثلا لما نشوف موقفهم مع سوريا عشان نظام علوي وقفوا ضده ,, و مع البحرين عشان نظام سني وقفوا معاه
مثلا بلد زي ****************** ايام ثورة مصر كان اي حد يرفع شعارات ثورة تايد مصر على طول كانوا بيقبضوا عليهم حتى بعد الثورة و حصلت في ماتش كورة بين المنتخبين
و الحجة بتاعتهم ان ممنوع المظاهرات و دي قوانين البلد
بس من يومين تلاقي مظاهرات عادي ضد سوريا!!
فتحس انهم ماشيين بمكيالين ,, مع ان دول الخليج عندها الثورات الي تقدر بيها تخلي للعرب كرامة و قوة و وحدة ,,لكن المشكلة في انظمة الحكم المستبدة عندهم ,,ماحدش بيقدر يعارضها ,,و ماشيين جنب الحيط دوليا

المستند التالت
ده عايزة افهمه منك


(النقاب بيطمس هوية المرأة ,,دا رأي الشخصي
يعني عشان يكون ليها دور قوي و رأي عام لازم وجهها يبان على الأقل
حتى في السعودية المفكرات من النساء وجوهم بتكون مكشوفة

لكن واحده عايزه تلبس نقاب هي حرة طبعا
الإجبار ضده)


وده كان رد ليك في موضوع (شغلـ عقلكـ وبلاشـ تزمتـ)
ممكن توضحلي وجهة نظرك اكتر بالنسبة للنقاب؟


وضحتها كتير قبل كدا
في فرق بين الحجاب و النقاب
النقاب الي هو البنت تغطي كل جسمها
الحجاب هو انها تغطي كلوا ماعدا وشها و ايديها

أنا شايف ان تغطية المرأه لوجهها = طمس لهويتها
كأنها مش موجوده في المجتمع
عايز اقولك مثلا كان في واحده قريبتنا من بعيد شوية ,,جت عليها فترة و اتنقبت
تقولي ازيك يا طارق ,,مش عارف دي مين!!
ماكنتش بديها وش بصراحة لأن بالنسبالي شخص مقنع
السنادي لاقيتها خلعت النقاب ,,فبشوف وشها و تعبيراته لما تهزر أو اهزر أو اي حاجه ,,تحس في الفه اكتر تكون عارف دا مين

اذا كان في الحج نفسه وجه المرأة بيكون مكشوف
في الصلاة وجه المرأة بيكون مكشوف عادي و مش بيتقال عنه عورة
طيب ايه المشكلة!!
يعني تفتكري في حديث بيقول ان أجر المرأه و هي بتصلي بالنقاب أكثر منه بالحجاب!!
مافيش حديث بيقول كدا
و انت في الصلاة مطلوب منك تغطي عوراتك لو كان الوجه عورة كان جه أمر صريح بتغطيته أثناء الصلاة
يبقى لو في مشكلة تبقى مشكلة في المجتمع نفسه

لكن فكرة اننا نخلي نص المجتمع مقنع دي أنا ضدها
تخيلي لبست قناع و مشيت في الشارع !!

بتحصل حالات سرقة كتير و بيكون النقاب هو طريقة التخفي ,,حد هيقولي دي زي السكينه ما ينفعش تحكم عليها عشان جريمه
بس عشان نكون صريحين دي اسمها طمس للهوية و تخفي
و بعدين في مجتمعنا احنا مش بنفضل الجواز بالصور
حتى جواز الصالونات الراجل بيشوفها و بيشوف وشها و بيتكلم معاها ,, احنا مش مجتمع منغلق زي المجتمعات الي بتفرض النقاب

و صدقيني لو كنت حسيت بايجابيات النقاب دا في الول دي الي انا عشت فيها كنت هأيده

لكل واحد وجهة نظر وانا بحترم وجهة نظرك جدا


فاصل وكش ملك


رجعنالكم ولسه مكملين معاكم ولسه منورنا الراس الكبيرة
د/ طارق

نبتدي ياطارق وكش ملك

*والسؤال الاول:
طارق شايف منتدي بنات مصر


1:من افضل المنتديات وموش ناقصه اي حاجه
2:نص نص ومحتاج شغل اكبر
3: مايفرقش كتير عن غير
4: اجابه اخري

