||فن الأتيكيت

[Lαzєzα]

S-A-L-A-M
LOVE YOU >>>>>>>>>>

{مقدمة

الرسول صلى الله عليه وَ سلم قال :(إن الله يحب اذا عمل أحدكم عملاً أن يتقنه)وَ أيضاً(من عمل منكم عملًا فليتقنه ) ..

يعني دينا كان متكامل جدا بـ توصياته,,عشان كده أنا كـ مسلمه وَكإنسانه واعيه لازم أتقن عملى,,

<=== كلام مدارس؟ ,, بس حبيت أفكركم بحاجة أساسية بـ دينا احنا نغفل عنها وَ بقت للأسف صفة المسلم المنتشرة اللامبالاه والإهمال..

[ أنا حاليا مش هتكلم عن ردود بـ المنتدى أو أتكلم عن مواضيع معينة لأن ممكن حتى يكون عندنا مواضيع مخالفه بـ نظر البعض " حبيت اتكلم ف الموضوع ده بحيث نكون واخدين بالنا من اغلب العيوب اللى بنقع فيها ] ..

يتبع }

[Lαzєzα]

{الإتيكيت

ندخل على اول حاجه وهى الإتيكيت,,ولاحظوا انى قبل ما أتكلم معاكم عن الأتيكيت كلمتكم فى الإسلام,,لأنه دين شامل .. طيب مال الدين ومال الاتيكيت!

خلونا نمشي بـ موضوعنا حبه حبه وَ نعرف كل حاجه وارتباط الاتيكيت بالدين~


الإتيكيت// يعنى ايه ؟ وايه اللى دخله فـ موضوعنا !!

هقولكوا...
اتعُرف الإتيكيت بـ أنه سمة الإحترام وَ سلوك مجتمع وَ بيعكس السلوكيات الحميده


و الإتيكيت بيتصل إتصال غير مباشر بـ عالم الإنترنت ,, فـ بالتالى الجهل بيبان وَالغباء بيبان
وَ قلة الذوق بتبان وَ قلة الأدب برده بتبان ..

انا قصدت اجيب السلوكيات اللى مش حلوة لان هيه دى اللى اغلب الناس بتحاول تداريها ع الانترنت

طب ازاىبتبان للناس وَ احنا فـ عالم أفتراضي ؟!

فيه حاجة فـ المخ أسمها تحليل وَ فيه حاجه إسمه إنطباعات,,

لما أنا أجي آخذ إنطباع عن عضو بـ عالم إفتراضي ,, ان انا مش برتاح له ده بيكون نتيجة لـ تصرفاته الظاهرة ..


طيب وايه الاساس للتصرفات إللي ممكن تظهر من العضو دى؟! ..

الكلام ده بيعتمد على تربيته وَ على بيئته وَ كمان على مدى لباقتهوَ ذكائه فـ التصرف بـ شكل كويس اوى ..

يعني مثلا فى المنتديات بصفه عامة وبالاخص هنا

كونت عن نفسي سمعه أتمنى أنها تكون كويسة ,, فلما حد يوجه لي إهانة فـ موضوع ما ايه العمل وقتها ؟

● بفكر فـ الرأي العام وَ هما الاعضاء

●بفكر فـ كرامتي إللي فوق كل شيء

●برستيجي إللي هو إمتداد لـ كرامتي وَ بحبها أكثر من نفسي

●بفكر ازاى أرد رد منطقي وَ عقلاني ,, ومش يظهر أوحش صفات فيا بقدر الامكان ,,
لأن أنا زيى زى اى حد اكيد عندى جوانب شخصية ممكن تكون سيئة!! ومفيش حد كامل


وَ كلها بتعتمد على التربيه وَ التعليم وَ الثقافة
وَ الضغوط النفسية اللى بمر بيها فى الفترة اللى اخدت فيها الاهانة دى والكلام ده بيحصل كتييير جدااا


شفتوا ازاى كل حاجة فـ حياتنا بتتأثر بـ بعض,, ودى بس مجرد حياة إفتراضيه زى ماقلت لكم ,,
لكن خليكوا واثقين تماماً إن الحياة الإفتراضيه دى ,, بتتصل بـ الحياة الواقعيه بـ شكل غير مباشر وَ العكس صحيح .


