ازاي تطفشي خطيبك يا خايبه انتي و هي

[yara5]

ازاى تطفشى خطيبك ياخايبه انتى وهيه


دى نصيحتى لكل بنت هنا فى المنتدى لو عاوزه تطفش اجدع عريس





لقيتى حبيبك بيقول " يمين " ..



قولى " شمال " ..



حيتخنق ويطفش .. أى خدمة







ألو حياتى وحشانى Happy valentine .. باى باى عشان بابا قاعد



وتقفلى الخط أوف أعمل ايه معاه خلاص مش طيقاه ولا طايقة كل كلامه الحلو.







أقول لك ايه الحل وازاى تخلى ولد يكرهك فى كام خطوة ..



أبسط من البساطة..



لو كان ولد بينك وبينه علاقة حب ملتهبة



لكنك اتخنقتى منه وزهقتى



هنا العملية سهلة جدا



وانتو خارجين مع بعض



هزرى مع سواق التاكسى أكيد هايتضايق وأفورى فى الهزار..



واضحكى بصوت عالى فى الشارع..



واذا عدى بجواركم مجموعة شباب علقى عليهم..



البادى ده حلو أوى وياريت الولد يسمعك احرجيه



وتفهمى من كلامه قدام أصحابكو أو أى حد تعرفيه..







عارضى كل أفكاره



لو كان من أنصار الاتجاه المحافظ تبنى أفكار متحررة



.. ولو أفكاره متحررة تبنى أفكار متشددة



ممنوع تمسك ايدى وحرام تكلمنى فى التليفون.









انما لو كان ولد انتى مش عارفاه يعنى عريس صالونات أهلك اتفقوا

معاكى انك تروحى فرح بنت عمة خالة جدة باباه عشان تقابليه هناك ومش قادرة

ترفضى كده فى المطلق.. دى فرصتك يامعلمة تكرهيه فيكى من البداية وييجى

الرفض منه .. روحى الفرح.. هزرى واضحكى مع كل الناس.. وارقصى فى وسط الفرح
شدى المايك من المغنى وهو بيغنى أغنية شبرا وبنات شبرا.. سبتية والحلمية

.. حاسب ياعم ومع الاداء طبعا أكيد سيصرف نظر عن الموضوع.. ده غير انه

كرهك واستحملى ان أهلك هايتبروا منك.. وخلى أسلوبك فى الحديث معاه كأنك

شغالة وفى موقف.. ازيك يامعلم ايه الاخبار يا مان .. وافتكرى ترتدي ملابس

ولادى فانكى بعد هذه التركيبة الصياعة واللبس والكلام أكيد هايطفش لكن لو
كان أهبل وعجبه كل تصرفاتك فى أول فرصة للكلام معاه قولى له ياعم أنا أبشع
حد ممكن تقابله فى حياتك أنا مش بعرف أعمل أى حاجة فى المطبخ ولا حتى

البيت وكما أنا كئيبة ومتشائمة ولاحظى انطباعة







ولو لاحظتى انه اتمسك بيكى أكثر ننتقل للخطة الثانية اطلبى أغلى أكل وكمان بكميات كبيرة بذلك هايعرف انك مسرفة كمان مفجوعة







ولو الحكاية دى لم تأت بنتيجة ننتقل للخطة البديلة وهى ركزى نظرك مع

أى ولد يمر بجوارك وقولى باعجاب أوف.. أوف.. ياه الولد ده يجنن ياعينى على
حظنا الهباب.


دلوقتى أقدر أقولك انك اتكرهتى بالثلث وكل خططك نجحت مبروك اتكرهتى

[ساحر الأحزان]

نصايح حلوة

بسى هل هما ممكن يعملوا بيها

موضوع ظريف

تحياتى

[esraa gamal]

هههههههههههههههههههههه مش عارفه من غيرك كنت هعمل إيه
نايس

[فارس الكلمة]

يارا فايف
كدة أنتِ بتخربى بيوت البنات مش بتنصحيهم
أنتِ نسيتى أننا أصبحنا فى زمن فيه أزمة فى العرسان
يعنى البنت اللى تلاقى عريس تمسك فيه بإيدها وسنانها مش تطفشة
عموما نصائحك للبنات مشكورة مع العلم إنهن مش هيعملن بها
صح ولا إيه ياااااااااااااااااااااااا بناااااااااااااات
يارا تقبلى مرورى
ودمتِ للبنات مرشدة وواعظة

[روح مخمليه]

هههههههههههههههههههههه
يالهوى كل دا عشان اكرهه فيا
دا كدا اناا اللى كرهت نفسى

تسلمى يا جميل ع طرحك

[نوشة احمد]

هههههههههه ومن قال انى عوزاه يطفش دا هكون ما صدق لقيتو هههههههههههههههههههههههههههههههههههههههههههههههههه ههههههههه

يسلمو

[فرحه قريبه]

هههههههههههههههههه افكار مجنونه

[beautycat]

هههههههههههههه
موضوع جامد
بس هوه كده هيطفش
ده كده انا اللي هموت نفسي
يا بنتي ما اقوله مش عيزاك وخلاص
بدل كل ده والمجهود والتعب

[محمد خطاب]

ههههههههههههههه

هيه البنات لاقيه الايام دى عرسان لما هيطفشوهم ههههه

موضوع قمة فى الابداع