ساعده الزمالك ليخون الاهلى .. فشرب من نفس الكأس : حسين ياسر الى ليرس والزمالك اخر من يعلم

[ღ Gի๐sτ ღ]

أعلن نادي ليرس المنتمي لدوري الدرجة الاولى البلجيكي لكرة القدم اليوم الخميس تعاقده مع حسين ياسر لاعب خط وسط الزمالك المصري ومنتخب قطر.

وقال ليرس بموقعه على الانترنت "وقع حسين ياسر عقدا اليوم مع ليرس لمدة عامين."

وكان ياسر دخل في خلاف مع الزمالك وتقدم بشكوى لاتحاد الكرة المصري بسبب التأخر في حصوله على مستحقات مالية.

وسبق لياسر لاعب منتخب قطر المصري الاصل اللعب في صفوف الأهلي الغريم التقليدي للزمالك كما لعب للريان والسد في قطر وبراجا في البرتغال.


"" ملخص لـحديث حسين ياسر بعد انتقالة للزمالك منذ عامين ""
هام

من صاحب الفضل في انتقالك رسمياً إلي الزمالك؟

صاحب المجهود الكبير الذي جعلني علي اتصال بمسئولي القلعة البيضاء هو صديقي هشام حسن، فقد كان السبب في اتصالي بحسام حسن المدير الفني للزمالك، وإبراهيم حسن، المنسق العام بجانب حازم إمام عضو مجلس الإدارة، حيث اجتمعنا في منزل حازم إمام واتفقنا علي التعاقد رسمياً مع الزمالك بعد فسخ عقدي مع الأهلي.


كيف تم فسخ عقدك مع الأهلي؟

ـ تم فسخ العقد مع الأهلي بعدما أوهمنا عدلي القيعي مدير الاستثمار والتسويق بالأهلي بأنني سأتجه إلي بلجيكا، وذلك من خلال ثلاث نقاط هي: بيع الفيللا الخاصة بي بمدينة العبور، وسفر أولادي إلي بلجيكا، وأن زوجتي لم تستطع الاستمرار داخل مصر

وكيف تم دفع مبلغ الـ300 ألف دولار للأهلي وتسلم الاستغناء؟

جلست مع عدلي القيعي بمفردي وبدأت أحكي له بأنني قمت ببيع الفيللا وأحضرنا الـ300 ألف دولار من الحساب الخاص بممدوح عباس «رئيس نادي الزمالك» من خلال وائل بدر إداري الفريق وإبراهيم حسن مدير الكرة وتسلمنا المبلغ ثم رفعنا «التيكت» الخاص من المبالغ لتضليل إدارة التسويق علي أن المبالغ يتم تغييرها من فلوس مصرية «بيع الفيللا» إلي دولارات، حتي يفهموا أنني سوف أغادر مباشرة إلي بلجيكا وقد نجح السيناريو ووقعه القيعي فأصدر قراراً لإدارة التسويق بتسهيل تسليم جميع الأوراق والاستغناء الخاص بي




فعلها الزمالك وتم الاتفاق فى الخباثة مع حسين ياسر حتي يكذب ع الاهلى يلعب للزمالك

كانت النتيجة
حسين ياسر يلعب لعبة ع الزمالك وينتقل لـ ليرس البلجيكي في الخباثة مثلما تعاقد مع الزمالك



كما تــدين تــداان

[روح صامتة]

بس على كلام حسين هوة لو ما كانش مدير
التسويق ضحك عليه واوهمه ما كانش هيروح
للزمالك حضرتك كان هيفضل في الاهلي
هية فعلا كما تدن تدان
بس المسالة بادية من االاهلي بردو مش من الزمالك
بس انا عندي تعليق صغير
دلوقتي دا قسم للاخبار الرياضية يعني
اعتقد ان دا رايك الشخصي بعيدا عن الموضوع
فاكيد لازم تقول عليه كده لانه مش امر واقع وانا مش متفقة معاك فيه
لاني شايفة ان المشكلة كانت بادية من الاهلي وانت شايفها العكس
تسلم ايدك على الموضوع
ارق تحياتي

