..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : إيلاانا - مشاركات : 4 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


مقارنة بسيطة بين الطفل(الفافي)... والطفل (البيئة)

نكت - طرائف - وناسة - فرفشة


إضافة رد
 
LinkBack أدوات الموضوع انواع عرض الموضوع
قديم منذ /08-20-2011, 04:27 PM   #1

 

 رقم العضوية : 74186
 تاريخ التسجيل : Aug 2011
 العمر : 31
 المكان : مدينه الزقازيق ..ام الدنيا
 المشاركات : 73
 النقاط : shady koky will become famous soon enough
 درجة التقييم : 50
 قوة التقييم : 0

shady koky غير متواجد حالياً

إرسال رسالة عبر Yahoo إلى shady koky
أوسمة العضو
Talking مقارنة بسيطة بين الطفل(الفافي)... والطفل (البيئة)

(دي مقارنه بسيطه بين (الطفل الفافي) ... و(الطفل البيئه )
__________________________________
(الطفل الفافي) و (الهافلايف )
.....................................
1-الولد من دول يصحى على صوت الكناري اللي في اوضته ....
- سو سو سو سو .... -
_________
2-يدخل الحمام ياخد شاور .... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
_________
3- يطلع من الحمام يلاقي الداده مستنياه بفوطه من حريييييير .... وتلاعبه
وتهزر معاه بالانجليزي ....
- الداده معاها دكتوراه من جامعة اسفخص في لندن -
_________
4-يخش على اوضته ... ويفتح الدولاب ويطلع منه هدومه المكويه واللي ريحة
اريال باينه فيها .....
- اريال .... نسيم الصباح -
__________
5- يجيب جزمته من الجزامه ... اللي مليانه جزم وكوتشيهات ...
وسبوووز .....
- تقولش دخلت محل لطفي أو توكيل تمبرلاند -
__________
6- ينزل يفطر مع مامي ودادي ... والفطار كورن فليكس بطعم الستروبوري او
الشوكولات ....
- كورن فيليكس كلووقز .. مش بسكو مصر -
__________
7- يسلم على مامي ويبوسها بعد ماتكون حطتله ديناربوكس بتاعه وفيه ....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________
8- يسلم على دادي اللي يديله البوكيت موني بالدولار ..... مش يعرفو حاجه
اسمها جنيه طبعا
- جنيه ؟؟؟؟ دي عملة انكردت من زمااان -
__________
9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________
10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -
__________
*الطفل البييييئه :
__________
...................
1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -
>>>>>>>>>>>>>>>>>>>>>>>>>>>>>>>>>>>>>>>>
2- العيال دي ماتعرفش اختراع اسمه (غسيل الوش بعد ما تقوم من
النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
>>>>>>>>>>>>>>>>>>>>>>>>>>>>>>>>>>>>>>>>
3- طبعا بعد الخناق ده بيبقى جعان ... تلاقيه بيحوم في الشقه ويدوّر في
المطبخ على اي حاجه ..... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -
>>>>>>>>>>>>>>>>>>>>>>>>>>>>>>>>>>>>>>>>
4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ...
- هدومه كلها مكرمشه ... تقولوش طالعه من بق كلب -
>>>>>>>>>>>>>>>>>>>>>>>>>>>>>>>>>>>>>>>>
5- طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر
اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات -
>>>>>>>>>>>>>>>>>>>>>>>>>>>>>>>>>>>>>>>>
6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -
>>>>>>>>>>>>>>>>>>>>>>>>>>>>>>>>>>>>>>>>
7- الباشمهندس الصغير .... مايعرفش فين كتبه ولا كشاكيله اصلا .... عشان
كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -
>>>>>>>>>>>>>>>>>>>>>>>>>>>>>>>>>>>>>>>>
8- هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه ....
- ليااااااااااااااااااااااااااااقة -
>>>>>>>>>>>>>>>>>>>>>>>>>>>>>>>>>>>>>>>>
============
في طابور المدرسه ....
==============
=================
*الطفل الفافي (الهاف لايف) :
1- العيال كلهم واقفين في صفوف شكلها يفرح .. ده غير ريحتهم اللي زي
الفل
- نضافه رباااااااااني -
=======================================
2- الطابور كله تمارين ونشاط ....
=======================================
3- الاذاعه المدرسيه .... اخبار من مجلات (واشنطون بوست)
- وطبعا .... مافيش ترجمه -
=======================================
4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -
=======================================
5- طالعين فصولهم وكأنهم فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -
=======================================
*الطفل البيئه :
1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -
************************************************** ****
2- بعد التذنيب والشتيمه من مدرس الألعاب (حسن أبو شفه) ... انضم لباقي
زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم -
