الميكروباص

[morshooo]

بسم الله الرحمن الرحيم

مش عارف ابدا ازاى بس فى حاجا مهمة اننا كشعب مصر احنا شعب متسامح

والحمد لله

ولكن فى سمة من الاستهبال بتسود بعض سائقى الميكروباص وبعض سائقى السيارات

عمومايعنى ممكن وانتا ماشى فى أمان الله بعربيتك على الصبح وبتسمع ميجا اف ام

وكلة فى التمام وملتزم بكل حاجا وبحزام أمانك وفجأة تبص تلاقى سواق ميكروباص

بيكسر عليك وهو عارف ومتاكد انة بيلبسك فى الرصيف وش وتبص تلاقى ايد

طالعه من الشباك وبيقولك ( اسف يا نجم )

ومش فى دماغه بقى الخضة الى انتا اخدها والا مثلا مكن يكون مكانك راجل كبير

ممكن تجيلة سكتا قلبية بسبب الحركة دى وانتا ياعينى غصب عنك مش هتقدر

تنزلة عشان تكلم معاة

طبعا فى اسباب لسكوتك دا والاسباب يا اما عشان انتا راجل محترم ومتحضر

وهو طبعا راجل والا يعرف يعنى اية احترام او عشان فى فروق جسدية بينك وبينة

او ممكن كمان عشان انتا معاك عربية رقيقة وهو معاة حيوان معفن راكبة وبيركب

فية الناس كمان فى اختراع جديد عملوة السواقيين وهو اختراع ممكن ياخدو بية

جائزة نوبيل وهو ( الشتائم بالكلاكسات ) بصراحه الى اخترع الموضوع دا واحد

دماغه زرية وعارفين لية بقولكم يستاهل جائزة نوبيل لانة بكل بساطة معظم الناس

بقت تستخدم الوسيلة دى لو واحد كسر على واحد تلاقى على طول الكلاكس

بيقول ( تييييييت تيييييت ) ترجمو انتو بقى صوت الكلاكس على مزاجكم .

فى حاجا كمان يمكن معروفة وكل الى بيركبو عربيات عرفنها زى مثلا

فلاشر يمين وفلاشر شمال ودوبل فلاشر خلاص الحاجات دى بقى ملهاش لزمة

يعنى مثلا لما تبقى داخل يمين وتديلة فلاشر يمين عشان يبطىء نفسة عشان يعديك

او داخل شمال فتديلة فلاشر شمال عشان برضو تعدية لا خلاص مبقاش فى الحاجات دى

وبقت دلوقتى لما تعوز تدخل يمين وتدى فلاشر يمين كدا معناها انك بتقولة اجرى ومد

وش عربيتك عشان لو عديتك انتا حر ويحسسك انك لو عديت هدوس مثلا على رجلة

او هتاخرة بتاع 4 ثوانى والراجل مش فاضيلك اصلة داخل سباق الفورميلا .

فى حاجا كمان اجمل واجمل بتحصل وبتعبر عن زكاء السائق المصرى

خاصة سواق الميكروباص اية هى بقى الحاجا دى تبص تلاقى الطريق واقف وطابوووور

طووووويل من العربيات والطريق رايح جاى ومفيش رصيف بينهم وفجأة يجى واحد زكى جدا

ودا بقى ازكا شخص يقوم بدال ما يقف فى طابور العربيات عشان الطريق يمشى

لا يقوم داخل عكس ويمشى من جنب العربيات الواقفة ويقوم فجاة يلاقى طابور عربيات

فى المقابل لية ويفضل موقف الطريق كدا لحد اماااااااا ربنا يسهل وابقى قابلنى بقى .

السواقة فى مصر بقت مقرفة جدا جدا جدا يمكن انا من القاهرة وطبعا القاهرة معروفة

بأنها فاضياااااااا والواحد بيبقى ماشى بعربيتة براحتة جدا واى مشوار الواحد بياخدة

فى اقل من 10 دقائق دا كلة بسبب زى ما احنا عارفين ان القاهرة فاضيا جدا

^_^ ربنا يسترها علينا من سوائقين الميكروباصات وبعض سواقين الملاكى

الى حرام يركبو عربيات اصلا وادعو كدا للقاهرة انها تبقى زى ما قولت فاضيا

وربنا يبعد عنا الزحام وقرف العربيات .

