اولي حلقات برنامج(ضـــــد ومع) ومنورنا ماتركس واحضان الحبايب

[نورا ❤]

السلام عليكم ورحمة الله وبركاته انا النهاردة جاية وجايبة معايا اولي حلقات برنامج(ضـــــــــــد ومــــــــــع)مع نينو وسوما.. ومعانا حلقة مش عادية مع عضوين مميزين جداااااا وهما ماتركس مشرف قسم آدم قنـاص العـرب و احضان الحبايب ღ όηℓч ★ ₥ ę じ مشرف قسم السيارات وطرحنا مواضيع انا وسوما وبدانا نسالهم عن رايهم وهل هما مؤيدين والا معارضين لبعض الفكر دي: وده كان راي ماتركس:: ......................... - اية ريكــ با مدى العلاقات على طريق النت ولى بطول سنين من غير ما يشوفو بعض ويكتفو با كلامـ فى كلامـ ؟ علاقه النت دي بتختلف شويه في علاقه بتبقي صداقه وفي علاقه بتبقي حب هنبدا بعلاقه الصداقه الصداقه عادي ممكن اتنين يفضلو يتكلمو معا بعض وميتقبلوش ده عادي لكن علاقه الحب لازم تبقي في حاله تطور شويه ده لو كان داخلين الحب ده بنيه صافيه يعني حب يعني زواج ازاي طبعا الحب في بدايته كلام سواء علي النت او الواقع ولو كان علي النت مينفعش احب واحده من غير ما اشوفها دي تبقي عبط بقي ههههههههههه ممكن اعجب بيها من غير ما اشوفها اوك لكن احبها من غير ما اشوفها مستحيل يعني مره نتكلم مره اشوفها بعد كده اكلم اهلها ونتقدم خطوه خطوه لغايه لما نوصل للهدف لكن حب من غير لقاء يبقي حب وهمي مش اكتر ويبقي بيضحكو علي نفسهم .... - اية ريكــ فى الاعضاء لى بيحكو تاريخ حياتهمـ عبر النت ؟ دة صح ولا غلط لا المووضووع عادي الواحد بيحكي قصته عادي مش عيب طوال ما هيه قصته مفهاش كلام خارج كل واحد حر - البنات وطريقة تعاملها على النت ؟ تفتكر صح انها تتعامل عادى وبا انطلق ؟ غير ما بتتعامل فى الحقيقى بصي النت زي الواقع زي ما للبنت سمعه في الواقع لازم يبقي ليها سمعه علي النت يعني تحافظ علي نفسها ممك تكون البنت واخده راحتها شويه عن الواقع علشان مش بتتعامل بطريقه مباشره معا الناس بس هيه النقطه دي بتخلي البنت مرتاحه في التعامل في النت علي الواقع - ياريت تناقشو حب النت من وجهة نظركمــ و مــــع او ضـــدد؟ حب النت زي اي حب طوال ما الصراحه موجوده بين الطرفين يبقي خلاص بس في الاغلبيه حب النت بيدخل فيه عنصر الكذب هوه اللي بيفشل جميع العلاقات بس لو موجود عنصر المصدقيه بين الحببين يبقي اتاكدي انو احسن من الحقيقه ::::: جذء تانى ... دالوقتى طلع ظاهرة الجواز والسفر ؟! يعنى الولد يكون مسافر برة ومعندوش شقة ولا اى شئ مسافر يكون نفسو .. فا يرجع اول سنة يتجوز واهل العروسة يبعتلو البنت من غير ما يكون لية سكن او اى شئ ويسافرلو على اساس هيكون نفسو وهيبقة يعمل فى بلدو دة صح ولا غلطـ مع او ضدد اولا السفر دي حاجه كويسه اي شخص عايز يكون نفسو او يعدل من مستواه اكيد هيسافر علشان يشتغل ويحسن وضعه ويكون بيت واسره انما ان البنت تسافر ليه من غير ما يقعد معاها ويشوفها ده غلط لازم يبقي فيه تفاهم وتناقش بينهم وفتره خضوبه علشان يعرفو بعض ازاي بنت تسافر لواحد في الخارج علشان تتزوجو تيجي ازاي دي انا ضد كده ......................................... جذء يخص المنتدى مع او ضد برنامج 3 ايامـ فى حياتكــ وشايف عيوبو اية وومييزاتو اية ؟ برنامج جميل مميزاته انو اسئله غير روتينيه وبسيطه ومرحه وكده انما عيووبه بقي انو في بطي في الاداء يعني مذيعين البرنامج بطئين خالص يعني برنامج اسمو 3 اياام في حياتك يتعرض في اسبوع كامل طيب تيجي ازاي دي مع او ضدد برنامج اجمد عضو ؟ وعيوبو ومميزاتو اية اجمد عضو برنامج لطيف واسئله جريئه بس ساعات في بعض الحلقات بتتحوال الاسئله دي ممكن نقوال خنقات وخلاقات لبعض الاعضاء بس مش اكتر مع او ضدد برنامج سرى جدااا ؟ واية عيوبو ومميزاتو .. البرنامج ده انا اعتبر من المذيعين اللي فيه يعني انا مينفعش اقوال اري فيه علشان ممكن تقوالو عليا مبالغ انا هكتفي بكده مع او ضد ظاهرة خروج اعضاء المنتدى القدامــ ؟ والادارة لا تبالى با سبب تراجع الاعضاء عن المنتدى ؟ الموضوع وما فيه كل عضوو مننا مش داايم في مكانه يعني كل واحد م عارفين ظروفو ايه ممكن يتزوج يدخال الجيش النت يقطع حجات وظروف من ظروف الدنيا ثانيا موضووع انو الاداره مش ترجع الاعضاء طبعا الاداره مش هتقعد تدادي في ده وده علشان يقعد معانا وتستخدم امر المحايله لا طبعا طوال ما العضو حابب المكان ده يبقي هيفضل فيه حتي لو حصلو مشاكل برضوه هيحلها وهيفضل ليه لكن امر المحايله ده مينفعش انا معا الاداره انها متتحايلش علي حد يقعد او يمشي عايز يقعد اهلا وسهلا بيه عايز يمشي برضوه اهلا وسهلا بيه .... .................................................. .............................................. وده راي عبدالرحمن::: ......................... اية ريكــ با مدى العلاقات على طريق النت ولى بطول سنين من غير ما يشوفو بعض ويكتفو با كلامـ فى كلامـ ؟ ضدد طبعــــأ اصل انا هقولك المواضيع العاامه بتخلص مع مرور الوقت و عشان يفضلوا يتكلموا فتره طويله مع بعض لازم المواضيع الخااصه تدخل فى الموضوع ،، وطبعا ده غلط بين ولد وبنت ،، اكيد يعنى لو بنت و بنت او ولد ولد عاادى يعنى ،، بس غالبا دول بيشوفوا بعض ،، و يا بتخت مين اتكلم وخفف بردوا اية ريكــ فى الاعضاء لى بيحكو تاريخ حياتهمـ عبر النت ؟ دة صح ولا غلط و الله بدل مش بيكتبوا ارقامهم و ايميلاتهم ولا بيحطوا صوارهم ،، فايه المشكله يعنى هما احرار النت ده مكاان محدش بيعرف فيه حد ،، كله بيتعامل باسماء مستعااره فانا مش شايف انها لا غلط ولا ضااره . -البنات وطريقة تعاملها على النت ؟ تفتكر صح انها تتعامل عادى وبا انطلق ؟ غير ما بتتعامل فى الحقيقى بصى خلينا فى الاول نقول ال ممكن يخلى البنت تتكلم بانطلاق عن الحقيقى ــــ السبب بسيط و هو انها مش لاقيه نفسها ع الحقيقه ممكن تكون هى مش قادره تثبت وجودها ــــ او اهمال اسرى و عدم العمل ع احساسها بوجودها و اهميتها طبعــا انا مش مع ان البنت تفتح ع الرابع و هى بتكلم اى حد ع النت لانها باندفاعها و تهورها و بشغفها انها تثبت وجودها و تجذب الناس ليها ،، ممكن تقع فى اخطاء ياامه اوى ،، وتاثر عليها سواء نفسيا او معنويا او ماااديا ،، كل حااجه لازم يبقا ليها حدود ،، و مادام فى حدود وقبلها تربيه و اخلاق مش بيكون فى خوف ع البنت من القعااد ع النت ياريت تناقشو حب النت من وجهة نظركمــ و مــــع او ضـــدد؟ بصى فى البدايه كده انا ضدد حب النت ـــــ ليــه ؟ اولا مافيش حااجه اسمها انك تحب حد من النت ،، ده ممكن يبقا اسمه تعود ،، او تعلق ،، بس مش اكتر ،، يعنى حد انت بتكلمه ياامه وكده و عطول هزار وضحك ،، جه فى مره لقاك زعلان فقالك ماالك ،، واهتم بيك شوية قمت اتعلقت بيه ،، و كذا مره بقا و احساس التعلق ده بيزيد لغااية ما الواحد يتخيل انه بيحب الحد ده ،، كمــان يعنى ازاى انا احب حد لا شفته و شفت طريقة تعاامله مع الناس ،، ازاى هعرف كلامه فى يقصد بيه ايه ولا شكله ايه و هو بيقول الكلمه الفلانيه ،، يعنى كلمة يا حبيبى دى ممكن تتقال وسط الكلام بكل عفوية و ناس يامه بتقول لاى حد يا حبيبى لانها كلمة دايما ع لسانهم من باب الدلع يعنى او الدلال ،، لكــن بقا ع النت لو اتقالت الكلمه بالصدفه من احدى الطرفين الطرف الاخر ممكن يفهم بانه مقصود فعلا بيها ،، زى كلمة الف سلامه عليك ،، ممكن لو واحد اتعلق بحد من النت و الحد ده قالهاله ممكن يحسب بقا انها بتخااف عليه و الجو ده ،، رغم ان فى 200 واحده بيقولوه الكلمه دى ،،،ـــــ،،،، يعنى ختااما كده انا ضدده جداااا ::::: جذء تانى دلوقتي طلع ظاهرة الجواز والسفر ؟ يعنى الولد يكون مسافر برة ومعندوش شقة ولا اى شئ مسافر يكون نفسو .. فا يرجع اول سنة يتجوز واهل العروسة يبعتلو البنت من غير ما يكون لية سكن او اى شئ ويسافرلو على اساس هيكون نفسو وهيبقة يعمل فى بلدو دة صح ولا غلطـ ضدد طبعا ،، كده دى اهانه للبنت نفسه ،، واهلها كده بيمرمطوها معا الانسان ده ،،، و محدش يعرف الانسان ده ظروفه عامله ازاى فى البلد ال هو فيها ،، الكلام ده ممكن يكون صح لو الانسان خلاص كون نفسه وعنده سكنه و بيته و هى رايحه ع اساس معين ،، و هو عنده شغل اساسى يبقا خلاص كده بقا الموضوع مقبول شوية و لو ان الغربه وحشه مع او ضد ......................................... جذء يخص المنتدى مع او ضد برنامج 3 ايامـ فى حياتكــ وشايف عيوبو اية وومييزاتو اية ؟ اناا للاسف مش متاابعه ،، بس يعنى انا شفت حلقه كده كان اهم مميزاته انه فى تعااون بين عضوين فى النقاش يعنى برناامج كويس ،، المشلكه بقا انه كاان التنظيم فيه مش حلو ،، يعنى عشان تشوف الحلقات مع بعضها بتقعد تتنقل بين الصفحاات و جو كده ،، يعنى شوية تنظيم و يبقا تماام مع او ضدد برنامج اجمد عضو ؟ وعيوبو ومميزاتو اية؟ للاسف ما تااابعتوش قبل كده ،، شفت الحلقه بتاعت نودى دلوقتى ــ عجبنى جداا ،، افكاار غير تقليديه بالمره ـــ و طبعا احمد ((مورشووو) استاذ براامج فالبرناامج بيطلع من تحت ايده فل ،،، عيوبوا ايه مش شايفله عيوب يمكن لانى مش متاابع دائم مع او ضدد برنامج سرى جدااا ؟ واية عيوبو ومميزاتو .. ده برناامج بقا (( احمد و محمد و احمد )) ابدعو فيه بجد ،، برناامج من الاخر يعنى،، مميزاته انه حلو ،، مليان بالحيويه ،، وفقوا جداا فى اختيار الاعضاء المناسبه ،، يمكن حسيت شوية ان فى الحالة التانيه كاان ظااهر شخصية العضو ،، لكــن هو برناامج جميــل ،، معااه و اتمنى يكمــل مع او ضد ظاهرة خروج اعضاء المنتدى القدامــ ؟ والادارة لا تبالى با سبب تراجع الاعضاء عن المنتدى ؟ طبعا ضدد ،، ان مش مع ان المنتدى اعضائه القدامى يمشوا منه ،، تعرفى المنتدى ده فى 2008 كده لما كاان فى عاشق الاحزان و ابو ادهم و طارق ماا كاانش لسه المدير ،، وكاان محمود و خيثم بيكونوا دايما فى المنتى و شغالين بقا مواصيع ،، وكان فيه سما 2008 و البرنس رامى ، و سندريلا مصر ،، وقلم بلا حبر ، و موضوع بيت العيله ،، كان المنتدى متراابط اوى ،، وتقريبا فى الوقت ده كان كل دقيقه فى عضو جديد بيسجل الاعضاء كاانوا بجد كتلة من النشاط ،، وما كان فى االاقسام اليامه دى ،، انا بجد حاسس ان فى كذا قسم بقوا شبه بعض ااوى كماان كان ابو ادهم ممشى المنتدى و المشرفين زى السااعه بجد ،، يعنى بصراحه قبل كده غير دلوقتى ،، يمكن دلوقتى الاعضاء كتروا و المسابقات كترت و الافكاار ك ،، بس المنتدى كانوا الاعضاء ملهن قريبين من بعض غير دلوقتى و ماكنش فيه مشاكل وشكااوى من الاعضاء زى دلوقتى ــــ بس طبعا الاداره دلوقتى بقياده طاارق اضافت حااجاات ياامنه حلوه ومفيده ،، بس انا حبيت اوضح تاثير رحيل الاعضاء القدامى عن المنتدى بالنسبه بقا ان الاداره الحاليه لا تبالى ،، فانا شايف ان لو كان سبب ان الاعضاء دول يمشوا هى اسباب شخصيه ،، فطبعا مافيش حاجه بايد الاداره ،، لكن لو كاان الرحيل بسبب شكوى لم يتم الاهتمام بها او النظر اليها ،، فالحق ع الاداره فة النقطه دى ،، و لازم كاانوا يعالجوا اسباب الرحيل المتكرر و الدائم ده ،، مع او ضدد ظاهرة صوتى هنا ارجوكـ ضدد طبعا من غير كلام ،، ده اسمه يعنى نوع من خيانه الاماانه لو ما كنتش ببالغ ،، كماان حكاية صوتلى شكرا دى ،، شئ يشوه صورة العضو ال بيبعت ذات نفسه ،، يعنى المفروض العضو يبقا واثق فى نفسه ،، و واثق فى ال هو مقدمه ،، انا عارف ان ممكن اى عضو يقول ما هما كلهم بيعملوا كده و كده ممكن حد يكسب بدالى ،، بجد تفكير غلط جداا ،، وكماان الغريب ان الظااهره دى منتشره من بعض االاعضاء ال هماا جاامدين ،، يعنى ممكن تلاقى حد باعتلك لينك و يكون عضو جديد ،، لسه عايز يعرفنا بنفسه و كده ،، لكن الصدمه بجد لما تلاقى عضو من الاعضاء ال ليهم وزن باعتلك تصوت لرقــم كذا او توبيك كذأ ،ــــــــــ انا كماان زعلنى جدا ان يبقا فيه توبيك فى المنتدى اسمه فيما معنااه افتن ع زميلك ،، بجد شكلها وحش اوى ،، انا عارف ان يمكن الموضوع من هدفه انه يردع الاعضاء ال بيبعتوا رسايل صوتلى دى ،، بس بردوا قداام اى زائر مش هتبقى حلوه ،،،،،، ربنا يهدى الجميع و يهدينا ............................................ وبكده تكون خلصت حلقتنا وعرفنا مين ضد ومين مع وعرفنا اراءهم في المواضيع اللي اطرحت .انتظرونا في حلقة قادمة مع ضيوف جدد ومواضيع ومناقشات جديدة مع تحيات نينو وسوما