يعني تقدري تقولي اننا محتاجين نشاط اعلى بكثير
لان في خمول من نخبة المنتدى الي هما المشرفين و المميزين و الاداريين
طبعا مش كلهم لكن نسبة كبيره منهم


*كش ملك والسؤال التاني
لو حد بعتلك ع الخاص عشان اشراف او تميز او الحركات دي


1: ولا كأنك شوفت حاجه
2:تحاول تفهمه ان كده غلط بش غير مباشر
3:تهاوده من ناحيه وتطنشه من ناحيه تانيه
4 :اجابة اخري

و حصلت من عضو قاعد سنتين كل ما اميز يقولي و انا
مش اديتله غير لما فعلا استاهلها

*كش ملك والسؤال التالت
ايه السر في حب الاعضاء والمشرفين والناس دي كلها
في سيلفر سبيكترا

1: مواضيعك المميزة
2: اسلوبك في التعامل معاهم
3:لأنك اداري
4:ولا اجابه اخري

أول كش
لأن الاجابة هي جميع ما سبق


*كش ملك ياطارق والسؤال الرابع
طارق بيختلف عن سيلفر سبيكترا


1: ده شخص وده شخص
2:هو هو بالمللي
3:في بعض الاوقات
4: اجابه اخري


اوقات قليلة لما بيكون ليه رأي خاص أو انحياز لطرف معين في موضوع نقاشي حصل فيه خلاف مثلا
و بضطر التزم الحيادية في التعامل معاهم بحكم اني اداري و مطلوب مني تحقيق العدالة

*وكش ملك والسؤال الخامس
لو طارق قرر الانسحاب من المنتدي
المنتدي هيكون ازاي


1: هيخسر كتير
[2: انسحابك موش هيأثر فيه
3:هتحصل شوية مشاكل في الاول وبعدين هيهدي
4: اجابه اخري

يعني ممكن ليه مواضيع و اسلوب مميز خاصة في المسابقات
بس أنا عندي ايمان ان الدنيا مش بتقف على شخص
و هتستمر عادي زي ماكان قبل كدا في اداريين و ماكناش انهم في يوم هيسيبوا المنتدى و سابوه
حصلت مشاكل بعدها و النيا مشت عاي بعدها
بالعكس ممكن تشوفوا تطور و فكر مختلف ينعكس ايجابا على المنتدى لو سيبته

واحنا مانتمناش ابدا ان طارق يسيب المنتدي

*السؤال السادس وكش ملك
انت شايف شغلك في المنتدي بنسبة


1: 50%
2: 80%
3:%100
4: اجابه اخري


استني عليا بس انت شايف شغلك في المنتدي بنسبة 50% بس طب قول 80 ياعم

بصراحه ياطارق
انت شايف كده يعني فيه تقصير منك
طب انت شايف انك مقصر من ناحيه ايه في المنتدي
وايه سبب تقصيرك ده
وهتعمل ايه عشان تضاعف مجهودك


اه طبعا برغم كل الي بعمله بحس اني مقصر جدا كمان
لاني لو مش حسيت بالتقصير هحس بالكمال
و الشعور بالكمال بيؤدي للغرور و بيخلي الشخص ممكن متعسف شوية في اراءه و قراراته

طبعا الكمال لله وحده بس انت بتبذل مجهود كبير اوي في المنتدي
ومحدش يقدر ينكره



وكش ملك
والسؤال السابع
ترشح مين لرئاسة الجمهورية وليه

1: البرادعي
2: احمد زويل
3:عمرو موسي
4:اجابه اخري
مع حفظ الالقاب للجميع طبعا

اعتقد افضل عقلية هي البرادعي
و يكفي انه اول من طالب باسقاط النظام الفرعوني في وقت كان الكل بيمجد و يسبح بحمد الرئيس
لكن عمرو موسى بيفوقه في البلوماسية و الكاريزما
و عامة انا قبل الانتخابات الرئاسية ههري نفسي مناظرات و مش هختار كدا غير لما افحص كل مرشح زي ما عملت في الاستفتاء

