سبيدر مان والمراة الحديديه............

[صافي]

يزتي حواء ..ابي وزوجي وأخي ادم في عالمنا الدنيوي المحدود,ربنا سبحانه وتعالى خلق المخلوقات وخلى لكل واحد فيهم طبيعه خاصه. يعني لو بصنا لأدم و حواء هنلاقي ان كل منهم ليه عنين و رجلين وودان وطبيعه واحده. يعني مفيش أدم برجل واحده وتاني بتنين وتلاته..فتلاقي واحده نفسها في أدم ابو رجل واحده وتانيه نفسها في أدم ابو رجلين.
ونفس الوضع في حواء, مفيش حواء بعين واحده وتانيه متعددة العيون
يعني ايه ؟ كل أدم وحواء سواء….! طب ليه أدم بينجذب لحواء معينه وليه حواء بتنبهر بأدم معين… الأجابه ببساطه الكميه والقبول,بس ليه ساعات نلاقي حواء مبهره لكل جنس أدم أو أدم مبهر لكل جنس حواء.
عزيزتي حواء بتبهر أدم لما بتكون حواء المرأة الحديديه. و المرأة الحديديه بالنسبه ليه مش زينا ولا نجلاءفتحي ,مش ست قويه مفتريه


بالعكس المرأة بتكون حديديه لما تكون قويه قوي بضعفها,أحلى برقتها, عندها القدره انها تحقق كل مطالبها بالمسياسيه والجدل الهادىء والصوت الناعم…… تعرف أمتى تستخدم ضعفها,علشان يبقاله طعم ومعنى وقوه وميبقاش ضعف و مهانه.
المرأة الحديديه هيه المرأة الأفعى,بتتلون مع الحدث ,مقصدش منافقه بس أقصد بتجاري الحدث لو شريكها حزين تشاركه حزنه بمودها اللي أتغير علشانه وبضحكتها اللي هتفرفشه وتخرجه من زعله… مع عليته واحده منهم ومع صحابه صحبتهم ومعها حببته.
المرأة الحديديه هي الست اللي فشلها في تغير سلوك معين من شريك حياتها مابيكسرهاش وتفضل تحاول بنفس طويل لحد مايتغير, هي الست الصبوره الحموله اللي عندها القدره انها تشيل برج من الهموم فوق كتفها.
وتحليلي لتشبيه المرأة الحديديه ,انه تشبيه بجد مضبوط لأنه زي ماللحديد أساس كل مبنى أي كان غرضه في الدنيا, المرأة برده أساس كل بيت ,اين كان المستوى المادي أو الأجتماعي
و المرأة الحديديه هي الست المميزه اللي مبتعملش حاجه غلط وبتبهر الطرف الأخر بكل سهوله وبتهمس عليها حواء بكل حقد.
طب أمتى أدم يبهر حواء…؟
أدم بيبهر حواء لما يكون سبيدرمان يعنى حد جرىء,شجاع,لطيف,الناس بتحبه وفى نفس الوقت بيطير علشان يحقق رغبات حواء. العالم بتاعه بلا حدود واحلام حواء معه مبتنتهيش .


عزيزى أدم صدقنى الشعور ده شعور مكتسب بسهوله أدم ممكن يوصل لحواء أنه سبيدرمان,كنج كونج او حتى خط الصعيد….. بسهوله لو عرف أزاي يقتحم حواء, لو حسسها انه مسئول حد ممكن تلجأ ليه وقت مشكله وتنسند عليه لما الدنيا تضيق بيها ويسلام بقى لما سبيدرمان يتلقب اسامه منير ويبقى حد عايز يسمعها ومتفهم كل مشاكلها .
حد بكل المعنى سبيدرمان أو الرجل العنكبوت يعني شبكها بشبكه كبيره نسجها حوليها ,ممكن تكون هشه صحيح بس مينفعش تخرج منها علشان مش محتاجه حاجه برها.
وفي كل الأحوال سبيدرمان, المراءه الحديديه او اين كان لما بيكون في اتفاق بيبقى الحياه عالم من السعاده وتبقى اسعد من الحياه في والت دزني.
بقلم / مروه جلال

[عاشقة الهدوء]

ههههههههه والله انتى عسل يااصافى

طريقه نقلك وانتقائك للمواضيع مميزه جدا

وقيمه ومفيده تسلمى عليها ياحببتى

مووووفقه دايما وتستحقى كمان تقييم

ربنا يحفظك

[ساحرة الليل]

لا بجد مميزة واسلوبك لتصوير الاحداث جميل تستاهلى تقييم

[هبة الجزائرية]

شكراا موضوع مميز