هاااام جدا لكل شاب مقبل على الخطوبه اتفضل واستفيد

[عاشقة الهدوء]

السلام عليكم ورحمة الله وبركاته

هام جداااا للشباب وخاصه المقبلين على الخطبه والخاطبين والعقدين ..
الكلام صريح قو...وى وياريت محدش يزعل .. بس قررنا نتكلم ف الموضوع داا لان الشباب بيغفلو عن اشياء صغيره جدااا بس بتفرق ف حجات كتير قوى مع البنت واهل البنت وممكن لو متعملتش بتعمل تراكمات وتفاجأ انهم بيقولولك مفيش نصيب ومن غير اسباب .. طبعا بيبقى فيه اسباب بس بيحرجوا انهم يتكلمو فيهاا,, ومفيش امهات بتوعى الشباب دلوقتى للاسف . الله المستعان عالعموم متزهقوش من طول الموضوع بس والله كله للمصلحه ..وللعلم طبعا كل الى بكلم فيه بيبقى بضوابط شرعيه كلنا عرفينها ف وجود محرم ..

بسم الله ...

أول لما يحصل نصيب مثلا وبد اتو تتكلمو فى التليفون انك تفتح على البنت .المفروض انت الى تتصل بيها مش هيا .. نقطه بسيطه بس بتفرح اى بنت انك مترضاش تفتح ع...ليها بتحس برجولتك ..

تانى حاجه .. اوعى تطلب منها انها تظهر بمظهر كويس وهيا خارجه ويبقى فيه تبرج اولا لله تانى حاجه البنت بتحب الرجل الغيور , حتى لو اتظهرت انها متضايقه بس جواها بتبقى هتموت من الفرحه ..

كمان موضوع الهدايا الى عاوزين نشد ع الرجاله فيه قوووووووووى .. مش عارفه بقيتو بخلا ولا ايه ولا بتسخسروا ولا ايه )
لازم تاخدو بالكم من الموضوع دا ومتسمعوش كلام الامهات بالذات فى النقطه دى الامهات طبعا بتبقى خايفه على فلوس ابنها وتقوله لما تبقى مراتك ابقى هاتلها . والبنت معزوره عاوزه تشوفه بخيل ولا كريم . وتفضل ام البنت عماله تقطم فيها وتقولها داخل طالع ايده فاضيه .. يعنى يااشباب لا اسراف ولا بخل الوسط ..
البنت من حقها انها تنبسط بموضوع الهدايا دا لان الحاجه منك بتبقى فارقه قوووى وليها معانى كتير ولو انت على قدك هات حاجه بسيطه ولو ماشاء الله متيسر هات على قد مقدرتك بس لازم تجيب وتفجأها بيها وحاول تسالها وطبيعى البنت هتقول لا قولها مش عاوزه حاجه اجيبهالك , الكلمه دى هتفرق معاها قووووووى ولو طلعت جدعه وطلبت يبقى انت اتدبست بس فعلااااا شباب كتير قووى بيقصروا فى الموضوع داا والاهل بيبقو مش عارفين طب دا بخيل ولا حريص ولا كريم..
يعنى مش هقولك تزعل والدتك بس من وراها هات ارضى والدتك وفى نفس الوقت اعمل الصح .. حاجه كمان صغيره بس بتبين انت زوق ولا لأ .. اوعى تكون معزوم على الغدا عند خطيبتك وتدخل مش جايب لاهل البيت حاجه على قد مقدرتك بس بردو الموضوع دا بيفرق ... والله يااشباب الكلام الى بقوله للمصلحه وانى فعلا صعبان عليا الشباب لا أنهم مش فاهمين مخطبوش قبل كدا او مفيش ام بتوعيهم ..
وبتفضل البنت مكسوفه من اهلها وهيا مش محتاجه منك حاجه بس انت كدا بتبرها قدام اهلها وانت كمان بتكبر فى عنيها وعين اهلهااا .. طبعا كل الشباب الخاطبين اليوم الى هيروحو لخطيبتهم فيه لازم بقى تعمل بالوصيه وتجبلها هديه وخد نيه انك بنتفذ (تهادو تحابو)
..
. اوعى تكون بتاع ماما .. يعنى انك مبتعملش حاجه الا لما ماما تقول وميبقاش ليك قرار ولا كلمه .. ولما تبقو قاعدين فى قاعده اتفاق ولا حاجه تسيب والدتك هيا الى تتكلم وانت سيادتك قاعد .. يعنى يااشباب دا حتى ميصحش لازم طبعا تحترم والدتك بس انت راجل ..الناس الى هيدوك بنتهم دول عاوزين راجل يحميها ويحتويها مش راجل امه ممشياه ..

