هي الترجمه حتنزل إمتى؟

[أنثـے مًنْ الّخٍـْيـِالْ→♀]

السلام عليكم و رحمة الله تعالى و بركاته

بسم الله الرحمن الرحيم

....


مش ملاحظين معايا ان المصطلحات الغربيه و الغريبه

كثرت اليومين دول

و بقى صعب على الواحد انه يستوعب العدد الفظيع من المصطلحات الغريبه

اللي كل يوم بشكل و ده من بين الحاجات اللي عامله بينا و بين الجيل اللي قبلينا قطيعه

و مخلينا مش عارفين نتواصل معاهم

فاحنا بنتكلم لغتنا بمصطلحاتنا احنا

و كلامنا احنا

اللي بنفهموا و هم بيتكلموا لغتهم اللي بيفهموها

و ماحدش بقى بيدي لنفسه فرصه يفهم الثاني

همَّ بيقولوا ان احنا جيل عيارنا فلت
قصدي لسانا فلت

و احنا بنقول عليهم مرحله و انتهت

يا ترى الحكايه حترسى على ايه؟

و الترجمه حتنزل امتى ؟

عشان الفيلم شكله طوِّل

و بقى ماسخ مالوش طعم

..

يا ترى انتو رأيكم ايه في الحكايه دي ؟

و ايه الحل المناسب عشان حبال الود يتوصلوا من تاني بينا و بينا جيل أباهتنا و امهاتنا؟

مستنية أراءكم على نار

*

تحيتى

[SiLver Spectra]

الترجمة هتنزل إمتى؟

أكيد مش هتنزل من السما

لازم إنت إلي تدور عليها...

و دا التطور الطبيعي للحاجه الساقعه

يعني إنك تخلي كل الأجيال تفهم بعضها فدا من المستحيلات

لكن ممكن تقلل الفجوة بين الجيلين

و دا بيرجع للفرد نفسه...

لكن للأسف زي ما ذكرتي المصطلحات باقيت كتيره..

أي واحد يقوم قايل أي كلمة و تتشهر و الناس تقلده....و نقول مبرووك المصطلح الجديد

فالاب يا عيني يبص يلاقي إبنه بيقوله إمتحنت إمتحان فاكس!!

الأب...فاكس مين يا إبني

يقوله يعني مالوش درجات


فالحل عشان تقلل الفجوة هو إنك تتواصل و تسأل

دي يعني إيه؟

مش عيب إنك تسأل

و تتوصل مع جيل غيرك

ساعتها ممكن تلاقي الترجمة نزلتلك

ألف شكر يا طمطوم على الموضوع

تحياتي

[أنثـے مًنْ الّخٍـْيـِالْ→♀]

شكرا يا طارق على ابداء رائيك فى الموضوع

و ع الطريقة

بس برضو مش كل الاجيال و خصوصا جيل اباءنا

عنده الصبر انه يتحمل مصطلحات جيلنا

عشان كده دايما كلامنا بالنسبة ليهم شئ غريب



نورت الموضوع يا باشا

[Karamela]

