السبب فى كل ده اللبان(العلكه بالعربى)

[عادل طه]

يوم من الايام واحد من الشباب راح يخطب ...وبعد الموافقة
طلب العريس انه يخرج مع عروسته ايام الخطوبة ، سمحوله الجماعة
ولكن
معاهم اخوها الصغير‎.
قعدوا في الحديقة ، وتكلموا وعرفوا بعضهم اكثر‎.
لما رجعت العروسه البيت ،

سألتها أمها : ها أيه أخبار فلان ؟‎
ردت العروسه: هو كويس ، بس في حاجة مش عجبانى فيه
الأم : أيه هى؟‎
العروسه : على طول بياكل لبان اربع وعشرين ساعة
الأم : خليني اقول ده لأبوكى، وهو يتصرف معاه ويشوف صرفه معاه‎.



وبعد كام يوم ،
سأل الأب العريس عن الموضوع.


الاب : يافلان أيه أخبار اللبانة الي أشوفك على طول بتاكل فيها..؟؟ ‎
وقال ‎العريس: اصلا ماباكلش اللبان الا لما ادخن بس‎
الأب: انت بتدخن ؟؟؟‎
العريس : ايوه بس لما اكون شارب خمره‎
الأب : وبتشرب خمره. كمان!!!‎
العريس : اشرب لما أجتمع مع شلتي اللي تعرفت عليهم في السجن بس‎
الأب : وكمان كنت فى السجن عشان أيه..؟؟؟ !!!!!!!!!!!!
العريس : أبدا ، قتلت راجل واحد بس‎
الأب : وليه قتلته ؟‎
العريس : علشان كنت خاطب بنته ، ومعجبوش أنى كنت باكل اللبان

[رنين]

هههههههههههههههههههه

ايه البراءه دى
بس تفتكر الموضوع كدا ليكو ولا عليكو )

حلوه منك يا عدوى اللدود

[عادل طه]

اقتباس
المشاركة الأصلية كتبت بواسطة رنين




هههههههههههههههههههه

ايه البراءه دى
بس تفتكر الموضوع كدا ليكو ولا عليكو )

حلوه منك يا عدوى اللدود

هههههههههههه
لالا دا موضوع عام
مش لينا ولا علينا
منوره يا عدوتى اللدوده

[βзήŦ ℓǻẑĨήǻ]

ههههههههههههه
جآآآآآآب م الاخر

[aya1994]

ههههههههههههههههههههههههههههههه
موضوع جامد
بس العريس صريح اوى

[عادل طه]

اقتباس المشاركة الأصلية كتبت بواسطة hope and pain ههههههههههههه جآآآآآآب م الاخر

ايوه جاب من الاخر
منوره يا قمر

[عادل طه]

اقتباس المشاركة الأصلية كتبت بواسطة aya1994 ههههههههههههههههههههههههههههههه موضوع جامد بس العريس صريح اوى

هههههههههه
دا عريس طلع صاحب سوابق
منوره يا قمر