هآآآآآم لكـل طلبهـ صيدلهـ

[بـقـآيـآ ح ــڻيـڻ დ]

انا قريت البتآآعهـ دى ع الفيس

بجد كنت هموت م الضحكـ

خدوا بئا وقولولى رأيكووآ


خمستاشر عيب في مهنة الصيدله

لاحظت ان في ناس كتيرة في ثانويه عامه نفسهم يدخلو صيدلة

المهنة المرموقة الجميلة اللى بتكسب كتير وفرص شغلها في الداخل والخارج كتيرة
...
ولكن انا اعرف ناس كتيرة ميعرفوش مساوئ هذه المهنة العظيمة

في الموضوع دا هاذكر لكم 15 فقط من 100 سيئة موجوده في هذه المهنة في مصر

اول هام

كل اطفال المنطقة بيكرهوك لانك اديتلهم حقن قبل كدا

والست والدته تبقى عايزه تقولك جاتك داء السل في ايدك وانت بتدي الحفنه لابنها

بتدي حقنه لطفل وعايزاك تخليه يضحك ويزقطط

اما عجايب يازمن

تاني هام

كل المدمنين بيبقوا عايزين يقتلوك

عشان يبرشموا براحتهم

وممكن يفتح عليك مطواه عشان ياخد سرنجة

فبتضطر تبيع ضميرك وتدي السرنجة للمدمن

بدل ماتبيع عمرك وتاخد انت المطواه في عقلك

او في قلبك

فالجبن سيد الاخلاق

اما تالت هام

مصلحة الضرايب

واخ من مصلحة الضرايب

بتحاسبك على الدواء اللى على الرف قبل ماتبيعه

وده عمره ماحصل لاي مواطن في اى دوله

ربنا يجعل كلامنا خفيف عليهم

رابع هام بقى

الملل

ثم الملل

ثم الملل

لدرجة انك ممكن تتحول الى شريط كبسولات من كثر الملل

لانك لازم تشتغل على الاقل 10 ساعات يوميا

مش حاجه غريبه برضوه

خامسا

دكتور مش هايكون لقبك الوحيد

ممكن يا بيه

ويا باشا

ويابشمهندس

ويا كابتن

ويا برنس

سادسا

لو الدواء غلي في السوق هاتبيعه بسعره القديم

لانك لو بعت بالسعر الجديد الغالي

هتقابلني على البورش ======الحبس

وعلى رأي فريد الاطرش ياما في السجن مظاليم

سابع سيئة

اما بقى لو الدواء رخص

هاتبيعه بالسعر الجديد الرخيص

مع انك محاسب عليه ودافع ضرايب بالسعر القديم

مش احنا قلنا يجعل كلامنا خفيف عليهم

ثامن هام

انت بتشتغل امين خزنة عشان عندك عهدة ادويه وبتجردها

وطبيب بكل تخصاصته لان الناس بتكسل تروح للدكاتره وبتجيلك تكشف مجانا وتوصف العلاج

وممرضه تغير على الجروح وتدي حقن وتقيس ضغط وسكر

ومحاسب عشان تظبط فواتيرك اخر كل شهر

الحاجة الوحيده اللى مش بتشتغلها هى انك تكون صيدلي يحضر ادويه

بلد شهادات صحيح

تاسع هام مهم جدا ركزوا كدا

اوعى تكون فاكر ان المريض هايقولك

او بيقولك اسم الدواء

المريض بيوصفلك الدواء

مثلا الكبسولة الخضراء بتاعة الاسهال

وانت دورك انك تشم على ظهر ايدك وتعرف ايه هي دي الكبسولة

ولو معملتش كدا تبقى صيدلي خايب

صيدلي فاشل

مش صيدلي اصلا

مع العلم ان المريض مش مجبر انه يوصفها لك صح

دا مرة دخل علي واحد عايز كريم التسلخات اللى من جوا ابيض

ومرة دخلت على ست ودار الحوار دا بيني وبينها

الست: ازيك يابني؟

انا: الحمد لله اخبارك انتي ايه ياماما؟

الست : اهو مش هاقول اكتر من الحمد لله

