ملاكى البرئ ( قصه بقلمى الخاص )

[تامر على الطويل]

ملاكى البرئ
000000000

حكايه ممكن تكون حصلت ليك زى ماحصلت ليا
دمرتك وغيرتك زى مادمرتنى وغيرتنى
بدايتها قصه حب طويله لإنسانه بجد ملاك كفحت وصبرت كتير معايه لحد ما إتجوزنا وبقينا لبعض

بنت عشت معاها اجمل ايام عمرى وكانت قبل ماتكون زوجتى كانت أختى و ولدتى وبنتى وكل حاجه فى حياتى
كانت ديما بتحس بيا قبل انا حتى ماأحس بنفسى وبوجعى
كانت فعلا
00000000
ملاكى البرئ
00000000

البدايه
0000000

يدخل ادهم ويجرى وراء ياسمين فى شقتهم وتدخل ياسمين أوضتها وهى فى حاله إنهيار وتقفل باب الاوضه عليها
يحاول ادهم يفتح باب الاوضه ودموعه بيحاول يدريها و يمنعها وغصب عنه تخونه وتنزل زى شلال على خده ويقولها

ادهم / سمحينى يا ياسمين إنتى طول عمرك بتسمحينى وبتغفرى ليا
أنا عارف إنى جرحتك جرح كبير وخبيت عليكى الحقيقه
بس إنتى ديما بتسمحينى وأكيد هتسمحينى وهتغفرى ليا
أنا مش عايزك تضيعى منى يا ياسمين
إفتحى ياياسمين وخدينى فى حضنك أو حتى عتبينى وزعقيلى
بس المهم تتكلمى سكاتك ده قتلنى
انا غلطت وعارف انك عمرك ماقصرتى معايه وكنتى ديما وقفه جمبى ومحسسانى انى ملك وإنتى ملكتى
بلاش تسبينى لوحدى فى الدنيا دى
انا بحبك يا ياسمين وعايزك انتى صدقينى عايزك انتى ومش عايز حد غيرك
رودى عليا يا ياسمين
ياسمين 0000 ياسمين
وساعتها يخبط ادهم الباب بكتفه ويدخل جرى على الاوضه يلاقى ياسمين مرميه على الارض وشراين إديها مقطوعه وغرقانه فى دمها
يضمها ادهم لحضنه ويقولها وهو فى حاله زهول
ادهم / ياسمين رودى عليا ياحبيبتى هتكونى بخير إوعى تسبينى وتمشى
إوعى تسبينى فى الدنيا دى لوحدى
ويشلها ادهم ويجرى بيها زى المجنون على أقرب مستشفى

وفى المستشفى
00000000000000000

يدخل ادهم وهو شايل ياسمين بين الحياه والموت
يجرى عليه دكتور النباطشيه وكام ممرضه ويخدوها منه
وينده الدكتور للممرضه ويقولها خدوها على اوضه العمليات فورا
ويجرى الكل وتحصل حاله من النشاط للمستشفى الوحيده فى منطه سكن ادهم
وادهم واقف فى حاله زهول مش مصدق اى حاجه
وبيفتكر الحكايه من بدايتها
0000000000000000
قبل الحكايه ب 3 شهور
0000000000000000

تدخل ياسمين الاوضه على ادهم وهو نايم تفتح شباك الاوضه وتصحيه وتقوله
ياسمين / إصحى بقه ياحبيبى وبطل كسل الظهر أذن
ادهم / صباح الفل ياقمر ويانور حياتى
ياسمين / هههه يا**** إنت
بطل بقه ياادهم أنا بتكسف
ادهم / بتتكسفى من جوزك يامجنونه ههههه
ياسمين / مجنونه بيك ياحبيبى
ادهم / الله الله أجمل صباح فى الدنيا مع أجمل قمر وزوجه شافتها عنيا مش عارف من غيرك كنت عملت إيه
ياسمين / أكيد كنت نمت لحد العصر ههههههه
أدهم / هههههههه طيب يالمضه هفطر ولا أروح أفطر فى المحل وأصحابى يتريقوا عليا ويقولولى مراتك طردتك من غير فطار
ياسمين / وإنت من إمته فطرت فى المحل ياحبيبى
ادهم / ولا مرة فطرت بره
بصراحه إنتى طول عمرك ومن ساعه ماإتجوزنا وإنتى مدلعانى على الاخر وبتعملينى على إنى إبنك مش جوزك ههههههه
ياسمين / تضم ادهم ليها وتقوله إنت جوزى وإبنى وحبيبى وأبويا
ادهم / الحمد لله إنك مقولتيش انى أمك كمان ههههههه
ياسمين / قوم بقه يا بايخ الفطار هيبرد
ادهم / حاضر ياقلبى

