الحلقة الأولى من برنامج ((( شخصية وموقف ))) مع المتألق morshooo

[مِسكُ الشَهادة]

نتشرف بكم في برنامجكم ((( شخصية وموقف ))) والذي نعرض فيه ع الضيف ثلاث شخصيات متنوعة ... ونطلب منه أن يُبدي موقفه ورأيه الشخصي منها ... ومعنا لهذا اليوم ضيفا ً راقيا ً محبوبا ً من الجميع لأخلاقه العالية ونشاطه السديد إنه المتألق ... ((( morshooo))) تعالوا نشوف موقف أحمد إيه من الشخصيات التلاتة التي عرضناها عليه ... ....................... ....................... ...................... ((( شخصية إعلامية ))) 1_ عمرو أديب بص يا عم خالد عمرو أديب اعلامى كبير جدا ويمكن انا بعتبرة من افضل الاعلامين فى الوطن العربى ولكن انا شايف ان يمكن كان لية سقطة اعلامية اثناء ثورة 25 يناير وكلنا شفناها لما ظهر على قنوات الحياة وكان بيدافع عن الحكومة السابقة والنظام السابق يمكن اوقات كان بيقول انة مع المظاهرات ولكن مبارك زى ابونا وميصحش نقول علية كدا وكان لية تعليقات كتير على الاحداث ولكن . يوم ما تم اعلان تنحى مبارك للاسف جرى على قناة Otv وكلنا تابعنا الكلام الى قالة عن مبارك وقد اية هو ظلمة وقالهم دا يقعد فى بيتة ومايشتغلش وكأن مبارك كان شغلة الشاغل هو ( عمرو اديب ) . مع العلم ان تم ظهور ( عمرو اديب ) فى احد البرامج التليفزيونية فى احدى البرامج وتقريبا كان ( بدون رقابة ) والمزيعه سئلتة سؤال صريح فيما معناة . لو تم ترشيح مبارك لفترة رئاسية جديدة هل ترشحة ؟ قالها اكيد هو الانسب فأ انا بعتبر ان دى سقطة اعلامية لعمرو اديب . ولكن فى النهاية هو اعلامى كبير جدا وبيقدم برنامج ناجح جدا جدا ويمكن انا متابع جيد للبرنامج ولو انى مبحبش ظهور مزيعين معاة خاصة عزت ابو عوف ورجاء الجداوى . ....................... ....................... ...................... ((( شخصية سياسية ))) 2_ حسني مبارك اهلا اهلا يمكن انا اكتر حد دافع عن مبارك هنا فى المنتدى ولحد الان بدافع عنة وهفضل ادافع عنة لحد اما يتم أدانتة يمكن انا هكلم عنة بشكل عادى جدا ولو ان فى اعضاء هيختلفو معايا فية المهم مبارك انا شايفة رئيس جمهورية كان على مستوى عالى يمكن عمل حاجات كتير فى البلد فى الفترة الى كان رئيس فيها مش هكلم عن المدب الجديدة والا دخول الاتصالات لمصر قبل الدول العربية ودخول الانترنت ..... الخ طبعا انا مش بقول ان مكنش فى عيوب فى فترة حكمة لان كلنا عارفين احنا كنا فين وقد اية كان فى بطالة وفقر ومرض وحقوق ضايعه بس انا عايز اعرف حاجا هو سبب كل دا كان ( مبارك ) مستحيل مستحيل مستحيل والا حتى حكومتة لوحدها انا شايف ان انا واحد من المسئولين عن الى كنا فية ووالدى كمان وانتو كلكم كمان مسئولين عن الى كنا فية واهليكم نفس الحكاية يبقى لية نخص واحد بس عن الى حصلنا ما اصل لو احنا بنقدر نقول ( لا ) مكنش يبقى دا حالنا الجميل بقى ان دلوقتى الحمد لله بقينا نعرف نقول ( لا ) بس المشكلة انها بقت تتقال على الفاضى وعلى المليان ^_^ يمكن دا رائيى بأختصار عن مبارك مبقولش انة كان رئيس عادل ومبقولش انة كان ظالم لكن لو ظالم يبقى احنا السبب اننا سبنالة الامور بالشكل دا ....................... ....................... ...................... ((( شخصية فنية ))) 3_ عادل الإمام عادل امام يمكن انا بالنسبالى عادل امام هو رقم 1 فى عالم الفن والتمثيل يمكن بيعجبنى فية انة بدأ من الصفر زى ما بيقولو فاكر ظهورة فى مسرحيات قديمة جدا كان دورة بسيط جدا ولكن تحس انة بطل فيها كمان كان لية ادوار بتناقش قضايا عديدة فى البلد منها قضية الاسكان ودورة فى ( كراكون فى الشارع ) كمان أمن الدولة ودورة فى ( احنا بتوع الاتوبيس ) قضية الارهاب ودورة فى ( الارهابى ) قضايا الفساد ودورة فى ( طيور الظلام ) يمكن لية حاجات كتير جدا يمكن مفيش غيرة الى وصلها وانا بعتقد انة رقم 1 فى الوطن العربى ولية شعبية كبيرة جدا . يمكن شوفناة كتير جدا مع يسرأ فى افلام يمكن مفيش منها فيلم سقط حتى بعد رجوعهم لعمل فيلم مشترك وهو ( عمارة يعقوبيان ) كان دورهم مميز جدا فية وكمان ( بوبوس ) . كمان عادل امام انا شايف ان من بدايتة وهو بيظهر مع نجوم كبار جدا جدا ويمكن ناس كتير اشتغلو معاة منهم ( فريد شوقى - ناهد شريف - سعاد حسنى - سهير رمزى - نور الشريف محمود عبد العزيز - فؤاد المهندس - عمر الحريرى ) .... الخ ويمكن دا بيعيب الوسط الفنى الان ان كل واحد بق بطل ولازم يظهر لوحدة فى فيلم . صحيح نسيت اقولك انة كمان كان سفير للنوايا الحسنة والمفوضية العليا لشئؤن اللاجئين . يمكن انا شايف ان فية عيب ويمكن عيب بسيط انة فى المسرحيات بتحس اوقات انة بيخرج عن النص كتير وبيقول حاجات عادية مايستهلش انة يزيد ويعيد فيها . كفاية عليكم كدا اصل انا حافظ تاريخة بصراحة وهتعبكم معايا ^_^ ....................... ....................... ...................... نورتنا يا أخ أحمد دمت َ بألف خير