الترجمة هتنزل امتى

حلو والله فكرة جديدة

بس تصدقي انا عمري ماححسيت بالفرق الي انتي بتقولي عليه ده

يعني الفرق بين كلامي انا ووالدي مش كبير للدرجة دي

ومش بيتهيالي مجرد كلام يخليهم يحكموا علينا ان احنا جيل لسانا فالت

مع انه فعلا فالت

بس يعنتي مافيش اي مشكلة في التواصل بالنسبة لي حتى مع اقرايبي الكبار في السن

انتي فاكرة ايه يابنتي

الناس بتوع زمان دول بيفهموها وهي طايرة

يعني مش مستنين ترجمعة

لان عقلهم اوعى من عقلنا الي الف الكلمات دي اساسا

يعني من ضمن المصطلحات الي طلعت حديث جدا جدا جدا الانتيم دي

والبعض بيدلعها الانتيخ

ردة الفعل اما قولتها

ايه يابنتي الكلام الغريب ده بتجبيه منين

بس يعني مش هيكون التواصل صعب

لانها بكل بساطة بتمثل نسبة ضعيفة م الكلام مش كله

بتكون كلمة او اتنين بالكتير

مش عارفة بئه صراحة انتي قصدك في الكلام ولا في حالنا عامة

يعني لو قصدك ان كلب حاجة اتغيرت

هنا يبقى الكلام وهو اكيد اه

بس كل جيل وله طبيعته ولازم تكوني تبع عرف الحياة


مش هتطلعي خازووق كده لوحدك

المفروض يعني ان احنا ندمج حكمتهم وعقلهم مع روشنتنا دي زي مابيقولوا

ونطلع جيل لايهزم بئه

جيل المستحيل وده الي فعلا مستحيل

كام واحد على مليون بيعقد مع ناس اكبر منه عشان يستفيد بس !!

اول موضوع اقراه ليكي هنا ياطماطم

عجبني وفكرته بجد جميلة وجديدة

دمتي لنا مميزة ياجميلة

وبانتظار ابداعاتك الجاية وانا بدعمك ماتوقفيش ^_~

[أنثـے مًنْ الّخٍـْيـِالْ→♀]

الترجمة هتنزل امتى

اقتباس حلو والله فكرة جديدة

ردك هو الاحلى

اقتباس بس تصدقي انا عمري ماححسيت بالفرق الي انتي بتقولي عليه ده يعني الفرق بين كلامي انا ووالدي مش كبير للدرجة دي ومش بيتهيالي مجرد كلام يخليهم يحكموا علينا ان احنا جيل لسانا فالت مع انه فعلا فالت

انا معاكى بس برضو فى فرق فى استخدام اللفظة

اقتباس بس يعنتي مافيش اي مشكلة في التواصل بالنسبة لي حتى مع اقرايبي الكبار في السن

اقتباس انتي فاكرة ايه يابنتي الناس بتوع زمان دول بيفهموها وهي طايرة يعني مش مستنين ترجمعة لان عقلهم اوعى من عقلنا الي الف الكلمات دي اساسا يعني من ضمن المصطلحات الي طلعت حديث جدا جدا جدا الانتيم دي والبعض بيدلعها الانتيخ ردة الفعل اما قولتها ايه يابنتي الكلام الغريب ده بتجبيه منين بس يعني مش هيكون التواصل صعب لانها بكل بساطة بتمثل نسبة ضعيفة م الكلام مش كله بتكون كلمة او اتنين بالكتير

بس فى كلام كتير بجد بنحتاج لمترجم عشان اهلنا و خصوصا جيل الاجداد يفهموه

اقتباس مش عارفة بئه صراحة انتي قصدك في الكلام ولا في حالنا عامة يعني لو قصدك ان كل حاجة اتغيرت

اقتباس هنا يبقى الكلام وهو اكيد اه بس كل جيل وله طبيعته ولازم تكوني تبع عرف الحياة مش هتطلعي خازووق كده لوحدك المفروض يعني ان احنا ندمج حكمتهم وعقلهم مع روشنتنا دي زي مابيقولوا ونطلع جيل لايهزم بئه جيل المستحيل وده الي فعلا مستحيل كام واحد على مليون بيعقد مع ناس اكبر منه عشان يستفيد بس !!

و انا معاكى ان كل واحد فينا لازم يتواصل مع جيله

بس برضو نخلى الفجوة بين الاجيال بسيطة

اقتباس اول موضوع اقراه ليكي هنا ياطماطم

:vb19:
منا عارفة

اقتباس عجبني وفكرته بجد جميلة وجديدة

الحمد لله

ده من ذوقك

اقتباس دمتي لنا مميزة ياجميلة وبانتظار ابداعاتك الجاية وانا بدعمك ماتوقفيش ^_~

مميزة بيكى و بامثالك

شكرا لردك يا جميلة

نورتى

[أنثـے مًنْ الّخٍـْيـِالْ→♀]

بانتظار باقى الاراء