قصة سندريلا

[lorraa]

السلام عليكم ورحمة الله وبركاته
النهارده جبتلكم قصة سندريلا اتمنى انها تعجبكم

مرات الاب : بت يا سندريلا اصحى يا بت كاك خابط فى نفوخك
سندريلا : اييييه يا مرات ابويا خمسه وحقوم
مرات الاب: قومى يا بت قامت قيامتـك


وصحيت سندريلا وهى بتأفأف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز
مرات الاب : تروحى فين يا موكوسـه بلبسك المهرول ده انا عايزه ارجع
الاقى البيت بيبرق
ومشيت مرات الاب وبانتها التلاته وقعدت سندريلا تعيـط
وفجــأه طلعتلها الســاحره من الميكروويف
الساحره : مالك يا سندريلا

سندريلا : كان نفسى اروح معـاهم الحفله بس لبسى مقطع و موبايلى كارت
ولابسه شبشب بصباع
الساحره : ولا يهمك

وطلعت من جيبها الموبايل وطلبت الاتليه بتاع مدام لولو
يبعتو فستان وجزمه اخر موديـل
فرحت سندريلا ولبست وحطط الايشادو و الجليتور& ورشت البرفان


بس الساحره قالتلها : قدامك للساعه 12 لازم ترجعى
انا صعيديه ودمى حامى ومعندش بنات تتأخر

و لو اتأخرتى حترجعى زى ما كنتى بلبسك القديم وسط الناس
سندريلا : حاضر حاضر )اما ساحره رجعيه(

خرجت سندريلا من البيت لقت الساحره مجهزة
Bmw
ركبت سندريلا وراحت ع القصـر
ولفت جمــالها كل اللى موجودين
و اول ما عين الامير وقعت عليها
راح وطلب يرقص معاها و وافقــت
نظرات ... همسات.... صمــت
ترررررررررن ترررررررررررن
سندريلا : ده الساحره بتدينى
ميسد .. يا خبر الساعه 12

وقامت طالعه تجرى قوم ايه وهى بتجرى فرده الجزمه اتخلعت
خدها الامير المعجب و نده للوزير
الامير : يا وزير تـامر
الوزير : امرك مولاى

الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا
واكتب الى
” صاحبه هذه الجزمه التوجهه للقصـر الملكــى “
بنات كتير جدا راحو و يا سبحان الله الجزمه مجتش على مقاس حد فيهم


(ال يعنى سندريلا رجليها رجل معزه )


الى انا شاهدت سندريلا الاعلان عن فرده الجزمه على ميلودى

وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات




:Sport-007::vb3::vb3::vb3::cv14::cv14:

[سندريلا]

هههههههههههههههههههههههههههههههههههه


بما اني سندريلا انا محصليش الموضوع دة

بس ضحكت و الله بعد ما كنت مخنوقة

شكرا ليكي يا لورا علي الموضوع التحفة دة

[lorraa]

نورتى الموضوع يا سندريلا لا لالا لا انا مش مصدقه سندريلا بنفسها هنا
انتى بتقولى انه محصلكيش كده ادعى بس وقولى يا رب
اسعدنى مرورك

[صافي]

هههههههههههههه قصة متطورة جدا
ماشية مع العصر
هههههههههههههه
مرسي ياقمر
تحياتي

[A7meD]

سندريلا الجيل الجديد مع اخر صيحات العصر
على ايامي كانت سندريلا شغالين على الحنكور والساعة الي جواها عصفور ههه


تسلم ايديكي اختي موضوعك جميل
و قصتك مرحة



تحيااااااااااااااااتي ...
أحـــــــــــ م ـــــــــــد

[طِيشْ !]

هههههههههههههههههههههههههههههه
قصة حلوة قوي زي الللي الفتها

[دامـــوو]

يسسلمووووووووو

[noonoo]

ههههههههههههههههههههههههههه
لذيذة مووت ميرسي اوى
عالفكره الجامده مووت

[يوسى كات]

ههههههههههههه
ودى سندريلا سنة كام انشاء الله
شكرا يا قمر

[lorraa]

صافى
a7med
love girl
داموو
noonoo
بوسى كات

نورتو موضوعى بجد الموضوع نور

تسلموا على المرور