رموش الست

[yara5]

السلام عليكم


ال

رموش الست

رموش الست
المقادير:

• 1/ 3 كوب دقيق سميد
• 1/ 2 ملعقة كبيرة بيكنج باودر
• 3 1/ 2 كوب دقيق
• كوب سكر بودرة
• ملعقة كبيرة زبدة
• 3 بيضات
• فانيليا

لتحضير الشربات:
حطّي 2 كوب سكر مع كوب ميه على النار لغاية ما يغلوّا، وبعد كده حطّي عليه
عصير نصف ليمونة ورشّة فانيليا، وسيبيهم يغلوّا مع بعض لغاية ما قوام الشربات يبقى تقيل.

الطريقة:
1- اضربي السكر البودرة مع الزبدة بالمضرب الكهربائي، لغاية ما الخليط يبقى شكله زي الكريمة.

2- بعد كده ضيفي عليهم البيض والفانيليا مع الاستمرار في الخفق
، وبعد كده ضيفي عليهم دقيق السميد وقلّبي الخليط مع بعضه كويس.

3- اخلطي الدقيق العادي مع البيكينج باودر، وبعد كده ضيفي الدقيق على خليط دقيق
السميد بالتدريج، مع التقليب لغاية ما تحصلي على عجينة متماسكة تقدري تشكّليها بسهولة.

4- قسّمي العجينة على شكل كور صغيرة، ورصّيها متباعدة عن بعضها في صينية
مدهونة بمسحة خفيفة من السمن أو الزيت، واضغطي على كل كورة ضغطة خفيفة
، وهاتي شوكة واعملي بها خطوط متوازية على كل قطعة.

5- دخّليها في فرن ساخن على درجة حرارة 180،
لغاية ما تحمرّ، وأول ما تخرج من الفرن اسقيها بالشربات.

[Mind language]

جميله جدا يايارا انا طول عمرى اسمع صوابع زينب ام على اما جديده
رموش الست دى تسلم ايدك ياقمر ادينى اتعلمتها

[بسمة العمر]

يسلموووووووووووووووووووو

[شاعر واسير الحب]

شكرا للافادة والمعلومات
جوعتوني حرام عليكم
حلو جدا الموضوع رموش الست .. وايد الست ...وعيون الست وام علي كلها علي بعضها موضوع جميل
دمت بخير وتسلم الايادي

[سارة بنت مصر]

يسلموووووووووووووووو