شباب مفلش وبنات هتعنس ؟؟؟؟

[عايش ومش عايش]

ازيكم يا اجمل ناس فى الدنيا عاملين اية يارب تكونوا بخير

معايا موضوع النهاردة واحب انى الكل يشاركنا الرائ

علشان نعرف اية الحل فى المشكلة اللى وصلنا ليها وازاى نحلها مع بعض

موضوعى النهاردة معرفش اذا كان حد طرحة هنا قبل كدة او لا بس انا شايف

انة موضوع مهم ويستحق على الاقل اننا نقف عندة ونشوف هو فى اية بالظبط ؟؟

تعالوا نفتح مع بعض بدون اى تكليف بينا ونشوف موضوعنا النهاردة بيتكلم عن اية ؟؟

زمان لما كنا نسأل العيل الصغير (نفسك تطلع إيه؟)، كان يقول
(طيار، دكتور، مهندس)، بس لما يكبر ويصطدم بالواقع، يعرف أن مش كل
اللي نتمناه نلاقيه. عشان كده لما نسأل الشاب دلوقتي (نفسك في إيه؟)،
تلاقيه نفسه يتجوز بنت عادية و في شقة عادية ويشتغل عادي ومع كل ده ما
يقدرش يتجوز برضو، وبقي الجواز عنده حلم مش حقيقة.
العجيب أن زمان كانت المعادلة (شاب + بنت =جواز)، دلوقتي بقت
(شاب + بنات كتييير = حلم قومي اسمه الجواز ) طيب أزاي ؟ .
ما هو يا إما المشكلة في البنت أو في الشاب أو تبقي المشكلة في السواق
(علي رأي عبد الوهاب في الفيلم ) .
طيب ما سألناش نفسنا ليه المعادلة أتغيرت وبقت البنات الكتير دول قاعدين
من غير جواز.بالنسبة للشاب أول ما يتخرج بيدور علي شغل ولو لقاه يبقي
بمرتب يا دوب يقدر يتنفس بيه ومع ذلك يرضي وما بيقفش ويكمل ويقول بكره
تتعدل، لحد ما يصطدم بالواقع (تاني)، لما بيروح لبنت ويلاقي أهلها عايزين شقة زى
شقة بنت ابن خالة عمها،وعايزين يفرشوا الشقة زى بنت عمة جوز أختها،
وتبدأ الطلبات تزيد ويا عيني مع كل طلب الواد وشه يجيب ألوان ونفسه يضيق
وعينه تدمع وبتطلب معاه إسهال، وبرضو يقول لسه في أمل .
وأول الشاب ما يبدأ يتكلم و يقول: أنا نفسي اعمل لها كل ده طبعا بس .....،
تلاقي أبوها وشه احمر و قال له: هو إحنا فينا من بس،
وهو إيه اللي مش عجبك في اللي إحنا قلناه؟
فالشاب يرد: يعني لو ينفع أجيب شقة صغيرة بدل الخمسين اوضه وعشرين صاله،
وبدل العفش اللي هاييجي من بره ممكن نجيبه من دمياط، و بدل الشبكة أم خمسين
ألف كفاية دبلة واسورتين زى (الكلابشات) قصدي زى اللي أخت صاحبي جابتهم.
فجأة تلاقي الراجل وشه أتقلب، وبدل كلمة يا بني بقي يقول حضرتك
(طبعا بتريقة مش احترام)، و يبدأ يتفتف في الكلام، وعينه تبقي احمر واسود، ولما
بيبص الشاب للعروسة بنظرة استعطاف وشحاته، يلاقيها موافقة علي طلبات أهلها وبتبص
له من فوق لتحت، ولو البنت بقت في صف الشاب يا دوب بتقول له:
معلش حاول، وكأنها واخده حقنة بنج، ومش حاسة باللي الشاب فيه .
طيب خليكوا قاعدين بقي لحد ما تكبروا وتأتبوا،
وساعتها تتنازلوا وتتجوزوا أبو رجل مسلوخة !!!!!.

طيب لية من الاول بقى ولية تعنت الاهل والطلبات اللى ملهاش مبرر وكلام
تانى انا محبتش اقولة اللى خلانى اكتب الموضوع دة انى بجد لاحظت
بين اغلب الشباب وكتير منهم حصل معاهم كدة هى مش قاعدة ثابتة
ولكن ؟؟؟؟؟؟؟؟

[hasnaa.hassan]