[a7med -3del]

خيانة ايه انت اهلاوى وبس

يعنى بتتكلم من جانب احمر وخلاص

ايه الخيانة دى

هو حر يمشى يقعد عادى جدا

دى الرياضة

وبعدين مانتو خدتو اينو من الزمالك فى عز مجده واستغليتو الظروف

دى تسميها ايه

بجد كلامى عن الاهلى هيزعلكو منى لانى شايل من النادى ده

نو كومنت على الاحمر نهائى

[سَـلمَى]

إحنآ أخدنآ إينو عشآن هو كآن عايز كدآ
مكنش حابب خالص يقعد مع الزمآلك
ودهـ حاجة شخصية للأعب
وزيي مآأقآل محمد كمآ تدين تدآن
وإحنآ مبدأنآش خاص في حاجة
تسسسلم على الخبر يآمحمد...

[روح صامتة]

على فكرة يا قمر دي مش حرب كلامية
ما تحاوليش تحسبيها كده صدقيني
انا بس كنت بتكلم ان رايه دخل
في الموضوع وللاسف اتربط بيه
ودا ممكن يعمل جدال عقيم
زي الي هشوفه دلوقتي
لان احنا عمالين نرد على بعض بدون هدف
الفكرة اني كنت عايزاه بس يقول
ان دا راي حضرته مش ان دي حقيقة مسلمة
بس دا رايك في الاخر تسلمي يا حلوة على كلامك

[ღ Gի๐sτ ღ]

اقتباس
المشاركة الأصلية كتبت بواسطة روح صامتة




بس على كلام حسين هوة لو ما كانش مدير
التسويق ضحك عليه واوهمه ما كانش هيروح
للزمالك حضرتك كان هيفضل في الاهلي
هية فعلا كما تدن تدان
بس المسالة بادية من االاهلي بردو مش من الزمالك
بس انا عندي تعليق صغير
دلوقتي دا قسم للاخبار الرياضية يعني
اعتقد ان دا رايك الشخصي بعيدا عن الموضوع
فاكيد لازم تقول عليه كده لانه مش امر واقع وانا مش متفقة معاك فيه
لاني شايفة ان المشكلة كانت بادية من الاهلي وانت شايفها العكس
تسلم ايدك على الموضوع
ارق تحياتي



معروف ان دة رأئي لان الكل عارف اني بكتب تعليق علي اي خبر
ورائي خاص بالموضوع وواضح

الزمالك اتفق مع الاعب في الخباثة من اجل الانضمام للزمالك
فجة اليوم اللى اللاعب يتفق مع نادي اخر فى الخباثة لينضم له ويرحل من الزمالك
يعني هي هي ودة مش عيب انهم يتفقو مع اللاعب لان كل اندية العالم بتتفق
بس كان يفضل مش اتفاق بالطريقة دي انهم يخلو اللاعب يقول انا هاحترف ويعمل حوارات ع الاهلى
لو قالها من البداية باحترامه انه عاوز يروح الزمالك الاهلى مكنش هايرفض بل كان هايوافق
زي مالاهلى وافق يسيب شيكابالا للزمالك ويفسخ عقده مع الاهلى بعد ماشيكابالا طلب اللعب للزمالك لما اتفق مع مسؤلية


انتي شايفة البداية من الاهلى
انا شايف الاهلى معملش حاجة عشان يبدء بيها
فممكن توضحيلي معلش عشان مش فاهمك كويس فى الجملة دى
تسلمي المرور

[ღ Gի๐sτ ღ]

jan 25


أنا مش بتكلم ولا جانب احمر ولا ابيض ولا حاجة
لان حسين ياسر ليس لاعب في الاهلى حتى اتكلم عنه من جانب احمر

