اتكيت التناكة

[dr sara]

السلام عليكم يا بناويت
ان شا الله تكونوا حلوين ومبسوطين
ودايما كدة فرحانين

طبعا الموضوع باين من عنوانه
(اتكيت التناكة)
تناكة ايه دى شكلها مهيسة ولا ايه

لا انا مش مهيسة ولا حاجة
فى بنات كتير اوى
تلاقيها دايما متسرعة
الدنيا عندها زى القطر
صحيح السرعة لها فايدة ف حاجات بس بصراحة الضرر اكبر بكتييييييير

مش فاهمين حاجة

ركزوا معايا وكلوا يبص ع السبورة

مثال 1

واحدة حشرية بتسألك:انتوا طبختوا ايه النهاردة
اخوكى جاب كام ف الثانوية
مرتب باباكى كام

طبعا كلها اسئلة رزلة وخاصة لو جت من واحدة علاقتك بيها ضعيفة

بالتالى اى واحدة متسرعة هترد عليها
مع ان المفروض مردش
طيب ايه الحل

لازم امسك لسانى
غمضى عنيكى معايا
وطبقى ايدك الشمال جامد
وتخيلى انك ماسكة لسانك ومش عارفة تتكلمى بسبب انك ماسكاه
لمده 10 ثوانى
اعملى الحركة دى كل يوم لمدة اسبوع

اه دى رجعت للتهييس تانى

بصوا ده فعل شرطى
الحركة اللى انا قلتها فوق دى بتخلى المخ يربط مابين انك تمسكى لسانك معنويا
وانتى مطبقة ايدك
بمعنى

لو حصل واحدة سالتك سؤال رخم وانتى طبعا متسرعة وهتجرى تحكيلها قصة حياتك
لا امال اعمل ايه

طبقى ايدك تانى من غير ما تغمضى عنيكى ولا حاجة لان الرفلكس اتخزن فى مخك
هيقوم دة يبعت اشارة للمخ:امسك لسانك
لسانك حصانك

اتأنى واستنى واهدى واوعاك يا طربش تطلع

فهمتوا ولا لسة
طب ماشى فهمنا اننا هنمسك لسانا ونسكت ونفكر قبل ما نرد
عايزين حاجة عملية
بصي
غيرى مجرى الحوار
ولو طلعت رخمة وكررت السؤال
بصيلها بصة استغراب مدية ع استحقار
طبعا فاهمنى

محدش يسال فى الحتة دى تانى
ماتسرحوش منى فاهمين
هههههه

مثال 2

فى بنات ماماتهم من كتر ما كانت بتضربهم وهم صغيرين عشان يقولوا حاضر نعم بدلا من الكلمة الشهيرة(ايييييييييه)
البنات دول اتربوا وكبروا على حاضر نعم لان الام علمتها غلط
المهم
تلاقى البنت بتقولى ايه
انا اي حد بيطلب منى طلب مبقولش غير حاضر نعم حتى لو كان حد معرفوش واروح جرى انفذ الطلب من غير ما احس وبعد ما اكون نفذت الطلب افوق واقول ايه اللى انا بهببه ده

هنا يتلحلح دور التناكة

مش اى حد ينادى عليكى تردى من اول مرة
سيبيه ينده مرة واتنين وفى التالتة ابقى ردى

مثال 3

فى بنات كتير اول ما يقف قدامها حاجة مش عارفة تعملها تروح جرى تطلب من اى حد يعملها لها
مع انها لو جربت ممكن تعرف تعملها لوحدها
بالمنظر الزبالة ده
كرامتك هتروح
لان سيادتك شغالة طلبات حتى لو كان طلب معنوى
متطلبيش من حد حاجة
حاولى الاول
لو مقدرتيش
اطلبى بس بتناكة
ومن مين
من حد ثقة
حد تكون متاكدة 99% انه هيساعدك

فاهمين
طبعا فاهمين
بكلم نفسى انا ولا ايه

مثال 4

المشى

بنات تقولك ايه
انا خطوتى سريعة والله غصب عنى
كلما احاول امشى بالراحة ببقا عاملة زى البطة ام رجل مكسورة