وعلى مائده الافطار يقعد ادهم وياياسمين يفطروا

وشويه والتليفون يرن يقوم ادهم يرد
ادهم / أيوة ياست الكل وحشانى والله ياماما
أيوة طبعا هنيجى يوم الجمعه أنا وياسمين هو أنا أقدر مش أجى عزومه ست الكل
مع السلامه

ويقعد ادهم يكمل فطارة
يلاحظ ادهم شرود ياسمين فيقولها

ادهم / مالك ياحبيبتى سرحانه فى إيه
ياسمين / مافيش ياحبيبى

يمد ادهم إديه ويمسك إديها ويبص فى عنيها ويقولها

ادهم / ماتعرفيش إنى أقدر أقراء أفكارك ومن عنيكى أقدر أقولك كل أسرارك
ياسمين / طبيب روحانى حضرتك
هههههههههه
ادهم / ههههههه لاء أنا طبيب بيحب قمر
مالك يا ياسمين ؟؟
ياسمين / هى ولدتك كانت بتقولك إيه ؟؟
ادهم / عادى كانت بتأكد علينا إننا نيجى العزمه بتاعه يوم الجمعه
ياسمين / بس كده مش قلتلك حاجه تانيه !!
ادهم / حاجه تانيه زى إيه ؟؟
ياسمين / لاء ياقلبى خلاص مافيش
ادهم / تانى يا ياسمين أنا عرفت قصدك إيه
أنا قولتلك مليون مرة إن موضوع الخلفه ده ب إدين ربنا وإحنا لازم نرضى ب إللى كتبه لينا ربنا وإتفقنا قبل كده إننا نعيش وننسا موضوع الخلفه دى ونخليها على ربنا
إحنا عملنا إللى علينا ورحنا كشفنا والدكتور قالنا مفيش أى موانع للحمل ولا عندى ولا عندك يبقه بلاش بقه كل شويه تفكرى بالشكل ده
أنا عايزك إنتى وبحبك إنتى يامجنونه
ياسمين / وأنا كمان بحبك أوى يا ادهم وعلشان كده نفسى أخلف منك وأفرحك وأخليك أسعد إنسان فى الدنيا
000000000000000000000000000
يروح ادهم عليها ويضمها ليه ويقولها
000000000000000000000000000
إنتى عندى الدنيا كلها ومعاكى أنا أسعد راجل فى الدنيا
أنا مش عايز أولاد غير منك إنتى
وياستى إنتى كل مرة بتقوليلى إنت إبنى خلاص بقه يبقه ليه عايزه تجبيلى شريك يشاركنى فى حبك
أنا طماع وأحب أخد الحب ده كله ليا وبس
0000000000000000000000000
ويمشى ادهم من البيت على محل الزجاج إللى بيمتلكه وهناك يقابل احمد صديق عمرة وصاحب محل المجوهرات اللى جمبه
0000000000000000000000000
احمد / صباح الخير ياادهم جاى المحل بعد الظهر انا مكنتش اعرف ان الجواز بيخلى الواحد كسلان قوى كده هههههه
دى رابع سنه ليك متجوز يابنى ولسه برضو كسلان من البيت للشغل ومن الشغل للبيت
ادهم / هههههه صباح الخير ياعم وبطل قر بعنيك المدورة دى الجواز جميل جدا وبالذات لما تتجوز الانسانه اللى بتحبها وبتحبك
احمد / يعنى أتجوز على ضمانتك
ادهم / إتكل على الله ياعم هى موته ولا أكتر هههههههههه
احمد / ربنا يطمنك ههههههه
000000000000000000000000
ويدخل احمد يقعد مع ادهم فى المحل ويدور ما بينهم الحوار ده
00000000000000000000000