[morshooo]

فى البداية مبروك انطلاق البرنامج

الى واضح انة هيكون برنامج مميز

وماشاء الله اختيارك كان موفق فى الضيوف

اتمنالك التوفيق فى الحلقات القادمة

تحياتى

[۩۩ سيد الشرقاوي ۩۩]

برنامج جميل ورائع وبجد اختيار
عضويين مميزين جدااااولتنيين حبيبي
والله منور ياااد يااحمد منور ياعبودي
في البرنامج الجميل دي تحياتي لكي
اختي الكريمه واهنييكي علي البرنامج
الجميل دي وبتمنالك التوفيق في ويكون
من اقوي البرامج في المنتدي تحياتي اليكم

[SplendiD SouL]

جامد جدا يانيرو والبرنامج فكرته تحفه
والاجابات جامده من الاتنين ومقنعه جدا
منورين ماتركس وعبوده نورتوا كتير
وفي انتظار الحلقات القادمه

[لؤلؤة القراءن]

مبروك يا نونتى على البرنامج
فكرة حلوة اوى و حلقه جامده
وعضوين متميزين
بالتوفيق يا جميل

[~♥ Queen sozan♥~]

أحمــ أحمــ ’’ الاول منورين يا احمد ,, ويا عبدوة
شرفتونا فى اول حلقات البرنامج ,,

::

بــــــــــــــس انا هعلق كا عضوة عادى مش كا مزيعة فى البرنامج ’’ استحملونى بقة ^ـ^

لان البرنامج هدفو مع او ضدد ليخلق نقاش مييز بين الاعضاء ’’ مش شكرا على الحلقة وخلاص !!

وهبدء
با
كلامـ ماتركس ’’

اقتباس احبها من غير ما اشوفها مستحيل يعني مره نتكلم مره اشوفها بعد كده اكلم اهلها ونتقدم خطوه خطوه لغايه لما نوصل للهدف لكن حب من غير لقاء يبقي حب وهمي مش اكتر ويبقي بيضحكو علي نفسهم ....

ممكن توضح اوى تشوفها ’’ يعنى ممكن يكونو مش من بلد وحدة
وصعب يشوفو بعض ’’ ازى تحكمـ عليهمـ انهمـ بيضحكو على بعض ’’

الفترة الاخيرة سمعنا عن حب كتير من النت ’’ هو اة لسة مفيش قصة نجحت رسمى ’’
لكن سمعنا كتيرررر ’’ واكترهمـ مشفوش بعض
ولكن
الشاب لى يحلف انو حب البنت من غير ما يشوفها ’’ دة من وجهه نظركــ ( كداب ومخادع )!!

وضح وجهه نظركــ اكتر من كدة ’’ ...