وصلنا للسؤال التامن وكش ملك
احمد تكنيكال بالنسبة لطارق

1: اكتر من أخ
2: ايده بايدك في المنتدي
3: مجرد شخص عادي
4: اجابه اخري
احمد دا شخص محترم ,,كفايه انه عمره ما فهمني بشكل سيء او حسيت ان في ذرة زعل بيني و بينه
و ان شاء الله هيرجعلنا قريب

كش ملك وتاسع سؤال
رأيك في محمد عكاشه (خارج عن القانون)

1: متهور ومبيهمهوش
2:انسان مثقف لكنه مغرور
3: حد عارف هو بيعمل ايه
4: اجابه اخري

انا مش شايف انها ميزة ,,يعني شوفت ليه رد في موضوع قلم بلا حبر فيه استضافة لنور حسيت فيها باندفاع و تهور بشكل مبالغ فيه شويتين تلاته,,مع احترام رأيه طبعا ,,بس التسرع احيانا بيخلي رايك ضعيف

*السؤال العاشر وكش ملك
ده موش هنعتبره سؤال هو طلب
هطلب منك تختار حد وتوجهله كلمة زي ماتحب
هتوجه الكلمة دي لـ

1: الرئيس المخلوع حسني مبارك
هو شخص وطني و محترم نوعا ما ,,لكن هو المسؤول عن تدهور البلد و افساد الحياة السياسية فيها بدرجة كبيرة,,أكبر خطا وقع فيه هو انه عامل الشعب المصري بالجهل ,,قالك دول ما يجوش معاهم غير بكدا و ما يفهموش يعني ايه ديمقراطية اصلا و احنا الي عارفين كل حاجه
و بالتالي عمل اعتقالات كتير في حق اصحاب الفكر السياسي و بالاخص الاخوان ,,لأن حزبه كان بيعتمد على بطش السلطة
بس تقدري تقولي انه افضل من كل الحكام العرب الحاليين
على الاقل كان في مساحة حرية كبيرة في مصرفي عهده بالمقارنة بالدول العربية الاخرى ,,لكنه يظل في النهاية ديكتاتور لانه احتكر السلطة و لعب في التشريعات و استخدم امن الدولة للبقاء على الكرسي

2: معمر القذافي
فيلسوف مجنون,,بيعتمد على اشخاص في منتهى الغباء الفكري الي بتقدسه و بتشوفه كل حاجه و الله معمر و ليبيا و بس ,,لو تسمعي عن جرائمه في فترة السبعينات لما كان بيشنق ناس في ساحات عامة لمجرد انها بتعارض فكره هتعرفي اد ايه ا شخص مختل عقليا

ياااه ده انا عارفاه كويس جدا وكل جرايمه ونصايبه من زمان لحد دلوقتي
احنا ال25 ساعه مشغلين اخبار ليبيا
ربنا ينصرهم وهما في اشد الحاجه لدعائنا دلوقتي



3: بشار الاسد
شخص سادي ,, و نظامه اجرامي ,,بيعتمد على فكرة انه نظام مقاوم و عزة العرب و خطر اسرائيل و هو مش بيتشطر اصلا غير على شعبه ,,و من سنتين اسرائيل عملت غارة في سوريا و حلقت فوق القصر الرئاسي بتاعه و ما بيقدرش يعمل اي حاجه ,,و مفكر انه بيمثل المقاومة و الغزة!! ,,مش عارف على اي اساس بصراحة
طبعا هو اسوء بمراحل من حسني مبارك ,,على الاقل حسني ماكنش مدخل عيلته في الجيش و في مناصب عليا ,,على عكس بشار الي نظامه شبيه بنظام صدام,,عشان كدا بيستخدم كل مؤسسات الدولة لخدمته ,,زي الجيش ,,فالشعب مش لاقي حاجه يتحمي فيها للأسف

