¤©§][§©¤][ ‏SiLver Spectra ][¤©§][§©¤

[βεšħδ]

ملحوظة قبل البدء : ياريت يتم نقل التوبيك لقسم
" الاعضاء المميزين والنشيطين" لأن مليش صلاحية :no: اعمل توبيك هناك !

أنا صحيح
بس متابعاكو من البلكونة قبل ما اسجل هنا
وشايفة اد ايه الادارة واخدة بالها من المنتدى ازاي
وازاي الاعضاء خايفين على بيتنا دا وبيطوروا فيه باختصار ياريت تقبلوا الاهداء دا كبداية لشغلي معاكو
ويمكن يديكو فكرة عن طريقة شغلي
وهل انفع اكمل وسطكوا ولا لأ ....



أنقل لكم الحدث علي الهواء مباشرة
من موقعنا بنانيت مصر
ودا حوار دار بيني و بين الغالي : بنانيت مصر



بنانيت مصر: مالك يا بيشو....ايه سر انشغالك عني النهارده ؟
بيشو : استنى يا حبيبي ....انا ما اقدرش انساك يوم
بنانيت مصر: طب بتعملي ايه بالله عليكي جاوبيني ....انا مش متعود عليكي مشغوله كدا! مش متعود عليكي سرحانة وبتفكري اوي كدا
بيشو : حبيبي ....اصبر يا حبيبي ....اصبر هو أنا عمري خبيت عنك أخباري؟
بنانيت مصر: يارتني كنت بشر عشان اكون معاكي وامد ايدي بين ورقك عشان أعرف بتكتبي ايه دلوقتي

بيشو ((( وانا حيرانة ))) : بكتب كلمات يا حبيبي ....كلمات في حبيبنا
بنانيت مصر: أنا تقصدي ؟
بيشو : للأسف يا منتداي الغالي ....مش بكتب فيك دلوقتي رغم عشقي ليك
بنانيت مصر: (((وهو زعلان اوي))) : بتحبي وتعشقي وتهوي غيري يا بيشو ؟ مش هقبل ومش هسيبك تحبي غيري!
بيشو ((( وانا بضحكله))) : يا أغلى ما عندي....انا النهارده هكتب لكن مش ليك
انا هكتب كلمات أحيي بيها واحد من اللي صنعوك
بنانيت مصر: صنعني ؟؟؟؟؟؟؟ تقصدي مين؟
بيشو : نسيت يا أغلى المواقع؟
نسيت مين صنعوك بوقتهم و حبهم و جهدهم و بقاءهم معاك؟
بنانيت مصر: هههههههههههه بتتكلمي عن حبايبي اعضائي؟
بيشو : اه يا أعز الاحباب
بنانيت مصر: وهتعملي ايه معاهم؟
بيشو : تكريم بسيط يستحقوا أضعافه
بنانيت مصر: و هتكرمي مين منهم ؟
بيشو : أكترهم حبا و غلاوة علي قلوبنا جميعا
بنانيت مصر: وهتكرمي مين معاه؟
بيشو : بكرم كل النشطاء المشاركين الي بنوك من الصفر الي القمة
بنانيت مصر((( فرحان ))) : وهتهديهم ايه؟
بيشو : على اد ما اقدر هديلهم حبي و كلماتي و أوصفهم بأحلى كلامدا اقل حاجة أقدمها ليهم
بنانيت مصر: و مين سعيد الحظ دا

بيشو: لأسباب كتيرة اخترت
SiLver Spectra



بنانيت مصر: (SiLver Spectra)؟؟؟؟؟؟؟؟؟؟؟؟؟؟؟؟
حبيب القلب ؟
دا (مؤسسي) يا بيشو .. اخترتي و نعم الاختيار
بيشو : لقد تاهت كلماتي و أنا أكتب عنه .... كنت أريد أن اعطيه أبسط حقوقه و اصفه كما يستحق و ظللت أفكر و لم تسعفني كلماتي....و لذا وجدتني يا منتداي الحبيب حيرانه
بنانيت مصر: هههههههههههههه
في حد يحتار في أغلي أعضائي دا رمز من رموزي
سيبيه ليا وانا هكلمه بالنيابة عنك
بيشو : معلش يا منتداي الحبيب ....دا شغلي انا ...اطلع منها انت
بنانيت مصر: اطلع منها ليه ؟ انتي هتخبطي في الكلام ليه بس؟
بيشو : بلا اخبط بلا تخريف.....يلا روح شوف انت رايح فين .... سيب الموضوع عليا انا وأنا هرد عليك بعد ما أخلص .
بنانيت مصر: طيب أرجوكي....ما تطوليش معايا في الكلام......انجزي و هاتي من الآخر بمشاركاتك اللي جننتني فيها دي...
بيشو : وبعدين يعني ؟....
بنانيت مصر: ما علينا.....مش هشغل نفسى باللي بتعمليه .