طبعا هو موضوع مهم
بس كان السبب الرئيسى الحكومة اللى مش موفرة فرص عمل للغلابة اللى هما الشباب
يعنى تعالى ادخل بيت فيه مثلا 5 افراد
تلاقى الاب بس هو اللى بيصرف ع البيت و اولاده الشباب قاعدين ع القهاوى
يعنى الحكومة هى السبب فى كدا
وكمان الحاجة غاليه اووووووووووى مولعة نار
واهل الست هانم العروسة يطلبوا اغلى حاجات عشان
اشمعنى بنتى يعنى
هو بنتى اقل من بنت الجيران
دى حتى بنت الجيران كذا وكذا وكذا
طبعا دى عينات
بس انا بحمل الحكومة كل المسؤلية
بس كدا
واهى الحكومة التعبانة اللى فاتت مشت فى ستين داهية
وان شاء الله الحكومة اللى جاية
والسنين اللى جاية تبقى كويسة
والكل يتجوز ونفرح
ونزغرت
هههههههههههههههههههه
شكرا لك ولطرحك
تقبل رأى ومرورى
تحياتى

[روكا 1]

الزواج استقراروتوفيرحياه كريمه

هذه شروط الزواج

طبعا الأهل عايزين يضمنو مستقبل بنتهم ويطمنو عليها

بعض من الأهالي يبالغو في الطلبات الى مالها داعي والبنت

تكون مغلوبه على امرها هذا

وفي من الأهل من يسهل ويساعد هذاالشاب

لكي يسعد ابنته في المستقبل ولاكن الطامه الكبره ان هذا

الشخص لم يقدر مافعله والدها وكل ماقام وقعد يعايرها بما فعل والدها

من وجهة نظري خير الأمور الوسط لا ضرر ولا ضرار

الموضوع فعلا يحتاج نقاش وقضية كبيرة لازم نقف عندها ومهمة ايضا

بحييك بد على طرحك للقضية وتسلم ايديك موضوع مميز واحلى تقييم

[همسه الجوارح]

اولا بشكرك ع الطرح
ثانيا الموضوع ياجماعه بتختلف مفهيمه
من اسره لاسره
يعنى تلاقى اب متفاهم وعاوز يشترى
رجال يامنه ع بنته ويحس انه هيكون لها حصن فى المستقبل
فى اباء بتخاف ع بناتها من اللى بيسمعوه واللى بيشفهو
كل يوم من شباب معدومين المسؤليه
يعنى يتجوز شهر ولا اتنين ووبعد كده
ياما يهين او يهيس سورى يعنى
ومابقاش فى امان
وانت مثلا لو جالك لاختك عريس وطلب ايدها
هتبقى محتاج تامن للى هيرتبط بيها
وبينى وبينك الناس ضمايرها بتتغير كل يوم
اما حكايه الشقه والعفش فده كل واحد ومقدرته
هو مافيش حد بيحمل حد حاجه فوق طاقته
فى الاخر والاول ده نصيب ممكن يتعقد فى الاول
والنصيب بيقول كلمته فى النهايه
تحياتى
ع الطرح
همسه

[كبرياء رجل]

والله الموضوع كويس
وفعلا يحتاج الى نقاش
اولا حضرتك بتتكلم عن انك تحمل اﻻنسان فوق طاقته
اصابعك ليست كلها مثل بعض
ولكن فيها القصير والطويل
فيها السميك والرفيع
طبعا الظروف في اغلب اﻻحيان تحرم اثنين محبين من ان يتزوجوا
معظم قصص الحب تنتهي بسبب الفلوس
واحسبها كويس هتلقيها كده
اشكرك على الطرح المميز
دمت بخير

[عايش ومش عايش]

اقتباسالمشاركة الأصلية كتبت بواسطة hasnaa.hassanطبعا هو موضوع مهم
بس كان السبب الرئيسى الحكومة اللى مش موفرة فرص عمل للغلابة اللى هما الشباب
يعنى تعالى ادخل بيت فيه مثلا 5 افراد
تلاقى الاب بس هو اللى بيصرف ع البيت و اولاده الشباب قاعدين ع القهاوى
يعنى الحكومة هى السبب فى كدا
وكمان الحاجة غاليه اووووووووووى مولعة نار
واهل الست هانم العروسة يطلبوا اغلى حاجات عشان
اشمعنى بنتى يعنى
هو بنتى اقل من بنت الجيران
دى حتى بنت الجيران كذا وكذا وكذا
طبعا دى عينات
بس انا بحمل الحكومة كل المسؤلية
بس كدا
واهى الحكومة التعبانة اللى فاتت مشت فى ستين داهية
وان شاء الله الحكومة اللى جاية
والسنين اللى جاية تبقى كويسة
والكل يتجوز ونفرح
ونزغرت
هههههههههههههههههههه
شكرا لك ولطرحك
تقبل رأى ومرورى
تحياتى