4:علي عبدالله صالح
عبد الله صالح دا شاف حسني بيتحاكم فقالك و الله ما انا سايب الكرسي و فضل قاعد لحد ما ربنا رزقه كدا بقنبلة شوهت شكله
و من ساعتها و هو في السعودية ,,مش عارف ازاي بيحكم من هناك!!
بس عامة مش هيقدر يرجع تاني اليمن و يحكم منها
اتوقع ان نهايته في السعودية و هيحصل انتقال سلمي من هناك و هيكمل حياته فيها عشان مش يتحاكم



بشكرك ياطارق جدا علي قبولك الدعوه
وعلي وجودك معانا النهارده
وانك اديت للاسئله حقها في الاجابات وبكل صراحه
وبجد كنت منور الدنيا كلها واستمتعت بالكلام معاك
اوي وان شاء الله موش هتكون اخر اللقاءات
كل سنة وانت طيب وميرسي ليك


العفو على ايه بس
انا الي استمتعت بالاسئلة







 
قديم منذ /08-10-2011, 12:46 AM   #2

ŦHE Mǻgicǻl Love

 

 رقم العضوية : 52020
 تاريخ التسجيل : Jul 2010
 الجنس : ~ بنوتة
 المكان : ام الدنيا جنة المصريين
 المشاركات : 5,190
 النقاط : Řǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond reputeŘǻet βanota has a reputation beyond repute
 درجة التقييم : 6882
 قوة التقييم : 4

Řǻet βanota غير متواجد حالياً

أوسمة العضو
افتراضي

وااااااااااااااااااااااااااااااو

حلقه جامده جدا

مذيعه زى العثل وبتقدمه

بشكل جميييييييييل جدا

والضيف جامد جدا

شخصيه مهمه جدا

محبوبه جدا

عاجبنى طريقه تفكيرك جدااااااااااا


ميغسى ع الحلقه الجامدهـ







 
قديم منذ /08-10-2011, 12:54 AM   #3

مراقبه عـامة سابقا

أم يـوسـف

 

 رقم العضوية : 10851
 تاريخ التسجيل : Jan 2009
 الجنس : ~ أنثى
 المكان : القدس المحتله
 المشاركات : 29,277
 الحكمة المفضلة : لا داعي من الخوف من الرصاص فالرصاصه التي تقتلك لن تسمع صوتها
 النقاط : Silver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond reputeSilver Flower has a reputation beyond repute
 درجة التقييم : 19342
 قوة التقييم : 10

Silver Flower غير متواجد حالياً

 

 

 

 

 

أوسمة العضو
افتراضي

حلقه حلوه ومنور يا طارق باجاباتك







 
قديم منذ /08-10-2011, 01:01 AM   #4

مشرفة الحياة الزوجية سابقا

هبه الله

 

 رقم العضوية : 46313
 تاريخ التسجيل : Apr 2010
 الجنس : ~ بنوتة
 المكان : مصر حببتى يارب احفظها وأجعلها دائما بلدا أمنا وارزقها الاصلاح والفلاح يأرحم الراحمين
 المشاركات : 13,662
 الحكمة المفضلة : (ليس على المريض حرج ؟؟؟ )
 النقاط : عاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond reputeعاشقة الهدوء has a reputation beyond repute
 درجة التقييم : 3208520
 قوة التقييم : 1605