انا بتكلم في حاجة شايفها عادي

واحد يجي يقولك انه هايسافر بلجيكا وباع فلته ومراته سافرت بلجيكا عشان يلعب في بلجيكا
ويطلب منك فسخ العقد عشان يلعب في بلجيكا ويوهمك بأن عنده ظروف خاصة والظروف تجبره انه يسافر يلعب في بلجيكا

وانت توافق عشان تحل ظروفة الشخصية وميبقاش عنده مشاكل شخصية سواء له او مراته

والحقيقة يكون انه بيخدعك بالكلام والحقيقة انها تمثلية عملها عليك عشان ينتقل للزمالك


انا شايف ان دي خداع وخيانة للأهلي لانك تقول كلام والحقيقة كلام اخر

تسلمو ع المرور

[روح صامتة]

اقتباس
المشاركة الأصلية كتبت بواسطة Ghost.Rider





معروف ان دة رأئي لان الكل عارف اني بكتب تعليق علي اي خبر
ورائي خاص بالموضوع وواضح

الزمالك اتفق مع الاعب في الخباثة من اجل الانضمام للزمالك
فجة اليوم اللى اللاعب يتفق مع نادي اخر فى الخباثة لينضم له ويرحل من الزمالك
يعني هي هي ودة مش عيب انهم يتفقو مع اللاعب لان كل اندية العالم بتتفق
بس كان يفضل مش اتفاق بالطريقة دي انهم يخلو اللاعب يقول انا هاحترف ويعمل حوارات ع الاهلى
لو قالها من البداية باحترامه انه عاوز يروح الزمالك الاهلى مكنش هايرفض بل كان هايوافق
زي مالاهلى وافق يسيب شيكابالا للزمالك ويفسخ عقده مع الاهلى بعد ماشيكابالا طلب اللعب للزمالك لما اتفق مع مسؤلية


انتي شايفة البداية من الاهلى
انا شايف الاهلى معملش حاجة عشان يبدء بيها
فممكن توضحيلي معلش عشان مش فاهمك كويس فى الجملة دى
تسلمي المرور

على فكرة دا اللي كنت خايفة منه احنا ماشيين
في طريق مش هيبقى ليه اخر صدقني
بص انا شايفة ان حضرتك كاتب عشان تثبت حقيقة
والدليل ان اسم الموضوع نفسه
هوة اللي خلاني ادخل بيعبر عن رايك بردو
الفكرة ان الاهلي هوة السبب لانه ما كانش بيلعبو
لعيب كويس ولسه قدامه عمر عشان يلعب كانه دايما مخليينو في الاحتياطي
وبعدين الاهلي اعتقد كان هيبقه صعب عليه يتخلى عن حسين للزمالك
عشان كده طلعت فكرة انه ينصب عليهم
بص الخطا بيؤدي لخطا اكبر منه انا عارفة انه غلط طبعا
وبعدين انا كنت بتكلم ان انت انتمائك لنادي المفروض
ما يبانش بطريقة انه كلامك حقيقة مش راي
وخصوصا لما تكون بتنزل خبر الكل بيدي فيه رايه
عشان اللي منتمي لاي فئة تانية ممكن يخش يتخانق
او يرد وانت ترد والموضوع ما يبقاش ليه
اخر ماشيين في طريقين متوازيين يعني
على العموم شكرا على الخبر

[ღ Gի๐sτ ღ]