اولا بشكرك على زوقك وعلى مرورك الجميل

بس انا ليا ملحوظة على كلامك

انتى بتقولى انى الحكومة هى السبب فى الموضوع دة

ماشى ومعاكى وكلام جميل من ناحية واحدة فقط وهى

انها توفر فرص عمل كويسة للشباب بس انا موضوعى

مش بيتكلم على النقطة دى انا بتكلم عن الاهل والنظرة اللى بتبقى

متاخدة غلط وانى المفروض الشاب من دول يجيب كذا وكذا وكذا

علشان متبقاش اقل من جيرانها او اختها وبعدين لما الاسعار مولعة نار

مش المفروض بقى الراجل اللى انا رايح اطلب ايد بنتة دة يراعى كدة

ما هو اكيد نفس الراجل اللى بيشتغل وعيالة قاعدة على القهوة ولا ايه ؟

عموما بجد نورتى التوبيك

[عايش ومش عايش]

اقتباسالمشاركة الأصلية كتبت بواسطة روكا 1

الزواج استقراروتوفيرحياه كريمه

هذه شروط الزواج

تمام وانا معاكى فى النقطة دى

طبعا الأهل عايزين يضمنو مستقبل بنتهم ويطمنو عليها

حقهم اكيد بس كل شئ يبقى فى المعقول

بعض من الأهالي يبالغو في الطلبات الى مالها داعي والبنت

تكون مغلوبه على امرها هذا

لا معلش تعالى نقف هنا شوية ونقول يعنى ايه مغلوبة على امرها ؟؟

وفي من الأهل من يسهل ويساعد هذاالشاب

لكي يسعد ابنته في المستقبل ولاكن الطامه الكبره ان هذا

الشخص لم يقدر مافعله والدها وكل ماقام وقعد يعايرها بما فعل والدها

من وجهة نظري خير الأمور الوسط لا ضرر ولا ضرار

الموضوع فعلا يحتاج نقاش وقضية كبيرة لازم نقف عندها ومهمة ايضا

بحييك بد على طرحك للقضية وتسلم ايديك موضوع مميز واحلى تقييم

بقية كلامك انا معاكى فى ومتفق معاكى وخير الامور الوسط

نورتى التوبيك وتسلمى على مرورك وتسلمى على التقييم

[بسمة العمر]

فعلا انت معاك حق بس دلوكتى المعيشة بقيت صعبة قوى
وفرص الجواز بقيت قليلة اصلا دلوكتى مش بيجوز غير اللى جاى من برة او اللى شغال شغلانة كبيرة
طرح قيم يسلمووووووووووو

[عايش ومش عايش]

اقتباسالمشاركة الأصلية كتبت بواسطة همسه الجوارح

اولا بشكرك ع الطرح

ثانيا الموضوع ياجماعه بتختلف مفهيمه
من اسره لاسره
يعنى تلاقى اب متفاهم وعاوز يشترى
رجال يامنه ع بنته ويحس انه هيكون لها حصن فى المستقبل
فى اباء بتخاف ع بناتها من اللى بيسمعوه واللى بيشفهو
كل يوم من شباب معدومين المسؤليه
يعنى يتجوز شهر ولا اتنين ووبعد كده
ياما يهين او يهيس سورى يعنى
ومابقاش فى امان
وانت مثلا لو جالك لاختك عريس وطلب ايدها
هتبقى محتاج تامن للى هيرتبط بيها
وبينى وبينك الناس ضمايرها بتتغير كل يوم
اما حكايه الشقه والعفش فده كل واحد ومقدرته
هو مافيش حد بيحمل حد حاجه فوق طاقته
فى الاخر والاول ده نصيب ممكن يتعقد فى الاول
والنصيب بيقول كلمته فى النهايه
تحياتى
ع الطرح
همسه

كلام جميل فعلا وموزون كمان

بس انا ليا ملحوظة او مجرد نقطة صغيرة

هل كل الاهل فاهمة النقط دى ولا ؟

نورتى التوبيك وتسلمى على مرورك الجميل

[عايش ومش عايش]

اقتباسالمشاركة الأصلية كتبت بواسطة كبرياء رجلوالله الموضوع كويس
وفعلا يحتاج الى نقاش
اولا حضرتك بتتكلم عن انك تحمل اﻻنسان فوق طاقته
اصابعك ليست كلها مثل بعض
ولكن فيها القصير والطويل
فيها السميك والرفيع
طبعا الظروف في اغلب اﻻحيان تحرم اثنين محبين من ان يتزوجوا
معظم قصص الحب تنتهي بسبب الفلوس
واحسبها كويس هتلقيها كده
اشكرك على الطرح المميز
دمت بخير

ما احنا مش عايزين كل قصص الحب تنتهى بالشكل دة ولا انت شايف اية ؟

تسلم على مرورك وعلى زوقك