متابعة شاملة : وفاة مشجع بعد دهسة بالعربية , اغلاق صلاح سالم , اشتباكات بين جمهور الاهلى والزمالك

[ღ Gի๐sτ ღ]

متابعة بـخصوص ماحدث من التراس اهلاوي و الأمن المصري

كل ماحصل : سباب جماعي من جمهور الاهلى ألى حبيب العادلي والنظام السابق فقط لاغير وعدم الاتجاة لسباب الشرطة الحالية او استفزازتهم كما تم الادعاء بذلك في قناة مودرن سبورت ومفيش حد جاب سيرة النظام الحالي ولكن ممكن يكون الناس فهمت غلط لأن مش كل اعلامي هايفهم معني شتيمة التراس !

بخصوص اللى اسمه عمار فؤاد وطالع يتكلم في كل القنوات ويقول بننضرب بالجزمة و يعيط والحقونا .. الخ فدة ملهوش اي علاقة بالالتراس ولكنه ماشي يلف ويدور علي كل القنوات عشان يعمل شهرة لنفسه !

دة كـنفي لحاجتين
اما الاحداث

سباب للعادلي و النظام السابق . الشرطة واضح انها لسة بتحب العادلي او العادلي مازال هو اللى بيتحكم في الامن فتم الهجوم علينا وعلي جميع الجماهير المتواجدة ظالم او مش ظالم كلو في بعض

تم الخروج " جلب بوابات الاستاد واغلاق الشارع والدخول في اشتباكات مع الشرطة وحرق عشرات العربيات و اصابات بالجملة بين الطرفين "

" اطلاق نار في الهواء "

نفس ماحدث في الثورة تكرر اليوم "" عربية يقودها عناصر الامن تمشي بسرعة وتدهس المواطنين والمشجعين " مما ادي الى وفاة احد المشجعين والباقى فى حالات صعبة جدا . الله يرحمه ويصبر اهله ( لسة مش متأكد بس مواقع كتير اكدت دة هابقى اتصل بالمسؤلين عن مكانه واعرف )

" القبض علي كريم عادل قائد التراس اهلاوي وبعض المشجعين الاخرين "

وكالعادة وزي ماحصل في مباراة مولودية الجزائر والاهلى
" الوايت نايتس يعملون كمائن لجماهير الاهلى القادمة من الاستاد ويقومون بالاعتداء علي اي فرد التراس اهلاوي و اشتباكات بين الجماهيرين في الف مسكن وهروب جماهير الزمالك كالعادة !

ويوجد كماين اخرى في مناطق اخرى بس معرفش اية اللى حصل فيها لسة

دة كل الاحداث الهامة اللى حصلت اليوم من البداية للنهاية

ومرة اخرى . مفيش اي حد جاب سيرة الحكومة الحالية ولا حد استفزهم ولكن كل مايقال من مسؤلين الامن اننا رمينا عليهم اكياس بول . قلعنالهم الجزمة ونحطها في وشهم والحوارات الفاضية دي ليست صحيحة بالمرة

ملحوظة * قل ماقيل هو علي مسؤليتي الشخصية واللى شفته بعيني ولانقصت ولازودت
باستثناء حوار المتوفي رحمه الله

[احضان الحبايب]

لا حول ولا قوة الا بالله
يا محمد الصور لا تكذب
احنا شفنا و سمعنا كل ال حصل
و كان واضح ان الشرطه كانت فى حالة هياااج
الله يرحم الشهيد ال ماات
و شئ مخزى بجد من الترس الزماااالك
بس بردوا انا مش هعمم
لانهم هيقفوا جنب بعض فى التحرير يوم 9/9
ويهتفوا ضدد النظام المعفن ال احنا عايشين فيه ده
لا حول ولا قوة الا بالله

[سَـلمَى]

تؤ تؤ تؤ ليهـ كدآ بس
طيب ليهـ الجمآهير تروح عند الشرطة أصلا
يآرب خير إن شآء الله
هو كل دهـ حصل قدآم إيهـ بالظبط
يآرب يرحم المشجع دهـ
ويشفى المصآبين
ربنآ يستر

تسسلم على ال خبر...

