ثقافة الربح من الأنترنت حقيقة بس مش بالساهل

[بنوته متفائله]

كتير من الناس دايما أول ماتشوف كلمة الربح من الأنترنت تقول دا نصب دا كدب دا تضييع وقت متقلقوش الموضوع مفيش فيه دعايه لنفسى عشان أكسب ولا حاجة دى تعليمات بسيطة جدا و مختصره عشان منضيعش وقتكم بس أنا جيت أقولكم أن الموضوع بالعكس صحيح 100% و مفيش فيه أى كدب ولا نصب فيه أنواع كتيرة من الربح منها (الربح من الضغطات - الربح من التحميلات - الربح من الدعايه - الربح من أدسنس) و أنواع أخرى تانيه كتيرة أوى أولا الربح من الضغطات أثبت فشله فى الفتره الأخيره جدا بعد أيقاف شركة أون بوكس و لأنك كل يوم بتاخد 4 سنت وكلام بايخ أوى حتى لو جيبت ريفيرال مش هتعدى1 دولار فى اليوم و الموضوع بجد أصبح للهواة دا غير مجموعة المواقع النصابه الموجوده فى المجال دة الربح من التحميلات يعتبر أكتر شئ بيحتاج مجهود عشان تقدر تجيب حاجات حصريه و الناس محتاجاها و تعملها تسويق بلينك التحميل دا غير إنك هتحمل و ترفع على سيرفر و لكنها شئ مضمون جدا و تقدر تكسب منه لكن دا لو بتعرف تعمل توزيع للينكاتك فى مواقع كتيرة و تتباع مواضيعك عشان ترد عليها الربح من الدعايه دا فى الأغلب لازم يكون عندك موقع و حاجز مساحه من شركة أستضافة و دومين دوت كوم أو أى دومين عمتا و يبقى عندك زوار فى الموقع كتيرة , فى الحاله دى ممكن تبيع بانرات لمواقع أخرى بالشهر ودا طبعا بيتحدد السعر بالنسبه لمساحة البانر و المدة و أكيد طبعا لو مدة كبيرة بيتعملها عروض و محتاجة سياسة عاقلة عشان الموقع الأخر يستفيد من الدعايه حسب عدد زوارك برضة الربح من أدسنس و دا يعتبر أقوى وسيلة للربح فى الأنترنت و فيه ناس بتقدر تجيب أكتر من 20 دولار فى اليوم الواحد لكن أتفاقياتها كتيرة و لازم تتبع التعليمات كويس جدا و تنقذ التعليمات بالكامل و إلا هيكون مصير حسابك و أموالك فى الأغلاق الصبر أهم شئ على فكرة أنا عن نفسى سجلت كتير جد فى مواقع كتيرة و خسرت وقت كتير جدا و أتنصب عليا أكتر و لكن مع الوقت بدأت أفهم و أحدد الموقع دة نصاب ولا بيدفع و بسم الله ماشاء الله قدرت ابتدى حاليا بخطوات أيجابيه و إن شاء الله يتم الأستمرار فى الخطوات دى لحد ماوصل للى بحلم بيه على الأنترنت

[حبرالقمر]

واللهي انا عن نفسي مش بحب الحجات ديه ولا بحب اخسر فبناقص لكن اول مره اعرف انا بجد مرسي نايس توبيك تقبلي م ر و ر ي اختك حبـــــــــــــــــر القمـــــــــــــــــر

[بنوته متفائله]

نورتى ياجميل