احمد / ايه مالك ياادهم سرحان كده ليه وشايل طاجن ستك
ادهم / انا ستى ماكنتش عندها طواجن هههههه
احمد / هههههه لاء بجد مالك ياادهم
ادهم / ياسمين مزعلانى قوى يااحمد
احمد / يااااه أخير بعد جواز 4 سنين
اخيرا زعلتك ياااااه انا كنت بدات أفقد الامل ياعم ههههه
ادهم / بطل هزار يااحمد إنت عارف كويس إنها عمرها مزعلتنى من ساعه ما إتجوزنا كل الحكايه إن موضوع الخلفه ده واكل دماغها وشغلها طول الوقت أى مكالمه أكلمها لولدتى تسال بعدها على طول ماما قلتلك إيه وكانها حسه ان ولدتى بتسالنى عن موضوع الخلفه ده
احمد / وفعلا ولدتك بتسالك عنه ؟؟
ادهم / كل ام فى الدنيا يهمها ويفرحها إن إبنها يكون سعيد
ويفرحها أكتر انه يكون اب وتكون جده وتشيل ابن ابنها على كتفها
بس انا ولدتى بتحافظ على مشاعر ياسمين وعمرها مازعلتها ولا فتحتها فى موضوع الخلفه ده ابدا
هى بتكلمنى لما بكون لوحدى عندها وبتسالنى عن الاخبار
بس عمرها ماقلتلى حاجه عن ياسمين لان ولدتى بتحبها قوى
المشكله فى ولدى هو اللى ديما بيقولى اتجوز على ياسمين وخلف
نفسى اشيل احفادى قبل ما اموت

احمد / طيب ماتتجوز وخلاص ياعم
ادهم / اتجوز على ياسمين انت اهبل يابنى ده بنتى وزوجتى وامى وحبيبتى وكل حياتى فى حد يخون حياته
احمد / امال هتعمل ايه بس ياادهم ؟؟
ادهم / هو انا لو اعرف كنت سألتك قوم روح يااحمد
احمد / طيب هو الدكتور قالك ايه لما كشف على ياسمين وعليك
ادهم / الدكتور قلنا مفيش اى عيوب ولا عندى ولا عندها
وقلنا انتوا ممكن تخلفوا من بكرة بس كله ب إدين ربنا وإدانا علاج وبنخده ب إنتظام
احمد / موضوعك ده ملوش غير حل واحد ياادهم
ادهم إلحقنى بيه
احمد / إتجوز من غير ماتقول ل ياسمين
وبكده مش
ادهم / بس بس متكملش مش عايز اعرف الباقى وقوم يالا روح
احمد / خلاص ياعم متزوقش انا ماشى
هستناك النهارده عيد ميلاد امير النهارده وعزمك وعازم كل اصحابنا وكلهم جاين من غير زوجتهم علشان نفرفش بقه ونفتكر ايام العزوبيه إوع تتأخر

ادهم / والله امير ده فايق و****
هو ليه نفس يعمل اعياد ميلاد وهو لسه مطلق مراته مابقلوش اسبوع
احمد / هههه انت عارف امير ولا بتفرق معاه اصلا
دى كانت الزوجه رقم 3 ياعم ناس فايقه وهايصه وناس كئيبه
سلام ياكئيب
ادهم / متنساش الهديه اللى قولتلك عليها
احمد / حاضر والله فاكر فى عيد ميلاد امير هجبها ليك

تتبع حالا

[تامر على الطويل]

وفى بيت ادهم
000000000000000000
ادهم / انا مش هتأخر عليكى ياحبيبتى هما 15 دقيقه بس أورى فيهم نفسى ل أمير وأجى على طول
هتوحشينى قوى الشويه دول
ياسمين / انتى بتوحشنى وانت معايه
ادهم / الله الله على الكلام الحلو اللى هيخلينى انفض ل أمير واقعد جمب حبيبتى وروحى
ياسمين / ههههههه بطل بقه ياادهم قولتلك بتكسف
وبعدين يالا بقه روح علشان ترجع بسرعه انا هقعد احسب الوقت من دلوقتى كده مر من الوقت 3 دقائق
ادهم / يبقه فضلى 12 دقيقه طياره قبل مايبقوا 5 دقائق هههههه
مع السلامه ياروحى
ياسمين / مع السلامه ياكل حياتى

ويروح ادهم لعيد ميلاد امير وهناك
000000000000000000000
يقرب امير من ادهم ويمد اديه يسلم عليه ويقول