اقتباس
المشاركة الأصلية كتبت بواسطة روح صامتة

على فكرة دا اللي كنت خايفة منه احنا ماشيين
في طريق مش هيبقى ليه اخر صدقني
بص انا شايفة ان حضرتك كاتب عشان تثبت حقيقة
والدليل ان اسم الموضوع نفسه
هوة اللي خلاني ادخل بيعبر عن رايك بردو
الفكرة ان الاهلي هوة السبب لانه ما كانش بيلعبو
لعيب كويس ولسه قدامه عمر عشان يلعب كانه دايما مخليينو في الاحتياطي
وبعدين الاهلي اعتقد كان هيبقه صعب عليه يتخلى عن حسين للزمالك
عشان كده طلعت فكرة انه ينصب عليهم
بص الخطا بيؤدي لخطا اكبر منه انا عارفة انه غلط طبعا
وبعدين انا كنت بتكلم ان انت انتمائك لنادي المفروض
ما يبانش بطريقة انه كلامك حقيقة مش راي
وخصوصا لما تكون بتنزل خبر الكل بيدي فيه رايه
عشان اللي منتمي لاي فئة تانية ممكن يخش يتخانق
او يرد وانت ترد والموضوع ما يبقاش ليه
اخر ماشيين في طريقين متوازيين يعني
على العموم شكرا على الخبر

يعني القصة كلها زي ماحسين ياسر خان الاهلى بالكلام والكدب والخداع وتغير العهد المتفق عليه
.. الان حسين ياسر خان الزمالك بالتعاقد مع نادي اخر وهو موجود بالزمالك


واحد عندة ظروف شخصية والاهلى حب يساعد الاعب في حل ظروفة وسابه
ويجي في الاخر حسين ياسر يتضح انه كان بيكدب عليكي و يجرحك بالانتقال للغريم التقليدي اكيد دي خيانة لانه خان العهد المتفق عليه واوهمك بحاجات كتير

اعتقد ان دي حاجة معروفة ان دي خيانة

وعلي فكرة انا مليش في مصلحة انه يخون او ميخونش كدة كدة فى النهاية اللاعب مش موجود معانا عشان اتكلم عليه او ادافع عنه او هكذا



وبخصوص كلامك ان الاهلى هو اللى بدء عشان مش بيلاعبه
فاعتقد دي بترجع للاعب مش للنادي .. لانه يجتهد ويثبت جدارته المدرب هايلاعبه

واللاعب ليه عقد مع الاهلى بياخد فلوسة وحقوقه كاملة حتي ادارة الاهلى اعطته مكافاة الفوز بالدورى رغم وجودة بنادي الزمالك ! يعني الاهلى معملوش حاجة وحشة ولا قصر معاه في حاجة

وفي الوقت اللى فيه حسين ياسر كان احطياطي كان ابوتريكة تاني احسن لاعب في افريقيا وبركات كان نجم سوبر والبى بى سي مختاراه احسن لاعب فى افريقيا

يعني بالارقام والدلائل ان اللى بيلعبو اساسي كانو احسن من حسين ياسر
فكان يجب علي حسين انه يجتهد في التمرين ويثبت انه افضل من بركات او تريكة حتي ياخد فرصته


وعادي ان الناس ترد .. كل واحد ليه حق الرد طاما مفيش اي اساءة يبقى كل اناس ليها حرية الرد سواء موافقة او معارضة

تسلمي مرة تانية ع المرور

[أشتاق الى وطنى بجنون]

دخلنا فى اهلى وزمالك هالك يا داخل هــــــــــــــــــــــــــــالك


اللعيبه مع بعض تمام والادارة شهرة وفلــــــــــــــــــــــــوس كمان


واحنا يا جمهور شغال احنا وانتوا هو فيه ايه يا اخــــــــــــــــوان


انا اهلاوى ولو على كره الزمالك ناوى هروح الجنه دى بلاوى


ولو العكس كان صحيح هاخد للجنه تصريح دى غنـــــــــــــاوى


لعبه وهتعدى وتفوت غالب مغلوب مش هــــــــــــــــــــــــــتموت


لعيب راح لعيب خان نسينا الدنيا والقدس مهــــــــــــــــــــــــــان


انا اهلاوى وبعشق فريقى والله بستمتع بزمالك واســـــــــــماعيلى


فى الختام ربنا يهدينا كمان وكمان وكل عام وانتوا بخــــــــــــــــــــير


والدنيا رمضـــــــــــــــــــــــــــــــــــــــــــــــ ـــــــــــــــــــــــــــــــــــان