[ღ Gի๐sτ ღ]

احضان الحبايب : اكيد مش حلوة من الوايت نايتس بس للعلم ليس معني ذلك انها تحسب ع الجروب كلو
مسؤلين الجروب متضامنين مع اهلاوي لأن العقلية واحدة ضد الحكومة مهما كان

بس ناس كتير في الوايت دماغها لسة صغيرة ومصممة ان تعمل كمائن ومشاكل ملهاش لزمة

-----------

الحلوة : واضح انك مشفتيش الماتش لأن مفيش جمهور راح للشرطة . هو الماتش خلص من هنا والحكومة قامت ضرب في الناس كلها من هنا يعني هما من بدئو بالضرب والشغب

تسلمو ع المرور

[سَـلمَى]

آه فعلا مشفتش المتش
لسهـ عآرفهـ إنهـ خلص
ربنآآآ يهدي
بس زعلت جدآآآ
لان أول مرة الاهلي يعمل إشتبكآت مع الشرطهـ كدآ
ربنآ يسستر

[ღ Gի๐sτ ღ]

مش اول مرة
بس عامة امس كان الوضع مختلف .كان الشغب كلو في الشوارع


تسلمي عالمرور

[شــمــووخ]

الله يرحم المشجع اللي توفى ويصبر اهلو
يارب يرجع الهدوء للملاعب المصرية .بجد شي مزعج بغض النظر عن المتسبب
فالمشكلة كلهم مصريين المفروض يكون فيه محاسبة للجميع سواء جماهير أو افراد
من الشرطة الكل مسؤول عن اللي صار الأهم المحافظة على سمعة الكرة المصرية
...
تسلم عالخبر

[RaIa EL ZaMaLkwYa]

اللى حصل امبارح مش هيفرق كتير عن اللى حصل لجمهور الزمالك فى ماتش وادى دجلة
لما الويات نايتس غنو اغنية التحرير قامو بشتيمة العادلى بردو والامن اعتدى عليهم وقبض على ناس كتير ان شاء الله ربنا يرجعهم بالسلامة وكلهم هيطلعو منها زى جمهور الزمالك

اما احته الاشتباكات دى بصراحة انا اول مرة اسمع عنها ادخل على الفيس فى اى جروب زمالكاوى وانت تعرف الزمالكوية هيقفوا جمب الترس الاهلى ازاى مع انكوا قولتو علينا همج ايام ماتش وادى دجلة . شكرا

[ღ Gի๐sτ ღ]

اهلا يازملكاوية

بخصوص ماتش الزمالك ودجلة فكل من يقول عليكم همج فهذا جمهور عادي وليس رسميا من التراس اهلاوي وبل ايضا التراس اهلاوي كان واقف بجاوركو انتو و جمهور الاتحاد بردو

وبردو بنفس المنطق يوم ماتش اسوان رغم كل القلبان دة وناس من الوايت نايتس راح تعمل كماين وتتخانق مع جمهور الاهلى !!

ففي النهاية هاتلاقي ناحيتين من الجمهورين سواء هنا او هنا بيشمت في التاني ويتمني الشر للتاني ولكن كلام المسؤلين الكبار والناس الفاهمة وعارفة فى الالترا كويس بتكون متضامنة سواء اهلي او زمالك مبتفرقش ولكن بيكون في تضامن ضد الشرطة


وخناقة الشرطة و الوايت نايتس دي انا كنت عارف ان هايقوم شغب من قبلها لأن كان في حماس زائد من الوايت نايتس من قبل الماتش وبنفس الوقت الشرطة الأن بتعمل تصفية حسابات

وكابو جرين ماجيك بلغني ان فيه مصدر امني تبعه قالو ان دة تصفية حسابات

كريم عادل اللى اتاخد الناس بتوع الأمن موصيين عليه توصية انه يتعامل اسوء معاملة
+ الراجل قالهالو في وشه

خللي الثورة تنفعكو !!



فواضح جدا ان كلها تصفيات حسابات بسبب الثورة وبردو سبب تاني . عشان الالتراسات متنزلش مظاهرات
وكل واحد بيمثل نفسو وزي مافي ناس قالت ع الزملكاوية همج بردو في زملكاوية قالو ع الاهلاوية همج وبيروحو يتخانقو مع الاهلاوية كمان

تسلمي ع المرور انتي وشموخ

[RaIa EL ZaMaLkwYa]

ماشى اوك انا معاك فى اللى بتقولو ان علطول فيه تصفيات حساب مبين الالترس ان كان زمالك او اهلى بس انا بتكلم عن كلامك اللى هوه ان الوايت نايتس عملو كماين لاهلاوية و انهم مش وقفو جمبهم مع انهم وقفو جمبهم والكلام دة شفتو على موقع الوايت نايتس الرسمى