اولي حلقات برنامج(ادم في سطور) ومنورنا El Magic

[نورا ❤]

السلام عليكم ورحمة الله وبركاته النهاردة جيت وجايبة معايا اولي حلقات برنامج(ادم في سطور) ومعايا عضو متميز وكله ذوق واخلاق معايا ومعاكوا ۩۩ elMagic ۩۩ $ Ŧђę ĶỈŋġ $ وبدانا نسال احمد ونتدخل في شخصية ادم عشان نعرف بيفكر ازاي وبدانا الاسئلة بـــــ عبث الطفولة 1- مكان الميلاد أين كان ؟ اتولدت فى البلد اللى عايش فيها دلوقت ولكن مش فاكر فين بالضبط 2- حياة الطفوله من كان المؤثر الأول بها ؟ طبعا والدى ووالدتى الله يرحمها 3- موقف من الطفوله مازال عالق في ذهنكـ؟ هههههههههههه هو موقف البصل دا عمرى ماهنساه لما كنت بدخل البلكونه وامسك البصل وارميه فى الشارع على الناس دا غير الميه بقى :495: 4- هل كان يوجد معامله مختلفه لاخواتك البنات عن الذكور ؟ احنا اصلا كنا والدين لغاية ما البت نودا جات سنه 2000 ومش كان فيه تفرقه اوى بينا هو بس كان فيه اهتمام زياده بيها بما انها لسه طفله وكده 5- اليوم الدراسي الأول هل تتذكر حالكـ فيه ؟ كنت خايف ومش عايز اروح المدرسه لانها كانت بالنسبالى حاجه مجهوله مش اعرفها كنت متوقع انى رايح اخد حقنه ساعتها :495: 6- أصدقاء الطفوله هل مازلوا على تواصل ؟ اه انا معايا شباب من اولى ابتدائى لغاية دلوقت ولكن كلامنا قل شويه عن زمان 7- عبث الطفوله كيف تصفه في بضع كلمات ؟ الحب والبراءه وطيبة القلب 8- موقف غصب عليك والديك بفعله ؟ انى أكل اللحمه البيضه :icon1366: وكلتها بردوا بس دلوقت مش باكلها خالص المراهقة 1- في اي سن قمت بقيادة السيارة ؟ وماذا حدث في اول مرة قدتها ؟ من سنتين والدى كان بيعلمنى السواقه بدأت امشى بيها بكل سهوله الغيار الاول والتانى وكانت سهله جدا وعديت طريق فيه عريبات ومشيت عادى ولكن بعد كده بطلت اسوقها فا نسيتها بقى ولكن ميسرى هأرجعلها تانى 2- مرحلة المراهقه كيف كان تعامل الأهل فيها ؟ والله بصى انا اهلى معظهم مش ليا اختلاط بيهم هما بعد وفاة والدتى مش حد بيسأل علينا تقدرى تقولى اننا مش معترفين بيهم ممكن بس الشباب اللى قدى منهم 3- غالباً مايكون الحب الأول في مرحلة المراهقه فكيف تصفه إن وجـــد ؟ بيكون حب من نوع خاص بيبقى فيه تهور وعنف وبراءة ورومانسيه ممكن تبقى نهايته جميله ولكن الشباب بتهورهم بيقضوا على الحب دا 4- هل كنت مثل شباب اليوم تتسلي وتعاكس حواء ؟ الحمد لله لاء وعمرها ما هتحصل اصلا انا عمرى ما انزل واقلل من نفسى علشان بنت 5- إلى ماذا كنت تطمح وهل وصلتِ لطموحكـ ؟ كنت طبعا اتمنى ان ادخل هندسهـ ولكن المصححين مش سايبنا فى حالنا بقى ربنا يسامحهم بقى يلا الحمد لله على كل حال قدر الله وماشاء فعل انا دلوقت بطمح انى اخلص دراستى واتوفق فيها وابنى مستقبلى واكون نفسى بنفسى 6- هل كتبت مذكراتك ؟ ههههههههههه ليه شايفانى طه حسين اللى قرفنا السنه اللى فاتت بقصتهـ العجيبه دى لا يا عم موش ناقص حد يتريق عليا زى الحج طه :vb27: 7- المراهقه مالذي تبقى منها اليوم في ذاكـرتكـِ ؟ ايام الثانويه كلها فى ذهنى لغاية دلوقت كنا خاربين الدنيا :495: 8- موقف غوصبت علي فعله بواسطة والديك ؟ لا مش فيه موقف غصبت عليه كل اللى بأعمله بمحض إرادتى آدم وحواء 1- المرأة ماذا يعني وجودها في حياتكـ اليوم ؟ المرأه هبهـ من الله وهى الطف الكائنات ولكن لما تقلب الوش التانى وإن كيدهن عظيم احم احم 2- من هي الشخصية النسائية التي تعجبك ؟ الرجالية ايضا ؟ النسائيه الحياء وسمو الاخلاق الرجاليه الشخصيه القويه والحازمه والتى تتميز بقدرتها على تحمل المسؤليه 3- من هو الرجل التي تود ان يكون قدوة كل رجال الارض ؟ سيدنا محمد صلى الله عليه وسلم 4- بعد الأخلاق الحسنة ماأكثر مايلفت انتباهكـ في المرأة شكلاً ؟ ان الله جميل يحب الجمال الجمال ونظرة عينيها من حيث الشكل ولكن انا اللى بيلفت انتباهى من نحيتها اسلوبها وطريقة حوارها مع الاخرين 5- ما رأيك بالمرأة التي اهتمامتها تشبه الي حد كبير اهتمامات الرجال ؟ تبقى مش انثى بمعنى انثى يعنى تبقى انثى كشكل ومظهر فقط لان كل جنس وله اهتماماته 6- اذا شعرت بالشك في امرأتك كيف ستكون ردة فعلك ؟ كيف ستتصرف معها ؟ الشك دا ممكن يبقى ليس له اساس من الصحه فا لازم اتأكد الاول علشان مش اظلمها كما فى قوله " اذا جائكم فاسق بنبأ فتبينوا " 7- بيت شعر تهديه لحواء ؟ مليش فى الكلام دا انا :vb38: 8- كلمة توجهها الي حواء : الام - الاخت ؟ أمى البقاء لله يا أمى ربنا يسكنك فسيح جناته أختى الصوغننه Miss&Noda يارب تكونى مبسوطه فى حياتك دايما وربنا يوفقك وانتى مسؤله منى ربنا يقدرنى واسعدك حواء لكى منى كل الاحترام والتقدير نينو ثانكس كتير ليكى يا قمرى الاسئله كانت جميله جدااا مجهود مميز منك يا نورا بالتوفيق ليكى دايما ان شاء الله اتمنى اكون عضو خفيف عليكو تحيــــاتى وتقديــــــــرى Ahmed بجد يا احمديكا نورتني جداااااااا وعجباني اجاباتك اوووي حلقة جامدة الصراحة طبعا عضو خفيف بالتوفيق ليك انت كومان يا احمد تحياتي ليك .............. وبكده تكون انتهت حلقتنا مع احمد واجاباته الجميلة اتمني الحلقة تعجبكوا وانتظروني في حلقة جديدة مع ضيف جديد

