الحلقة الرابعه من ( scoop ) معنا ( ‡vŦăҚĂ ) واعترافات لاول مرة تكشف عنها .

[morshooo]

بسم الله الرحمن الرحيم

اهلا ومرحبا بكم

فى البداية فكرة التوبيك دى مش فكرتى انا انا لقيت رسالة خاصة من ( بنت المختار ) وبتقولى

ان فى توبيك جديد عايزاك انتا الى تعملة وشرحتلى الفكرة وبصراحة انا حبيت الفكرة جدا لانها

فعلا حاجا جديدة ويمكن حاولت انى اقنعها ان هى الى تقدم البرنامج ولكن رفضت وكانت رافضا

ان اسمها حتى يتقال فى التوبيك ولكن .


طبعا مكنش ينفع انى اوافق على كلامها دا وقولتلها اسمك هيتقال فى كل حلقة .


هى رمتلى الفكرة وسابتنى ومشيت ^_^ وانا هحاول انى اعمل حاجا ترضيكم وتنال اعجابكم


تعالو نشوف بداية الحوار مع ضيفتى كان ازاى

معايا النهاردة المتميزة


‡vŦăҚĂ





تعالو نشوف الاول الدعوة الى بعتهلها كانت اية

اقتباس ازيك عاملة اية ؟ دى دعوة تكونى ضيفة فى برنامج scoop لو موافقة ابعتيلى اسمك وسنك ودراستك او مؤهلك

وتعالو نشوف كمان هى ردت قالت اية

اقتباس أنآ تمآآآآمز الحمدلله لا طبعآ كككك أكيد حد يطول يجي في برنآمج زي دهـ إسمي : قالت اسمها >>ال هيآ أنسهـ فتكآت سني >>عمري يعني : أنآ دخلهـ على 16 مؤهلك ؟؟ : أنآ طآلبهـ ثآنويهـ {2} وبس ..ومرسي على إختيآري

تعالو بقى نشوف الاسئلة والحلقة






س / فى البداية عايزك تعترفى بأعتراف اول مرة هتعترفى بية قدامنا ؟

إني بحب برنآمج إسمهـ scoop

آآآه والله >>محدش يتريق

:sml22:

س / عايزين نعرف منك اية سبب اختيارك اسم ( ‡vŦăҚĂ ) ؟

إحم إحم إيهـ الاحرآج دهـ

بص يآ معلم

الاسم دهـ في كرتون كدآ مش عارفهـ إسمهـ إيهـ

بطلهـ الكرتون دهو إسمهآ فتكآت وبيقوللهآ أنسهـ فتكآت

فكآن عجبني الاسم أووي

وكمآن عشآن في نآس كودآ مكنش عجبهآ الحلوهـ

همآ عآرفين نفسهم :090: دهـ من الاسباب بردك


س / ياترى اية الى شاغل بال ‡vŦăҚĂ الفترة الحالية ؟

اممم إيهـ ال شآغل بآلك يآبت يآ فتكآت

ممكن إني أشد حيلي في الدرآسهـ قدر المستطآع

لاني بجد محتآجهـ مجموع عآلي

دعوآآآتكم يآبشوآت

س / اخر مكان خرجتى فية كان فين ومع مين ؟ وقوليلنا حصل اية ؟

المدرسهـ كككك

كآن مع بآبآ

حصل إني رحت المدرسهـ مخدنآش دروس

كآن يوم ضآرب عن التدريس من أولهـ

كل مآ تخش أبلهـ تقولنآ عايزين درس ولا لا

نقولهآ لا تقول أحسن وأنآ كمآن مش عايزة أديكم درس

فكآن يوم من غير دروس ...





س / اية اخر موقف حصلك سواء مفرح او محزن ؟

بص أنآ حآليآ معنديش مواقف حصلتلي

كلهآ عآديهـ

بس أخر أخر موقف كآن من سنهـ

وكآن محزن

وهو وفآة صحبهـ ليآ كنت بعزهآ

ربنآ يرحمهآ

س / اية الكلية الى بتحاولى تدخليها ؟ وعندك القدرة على دخولها والا سيباها لظروفها ؟

