قصه مؤثره جدا جدا لدرجه انها ابكتني

[مهستر الله يستر]

قصه مؤثره جدا جدا لدرجه انها ابكتني

كان فيه بنت تدرس في الثانويه واسمها (عبير ) مره راحت السوق مع امها
...وقابلت واحد عجبته و رمالها رقمه فى ورقه ... فكرت تعمل ايه ؟؟؟
المهم اخذت الرقم واتصلت عليه و اتعرفت عليه وهو اسمه ( عيسى).
إتعرفو علي بعض وزادت العلاقه وقويت بينهم ...
و كانو عايزين يتقابلوا بس مش عارفين ازاى وفجأه جت فكره لعيسى ...
قال لعبير : ايه رأيك لما نتقابل عند المدرسه ؟؟
قالت عبير : ازاى وضح؟؟؟
قال : اسمعي انتي ابوك بينزلك الصبح ويروح الشغل صح؟
قالت :صح ..
قال : انا معايا عربيه...اعدى عليكى تركبى معايا و نروح نتفسح .
قالت بس المديره تعرف ماما و ممكن تتكلم على البيت .
قال : افصلي التليفون اليوم ده و ريحى دماغك !!
قالت::بس خايفه انكشف
قال : جربي وربنا يستر.
المهم راح ابو عبير ووصل بنته للمدرسه ومشى .. وثواني وكان عيسى واقف وركبت
عبير بسرعه وراحوا افطرو في كوفى شوب فخم و قعدو يتكلمو و يتغازلوا وفى تمام
الساعه 1:30
راح عيسى ونزل عبير ورجعت البيت وهي خايفه بس محدش عرف ..
وكلمت عيسى على طول وقالت ان اهلها ما حسوش بحاجه وطمنته و حكوا شويه وقال
عيسى ايه رايك اقابلك بكره ؟؟؟
قالت :لالالا مش كل مره تسلم الجره
قال :المره دي جايب لك هديه
قالت :مر واشوف الوضع
ومرعيسى في الوقت نفسه وركبت عبير
المهم اخذو على الحال ده اسبوع كامل من السبت الى الاربعاء ... بس الموضوع كان
تطور لانها كانت بتروح معاه البيت.
وجاء يوم السبت اليوم اللي نست فيه عبير تفصل التليفون.. وطلعت مع عيسى ..
و التليفون رن الصبح..قامت ام عبير ردت.
ام عبير:الو
المديره ::الو السلام عليكم
ام عبير :عليكم السلام مين؟؟
المديره::انا الاستاذه هدى مديرة المدرسه اللي تدرس فيها بنتك
ام عبير::اهلا خير انشاء الله
المديره :لا ما فيه الا الخير بس عبير لها اسبوع ماجتش لعل و عسى تكون بخير ؟؟
ام عبير ::ايه؟؟
((وفهمت ان فيه حاجه و البنت بتكت ..بس حبت تدارى الموضوع))
ام عبير : الله يسلمك البنت مرضت شويه بس .
المديره ::الف سلامه عليها..المهم تكون بخير .
ام عبير : الحمد لله
المديره : طيب سلميلى عليها ... مع السلامه .
ام عبير دارت بها الدنيا و مش عارفه تعمل ايه؟؟ هل تقول لابو عبير ولا تمسك البنت وتسالها ؟؟..؟؟
المهم قالت لابو عبير عن كل شيء وقال اسمعي ماتقوليلهاش اي شيء انا هشوف
بتروح فين...
ويوم الاحد وصل ابو عبير بنته ومشى شويه واستخبى لحد ماشاف عربيه جات وركبت
عبير بنته المهم مشى وراها ابو عبير لحد ماوقفت امام عماره ونزلت عبير و عيسى
ووقف ابو عبير ونزل ومسك البواب وقاله في اي شقه ؟
عرف انها 14 وطلع ابو عبير وهو طالع كان عيسى نازل لكن ابو عبير مخدش باله منه وخبط على الباب وكانت الصدمه ؟؟؟ عبير اللى فتحت .
لما شافها ابوها ضربها فجريت على المطبخ واخذت السكينه تخوفه عشان مايضربهاش
غلطت وطعنته في صدره ووقع الاب مغمى عليه وجه عيسى وشاف الموقف وقال
لعبير بسرعه شيلي معي للحمام.
وحطوه في ((البانيو)) وملوه ماء وحطوا عليه صابون الغسيل عشان الرغوه تمنع الريحه
و الدم او اى شيء و قالها عيسى : ماتخافيش انا هاتصرف ..
ورجعت البنت للمدرسه وهي تفكر في اللي حصل حقيقه ولا خيال ..المهم طلعت من المدرسه ورجعت مع الباص و كانت خايفه تدخل البيت..
خبطتتعلى باب البيت و كانت المفاجأه الغريبه ابوها فتح لها....
وصاااااااااااحت وقالت ::بابا مش معقول..
:
:
:
:
:
:
:
:
:
:
:
:
:
:
:
:
:
:
رد أبوها :
مع برسيل.... ما فيش مستحيـــــــــــــــــــــــل

[اية بنت النيل]

اهيء اهيء وااااااااااااااااااء ووووووووااااااااءء ههههههههههههه

[بسمة العمر]

هههههههههههههههههه
على فكرة انا سدقت فى الاول وخفت وزعلت قوى من عبير
وبعدين افتكرت انو اخوية حكالى نفس الحكاية بس اية بعد ما دمى نشف وخوفت
موضوع جميل تسلم ايدك

[ساحر الأحزان]

قصة جميلة حقا ولو كانت حقيقة كان حيبقى الموقف صعب جدا جدا

نشكر لك التوضيح

تحياتى

[the love rays]

ههههههههه المشكله انى بصدق بسرعه بس انا فاكره ان حد حكالى قصه زى دي

يسلمووووو على القصه الجامده دى

[روميو مجنن البنات]

صباح العسل او مساء الفل على حسب دخوالك لقراءة كلماتى هذى
موضوع جميل وموءثر
ولكن يرجى عند نقل موضوع كتابة فى اخر الموضوع كلمة (منقول) حتى لا يضيع جهد احد سهر عليه
تحياتى
اخوك احمد

[مهستر الله يستر]

عنيا بتحبك وقلبي بيحبك وبيطمن عليك

من عنيا يا رميو


اشكركم احبتي علي مروركم العطر

[روح صامتة]

انا حسيت ان في الموضوع ان بصراحة
مش معقول تقتل باباها يعني
بس قصة حلوة سمعتها قبل كده

ارق تحياتي لك يا مهستر
بالتوفيق في جديدك

[مهستر الله يستر]

روح صامته اسعدني مرورك العطر

مرسي روح

[amndatarik]

هههههههههههه
توبيك رائع
تحياتى لك((amndatarik))