كمان لما تخطب لو حبيت مثلا تروح زياره زياده عن المعروف والمتفقين عليه . متطلبش من البنت انها تقول وتعرف اهلها لان دا بيسبب للبنت مشكله مع اهلها وعمرها مااهتقولك لانها طبعاا هتتكسف جدااا وبالعكس كمان هتبينلك انهم مبسوطين ومعترضوش خالص ,, فلو حابب تروح زياره زياده او تخرجو وطبعا معاكم محرم يبقى انت الى تطلب وتتصل باهلها . وكمان دا بيعليك قووى عند البنت بتحسسها انك محتويها من كل حاجه وانك بقيت مسؤل عنها وبتتكلم بالنيابه عنها

ايوه دا مهم جدااااااااا لازم تبقى قد كلمتك فى كل حاجه . حتى لو وعدتها وعد تافهه تتحمله وتبقى قده انته راجل .وممكن تكون قلت كلام باالنسبه ليك تافهه وبتعتقد انه مش فدماغ خطيبتك والى انت متعرفوش ان كل كلمه بتقولها بتبقى ف دمغهااا وبتشلها ..ولو حصل ظروف ومش عارف تعمل الى انت وعدت بيه متطنش لا تبقى راجل وتوضح الصوره ان معرفتش اعمل كذا عشان كذاا . موضوع الطناش دااا بيبقى وحش قوى وبيقلب الدنيا وبالنسبه للبنت دا مش راجل ومش قد كلمته ..

مهم دا قووى .. انك تبقى محترم وحتى لو اتضايقت من اهلها ف اى حاجه متتكلمش عنهم بأسلوب وحش معاها ولا تحسسها انك متضايق .. المفروض انك عارف ان كدا كدا هتبقى بأذن الله ف بيتك وانت الى هتتحكم بعد كداا . يعنى لو اهلها متشددين شويه استحمل ومتقعدش تأنب فيها لانها اكيد هيا كمان متضايقه . فمتحملهاش فوق طقتهاا ..

لو لاحظت ان الاخت مثلاا مبتحبش تزعل سيادتك مثلا لانك غالى عندهااا وطبعا مفيشس صريح نهائى ف فتره الخطوبه . بس بيبان .. لو لقيتها بتضغط على نفسها عشانك متستغلش النقطه دى انها بتخاف على زعلك وبتيجى على نفسها لان هيجلها وقت وتبقى محتاجه ان انت الى تضغط على نفسك ولو ملقتش منك كدااااا يبقى انت بتضيع كل حاجه بينكم .. الى تحب انك تتعامل بيه وقت مااتكون زعلان ومتضايق عاملها بيه ..

اوعى تحرجها ف جسمها او شكلهااا او لونهااا انت ارتضيت بيها كداااا خلاص مفيش حرف بعد كدا ف موضوع الشكل او الطخن او الرفع .. دا بيبقى حساس قووى بالنسبه للبنت وممكن تكرهك بسبب الكلام داا

متقارنهاش بأختك او مرات اخوك مهما كانت الميزه الى انت شايفاها فيهم .. الى مترضهوش على نفسك مترضهوش عليهاا ..

كتر المكالمات بتضايق الاهل جدااا وبتسبب مشاكل كتير للبنت مع اهلها وعمرها ماهتقولك ..

من الحاجات الى هتعليك ف عنيها قوووى انك تجيب مثلاا هديه لوالدتها او الشخص الى هيا بتحبه قووى .. او مثلاا لو هما رايحين لدكتور او كداا توصلهم . او محتاجين حاجه تقضهالهم .. حسسها انك واحد منهم وانك مسؤل عن اهلها وابنهم .. الموضوع دا بيفرح قووووى

لو لاقيتها جايه تشتكيلك مثلاا من حد من اهلك او مامتك او اختك .. والله والله وعن تجربه لو قولتلها حقك عليا دول اهلى متزعليش . بالله ماهيبقى فيه اى حاجه
انما لو قولتلها وفيها ايه يعنى اهلى ويقولو الى هما عاوزينه ماانتى ياما اهلك قالو وعادو .. بذمتك دا اسلوب ؟!!! اتعمل بما يرضى الله هتلاقيها خاتم ف صباعك ..

دى هتبقى مراتك محتاجه تحس منك كل حاجه كويسه خوفك عليها وغيرتك عليهااا وحبك لاهلها حتى لو مش عجبينك وانك تكبرهم وترضيهم .. الراجل الطيب بيبقى حلم كل بنت ..