أنآ أهو عآيزة أشد حيلي عشآن أدخل فنون أو تربيهـ

بس أقولك سيبهآ بظروفهآ أحسن

س / عايزين نعرف اية اخر توبيك عجبك ؟ وهاتلنا اقتباس من ردك فية ؟

كآن توبك إسمهـ بدآيهـ ونهآيهـ حكآآآم

للعضوهـ

♥..ᗩпo

دهـ ردي

اقتباس الله ينور إيهـ الجمآل دهـ يآ بوت لا بجد موضوعك يفتح النفس لقرأتهـ تنسيق إيهـ وموضوع إيهـ وجمآل إيهـ لا عشرهـ على عشرهـ مآ شآء الله وهلتر غني عن التعريف أحلى حآجهـ فيهـ إنهـ كآن كآرهـ إسرآئيل وأهم حآجهـ تسلم إيدك وتشكرآآآآآت على التوبك الحلو دهو ^_^

س / اية اكتر برنامج بقسم اليوميات بتهتمى بمتابعتة ؟

scoop طبعآآآ

س / انتى اتقالك ( بحبك او معجب بيكى ) ؟ وقوليلنا حد من المنتدى بعتلك رسالة اعجاب قبل كدا والا لا ؟

آه في حد وحد غريب كمآن

بس سآب المنتدى خلاص

ربنآ معآه بقى

لاني مرتديش عليهـ كككك

س / مين اقربلك الوالد ام الوالدة ؟ مع زكر الاسباب ؟

امم الوآلدهـ

لان أبي مشغول في التدريس وكدآ

فأمي هيآ ال بتيجي تقعد معآيآ وتتكلم

ولازم لمآ أجي من المدرسهـ أقولهآ كل مآ حصل في هذآ االيوم >> أختو بآلكم من

اللغهـ هههه

س / عايزين نعرف بيكون اية رد فعلك لو حصلك مشكلة ؟

إنآ في طبعي كتومهـ ولو حصلي حآجهـ بتكون بيني وبين نفسي

فبحآول أتصرف مع المشكلهـ بنفسي

بس أكيد هكون معصبهـ قتهآ خخخ

س / ياريت توصفلنا ‡vŦăҚĂ يعنى اية هى مميزاتك وعيوبك من وجهة نظرك ؟

إنت جبتهآ على الجرح كدآ

أنآ هقول عيوبي في نظري أول

أنآ عنيدهـ جدآآآ

ولمآ أتعصب مبعرفش ال قدآمي

وصريحهـ >>معرفش دهـ عيب ولا ميزهـ

وصرآحهـ كدآ أنآ من النوع مبسمعش الكلام من أول مرة

معدآ أمي طبعآ لاني بنسى بسرعهـ

يعني تيجي تقولي رووحي أعملي كدآ أقولك حآضر حآضر دي بقى يعني بكرهـ

كككك

بس دهـ ال شآيفآه

أمآ مميزآتي

أنآ هآديهـ وإجتمآعيهـ في نفس الوقت >>موش بآين صوح

وأنآ مبحبش حد يزعل منى مهمآ كآن

يعني حتى لو مش غلطآنهـ

البآقي بقى مش أنآ ال أحكم




س / فى حد من افراد اسرتك متابع المنتدى والا لا ؟

ههههههههه العيلهـ كلهآ عآرفهـ إني على المنتدى

كل مآ يسئلوني بتعملي إيهـ أقولهم على المنتدى أو بتفرج على كونآن فكرهو حآجهـ

إسمهآ منتديات وكونآن كككك

بس أختى عارفآه وبقلهآ كل حآجهـ تحصل فيهـ

س / مين مطربك المفضل ومطربتك المفضلة ؟

المطربهـ : سومهـ

المطرب : تآمر عآشور

س / هكتبلك بعض اسامى الاغانى ومطلوب منك تحطى اسم جنب كل اغنية مع توضيح سبب الاختيار

هتقولى لمين ( وبناقص حياتى معاك ) بهاء سلطان

وآحدة صحبتي عشان كودآ

هتقولى لمين ( خلص الكلام ) حماقى

أهو دهـ بقى وآحد كدآ

لانهـ جرحت منهـ كتير

بس وآحد قريبي هآ





هتقولى لمين ( انا اكتر واحد بيحبك ) عمرو دياب

الله بحب الاغنيهـ دي

بقولهآ لأمي

لان بختصآر أنآ أكتر وآحدهـ بحبهآ ^_^

هتقولى لمين ( بطمنك ) شيرين

دهـ لصحبتي الانتيم

لان أنآ وهيآ عشآن حجآت مر كتير

فبقلهآ أطمنك إني معآكي

هتقولى لمين ( ساعدنى انساك ) تامر حسنى

دهـ وآحد كلهـ مآ أتذكرهـ أتنرفز

س / فى النهاية اية رائيك فى البرنامج ؟

ميتوصفش يآ أحمد



ومرررسي على الدعوة الجميلهـ دي

تترد في العزآيم بقى ككك





وبعد ما قالت الاستاذة ( فتكات )