[روح صامتة]

هههههههههه
عجبني الاقتباس دا اوي اوي يعني


اقتباس

طبعا القاهرة معروفة

بأنها فاضياااااااا والواحد بيبقى ماشى
بعربيتة براحتة جدا واى مشوار الواحد بياخدة

فى اقل من 10 دقائق دا كلة بسبب زى ما احنا عارفين ان القاهرة فاضيا جدا

طبعا القاهرة دي اكثر مكان فاضي فيكي يا مصر
انت بتتكلم فيه ايه بس
حلو الموضوع
بالنسبة للي بيسوقوا في مصر
انا مش عارفة دول خدوا امتة الرخص اصلا
بس تحس ان الموضوع ماشي بالبركة الحمد لله يعني زي ما تيجي تيجي
احلى حاجة تلاقي الشاحنات المفروض تكون على اليمين
وبعيد عن العربيات الا لا ازاي مستحيل لازم بردو
يقفوا مع العربيات مهية هيصة والكل على مزاجه
الزحمة والجهل و البلطجة وسياسة البقاء للاقوى
دي بتلاقيها بردو في الطريق وفي السواقة
دي محرك اساسي هناك بس المشكلة الاكبر ان مفيش تطبيق للقوانين بصرامة
و دايما المخالفات كنت بحس انها في مصر
عشان تدفع الواحد فلوس مش عشان تظبط الامن
يعني دلوقتي المفروض يكون في مراقبة اكثر لحركة السير
والمخالفات المفروض تتظبط علشان ما يبقاش في تسيب للدرجادي
على العموم موضوع حلو يا مورشو
واضح انك مخنوق جدا وبتطلع زهقك في الموضوع
تسلم عليه
ارق تحياتي

[esraa gamal]

نااااايس بس كلام زي العسل

[the love rays]

فعلا السواقه بقت حاجه زفت اوى

انا حرمت اسوق تانى اول مره عملت حادثه هههههههه وكان مكان فى اوى فى نفس المكان

الفاضى الى هى طبعا القاهره يسلموووووو على الموضوع الجامد دا تقبل مرورى

[beautycat]

موضوع رائع يا احمد
بيبين لينا مدي حالة الفوضي اللي وصلنالها
واللي ربنا يعدلها بقي بعد الثورة
وبيبين لينا سوء الحال اللي وصلتلها السواقة
وده اكيد بيرجع لعجل الميكروباص ككككككككك
ربنا يستر بقي يا احمد
قال وانا كنت عايزة اتعلم السواقة
بعد كلامك ده لايمكن لايمكن

[Arco Baleno]

موضوع حلو جدااااا بجد ابدااااااااع وهبل السواقين كثير
في كل مكان له نصيب
بس عندي سوال مفيش عندكم المرور السري
الي طلع ام عين كل سواق عندنا ؟؟؟؟؟

[βзήŦ ℓǻẑĨήǻ]

الموضوع ده كلنا ملاحظينه
فعلا طريقة السواقه بقت حاجه ماينفعش تتوصف
وكنت فاكره ان حالها هيتعدل بعد الثورة
بس الظاهر كدا ان حالها عمره ما هيتعدل ابدا
ربنا يسترها
بس فيه حاجه كدا لفتتني يا مورشو
او استوقفتني بصراحه

(ربنا يسترها علينا من سوائقين الميكروباصات وبعض سواقين الملاكى)
استغربت اوي انك اجمعت علي كل سواقين الميكروباصات مع انك ماتعرفهومش كلهم ولا شوفتهم كلهم فامينفعش انك تجمع
وقولت بعض سواقين الملاكي
مع انك برضه ماتعرفهومش كلهم ولا شوفتهم كلهم
ده علي اساس ان انت منهم مثلا
فمرضتش تعمم عشان خاطرك ولا ايه):
بصراحه موش عارفه يعني المفروض لو هنتكلم علي اي حد مهما كان هو ايه
مينفعش نعمم عند ناس ونخصص عند ناس تانين
مع العلم اني ماليش اي علاقه بسواقين الميكروباص
بس في كل مكان وكل مجال
اكيد فيه الكويس وفيه الوحش
اسفه ع الاطاله
تقبل مروري
دمت كما تحب

[Aya 7ekaya]

موضوع جميل بجد
فعلا للاسف كمان الفوضى زادت بعد الثورة
يعنى حتى شرطه المرور بقى السواء يعدى ويشتم فى الظابط ويمشى ولا يهمه
بصراحه انا من رايى ده جهل
وكمان بحس ان فى ناس عندها مزاج تمى مخالف مثلا او اى حاجة غلط وخلاص

[كبرياء رجل]

ياريت تيجي على سواقين المكروباص بس يا اخي
دي مقدحور عليها
بس في حاجات تايه اصعب من كده بكتير
وعامة مش كل السواقين
الله يكون في العنون على الزحمه اللي في البلد
دمت بخير تحياتي

[بلدنا في القلوب متشاله]

حلو الموضوع اوي