عاشقة الهدوء غير متواجد حالياً

أوسمة العضو
افتراضي

السلام عليكم ورحمة الله وبركاته


برنامج جميل جدا ياحببتى ومضمونوا قيم وطبعا استضافه


متميزه لطااارق وكما تعودنا من شخصه اسلوبوا المثقف الواعى


ودرايته بكل الامور بشكل عااالى ومتزن بس فيه نقطه


معينه بس أحب أعلق عليها وهى ردة فعل طارق عن النقاب


وطبعا كلمته وهو النقاااب طمس للهويه طبعا النقاااب مش


طمس للهويه ولا حاجه ياطارق النقاااب المرأه بترتديه


زياااده فى الايمااان رغم انه كااان الحجاب الشرعى على عهد الرسول


عليه الصلاة والسلام ومفروض انه يكون فى زمنا ده

حاجه أساسيه خاااصة ان زمن كثرت فيه الفتن

بس للاسف العيب دلوقتى مش النقاااب وارتدائه العيب دلوقتى


فى البشر أنفسهم الاغلبيه بيكرهوا النقاااب

مش عارفه ليه رغم انه حاجه جميله جدا وحجاااب شرعى وربنا أمر بى


وستر للمسلمه لجميع بدنها والاغلبيه الاخرى مذبذبين فى ارتدائه

وتعاملهم معه بشكل للاسف سيىء وأسفه للاطاله بس


دى كانت نقطه حابه اوضحها مش اكتر ونورت طبعا الحلقه


ياطارق ربنا يحفظك وكل سنه وانتم طيبين







 
قديم منذ /08-10-2011, 01:04 AM   #5

مشرفة قسم المصارعة سابقا

lover smile

 

 رقم العضوية : 37215
 تاريخ التسجيل : Dec 2009
 المشاركات : 3,817
 النقاط : نانـــــو has a spectacular aura aboutنانـــــو has a spectacular aura aboutنانـــــو has a spectacular aura about
 درجة التقييم : 238
 قوة التقييم : 1

نانـــــو غير متواجد حالياً

أوسمة العضو
افتراضي

حلقة جميلة وكنت منوووووووووور الحلقة يا طارق
واستمتعت بالحوار
اتمنالك التووووووووووووووووفيق







 
قديم منذ /08-10-2011, 01:09 AM   #6

عضو ذهبي

 

 رقم العضوية : 71527
 تاريخ التسجيل : Jun 2011
 العمر : 24
 الجنس : ~ بنوتة
 المكان : Country love >.<
 المشاركات : 1,490
 الحكمة المفضلة : محدش بيتجرح اووى الا لما يحب اووى
 النقاط : ღḾăĺăҜ ღ is infamous around these partsღḾăĺăҜ ღ is infamous around these partsღḾăĺăҜ ღ is infamous around these parts
 درجة التقييم : -255
 قوة التقييم : 0

ღḾăĺăҜ ღ غير متواجد حالياً

أوسمة العضو
افتراضي

حلقة رووووووووووعة جداا والمذيعة تحفة وكمان الاسئلة جميلة اوى اما د/ طارق اجباتة بجد جميلة اوى ومنطقية جداااااا ويسلمووو على الحلقة وعلى المجهود







 
قديم منذ /08-10-2011, 01:10 AM   #7

عضو ذهبي

 

 رقم العضوية : 71527
 تاريخ التسجيل : Jun 2011
 العمر : 24
 الجنس : ~ بنوتة
 المكان : Country love >.<
 المشاركات : 1,490
 الحكمة المفضلة : محدش بيتجرح اووى الا لما يحب اووى
 النقاط : ღḾăĺăҜ ღ is infamous around these partsღḾăĺăҜ ღ is infamous around these partsღḾăĺăҜ ღ is infamous around these parts
 درجة التقييم : -255
 قوة التقييم : 0

ღḾăĺăҜ ღ غير متواجد حالياً

أوسمة العضو
افتراضي

حلقة رووووووووووعة جداا والمذيعة تحفة وكمان الاسئلة جميلة اوى اما د/ طارق اجباتة بجد جميلة اوى ومنطقية جداااااا ويسلمووو على الحلقة وعلى المجهود







 
قديم منذ /08-10-2011, 01:32 AM   #8

عضوة مميز

 