انا: يستاهل الحمد, امري؟؟

الست:عايزة لين لابني

انا: اسمه ايه ياجاجه؟؟

الست:محمود

انا: ياستي مش اسم ابنك اسم اللبن

ها وازيك بقى دلوقتي

عاشرا

اى شهادة هاتحضرها بعد التخرج

بلها واشرب ميتها

مش هاتكتر زباين الصيدليه

ومش هاتفيدك وانت بتبيع بامبرز

وبرضوه مش هاتعرف الكبسولة الخضراء بتاعة الاسهال

ولا الكريم اللى من جوا ابيض

بعينكم برضوه

حداشر هام

الناس احيانا بتطلب خصم 10 %ولو معملتش كدا

يبقى انت راجل مقتري

واقطاعي

ومعندكش رحمة

دا علاج ياناس هو انتوا بتاجروا بالبشر

وعايز اقول على حاجه 10% مش نص المكسب

اه المكسب 20% بس بتدفع منه ضرايب وكهرباء وميه ورسم تفتيش ومرتبات

والمفروض كمان انه يغطي خسائر الادوية منهية الصلاحية

يعني المكسب يكون في الاخر في حدود 15 %

ولما تعمل خصم 10%

يبقى فاضل 5%

ساعتها اقولك بكل حب روح افتحلك مطعم فول احسن

ساكسونيا روبابكيا

نمرة اتناشر مهم اوي

لو انت ولد

متستغربس ان اى ام عندها بنت هدلل عليها عندك

دا مرة اتنين ستات شدو مع بعض عشان كل واحده بتقول محاسن بنتها قدامي

وتوقع ان ممكن اى حد يحرجك بجد ويقولك ما تتجوزها

بس فبلها تقولك ما تشغلها معاك تروق معاك الادوية

وياولك وسواد ليلك لو خطبت

مش هاتشوفهم تاني

اما بقى لو انتي ينوته

برضه هتلاقي ناس كتير عايزه تتقدملك

مهندسين

تجار

موظفين

اطباء

كله ماعدا الصيادلة

لازم يتزنقوا وهما في الكليه عشان لما يتخرجوا عنيهم تزوغ هنا وهناك

شايفكوا وانتوا فرحنين اوي باللي قولته وعايوين كله من دا

تالت تاشر

لازم تتحمل جهل الناس

اى واحد يدخلك يقول بلاش بديل

وهو مايعرفش يعني ايه بديل

ويعني ايه اصلي

هى هوجه وخلاص

ولو وزارة الصحة كانت خلت الاطباء يكتبوا التشخيص والمواد الفاعلة في الروشتات مابدل ما كتبوا الاسماء التجارية

وينفعوا نفسهم

قبل شركات الادويه

ساعتها انا بقول بالفم المليان

مش هايقف في الصيدلية غير صيدلي

وهايكون شاطر كمان

وهايعرف ايه الكبسولة الخضرا بتاعت الاسهال

والكريم اللى من جو ابيض

هعهعهعهعهعهعهع

اربعة تاشر

سوق الدواء متغير يوميا

بمعنى دواء جديد بينزل كل يوم

وداوء بختفى

ودا معناه ان راس المال لازم يزيد عشان يغطي طلبات على الادويه الجديدة

فلو كيان الصيدلية بسيط مش هيصمد قدام التغييرات الرهيبة دى وهتحصل خسائر كتيرة

ياعم قولتك مطعم فول وخلص

واخير وليس اخرا

لو الطبيب غلط في التشخيص

وانت صرفت روشته

يبقى انت اللى غلطان

مش هو

ولذلك انت اللى بتتحمل اغطاء غيرك

سواء كانوا اطباء او حتى شركات الادويه

لانها لو انتجت داوء فاسد وجيه عندك يبقى هتتحاسب عليه

مش قلتلك برتو طره مستنيك يامعلم

[aya1994]

ههههههههههههههههههههههههههه

موضوع جامد
تسلم ايدك

[yara5]

ههههههههههههههه
دا كله
شكرا علي التوبيك