طبعاً فيه جوانب كتير تانية ,, لكن أحد الجوانب إللي لاحظتها فى الاغلب جوانب مظلمة وغريبة جدااا,,
يكون حد قمه فالإحترام بحياته الواقعيه ,, بس بيعكس لنا صوره عكس كده تماماً عن حياته,,

بيكون قليل الزوق ,, بيتكلم بـ ألفاظ غريبه وَ حاجات تانية كتير إللي المفروض تتظبط فى الحياه لكن تقريبا بيفش غله فـ النت!!

فى ناس بتفتكر انها كده بتسيطر او انها بتفرض شخصيتها ع الكل

لكن الصوره دى بتخلى الكل يبعد عنه ,, ووقتها نقول عنه انه قليل الزوق
وده تصحيحه ,, اتيكيت

طبعاً الإتيكيت فالحياه بيختلف عن الأتيكيت فـ العالم الأفتراضي~

فالحياهـ لما اشوف واحده صاحبتى لابسه لبس جديد
اقولها ما شاء الله جميل اوى الطقم ده زوقك حلو اوى<== ده أتيكيت= ذوق

وَ بعدها ليا الحق انى اعلق باللى انا عايزاه بس طبعا فى حدود الذوق برده
لكن مش يكون الطقم مثلا لونه مش عاجبنى اقولها ايه الالوان اللى انتى لابساها ده فاقع اوى بس الاستايل حلو !
بعد ايه بقى مينفعش طبعا
فهمتوا ازاى؟!


بالمنتدى لما حد ينزل موضوع نشكره وبعدين نضيف تعليقنا بقى سواء عجبنا أو لا او اى تعليق زياده

من ناحية تانية لما حد يعوز يطلب حاجه من صاحبه او خلينا نقول عاوز خدمه ,, بيقول لو سمحت!! ..
او لما حد بيطلب مساعده من حد فالشارع مش يعرفه بيقوله برده لو سمحت ..

فـ فالمنتديات لما تعوز المساعده مش تقول ساعدونى انا عاوز كذا وَ كذا ,, ابدأ الاول .. بعد ازنكم لو سمحتوا !!
وتدخل بهاي أو السلام عليكم او اى اسلوب ترحيب .. لأن فيه نظره عامه بتقول حلو الطلب بـ الذوق !!

لأن حتى لو حد بيساعدك محدش بيحب يساعد ناس بالشكل ده ,, وياريت بقى لما تتم مساعدتك ,, جميل اوى انك تشكر اللى ساعدك باسلوب حلو ,, ويكون احلى لو قولت أسمائهم [ بيكون ليها وقع بالنفس حلو ]

كماااان حاجه

لما تفتح موضوع للأستفسار مثلاً الاحسن يكون الموضوع بعيدا عن تقديم المقدمات ,
,أو أسلوب أستعطاف,,الأسلوب ده قديم جداً ومبقاش ليه فايده ..

لما تكتب موضوع بلاش تأخدك عزه نفسك اوى ,,وتدخل فى الموضوع على طول من غير سلام على اساس انك مش غريب .. وعلى طول تكتب موضوعك !! وتنهيه وفاكر إن هو بيفرض وجوده ,,
إحترامك للاعضاء هو إللي يفرض وجوده ..


