خالف ....... تعرف

[nooody]

الكثير من الاشخاص لديهم مرض يسمى بحب الظهور

بمعنى انهم دائما يحبون ان يكونوا محط انظار الجميع من خلال اقوالهم وافعالهم


لدرجه انهم قد يخالفون كل ما هو سائد ...... ويعترضون فقط لمجرد الاعتراض

فان سارت الجماعه يمين ...... يسيروا هم يسار

وان قالت الجماعه هذا ..... يقولون هم ذاك


دائما مخالفين لما هو موجود


يحبون الظهور والتفرد


لديهم نزعه استقلاليه


وفى اعتقادهم انهم لن يكونوا محط انظار الجميع الا اذا اعترضوا وخالفوا واصبحوا على يسار كل الؤيدين


وفى كثير من الاحيان لا يكونوا مقتنعين بما يتبنوة من اراء ..... ولكنهم يمضون فى طريقهم حتى يصيلوا الى مرادهم




وعلى الجانب الاخر نرى ان هناك اشخاص لا يحبون ان يكونوا على خلاف مع الجماعه والراى السائد ويفضلون الذوبان مع هذا الراى

لايعترضوا على اى راى ويمكن ان نعتبرهم توابع

وهؤلاء لا يملكون اى راى ..... ينظرون ان يتخذ غيرهم القرار



فيا ترى اى شخص انت ؟؟؟؟


وهل من وضع مقوله ( خالف تعرف ) كان على حق؟؟؟؟

[توته]

شكرا على الموضوع الرائع والمثير وبقينا نشوف الموضوع ده كتير خالف تعرف بس ياريت أخالف واعمل حاجه كويسه تضيف ليا مش تقلل من شاني
مع تحياتي

[hala]

أكيد الكلام ده صح وفى الدنيا فى كده وكده بس الاثنين رايهم مش بيدوم وملوش اى أهميه والراى السليم لو هتخالف خالف بس تكون صح واوعا تكون تابع لان عمرك مهيكون ليك أهمية فى الحياة

[حنـــــون]

تحيااااااااااااااااااااااتى لك يانودى

بجد موضوعك جميل جداااااااااااا

وعلى فكره موضوع خالف تعرف

بيكون فى احوال كتيره موجود

وفى ناس فعلا خالف تعرف مشعرفه

ليه يمكن عشان يظهروا ان ليهم شخصيه

تحياااااااااااااااااااتى ليك نودى

حنون

[فولدمورت]

لو اعتراضه على حق مفيش مانع من كدة
لكن لو لغرض الظهور فقط
فهو سيسقط سريعا كما سيظهر سريعا
لأنه الناس هتعرف انه مجرد هاوى لحب الظهور
و مش عارف يفرض شخصيته على الاخرين
فاضطر انه يخالف
و بعدها مباشرة هتلاقيه محدش بيلتفت لكلامه نهائيا
او حتى بيهتم بيه

تسلمى اختى على الطرح الجميل

[A7meD]

ربنا يهدي الجميع اختي ..
و لكل واحد وجهة نظره
بس مش من حقه يتعدي على حقوق الاخرين ...

تسلمي اختي
على الموضوع الرائع
والطرح المميز

بإنتظار جديدك

[dr. faris]

موضوع يستحق الوقوف أمامه وأخذه بعين الأعتبر فأهنيكى على حسن أختياركـ أما عن مضمون موضوعكـ فبالتأكيد من يخالف للمجرد انه يخالف من يخالف لمجرد ان يكون لمتفرد صاحب لرأى اللامع فما هو الا احد اثنين اما يحمل من الغرور ما ليس بقليل و من السذاجه الكثير كن كونى اعترض على امر يتنافى مع الجميع واراه واتيقن بانه صحيح ول يسطيع حد اقناعى ليس لانى صر على رأى لكن لعدمـ وجود ما يقنعنى فالأصرار على رأى هو الصحيح ولو كان ضد تيار الكل تحياتى لكى مره

اقتباس واوعا تكون تابع لان عمرك مهيكون ليك أهمية فى الحياة

صراحه احيكـ على الكلامـ ده
التابعيه
مشكله اكتر من التفرد
فالتفرد يمكن ان يجعل لكـ ذات وشخصيه مستقله
لكن التبعيه تجعلك تابع مقلد اعمى
بالفعل كلام سليمـ جدا
فارسـ

[Karamela]

صباح الخير

الموضوع ده بجد انتشر جدا جدا جدا

والناس بقوا عازين يلفتوا النظر ليهم باي طريقة

دلخت في الموضوع شمال مش كده .. :vb19:

معلش بس انا بجد اتخنقت م الناس الي كده

يعني ليك وجهة نظر خلاص اقتنع بيها

مافيش داعي تفضل تعمل كده

الشخص ده محتاج ياخد دروس تقوية شخصية

وكمان يقرا

القراءة بتدي واحد ثقة انه يتكلم في اي موضوع ويبدي وجهة نظره من غير خوف

لانه عنده الي يثبت كده

يعني كل واحد في عقل وعقلك ده اكيد في كلام

حاول تقنع الناس بيه اقتنعوا اهلا وسهلا مااقتنعوش خلاص مش لازم تفرض عليهم

قالولك كلام اقتنعك خلاص اقتنع بس الاول لازم تبدي رأيك

تحيتي لطرحك ياجميلة

[nooody]

اقتباس المشاركة الأصلية كتبت بواسطة توته شكرا على الموضوع الرائع والمثير وبقينا نشوف الموضوع ده كتير خالف تعرف بس ياريت أخالف واعمل حاجه كويسه تضيف ليا مش تقلل من شاني مع تحياتي

توته فعلا اذا كان هذا الاعتراض فى الصح هذا اعتراض محمود

اما اذا كان لمجرد الاعتراض فقط هذا شيىء غير مبرر

[nooody]

[]

اقتباس المشاركة الأصلية كتبت بواسطة hala أكيد الكلام ده صح وفى الدنيا فى كده وكده بس الاثنين رايهم مش بيدوم وملوش اى أهميه والراى السليم لو هتخالف خالف بس تكون صح واوعا تكون تابع لان عمرك مهيكون ليك أهمية فى الحياة

للاسف هناك الكثير من الاشخاص يرتبط رايهم باراء الاخرين

وبالتالى تلغى شخصياتهم فيصبحوا توابع