خليني مع المميزSiLver Spectra انا اللي هوصفه جوايا وأديكي النتيجة ..ماشي؟..
امشي من قدامي عشان ما أوقفكيش سنة كاملة .
بيشو ((( زحلانة))) : يابن اللذينا سرقت فكرتي ووزعتني؟ عشان انت صاحب الليلة طيب يا برنس

بنانيت مصر: تحب تسمع كلمتي انا ..
"انا الذي يشعر بغامر الفرحة عندما أراه في أسفل صفحاتي في المتواجدين الان"

بيشو: خلصت يا حبيبي ؟
بنانيت مصر: يا ختي ابعدي عني ! إنتي لسه هنا؟؟؟
بيشو : بصراحة يا حبيبي المنتدي....انا كنت ماشية....بس و انا ماشية سمعت كلامك الروعة عن " تارق "
لقيت نفسي لا زم أسمع اللي بتقوله عنه
و ما كنتش أقدر أقول الكلام اللي قلته عنه
عشان انا إنسانة بسيطة مش ادك يا حبيبي
بس الكلام اللي قلته كان في قلبي ... بس سبقتني وقلته..
انتهي الحوار الان !!

واخيرا

تهانينا "تااااااااااارق"

وتستحق عشرات الاضعاف من التكريم و المدح و الثناء.. فأنت أهل لكل خير

و أنت نموذج رائع للعضو اولا والاداري ثانيا الناجح المحبوب الخلوق
و بك سنبدأ
و سيليك كل النشطاء بتكريم اخر
بعد فترة ان شاء الله
وسيتغير وجه المنتدي الي الافضل

و لم ننسى كتبة الموضوعات
أحباءنا
و أغلى من عندنا
و هناك الكثير من الاعضاء الغير معروفين
الغير مشهورين
الذين قدموا الكثير
لن ننساهم بعد اليوم



و لن ننسي لهم كل حرف كتبوه
و كل دقيقة جلسوها امام بنانيت مصر
شرف لنا تواجدهم
شرف لنا أنهم بيننا و نحن بينهم
يرفع من شأننا وجودهم بيننا
نلقي اليهم نظرات الاعجاب و الحب و التقدير

و بدأنا مع مديرنا الغالي المعروف لأنه يستحق منا كل تقدير و التكريم و مهما تحدثنا عنه فلن نفيه حقوقه

[misho]

والله كويس عضوة جديدة ما بيننا
ولسة مش تعرفنا ويكون دة رايها
وطارق يستاهل كتير فعلا
تسلمي علي مجهودك الجميل
ومنورانا في المنتدي
ومنتظرين تفاعلك ان شاء الله
تحياتي

[Sєяєєη●•ʚɞ]

منورانا ياقمرى
وكويس انك كنتى متابعه المنتدى م البالكونة
واختيارك فى تكريم طارق احسن اختيار
لانة فعلا بيتعب كتير فى المنتدى
ويستاهل كل خير
نورتى المنتدى ياقمرى وفى انتظار تفاعلك ونشاطك
...

[حنـــــون]

والله مشكوره جدا على مجهودك ياقمر
وتكريمك الى بجد شرف لطارق وللمنتدى
لانك من اول يوم وحاسه بمجهوده ومجهود الاعضاء
شكرا ليكى وعقبال لما نكرمك ان شاء الله

[واد حبيب]

طارق كلنا عرفين مجهود في المنتدي

وفعلا يستحق كل خير

وبجد جميل جداا انك لسه جديده وعارفه مجهود طارق

بس لزم برده نفتكر طاقم الاداره كله بجد كلهم يستهلو كل خير

شكرا علي مجهودك وموضوعك الجميل

الحبيب

[دمعه حائره]

اولا نورتى المنتدى وموضوعك جميل جدا
ولفته جميله منك تكريم دكتر طارق
لان فعلا الاداره هنا مهتمه بالاعضاء وتكريمهم
ومفيش اللى يكرمهم على مجهودهم فى المنتدى
اشكرك بيشو على التوبيك الجميل
تحياتى وتقديرى لكى

[SiLver Spectra]

يادي الكسوف ههههههههه
على فكرة كلمة مؤسس يعني الي بناها
أنا ما أعتبرش مؤسس لأن المنتدى مش بدأ بيه لا كإداري و لا كعضو
أنا مسجل بعد 8 شهور من عمل المنتدى و باقيت اداري بعد 14 شهر من عمل المنتدى
تقدري تقولي مطور (لزوم التواضع )

تسلمي ما نترحمش من التهنئة
الكلام الي قولتيه دا كتير عليا لواحدي
ممكن تلفيني مع ميشو و حنون و المشرفين و المراقبين في ربطه واحده و تمدحي فينا
اهو يمكن المدح وقتها يبقى على مقاسنا

منورنا و عايزين بعد فترة كدا نشوفك نبراس من نباريس المنتدى

[سَـلمَى]

طيب مش كنتي أختيني أتفرج معآكي في البلكونهـ
ننورهآ مع بعض
منووورهـ جوي يآقمر
وإن شآء تفضلي معآنآ عضوهـ جميلهـ لذيذهـ
ورينآ الهمهـ بقى
عآيزين نشوف إشرآف أو تميز منك
وال قلتيهـ على طآرق حلو
لانهـ إنسآن نشيط ومثآبر
وكلنآ هنآ بنحب نحرص على المنتدى
لانهـ بيتنآ التآني
منورهـ من تآني يآ جميل ...

[ساحر الأحزان]

هو دة الكلام المواضيع القيمة

وطارق شخصية تستحق التقدير على جهودة

ونشكر البنانيت على حوارها الجميل

بالتوفيق لكى

[احلى عيوون]

تسلمي ياقمر عالكلام الجميل ده
دوم النشاط
بجد كلهم يستاهلو كل خير اعضاء ومشرفين واداره
عقبال مانحتفل بيكي ياقمر