ايه الحل يعنى

بصوا
طبعا كلنا عارفين وبلا استثناء
ان انوثة المراة بتبان من مشيتها
يعنى اللى بتمشى بسرعة دى بيتاخد عنها فكرة كالتالى:
دى مسترجلة
دى متسرعة
دى عملية مش رومنسية

تخيلوا انا سمعت واحد بيقول ايه لما شاف بنت بتمشى بسرعة
قال :
انتى عارفة عمر ماحد هيقولك (تتجوزينى؟)

وذلك للاسباب التلاته اللى فوق
اما اعمل ايه

خير الامور الوسط
ماهى بردو اللى بتمشى بالراحة اوى دى
بيتاخد عنها فكرة انها عايزة تعرض نفسها
وبيبان اوى انها متكلفة

يلا امسحوا السبورة
مروااااااااااااح هيه

[بنت المختار]

ههههههههههه موضوع حلو
بالنسبة للمثال الاول بقدر اتنك وما اسأل اسئلة رزلة حتى لحد معرفة قوي كلامي بيبقى قليل
بس بالنسبة للرد...لو اتسألت تلاقيني بكر كر ماصورة وبتنفتح هههههههههههه
اما المثال الثاني....فانا طبعي طنش تعش تنتعش
وما برد على ما بعرفو اصلا ما بحكي مع حدا ما بعرفو
الا اذا كانت مرأة وبدها شي مساعدة بساعدها لو قدرت حتى قبل ما تطلب
اما المثال الثالث فانا ديما بفوت فالصعب الي ما عندي شي ما بعرفو
على طول بحب اعتمد على نفسي واحاول وهذا الشي بيخلف اضرار كتيرة قوي
بس بتعلم:)
والمشي بقى بحاول اخلي مشيتي سريعة اوقات خصوصا لما امشي مع حد مستعجل
بس بيكون صعب اتاري الوسط أحسن) جديده علي الي حكيته
يسلمووووووووووووو

[رنين]

ههههههههههههههههههههههههههههههههه
يا سلام لو يدرسونا ف الكليه كدا
ايه الاسلوب العسل ده يا دكتور
بس بصراحه جيتى ع الجرح جامد
ده انا تقريبا ما بصدق حد يسالنى على حاجه
بقعد اجاوب لغاية ما يندم انه سالنى
بس مووضوع انى اطلب من حد حاجه دى لااااااااا يمكن ابدا الا كرامتى
اما المشيه دى
فانا تقريبا باجرى هههههههههههههههههه
بتوتر لما بمشى براحه معرفش ليه
بجد نصايح زى العسل وهنحاول نجربها
بس فى موضوع المشى ده صعب شويه
تسلمى يا دكتووووووور على النصايح
تسلم الايادى
تحياتى

[princess dede]

يا جامد يا جامد والله موضوع جامد ومفيد وخاصتا ليا حلو اوى دا

[~ NoDa~]

ههههههههههههههههه ده ايه كمية التناكة اللي انا غرقت فيهآ دي
أسلوبك عسل وقعدت أمسك ف لساني وبقيت عاملة زي الهبلة
ههههههههههههه بصي بقى بالنسبة لآول حاجة فـ انا بعرف أتصرف عدل وبالنسبة للنظرة فـ فدي أعجببك
والتآنية ف فيه نآس برد عليهم بأحسن الردود واللي مش اعرفهم اوي ارد عليهم بذوق بس مخليهوش ياخد راحته أوي

و 3- الحمدلله بعتمد ع نفسي فـ كــــــل حآجة
أمآ4 بقىى ف أنا بجري جري أصلا d: ، عمومآ مشيتي بخطوات سرعتها متوسطة بس فـ المدرسة وكدة ع السرريــع

ههههههههههههه نشوفك بعد الفسحة يآ أبلة ^_^

تسلمي ع الموضوع و ع اسلوبك الجميل

[MoNa LeZa]

حلووة الدروس الجميله دى يا سكـرهـ
واكيد استفدنا اننا نتعلم التناكهـ
ولو اننـا عارفيـن حاجـاه منهـا برد هـ
تسلمـى يا مس سارة
~~
~

[dr sara]

ميرسى يا قمامير مروركم نور الموضوع