اقتباس موجود عنصر المصدقيه بين الحببين يبقي اتاكدي انو احسن من الحقيقه

ازى هيكون احسن من الحقيقى !!

اقتباس البنت تسافر ليه من غير ما يقعد معاها ويشوفها ده غلط لازم يبقي فيه تفاهم وتناقش بينهم وفتره خضوبه علشان يعرفو بعض ازاي بنت تسافر لواحد في الخارج علشان تتزوجو تيجي ازاي دي انا ضد كده

انا طرحت السؤال ومكانش قصدى كدة !!

انا اقصد ان دالوقتى الشاب مسافر يقعد سنة فى اول اجازة ’’ يروح لى ولدتو
يقولها شوفيلى عروسة
هى تجبلو عروسة ’’ يجى يشوفها فى مهلة الاجازة لى هى شهر با الكتير
يقعد معاها مرتين تلاتة
ويكتب الكتاب ويخدها ويسافر !!
من غير ما يكون لية فى بلدو اى مسكن !!
او يكون فترة خطوبة كافية !!

يعنى 2 اتعرفو على بعض فى شهر واتجوزو وبعدو عن اهليهمـــ

انت اية ريكــ فى الموضوع دة .. وهل دة با سبب العنوسة لى بيقولو علية ؟

ان مفيش عرسان والحمدلله ان جة عريس والسلامـ ؟

دة لى اقصدو من السؤال ..

:::

اقتباس برنامج 3 ايامـ فى حياتكــ وشايف عيوبو اية وومييزاتو اية ؟ برنامج جميل مميزاته انو اسئله غير روتينيه وبسيطه ومرحه وكده انما عيووبه بقي انو في بطي في الاداء يعني مذيعين البرنامج بطئين خالص يعني برنامج اسمو 3 اياام في حياتك يتعرض في اسبوع كامل طيب تيجي ازاي دي

بما انى مزيعة البرنامج ’’ وانت مشرف اكيد تابعت لى حصل فى قسمـ الشكاوى ^ـ^
وكمان كان فى تلغبطة فى الاعداد ,, وتاخير عمل الوسامــ
لكن اوعدك الحلقة الجاية تكون اسرع وافضل .


:::

عبــــــــــــــدوة ,,

اقتباس ضدد طبعــــأ

مفهمتش قصدكــ ’’ انت ضد ان الشباب متكلامش البنات خلاص
وانهمـــ يكون الحوار بنهمـ محدود دة افضل من وجهه تظركـ !

اقتباس فى البدايه كده انا ضدد حب النت

بحترمـــــــــــــــــــــــــ صراحتكــــــــــــ جدآآآ .

ووجهه نظركــ تحترمـــــــــ .


:::::::

أحمـــ

ارجع موزيعة بقة ههههههههه

وبشكرمــ على قبول الدعوة ’ وتواجدكمــ معانا

خالص تحياتى ليكمــ ..

[روح صامتة]

جميل اوي الكلام داااا
حلقة روووعة ومميزة
المشكلة ان انا بضطر احدد الكلام عشان مش وااضح من التنسيق عيني باظت
ع العموم ايجابات رائعة والله استمتعت بالحلقة جداا
تنوع في الاسئلة ووضوح وصراحة من العضوين بجد حاجة احترمتها جدااا
بالتوفيق للجميع ان شاء الله
دوام الابداع والتميز
ارق تحياتي

[روميو مجنن البنات]

	اسئله جميله اوى اختيار اكثر من ممتاز واجابات ماتريكس و احضان الحبايب اجمل من بعض وننتظر جديداك يا مبدعه مع خالص تحياتى روميو

[وهج الايمان]

برنااااااامج جمييييييييل والفكره نااااااايس كتير
واختيار موفق
تسلم ايدك يا نينو

[ساحر الأحزان]

حلقة جميلة جدا تحدثت فى كثير من الامور

التى وضحها الاعضاء الكرام

اختيار قيم

بالتوفيق لكم