اجمل مسلسل رومانسى قريته علشانكوا بس .متجدد

[tito209]

ان شاء الله هاجيبلكوا اجمل مسلسل رومانسى قريته على النت ويارب يعجبكوا وهوه عباره عن حلقات متجدده يعنى كل يوم تقريبا هاكتبلكوا حلقه من المسلسل ده وهوه بيحكى قصه شاب اسمه (احمد) جاى من الصعيد مع بنت استايل جدا واموره جدا اسمها (نور) اتقابلوا فى الجامعه.وان شاء الله اول حلقه هاتتحط اليوم ونشوف فى اول لقاء بنهم ايه اللى هايحصل.مستنى رايكم يااحلى منتدى فى الدنيا والموضوع متجدد كل يوم

[tito209]

دايما بنسمع ان الاعجاب بيكون من اول نظره والحب من اول كلمه.هل ده صح ولا ده كلام؟طيب ماتيجوا نشوف قصه الحب العنيفه دى هاتبدأ ازاى....
الحلقه الاولى:
احمد : لو سمحتي حضرتك...ممكن براية

نور: ههههههههههههههههههههههههههه

احمد : حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد "بصوت عالى" : حد معاااااااه براااااااااية....او قلم زيااااااادة..ردوا

نور : انت اكيد مجنون وطي صوتك الطلبة كلها بتضحك عليك

احمد : ويضحكوا ليه ولاد الدزمة دووووووووول

نور : خلاص خلاص انا هنقل المحاضرة وبعدين اديلك تصورها

احمد : شكرا بس انقلي كويس ..وياريت تنظمي الكراسة



(اثناء ما المحاضرة شغالة ونور شغالة كتابة واحمد هيموت عشان مش معاه قلم)



احمد : يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك



( نور عشان رقيقة سكتت ومش عرفت ترد على احمد بحاجه وانتهت المحاضرة )



اثناء خروج الطلبة من المدرج...احمد حب يستظرف بس بطريقة غبية شوية


احمد وسط حشد من الطلبة بنات وولاد وكأنهم قطيع من المواشي


هررررررررررررررررررر...وضحكته سمعت كل اللي ماشي



(نور بتحكي مع زميلتها من كلية تانية على احمد )



نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور : يا ستي سيبك

هالة : على رأيك



خلص اول يوم في الجامعة وقبل النهاية بدقايق


احمد : يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد : ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد : هههههههههههههههههه اصور ايه بخطك الزفت ده..شوفي ...زفت

نور : حقيقي انا غلطانة وكلام هالة باين عليه صح...بعد اذنك..اوف


سابته ومشيت .....


احمد: عليكي يا شيخة وعلى هالة وعلى الجامعة كلتها....وبرضه خطك زي الزفت.
شوفتوا البدايه عامله ازاى طيب تتوقعوا نهايتها تكون ازاى مش عاوزكوا تتوقعوا دلوقتى انا عاوزكوا بس تتابعوا معايا الحكايه للاخر

[tito209]

يالة يا احلى منتدى فى الدنيا عاوز الرود والمشاركة
لانى بجد الموضوع شيق مووووووت
وعاوز رايكم بجد لو وحش عادى والله لو حلو يا ريت يعجبكوا

[tito209]

بصراحة شكرا على الردود بس انا بحاول اسعدكم والله
ودة الجزء الثانى ويا ريت لو يعجبكم
الحلقة التانيه


"واليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها"
" تعالوانشوف الايام والحياة الجامعية هتعمل ايه في احمد وهيتعامل معاها ازاي"
"كان
ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي


احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف

احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...

ونجح انه يجيب المرة دي ..دخل المدرج

وفجأة

لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو



احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش عاجبك

نور:طيب انا مش هقوم

احمد: هروح للعميد يجي يقومك

نور:ههههههههههههههههههه

احمد:بتضحكي على ايه يا باردة

نور: لم نفسك

احمد: شايفاني مبعتر في الارض ولا اييييييييه

نور: مش هتحضر...هههههههههههههه

احمد :عليا الطلاج لأحضر غصب عنك وعن عين الدك....

وفجأة سمع صوت الدكتور بيناديله !!!!!!!!!!!!!! ونكمل الحلقه الجايه ان شاء الله

[A7meD]

مسلسل جمسل يا تيتو
وكفاية ان اسم البطل احمد هههه

الحلقات الي فوق جميلة
و بإنتظار الحلقة بتاعت بكرة ...

تحياااااااتي ...
أحـــــــــــ م ـــــــــــد

[سندريلا النت]

القصه جميله اوى بس احلى حاجه بجد ان البطله اسمها نور مش احمد
انا اصلا بحب اوى الناس اللى بيكونوا من الصعيد اصل طريقه كلامهم بتبقى حلوه اوىىىىى

منتظره حلقه بكره على نار

[tito209]

بجد ميرسى على المرور تسلم ايدك يا احمد وانتى يا سندريلا النت
وان شاء الله الحلقات الجاية جميلة جدااااااااااا
بجد قصة رائعة

[tito209]

ودى بقى الحلقة التالتة لا تعالو نحكى احسن
الحلقه التانيه نهيناها بالدكتور فى المحاضره والاوضاع متوتوره قوى بين احمد ونور وووو.....ماتيجوا نتابع احسن
الحلقة الثالثة


وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر



الدكتور:مالك يابني مكشر من اول السنة ليه كده

احمد :لو سمحت معاك نمرة محمول العميد

الدكتور : ههههههههههه ايوة ليه

احمد : عاوز اقدم شكوى في البت دي

نور :متقولش بت

احمد :هجول بت وستين بت كمان قومي يلا

الدكتور : بس بقى اخرس شوية يا اما هطردك

احمد : انا ...تطردني ليييييييه هاتلي مكاني سعادتك

الدكتور : تعالى اعد جنبي هنا على الكرسي ده

احمد : وااه...اجعد جنبك مرة واحدة يا داكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا...مش هتحضر المحاضرة

احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد : متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

احمد لمح نور وهي جاية وبتبتسم بخجل

ووووووونكمل الحلقة اللي جاية
يا ريت تعجبكم يا رب

[دامـــوو]

يسسلمووووووووو

[سندريلا النت]

هى جميله اوىىىىىىىىىىىى
بس لو ينفع تكتب حلقتين بدل حلقه واحد اصل انا كده هتمل بجد