امير / اخيرا الاستاذ اللى نسى اصحابه جه
ادهم / مين قال بس انى نسيتكم
ادهم / كل تصرفاتك ياعم فين ادهم بتاع زمان اللى كان كل يوم مع واحده شكل ياخد من دى الجمال ومن دى الحب
راح فين بس
ادهم / مانا قدامك اهوة ياعم ولا انت اتحولت ههههههه
احمد / سيبك منه ياامير ده اتغير خالص من ساعه مااتجوز وكأن مراته عملاله عمل هههههه
خليك معايه انا تحت امرك ياغالى افسد اخلاق زى انت عايز
نفسى ابقه زيك كده 00000 استاذ ورئيس قسم هههههه
امير / طيب ما انا اتجوزت اهوة 3 مرات ولسه بعقلى ومش اتغيرت
اشمعنه بقه ادهم اظاهر فعلا مراته سحراله
ادهم / او يمكن لانك عمرك ماحبيت بجد ياامير وكنت مقضيها تسالى واى واحده متقدرش عليها تتجوزها وتاخد منها اللى انت عايزة وبعدها ترميها
انما انا حبيت مراتى بجد
احمد / سيبكم بقه من الكلام ده المهم هنسهر فين بقه
امير / فى اى مكان تختاروه
احمد / اهم حاجه يكون المكان ده مليان مزز
عايز انحرف بقه ياناس

وكله يضحك فى نفس واحد

ادهم / انا برائه ياجماعه من السهر
انا لازم اروح
احمد / متبقاش بايخ بقه ياادهم ده يوم فى السنه ياعم
ادهم / ولا يوم ولا دقيقه انا بجد لازم اروح دلوقتى
امير / سيبه برحته يااحمد
احمد/ طيب ياعم الفقر خد الهديه اهيه اللى قولتلى اجبها ليك من محل المجوهرات بتاعى
بس قولى صحيح هتديها لمين دى وبمناسبه ايه
ادهم / ملكش دعوة وخليك فى حالك ياغتت
ويمشى ادهم من بيت امير وبيجرى فى الطريق علشان يلحق يكون مع ملاكه البرئ وحبيبته اللى بجد معاها اتغير وبقه انسان تانى

وفى البيت يفتح ادهم باب الشقه يلاقى النور فاصل ينده ويقول

أدهم / ياسمين انتى فين ياحبيبتى
ياسمين
النور ماله فاصل كده ليه مع انه شغال تحت فى باقى الحى

وفاجاه النور يشتغل ويلاقى ياسمين قصاده فى جمال سبحان من صور
ومجهزة عشاء على الشموع