ان التوبيك مايتوصف يا ( احمد ) ^_^

بتنتهى حلقتنا النهاردة



الى كانت متميزة رغم هروبها من معظم الاسئلة



اتمنى الحلقة تكون نالت اعجابكم



انتظرونى وحلقة جديدة



واعترافات جديدة فقط فى برنامجكم



scoop




تقديم / morshooo



فكرة التوبيك / بنت المختار

[Lαzєzα]

حلوه كتير الحلقه
وضيفتنا عسوله ماشاء الله
ربنا يوفقك ف دراستك حبيبتى
تسلم الايادى (مورشو -بنت المختار)

[AHMED SEVEN]

فتكااااااااااااات هانم هناااااااااااا لا مش معقول مش مصدق نفسي بجد ايه الحلاوة دي هههههههههههههههههههههههههه .. حلقة جامدة جدااااااااا يا مورشووووووووو يا عم انت مخلتلناش برامج نعملها خت البرامج كلها لحسابك ههههههههههههههه .. مميز ديما ومتالق كالعادة يا ريس وفتوكة مميزة وانسانة جميلة ومحترمة .. موفقين

[رنين]

فتكاااااااااااااااااااات يا بت قولى اسمك الحقيقى دا احلى اسم ف الدنيا )

وصرآحهـ كدآ أنآ من النوع مبسمعش الكلام من أول مرة

تصدقى وانا كمان )
بس كبرى كبرى معرفتش اغير الموضوع دا خالص لو عرفتى قوليلى ينوبك ثواب ههههههههههههههه

لا بجد حلقه جميله يا احمد
بس تعالى هنا قوليلى هى كل الاجابات لواحد كدا وواحده صاحبتى
هاتى اسامى ال يعنى احنا هنعرفهم )

حلقه لذيذه مع ضيفه سووووكره

ربنا يوفقك يا حبيبتى يارب ف حياتك وتحققى كل ال بتتمنيه

يلا بالتوفيق للجميع ومستنين الحلقات الجايه يا افندينا

[ملكة القلوووب]

حلقة حلووووة والضيفة احلى واحلى واحلى
خخخخخخخخخخخخخ اجاباتك زي العثل ياعثل

يسلموا على الحلقة

[بنوتة سورياعاشقة مصر]

حلوووووووو كتير الحلقة تسلم ايدكم والضيفة ولا اروع
والاجابات روعة واكتر سي عجبني هي هذه الصوره
:090:
ههههههههههههههههه
تسلم ايدكن

[مِسكُ الشَهادة]

حلقة جميلة جدا ً يا أحمد والله
والأسئلة قيمة والإجابات رائعة جدا ً
دمتم بألف خير

[ماتركس]

فتكاااات

منوره هناااء يا الهنااء اللي احنا فيه ده كلوو

اولا مجهود عالي يا ابوحميد وكمان مجهود اعلي يا فتكاات اجابات ميه بالميه وصريحه اخر حاجه

ومنتحرمش من وجوودك منوره يا فتكاات

[روح صامتة]

هههههههه
حبيبتي الحلوة اللي مفيش زيها
والله بحب اسمك كده حتى مع انك غيرتيه الاتنين حلوين اصلا
ايجاباتك مرحة دايما بضحك منهااا مش عشان حاجة
لا عشان مرحة وخفيفة وممتعة
بجد استمتعت بالحلقة وانا داخلة في الخباثة ارد اهو عشان مش تفوتني الحلقة
تسلمي يا قمراية
وشكرا لمورشو ع الحلقة وبنت المختار ع الفكرة الهايلة
ارق تحياتي

[Lost Pearl]

حلقة جميلة اوي يا فتكات

بس يعني كل الاسئلة مش مجاوبة بصراحة هه هربانة صح

مشكورة يا قمر و ربنا يوفقك يا رب ف 2 و 3 ثانوي و تجيبي مجموع قد الدنيااااااااااا و تدخلي الكلية اللي انتي عايزاها ان شاء الله

شكرا يا احمد بجد علي الحلقة الجميلة و علي جهدك المميز ف القسم