ف حاجه كمان بتعمل مشكله .. موضوع التحكمات ف الخروج والدخول . نتكلم فيه بصراحه انت مش من حقك تقولها ولا تحكم ف دخولها وخروخها . يعنى مينفعش من الاخر تقولها على اى مشوار مع اهلها او أهلها لا او حتى تتضايق . انت كدا غلطان ومتعرفش بالاصول الا لو مشوار يغضب ربنا (زى فرح مختلط مثلا ومش اسلامى) تحاول تتكلم مع الاهل ..
انك تقولها لا وابوها اه . بجد حرررررراااام الى بيحصل ف الموضوع دااا لازم تستوعب وتعرف انك ملكش كلمه عليها ف الفتره دى كله بالحسنى ..

لو مامتك مبتحبش خطيبتك حاول انت تعوضهااا كل حاجه ولازم تعرف ان والدتك بتغير عليك منهااا يعنى تتعامل بحكمه قووى والبنت بتبقى فرحانه لما تلاقى حمتها بتحبها او بتكلمها او تتصل بيهااا .. لو العكس بيحصل حاول انت تراضيها وتعوضها بكلام كويس انها بكره لما تعرفك هتحبك وهكذااا ..

لو والدتك مبتتصلش بيهم خاالص ومش حابه العروسه .. ياريت متفرضش على خطيبتك انها تتصل بوالدتك وتسال عنها لان البنت مش لوحدها والمفروض ان والدتك هيا الى تتصل .. فمتسببش للبنت ضغط نفسى منك ومن اهلها ومش عارفه هيا ايه الصح وتعمل ايه ..

ياااريت تعملوا بالحجات دى ياشباب المستقبل وربنا يهدينا ويهديكم

ويصلح ليكم الحاااال ولللامااانه الموضوع منقووول

وبصراحه عجبنى جدا حبيت انى اعرضوا عليكم عشان تستفادوا

لآن فعلا أكتر الخطوبات بتتفركش من أمور مهمه جدا بيغفل عنها الخاطب أو بمعنى اصح شايلها من دماغوا خااالص

وأثرها بيكون سلبى وفى الآخر النصيب غلاب

موووووووووفقين جميعا

[falta tanto amor]

نصائح حلووووووووووووووة اوي تسلم ايديكي يا

سكر بجد استمتعت بقراءة الموضوع

موضوع مهم جدااا يستاهل اجمل 5 نجوم

[۩۩ سيد الشرقاوي ۩۩]

تسلمي اختي الكريمه علي التوبيك الجميل دي
تحياتي لكي علي النصائح الجميله ولمميزه جداا
لكي مني ارق تحياتي وتقديري علي مجهودك
الجميل دي منوره ياهبه وربناااا يسعدك اختي
و

[ماتركس]

موضووع جميله يا عاشقه

بجد نصايح جميله ومفيده

ومنتحرمش من جديدك معانا

بالتوفيق ليكي

[غزاوية وافتخر]

كتير مهمه كل المخطوبين عقبال عند الجميع حتي يستفيدوا من النصائح برافوا عاشقه

[Bright Brain]

نصائح غاليه جدا
تسلم الايادي

[غزاوية وافتخر]

اقتباسالمشاركة الأصلية كتبت بواسطة غزاوية وافتخركتير مهمه كل المخطوبين عقبال عند الجميع حتي يستفيدوا من النصائح برافوا عاشقه (تعذيب الاداره)

[عاشقة الهدوء]

اقتباس المشاركة الأصلية كتبت بواسطة falta tanto amor نصائح حلووووووووووووووة اوي تسلم ايديكي يا سكر بجد استمتعت بقراءة الموضوع موضوع مهم جدااا يستاهل اجمل 5 نجوم

انتى الى سكر ياسكر انتى متشكره لكلامك ياحببتى وزوقك

وتقييمك للموضوع نورتينى ربنا يحفظك

[عاشقة الهدوء]

اقتباس المشاركة الأصلية كتبت بواسطة سيد الشرقاوي تسلمي اختي الكريمه علي التوبيك الجميل دي تحياتي لكي علي النصائح الجميله ولمميزه جداا لكي مني ارق تحياتي وتقديري علي مجهودك الجميل دي منوره ياهبه وربناااا يسعدك اختي و

تسلم ياسيد من كل سوء وشر متشكره جدا لكلامك الطيب

وزوقك دايما منورنى ياسيد ربنا يحفظك ويعزك يارب

[عاشقة الهدوء]

اقتباس المشاركة الأصلية كتبت بواسطة ماتركس موضووع جميله يا عاشقه بجد نصايح جميله ومفيده ومنتحرمش من جديدك معانا بالتوفيق ليكي

متشكره ليك يا أحمد ومتشكره لذوقك نورتنى ربنا يحفظك