كمان لما تكتب موضوع بلاش تستعطف حد انه يرد عليك دى مقبرة نجاحك فـ المنتدى ,,
وَ مش تطلب من حد حاجه ,, سواء أنك تقول الموضوع تعبني وخد منى مجهود وَ غيره <=== الاعضاء مالهمش دعوه تعبك او لا!!
أهم حاجه انه يفيدهم أو لأ .. ووقتها بيقدروا المجهود

فلو فادهم وأثبت وجوده هتلاقيهم بيشكروك من غير ما تطلب .



كمان بشوف ساعات إستنزاف لقدرات أعضاء كثير ,, الاغلب بيكون مرتاح بحاجة زى دى!!
بس أنتِ تضمن منين الساعه اللى بيكون فيها متدايق وممكن ينفجر فيك ؟
ووقتها تتحرج وتزعل رغم انك انت اللى زودتها ومقضيها طلبات ومش بتفكر اذا كان الوقت ده هو رايق فيه او لا
او انك تسأل الاول انك محتاجه ووقت ما يكون فاضى يبلغك
الاسلوب ده حلو جداا فلو هو متدايق وقتها لما يروق هيبلغك ,,
وده طبعا بيرجع لحاجه اسمها ,,, الاتيكيت


المختصر المفيد||

الأخد مقابل العطاء وَ الشخص إللي بيقضى حياته انه بس يفضل ياخذ ياخذ ,, محدش بيديله وش ابدا الا نادرا,,
واكيد كل إنسان فينا فـ حياته فيه ناس اتمصلحوا منه,,فطبعا كلكم عارفين الإحساس ده فياريت تقدروه,,

لحظة هنا >> انا مش اقصد اى حد بكلامى انا بتكلم بصورة عامه

يتبع بموضوع آخر }

c.u

[۩۩ elMagic ۩۩]

الاتيكيت هو السلوك المحترم الذى يتبعه الفرد
المتحضر للتعامل مع الاخرين بكل احترام وتقدير
جميل جدا التوبيك
مجهود مميز
فى انتظار المزيد والمزيد

[βεšħδ]

توووووووووووووووحفة اخر 3 حاجات
انا بدي كورسات ف الاتيكيت اليوم ب 10 جنيه
حد يشترك هههههههههههههههههههههههههههههههههه
-------
سوقي لنفسك واعملي كورس يا لذوذة هتلاقي الفلوس بتتنطور من كل ناحية عليكي
هههههههههههههههه
جميل جداااااااااااااااااا ومنتظرة البقية

[Lαzєzα]

اقتباس
المشاركة الأصلية كتبت بواسطة ۩۩ elMagic ۩۩




الاتيكيت هو السلوك المحترم الذى يتبعه الفرد
المتحضر للتعامل مع الاخرين بكل احترام وتقدير
جميل جدا التوبيك
مجهود مميز
فى انتظار المزيد والمزيد

منور احمد
وى رب يكون التوبيك عجبك
يسعدك ربى

[Lαzєzα]

اقتباس
المشاركة الأصلية كتبت بواسطة βεšħδ




توووووووووووووووحفة اخر 3 حاجات
انا بدي كورسات ف الاتيكيت اليوم ب 10 جنيه
حد يشترك هههههههههههههههههههههههههههههههههه
-------
سوقي لنفسك واعملي كورس يا لذوذة هتلاقي الفلوس بتتنطور من كل ناحية عليكي
هههههههههههههههه
جميل جداااااااااااااااااا ومنتظرة البقية

هههههههههههههههههه
انتى متأكده انها هتتنطور عليا ؟
اه
طب خلاص
سوقيلى وهبقى اديكى شويه من البتاع اللى هينتطور ده
منوره ى قمرى بجد

[!عالي مستواها!]

يعطيك ألف عإْفيـهّ على موضوعك الجميل

آحترآميْ

[~♥ Queen sozan♥~]

رائع جداا يا قمر ’’ بجد موضوع قيمـ جداا

والاتكيت هو طريقة التعمل مع الاخرين ’’ لتعبر على شخصيتنا

منتظرين كل مميز منكى