************************************************** ****
3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -
************************************************** ****
4- النشيد الوطني اللي هم بيقولوه .... بتاع دوله مجهوله ... ونفسي
اعرف ايه هي؟؟؟
- طبعا على موسيقا آلات النفخ .... الشيشه -
************************************************** ****
5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
************************************************** ****
بعد المدرسه ما تخلص ... بيرجعو على بيوتهم بنفس الاسلوب .... ونشوف
يومهم عامل ازاي دلوقتي
___________________
*الطفل الفافي (الهاف لايف) :
1- يرجع من السكول تكون الداده في استقباله ... وتشيل منه الشنطه ...
ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
#########################################
2- بعد ما اتشطف .... وإتصبّن - الكلمه دي متعوب عليها على فكره - يقعد
يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -
#########################################
3- هاني ... دينر از ريدي
- السيييم بتاعهم لما يجهز الغدا -
#########################################
4- بعد الغدا ... يشرب كبايه (اورانج جووس) وينام ساعه عشان يعرف يذاكر
ويحل الهوم وورك
#########################################
*الطفل البييئه : ! !
1- أخينا رجع من المعتقل ... او المدرسه زي مابيقولو عليها ... وهدومه
كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -
~~~~~~~~~~~~~~~~~~~~~~~~~~~
2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -
~~~~~~~~~~~~~~~~~~~~~~~~~~~
3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
~~~~~~~~~~~~~~~~~~~~~~~~~~~
4- بعد اكلة الفول بالصلصه ومعاه فحلين بصل ... عادة ما يعقبها احساس
بالضياع
- تنااااااااحه ... فور آيفير -
~~~~~~~~~~~~~~~~~~~~~~~~~~~
بعد حالة التناحه او النوم دي ... بيجي وقت الشده ... ياترى الحياه
معاهم - الطفل الفافي .. والطفل البييئه - عامله ازاي ؟؟؟؟
~~~~~~~~~~~~~~~~~~~~~~~~~~~
*الطفل الفافي (الهاف لايف) :
1- يقوم من النوم على صوت الداده ... الهادي طبعا .. عشان يقوم يذاكر
مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
_____________________
2- بعد ما يخلص المذاكره وتحضير دروس تاني يوم .... مامته تاخده النادي
عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
_____________________
3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
_______________________
4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
____________________________
5- ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -
_____________________
*الطفل البيييئه :
===========
1- يفوق من حالة التناحه من الفول والبصل على صوت حد من صحابه ... عشان
ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -
_____________________________________
2- يرجع بيتهم وهو بيجري وهدومه متقطعه ودماغه واخده بتاع تلاتين قلم
على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -
________________________________
3- اخته جابته عشان يحل الواجب ويذاكر .. بس مامعاهوش قلم ... قام نزل
الشارع عشان يجيب قلم
- آدي دقني لو جاب ولا حتى رجع من أصله -
_________________________
4- على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللي كان بيلعب حرب بالطوب وفتح
دماغه
- تقولش طفل من أطفال الانتفاضه -
____________________
5- ساب امه وابوه وهم بيصالحو جارهم وبيبوسو ايده عشان ما يعملوش
محضر .... واتسحّب المفعوص على المطبخ جاب حتة جبنه وطماطمايه ورغيف
معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل







  رد مع اقتباس
قديم منذ /08-20-2011, 07:00 PM   #2

عضو برونزي

 

 رقم العضوية : 74194
 تاريخ التسجيل : Aug 2011
 العمر : 26
 المكان : طنطا بلد الأونطا
 المشاركات : 586
 النقاط : esraa gamal will become famous soon enough
 درجة التقييم : 51
 قوة التقييم : 0

esraa gamal غير متواجد حالياً

أوسمة العضو
افتراضي

حتة دين مقارنه جامده واللهي أنا موت على نفسي من الضحك







  رد مع اقتباس
قديم منذ /08-20-2011, 08:05 PM   #3

 

 رقم العضوية : 74186
 تاريخ التسجيل : Aug 2011
 العمر : 31
 المكان : مدينه الزقازيق ..ام الدنيا
 المشاركات : 73
 النقاط : shady koky will become famous soon enough
 درجة التقييم : 50
 قوة التقييم : 0

shady koky غير متواجد حالياً

إرسال رسالة عبر Yahoo إلى shady koky
أوسمة العضو
افتراضي

هههههههههههههههههههههههه ميرسي يا اسراء لمرورك الجميل







  رد مع اقتباس
قديم منذ /08-20-2011, 09:56 PM   #4

عضو ذهبي

 

 رقم العضوية : 71527
 تاريخ التسجيل : Jun 2011
 العمر : 29
 الجنس : ~ بنوتة