[ساحرة الليل]

مورشو كبير من يومك ياجمر حلقة جميلة تسلم يااسلامبولى اسئلة جميلة ونجم اجمل دمت ودام ابداعك تستاهل تقيم

[واد حبيب]

تسلم يدك يا خالد علي الحلقه الجميله دي

وضيفك ممتاز ومتالق في المنتدي

وطبعا اجابته جميله وزي الفل

تسلم الايادي يا خالد انت واحمد علي الحلقه الجميله

في انتظار الحلقات القادمه

الحبيب

[fankosha]

حلقة جامدة يااحمد
وموقفك من الشخصيات صريح
تسلم ايدك ياخالد على الحلقة الجميلة
والبرنامج الرائع

[رنا هشام]

حوار جميل
سلمت الايادى

[احضان الحبايب]

برناامج جميل يا خالد
ماشاء الله
احمد طبعا منور رغم انى مختلف معااك شوية فى سخصيه مبارك
لكــن مش مشكله
حلقه جميله و خفيفه
تسلموا انتوا الاتنين

[مِسكُ الشَهادة]

ربنا يبارك فيكم ع مروركم
الذي شرفنا دوما ً
دمتم ودام إبداعكم
اخوكم خالد

[morshooo]

فى البداية

احب اشكر خالد باشااااا

على الاستضافة الجميلة جدا

وبجد كنت سعيد جدا بوجودى معاك فى التوبيك

واتمنى الحلقة تنال اعجابكم

[morshooo]

اقتباسالمشاركة الأصلية كتبت بواسطة ساحرة الليلمورشو كبير من يومك ياجمر حلقة جميلة تسلم يااسلامبولى اسئلة جميلة ونجم اجمل دمت ودام ابداعك تستاهل تقيم

اهلا اهلا

منورة الحلقة وكويس ان الحلقه

عجبتك وطبعا هتعجبك عشان مش بمزاجك اصلا :Sport-041:

[شــمــووخ]

حلقه مميزه وضيف مميز .
البرنامج فرصة حتى نتعرف على اراء الأعضاء في بعض
الشخصيات اللي لها أسمها ومكانتها فالمجتمع.
تسلم أيدك خالد عالبرنامج الرائع.