 رقم العضوية : 31007
 تاريخ التسجيل : Sep 2009
 العمر : 24
 الجنس : ~ بنوتة
 المكان : أخرآلشآرع يمين
 المشاركات : 3,584
 الحكمة المفضلة : ليس كل سقوط نهآيهـ ,, فسقوط آلمطر أجمل بدآيهـ
 النقاط : βзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to behold
 درجة التقييم : 812
 قوة التقييم : 1

βзήŦ ℓǻẑĨήǻ غير متواجد حالياً

أوسمة العضو
افتراضي

اقتباس:
المشاركة الأصلية كتبت بواسطة عاشقة الليل الحزين مشاهدة المشاركة
وااااااااااااااااااااااااااااااو

حلقه جامده جدا

مذيعه زى العثل وبتقدمه

بشكل جميييييييييل جدا

والضيف جامد جدا

شخصيه مهمه جدا

محبوبه جدا

عاجبنى طريقه تفكيرك جدااااااااااا


ميغسى ع الحلقه الجامدهـ

ميرسي لمرورك يامزتي
نورتيني يابطوط







 
قديم منذ /08-10-2011, 01:35 AM   #9

عضوة مميز

 

 رقم العضوية : 31007
 تاريخ التسجيل : Sep 2009
 العمر : 24
 الجنس : ~ بنوتة
 المكان : أخرآلشآرع يمين
 المشاركات : 3,584
 الحكمة المفضلة : ليس كل سقوط نهآيهـ ,, فسقوط آلمطر أجمل بدآيهـ
 النقاط : βзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to behold
 درجة التقييم : 812
 قوة التقييم : 1

βзήŦ ℓǻẑĨήǻ غير متواجد حالياً

أوسمة العضو
افتراضي

اقتباس:
المشاركة الأصلية كتبت بواسطة silver flower مشاهدة المشاركة
حلقه حلوه ومنور يا طارق باجاباتك
شكرا لمرورك ياسارة
نورتي







 
قديم منذ /08-10-2011, 01:39 AM   #10

عضوة مميز

 

 رقم العضوية : 31007
 تاريخ التسجيل : Sep 2009
 العمر : 24
 الجنس : ~ بنوتة
 المكان : أخرآلشآرع يمين
 المشاركات : 3,584
 الحكمة المفضلة : ليس كل سقوط نهآيهـ ,, فسقوط آلمطر أجمل بدآيهـ
 النقاط : βзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to behold
 درجة التقييم : 812
 قوة التقييم : 1

βзήŦ ℓǻẑĨήǻ غير متواجد حالياً

أوسمة العضو
افتراضي

عاشقة الهدوء
ميرسي لمرورك جدا
وبشكرك علي رأيك كمان
وجهة نظرك تحترم
ومفيش اطاله ولا حاجه
نورتي الحلقه ياعسل



sweet girl
شكرا لمرورك جدا
ده من زوقك ياقمر
نورتي التوبيك







 
 

الكلمات الدلالية (Tags)
ملك, التانيه, الحلقه, سبيكترا, سيلفر, ومعانا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
الحلقه الثانيه من ساعة صفا ومعانا المشرف المتميز ......... ♥ملك روحى♥ أرشيف برامج اليوميات 18 08-13-2012 11:16 AM
الحلقه الثانيه من برنامج (طفولتى)ومعانا(........) ♥ملك روحى♥ أرشيف برامج اليوميات 147 07-18-2012 09:44 PM
الحلقه التانيه من برنامج انطباعكـ آيـه عن كلآ من ومعانا(الاميرة رودى) mīĐŏ ǺĻ ƒâηâη أرشيف برامج اليوميات 121 05-20-2012 01:23 PM
الحلقه الثانيه من منزلك على ذوقك ومعانا " fankosha فراااشه ديكور - أثاث - غرف نوم - مطابخ - حمامات 36 06-30-2011 12:21 PM
الحلقه الثانيه من برنامج شغل خيالك ومعانا النجمه..... ملكة القلوووب أرشيف برامج اليوميات 51 06-06-2011 12:27 AM


الساعة الآن 05:35 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w