 المكان : Country love >.<
 المشاركات : 1,490
 الحكمة المفضلة : محدش بيتجرح اووى الا لما يحب اووى
 النقاط : ღḾăĺăҜ ღ is infamous around these partsღḾăĺăҜ ღ is infamous around these partsღḾăĺăҜ ღ is infamous around these parts
 درجة التقييم : -255
 قوة التقييم : 0

ღḾăĺăҜ ღ غير متواجد حالياً

أوسمة العضو
افتراضي

هههههههههههههههههه ميرسى يا شادى مقارنة جاااااااامدة مووووت تسلم ايدك
تحياتى ليك : ملك







  رد مع اقتباس
قديم منذ /08-21-2011, 12:32 AM   #5

عضوة مميز

 

 رقم العضوية : 31007
 تاريخ التسجيل : Sep 2009
 العمر : 29
 الجنس : ~ بنوتة
 المكان : أخرآلشآرع يمين
 المشاركات : 3,584
 الحكمة المفضلة : ليس كل سقوط نهآيهـ ,, فسقوط آلمطر أجمل بدآيهـ
 النقاط : βзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to beholdβзήŦ ℓǻẑĨήǻ is a splendid one to behold
 درجة التقييم : 812
 قوة التقييم : 1

βзήŦ ℓǻẑĨήǻ غير متواجد حالياً

أوسمة العضو
افتراضي

ههههههههه
هو ده
جامده اوووووووي







  رد مع اقتباس
قديم منذ /08-21-2011, 02:24 AM   #6

 

 رقم العضوية : 74186
 تاريخ التسجيل : Aug 2011
 العمر : 31
 المكان : مدينه الزقازيق ..ام الدنيا
 المشاركات : 73
 النقاط : shady koky will become famous soon enough
 درجة التقييم : 50
 قوة التقييم : 0

shady koky غير متواجد حالياً

إرسال رسالة عبر Yahoo إلى shady koky
أوسمة العضو
افتراضي

ميرسي بجد اوي ياجماعه







  رد مع اقتباس
قديم منذ /08-22-2011, 08:12 PM   #7

Ra2ees Gomhorit Nafsy

 

 رقم العضوية : 55499
 تاريخ التسجيل : Oct 2010
 العمر : 28
 الجنس : ~ ذكر
 المكان : منتدى بنات مصر
 المشاركات : 11,718
 الحكمة المفضلة : ابتسم للحياة تبتسم لك
 النقاط : S n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond reputeS n i p e R has a reputation beyond repute
 درجة التقييم : 162368
 قوة التقييم : 82

S n i p e R غير متواجد حالياً

إرسال رسالة عبر Yahoo إلى S n i p e R

أوسمة العضو

التحكيم المميز 173 165 153 123 89 

افتراضي

شكرا للموضوع

جزاك الله كل خير







  رد مع اقتباس
قديم منذ /08-26-2011, 08:11 PM   #8

""هدوء الليل""

 

 رقم العضوية : 60535
 تاريخ التسجيل : Dec 2010
 المكان : بلدي مصر الحبــيبه
 المشاركات : 4,766
 النقاط : بلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond reputeبلدنا في القلوب متشاله has a reputation beyond repute
 درجة التقييم : 133358
 قوة التقييم : 67

بلدنا في القلوب متشاله غير متواجد حالياً

أوسمة العضو
افتراضي

هههههههههههههههههههههههههههه

ههههههههههههههههههههههههههه

يا لهوي هههههههههههههههههههههههههههههههههه

هههههههههههههههههههههههههه

مش قادره امسك نفسيــ من الضحك

ايه المقارنه اللي تخلينا مش ساكتين من الضحك







  رد مع اقتباس
قديم منذ /08-26-2011, 11:41 PM   #9

 

 رقم العضوية : 74186
 تاريخ التسجيل : Aug 2011
 العمر : 31
 المكان : مدينه الزقازيق ..ام الدنيا
 المشاركات : 73
 النقاط : shady koky will become famous soon enough
 درجة التقييم : 50
 قوة التقييم : 0

shady koky غير متواجد حالياً

إرسال رسالة عبر Yahoo إلى shady koky
أوسمة العضو
افتراضي

اي خدمه حرمتك من حاجه انا ههههههههههههه







  رد مع اقتباس
قديم منذ /08-27-2011, 04:13 AM   #10

عضو سوبر
 

 رقم العضوية : 68983
 تاريخ التسجيل : Apr 2011
 الجنس : ~ بنوتة
 المكان : مصــــــر
 المشاركات : 6,628
 النقاط : مصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond reputeمصر فوق الجميع has a reputation beyond repute
 درجة التقييم : 10040
 قوة التقييم : 6

مصر فوق الجميع غير متواجد حالياً

 

 

 

 

 

أوسمة العضو

حملة كل يوم فى قسم تكريم فى قسم حواء التخرج من مدرسه الديكور 

افتراضي

هههههههههههههههههههههههه
حلو اوى اوى اوى







  رد مع اقتباس
إضافة رد

الكلمات الدلالية (Tags)
مقارنة, البيوت, الطفلالفافي, بين, بسيطة, والطفل

« ختــــر من 1 - 100 لتعرف آسمك الحقيقي | من هو مثلك الأعلى »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مقارنه بسيطه بين (الطفل الفافي) ... و(الطفل البيئه ) البرنسيسة المصرية نكت - طرائف - وناسة - فرفشة 7 05-10-2010 12:21 PM
الطفل الفافي) ... و(الطفل البيئه بحار فى بحر الحب نكت - طرائف - وناسة - فرفشة 15 04-27-2010 07:37 PM
مقارنة بين البنت الناعمة والبنت البيئة حسن513 نكت - طرائف - وناسة - فرفشة 0 01-01-2010 07:10 PM
الفرق بين الطفل الفافى و الطفل البيئه عيون القمر نكت - طرائف - وناسة - فرفشة 10 08-15-2009 06:19 PM

مجلة الحلوة / مذهلة

الساعة الآن 08:37 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