معاكسة البنات للأولاد .. أين الحياء ؟

[Engineer Semsem]

فى الأفلام القديمة الأبيض والأسود وفى حواديت أمهاتنا كانت المعاكسة نوعا من فن التعبير عن الإعجاب .. أما دلوقتي فهي نوع من أنواع الغتاتة والتناحة والتريقة على عباد الله وبقت أنواعاً كثيرة منها معاكسات الشارع ومعاكسات المواصلات ومعاكسات التليفون ومعاكسات حتى على مستوى النت فى الشات أو أي مكان ولو المدونات الشخصية ..





ولو ده حصل من الشباب بس ذكور يعنى يبقى عادى هنقول تطور وتهور ومعلشى البنت هي اللى لابسة لبس مستفز أو ماشية مشية مستفزة .. أو حتى جمالها مستفز .. لكن ان البنات كمان يدخلوا سباق المعاكسة ده اللى ما كنتش أتخيل إني أشوفه .. سمعت عنه لكن لما شفته ازبهليت ! آه والله حصل البنات بقوا يعاكسوا الشباب برضه وبطرق مبتكرة وبينجحوا كمان حظ مبتدئين بأه ! يعنى بطرق تقليدية أثرية زى يا جميل وأيه الحلاوة دي والهبل ده .. لأ بقى نظام معاكسة محترف مدروس لأنه مش معاكسة وخلاص لأ بتبقي دراسة كمان .. إن كيدهن عظيم فعلا ...





كنت راكبة ميكروباص وقدامي شابين بيتكلموا فى تحليل إحدى لوحات واحد منهم وجنبي بنتين .. فضل (البنتين) يهمسوا لبعض ويضحكوا ضحك مريب وبعدين واحدة شاورت للتانية بصوابعها زى المخرجين كده تلاتة اتنين واحد go .. قامت الأولى خبطت أيدها فى كتف شاب منهم وقال إيه سورى معلشى .. مالحقشى يجاوب قالتله الحق اللى وقع منك .. الراجل ما خدش ولا أدى لان على رجله ورق كتير نزل بدماغه يدور على اللى وقع منه ولما رجع من رحلته كانوا منفجرين فى الضحك (البنتين) طبعاً الشابين الأمامير عجبهم الدور وقرر الجميع التعارف والعبدة لله مزبهلة ..

ليه ما أعرفشي فكرت وأنا بهرب فى النظرمن الشباك أن الكون أحواله اتقلبت فعلاً لأن الحركات دى كانت بتتعمل فى البنات مش العكس .

لا أجد ما أقول غير لا حول ولا قوة إلا بالله .. الله يرحم الحياء الله يرحم الكسوف .. اللهم اهدى شباب وبنات المسلمين ونور عقلهم بالعلم وقلبهم بالإيمان

[ساحرة الليل]

طبعا مش هقولك ان البنات مابتعاكسش ولاد لان دة واقع ملموس وبشوف كتير بنات بتعاكس ولاد بس كلنا عارفين المشكلة واتكلمنا فيها كتير الوقتى اجا وقت نلاقى حل للمعاكسات بشكل عام سوا البنات او الولاد

[Engineer Semsem]

فعلا والله لازم نلاقى حل

[الروح أرق من الندى]

بجد موضوعك حلو اوي وبجد حصلت قدامي وشوفت ده من البنات

بس تخيل لو قولتلك والله العظيم الموضوع حصل معايا شخصيا

وانا راجعه من شغلي وبنت ماشيه جمبي وقالتلي ايه الجمال ده

بجد انا اتصدمت .. ومكنتش مصدقه اللي حصل ده

بجد فيه سلوكيات عندنا لازم تتغير والمشكله ان البنات فرحنين بنفسهم

كدا

ربنا يهدينا جميعا...

مووضوع رائع تقبل مروري

[Engineer Semsem]

هههههههههههه لا حول ولا قوة الا بالله

[رنا هشام]

والله ان لم تستحي فافعل ما شئت
فالحياء نعمه غير انه شعبه من الايمان
موضوعك مهم جدا
الله يهدي الجميع

[همس القلوب]

للاسف ظاهره غريبه ومخجل للغايه

يعنى المفروض البنت التعبير عن الحياء والأدب والأخلاق والالتزام

بحاول الاقى سبب للظاهره المستفزه دى بس للاسف مفيش ليهم اى حجه

يعنى فى معاكسة الشباب للبنات بنقول البنت ولبسها رغم انه المحترم محترم وان الشباب بيعاكس منتقبات كمان.
بس لو افترضنا انه اللبس ممكن الموضوع يرجع للعادات الاوروبيه وتقليدنا ليهم حتى فى الملابس .

بس الظاهره الغريبه دى بقى ......
مفيش كلام يتقال والله

انا حاسه ان كل ده بسبب خلل فى التربيه من الاساس سواء شباب او بنات وبعدنا عن ربنا ودينا

اتمنى ان ربنا يهدى كل عاصى
ثـآنكس ع التوبيك

[αЛαstoOorα]

ههههههه

آصلي الموضوع دة

بس على فكرة مش كل البنات

عشان منظلمش برضه

فيه بنات خجولة جداً وبطلع الكلمة بالعفية

ولو بصت لشاب بيعاكسها ولا حاجة وشها كله يقلب الوان

وفيه فئة من البنات جريئة آوزي مسرحية شاهد مشفش حاجة كدا

لما عادل امام قال متعويدااااا دايماأأأأ يعني واخده على كدا

وكلمت كتير وثقي تماماً لو مكنوش البنات دي كلمو شباب يامه

ودي بترجع لبيئة البنت ذاتها وتربيتها آكيد لو بنت مهذبة ومحترمة

هترفع من شآن نفسها بآحترمها وآخلاقها لآنها غير الشاب

ممكن تلاقي شباب محترمة آو مش محترمة بتعاكس

آنما فـ البنات لما يحصل كدا تعرفي على طول ان دي متعويدااا هههه

[سكون القمر]

والله دى بقت حقيقة موجودة وحصل قبل كده مواقف
مرة كان فى بنت قاعدة فى الميكروباص
وقدامها قاعد جنب السواق ولد عاجبها بقى وعايزة رقمه
عملت اييه بقى راحت عملت انها بتكلم واحدة صاحبتها فى الموبايل وبتقولها
(ايه يابنتى انتى مش معاكر رقمى الجديد طيب اهو الرقم .....)
طبعا اللى مستنياه من الولد انو يسجل الرقم واثناء ما هى بتعمل
انها بتكلم صاحبتها الموبايل رن..........حظها زفت
طبعا اكيد بقى شكلها وحش وانا موت على نفسى من الضحك
حسبى الله ونعم الوكيل ربنا يهديهم