انا واقع فى مشكله

[روميو مجنن البنات]

بش عارف ابتداى منين بجد لاءنى عمرى ما تخيلت انى عتحط فى مشكله من النوع داه مع صحابى
انا من حوالى 9 ايام كده كانت مع صحبى الانتيم عمرو اعرفو من 11 سنه تقريبا
كان بيعرفنى على خطيبتو لاءن خطابها وانا فى الجيش وكان بيفسحها وقالى يا احمد تعاله عنروح السينما بس من غير ما يقالى انها معاه المهم روحت وشوفتها وعرفنى عليها ودخلنا السينما المهم واحنا فى السينما تليفونها رن فساءلها عمرو مين فالتلو اختى فقالت لعمرو انا معيش رصيد هات تليفونك عمرو قالها انا معيش رصيد روحت قولتلها اتفضالى تليفونى المهم خرجت بره القاعه اتكلمت وجت وعدا اليوم
المشكله بقى
انا ونا بقلب فى النمر كانت عايز اتصل بواحده صاحبتى لقيت نمره ومكتوب فيقيها اتصل بيه فاستغربت لاءنى حافظ الارقام اللى عندى واوال مره اشوف الاسم والنمره ديه المهم اتصلت لقيتها هى بترد المهم اتكلمنا شويه كده وكان كل الكلام عن عمرو وانو انسان طيب وكده لقيتها مره واحده بتقوالى يا احمد انا معجبه بيك وقفلت السكه مره واحده وبعد كده قاعدت ترن ونا مردتش ارد لاءنى مصدوم بجد وعمرو صاحبى كان بيان عليه بيحبها اوى وبيغير عليها
انا بش عارف اعمل ايه واحترت بجد وبش عارف افكر انا اه ممكن اعرف بنات وكده يعنى بس عمرى ما اخون صاحبى او حتى عمرى ما اخون انسان اكلت معاه عيش وملح

[ساحرة الليل]

لو انتا صاحب صحبك بجد وبتحبة قولة ولو ماصدقش كلمها قدامة وافتح الاسبيكر وسمعة عشان هوة مخدوع فيها

[هامور الخليج]

روميو

اهلين بيك

كلام ساحره الليل صحيح .قابل صاحبك وقوله اللي حصل معك وهو رايح يقتنع في كلامك لانه صاحبك

والاصحاب مثل الاخوان حتى لو كان بيحبها ويموت فيها . ضروري ياخذ كلامك في عين الاعتبار


ولايجوز تسسسسسكت على اللي حصل مهما كان


تقبل تحياتي الك

[الروح أرق من الندى]

انا مع ساحره الليل لازم تكلم صاحبك في الموضوع وتقوله لانه حرام يكون مخدوع لدرجه دي

في انسانه بيحبها وهي حتي مش قادره تحافظ عليه بجد خساره فيها حتي المكالمه اللي

انت اتكلمتها....

لازم تاخد موقف وافتكر حاجه واحده الانسانه دي هي اللي هتشيل اسمه ينفع؟؟؟ بتهايلي لأ

[Lost Pearl]

انا مع كل الاراء انك لازم تقول لصاحبك عليها و خصوصا انها خطيبته مش واحدة بيحبها و بس

بس انا عايزة اضيف حاجة
انت كلمها و افهم منها هي بتعمل كدة ليه
و علي اساس كلامك معاها قرر هتقول لصاحبك و لا لأ
و لو هتقوله شوف هتقوله ازاي

ربنا معاك و طمنا عملت ايه بقي

[بسمة العمر]

بص انت لازم تروح تقول لخطبها حتى لو كان هتحصل مشاكل
روميو لازم تقول لصحبك لازم
علشان يعرفها على حقيقتها قبل ما يوقع فى المحظور
لازم يروميو تقول الصاحبك
انا نبهتك

[~ NoDa~]

بص يآروميو

صآحبك ميستاهلش أبدآاً البنت اللي "ربنآ يستر عليهآ دي"

لآزم تقول لصاحبك بأي طريقة

بس خلي بآلك احسن ممكن فـ لحظة طيش يصدقهآ ويكدّبك

تكلمهآ وتسجل صوتهآ ، أو تكلمهآ قدامه عشآن يبقآ دليل

بس خلي بآلك ومتخليش فيه سبب أبداً او حجّة ليهآ ان هيآ تقول ان انت اللي غويتهآ

لآزم ف اسرع وقت عشآن كمان مش يقولّك ليه مقولتليش غير دلوقت وهيا من زمآن بتعمل كدة!

يعني خلي بالك من الحاجات دي كلهآ عشان بتحصــل

ضروري يآروميو ضروري يعرف لآااازم !

[روح مخمليه]

البنت نفسها مش محترمة لو عاوزة تنفصل عن خطيبها المفروض تواجهه بالكلام دا
وكل اللى عليك انك تقول لصاحبك الموضوع دا وتخليه يبعد عنها لان دى بجد انسانة مش محترمة
اتمنى ربنا يوفقك

[لوسينا]

الصراحة هي وحدة مش محترمة نهائيا
وانت المفروض تعمل زي ما قالتلك ساحرة الليل
هو دة الصح عشان دة زي اخوك والمفروض تنصحه عشان هو في انهاية
لازم يعرف حقيقة خطيبته
بس هو دة الصح ولازم تعمله

[ممتلكات خاصه]

السلام عليكم ورحمة الله وبركاته
انا فى هذا الموضوع اعتب على الاداره هنا الفاظ من المفترض ان لا تخرج من اقلام يعتبر مثقفين وكان على الاداره حذف كل لفظ خارج عن عادات وتقليد المنتدى الاخوة والاخوات الذين عقبوا
قبل ان تردو على كلماتى عليكم الاطلاع على موضوع اسعد الله اوقاتكم وهو موضوع للتعارف عليكم واقول لكم نحن هنا يجب ان نضع حلولا ولست شتايم والفاظ كان يجب ان نتلفظ بها فى المنتدى نضع حلول عقلانيه ولا ايه ؟