ياسمين / كل سنه وانت طيب ياحبيبى

ادهم / عمرك مانسيتى عيد ميلادى ياياسمين
ياسمين / فى حد ينسى عيد ميلاد حبيبه
ادهم / وانتى طيبه ياعمرى كله
انتى عارفه انك انتى الوحيد اللى افتكرتيه
كل اصحابى وحتى عيلتى نسيوه
مع انه مميز لانه نفس يوم عيد ميلاد امير صحبى ههههههه
ياسمين / ايه ده هو انا مش كفايه
ادهم / انتى الدنيا كلها
اتفضل ياقلبى الهديه اللى ياما زلتنى بيها ههههه
ادهم / معقول تكونى جبتيها
ويفتح ادهم العلبه بسرعه يلاقى ورده حمراء موجوده جوة شاليه وفى كعب الشاليه مكتوب اسم الورده وتاريخ عيد ميلاده
يضم ياسمين ليه ويقولها انتى اجمل واروع حبيبه فى الدنيا بجد جميله قوى يا ياسمين
إتفضلى إنتى بقه هديتك
ياسمين / إيه ده هديه ليا أنا
بس ده عيد ميلادك إنت وأنا إللى لازم أجبلك هديه
ادهم / انا يوم ميلادى إتحسب يوم ما إرتبطت بيكى وبقيتى مراتى وحبيبتى
ياسمين / بطل بقه ياادهم الله
وتاخد الهديه وتفتحها تلاقى فيها خاتم على شكل ورده جميله تلبسه وتبص لأدهم وتقوله
الله بجد جميل اوى ياحبيبى
ادهم / هو مش جميل ولا حاجه
ده إحلو بس لما لبستيه ياقلبى
000000000000000000000000
ويقعدوا يتعشوا ويضحكوا ويفتكروا ايام حبهم
0000000000000000000
وبعده فترة من الزمن
00000000000
ينده ادهم لياسمين ويقولها
0000000000000000
ادهم / يالا بقه يا ياسمين هنتاخر على عزومه ولدتى
ياسمين / خلاص اهوة ياحبيبى انا خلصت
ادهم / يابنتى انتى قمر من غير ميك اب او غيرة
ياسمين / انا قمر بس علشان عيونك اللى شيفانى
وبعدين يالا ولا هتفضل كده تتغازل فيا ونتاخر على العزومه
ادهم / ههههههه خلاص ياستى لما نرجع من ا لعزومه نبقه نتغازل برحتنا هههههه يلا بينا
0000000000000000000
وفى بيت ولدت ادهم وعلى طربيزة العشاء قاعد ادهم وياسمين ووالد و ولدت ادهم لانه ابنهم الوحيد بيكلوا ويدور الحوار ده
000000000000000000
ولدتى / ايه رئيكم فى الاكل بقه
ادهم / انتى عارفه رئى من زمان ياست الكل
اكلك باأكل صوبعى وراه
ياسمين / تسلم اديكى ياماما الاكل بجد جميل
بابا / مش نوين بقه تخلونى أشيل حفيدى على إديا قبل ما أموت
ماما/ إيه اللى بتقوله دة ياحسن ده ب إدين ربنا وإن شاء الله هتفرح ب إبنهم وتشيله على اديك وتجوزة وتشوف أحفاده كمان
0000000000000000000
يبص ادهم لياسمين وهو وشه احمر يلقيها بتحاول تدارى الم جواها
فيحاول يغير الموضوع ويبص لولده ويقوله
0000000000000000000
أمال اخبار صحبك حسين ايه يابابا هو ومشروعه الجديد اللى عايزك تشاركه فيه
بابا/ والله يا ادهم ما انا عارف ده جننى كل شويه يغير المشروع شويه يقولى مزرعه دواجن وشويه يقولى مزرعه ارانب لما خلانى اكاكى منه
الكل يضحك ماعدا ياسمين شارده وكانها فى عالم تانى

وبعد انتهاء العزومه يروح امير وياسمين على بيتهم وهناك واول ما يدخلوا البيت تبصله ياسمين ودموعها بحر على خدودها وتقوله انت لازم تتجوز ياادهم وتخلف وتفرح ابوك
مش لازم تربط نفسك بواحده مش بتخلف
انت لازم تتجوز ياادهم
ادهم / بطلى جنان ياياسمين انتى عندى بالدنيا كلها
ياسمين / انا لازم ابعد عنك ياادهم انت لازم تتجوز وتخلف وتكون سعيد
انت معايه دافن نفسك جمب واحده كل اللى حلتها حبها ليك
ادهم / بلاش ياياسمين تجرحينى انتى عارفه انتى عندى ايه وبعدين الدكتور قالنا اننا احنا الاتنين معندناش موانع للخلفه
كله ب إدين ربنا وإن شاء الله ربنا هيكرمنا وهنخلف

ياسمين / بطل بقه ياادهم تكدب عليا كفايه بقه تخبى عليا اكتر من كده مبقتش قادره استحمل
انا روحت كشفت من 3 شهور والدكتور قالى ان العيب منى وإنى مش هخلف ابدا
خبيت عليك لما حسيت انك بتحبى الحب ده كله
خبيت عليك علشان مش اشوف فى عنيك كل اما ابصلك نظرة عطف عليا
خبيت عليك لانى بحبك ومش قادره أسيبك ولا قادرة دلوقتى أحرمك من الابوه بسببى