[ساحرة الليل]

طول عمرك كبير يااحمد مشاء اللة عليك نينو بجد انتى استاذة وطريقتك واسئلتك كميلة غلبتينى ووووووووووووواء يلا ماعلينا منورة انتى والواد الكبير احمد التوبيك تستاهلى تقيم جميل زيك

[βзήŦ ℓǻẑĨήǻ]

اسم التوبيكـ حلو اوي
وفكرته كمآآن
تسلمي يّ نينوو
الاسئله كآنت كويسه اوي ومنسقهـ
واجآبآت احمد مآشآء الله هآيلهـ
ثانكس ليكوو أووي بجد امتعتونآآ
بالتوفيق

[۩۩ سيد الشرقاوي ۩۩]

ياسلام علي اللقأت منوره والله
اختي الكريمه نورااا بااول حلقات
برنامجك الجميل دي وانشاءالله يكون
ليه وضعه ويكبر ويكون من اهم البرامج
في المنتدي تحياتي لكي وبجد تسلمي علي
اختيارك الي شخصيه جميله ومحترمه جداا
وهوي الماجيك ممنور والله ياصحبي الدنياا
ومنور بااجابات جميله اوي تحياتي وتقديري
لك اخي الكريم ومنوره اختي نورااا وتمنياتي
لكي بنجاح البرنامج الجميل انشاءالله دي

[ساحر الأحزان]

حلقة جميلة مع عضو مميز

واجابات جميلة جدا

اتمنى لة كل سعادة

بالتوفيق لكم

[احضان الحبايب]

احــمد حبيبى
ايه يبنى الاجابات الجميله دى بس ،، انت كده هتخلى حواء تتغر فى نفسها ،، بس انا معااك فى ال انت قولته والله ،،
الله ينور ي نورا اسئله جميله جدا
و برنامج خفيف ماشاء الله
منتظرين الحلقه القادمه
تحياتىـ

[واد حبيب]

ايه الحلقه الجميله ده

بجد روووووووووووعه

واحمد منور الحلقه طبعا

تيلمي يا نورا علي الحلقه الجميله

الحبيب

[Mind language]

حلقه جميله جدا
واجابات فى منتهى
الصراحه والوضوح
وشكرا ليك يااحمد
وانتى كمان يانورا
ضيف مميز وخفيف

[S n i p e R]

حلقة حلوة اوي يا نورا

احمد منور

اسئلة روعة

واجوبة اروع

تحياتى

[مِسكُ الشَهادة]

برنامج رائع جدا ً ... وفكرته حلوة أوي والله
ترجع الإنسان للماضي وتخليه يتذكر حاجات كاد أن ينساها
أسئلة راقية ومميزة وإجابات حبيبنا أحمد مميزة كالعادة
وبتعرف يا أخ أحمد بجد ...
أنا تأثرت بشكل كبير جدا ً والله
لما قرأت تعليقك ع كلمة لأمك ربنا يرحمها
ويجمعنا فيها في جنان ِ النعيم يارب ...
وربنا يخليلك أهلك يخويا ...
دائما ً منورنا ...
وأختنا نينو برنامجك رائع ...دمت ِ بألف خير