ادهم / روحتى للدكتور
اكيد الدكتور ده مش فاهم حاجه انا الاتنين ممكن نخلف من بكرة بس ده ب إدين ربنا
ياسمين انا بحبك وعايزك إنتى
مش عايز من الدنيا دى غيرك
اولاد ايه بس كفايه ان ربنا رزقنى ب اطيب وأحن انسانه فى الدنيا
انا مش عايز اولاد يا ياسمين انا عايزك انتى
عايز ملاكى البرئ اللى فضل جمبى وحبنى بجد
عايز الانسانه اللى معاها عشت اجمل ايام حياتى
بصيلى يا ياسمين انا بحبك وهفضل طول العمر احبك
ياسمين / لازم ابعد عنك يا ادهم لازم تخلف وتبقه اب حتى لو من غيرى
لانى بجد بحبك وبحبك لدرجه عمرى ما كنت اتخيل انى احبها لأى مخلوق
بحبك ومش ممكن اكون انا السبب من حرمانك من الاولاد مش ممكن ياادهم
0000000000000000000000000000000
وتجرى ياسمين على اوضتها وتقفل الباب عليها
000000000
الوقت الحالى
00000000
فى المستشفى
00000000000000
الدكتور / للاسف يااستاذ ادهم حاله المدام كانت حرجه جدا وحولنا على قد مانقدر إننا ننقذها بس للاسف المدام تعيش إنت
أدهم / يعنى إيه 00 يعنى إيه
يادكتور ياسمين سبتنى ومشيت وهترجع تانى
ياسمين عايشه
عايشه يادكتور إنتوا ودتوها فين
انا عارف انى زعلتها وخبيت عليها بس هى هتسمحنى انا عارف
هى اول ماهتشوفنى هتصحى على طول
انا عارفها كويس مش هيهون عليها تسبنى لوحدى كده
اكيد هى نايمه شويه وهتصحى تانى
اه هى نايمه علشان تعبانه شويه
بس هتصحى اكيد هتصحى وهتسمحنى
وهنرجع تانى لبعض
انا عارفها كويس قلبها ابيض
بس انت قولها انا مستنيها لما تصحى
هى عارفه انى هستناه
انا خبيت عليها علشان بحبها
ياسمين 00 ياسمين
0000000000000000000
ويجى والد ادهم و والدته ويخدوة وهو منهار تماما ومش دارى ب أى حاجه فى الدنيا وشايف صورة قصاده ديما لياسمين حبيبته اللى ديما عاش يحبها وهيفضل يحبها
00000000000000000000000000000

الممرضه / بجد الله يكون فى عونه
الدكتور / والله صعبان عليا قوى الراجل ده
فقد مراته والجنين مع بعض
ربنا معاه
الممرضه / هى مراته كانت حامل يادكتور
الدكتور / كانت حامل فى شهرين وإظاهر ماكنتش تعرف

ربنا يكون فى عونه

النهايه

بسم الله الرحمن الرحيم
قال الله تعالى: لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ

22/ 5/ 2011

بقلم

تامر على الطويل
امير الجروح

[.. בٓـيــًـًـًآءْ . .]

تآمر بجد ابدعت ف القصه دى
طريقه الكلام تخليك تعيش الحدث
دوم الأبداع
وياريت التكمله بسرًعه
وليك منى أحـلى تقييم
متابعه باذن الله
ودى
؛؛

[تامر على الطويل]

اقتباس:
المشاركة الأصلية كتبت بواسطة SAMA2008
تآمر بجد ابدعت ف القصه دى
طريقه الكلام تخليك تعيش الحدث
دوم الأبداع
وياريت التكمله بسرًعه
وليك منى أحـلى تقييم
متابعه باذن الله
ودى
؛؛

تكمله ايه اختى الغاليه!!!!!
القصه خالاص انتهت انتى مش ركزتى فى القرائه

[Aya 7ekaya]

قصه جميله جداا
بجد مبدع
تسلم ايدك

[تامر على الطويل]

اقتباس:
المشاركة الأصلية كتبت بواسطة وردة خجوله
قصه جميله جداا
بجد مبدع
تسلم ايدك

ربنا يخليكى اختى الغاليه نورتينى

[.. בٓـيــًـًـًآءْ . .]

اقتباس
المشاركة الأصلية كتبت بواسطة تامر على الطويل





اقتباس:
المشاركة الأصلية كتبت بواسطة SAMA2008
تآمر بجد ابدعت ف القصه دى
طريقه الكلام تخليك تعيش الحدث
دوم الأبداع
وياريت التكمله بسرًعه
وليك منى أحـلى تقييم
متابعه باذن الله
ودى
؛؛

تكمله ايه اختى الغاليه!!!!!
القصه خالاص انتهت انتى مش ركزتى فى القرائه

آآنآ فعلأأ مشوفتش كلمه النهآيـه
تشكرآت.

[بسمه علي]

القصه بجد رائعه بس حزينه في الاخر
مشكور اخي

[تامر على الطويل]

اقتباس
المشاركة الأصلية كتبت بواسطة بسمه علي





القصه بجد رائعه بس حزينه في الاخر
مشكور اخي

نورتينى اختى الغاليه وبجد شكرا ليكى