«-.¸¸,.-~* تفتكرو مين اللى صح*~-.,¸¸.-»

[Ŝmilể Ḿőøn]

ازيكم ياشباب وبنتوتات عاملين ايه تعالو قبل اى حاجه نشوف الحوار دا وبعدين نتناقش



:: البنت :: بابا بابا بابا انا بحبه اوووووووووى .



:: الاب :: يا بنتى دا فقير و مش هيعرف يعيشك فى نفس المستوى اللى انا معيشك فيه



:: البنت ::يا بابا انا مالى فقير ولا غنى انا كل اللى يهمنى ان انا بحبه



:: الاب ::يا بنتى و انا كل اللى يهمنى انى اشوفك مبسوطه و مرتاحه



تفتكرو مين اللى بيفكر صح ( الاب ولا البنت ) ؟؟!! و ليه ..؟

[ساحر الأحزان]

الاب لة نظرة وهى لها نظرة الاب لة خبرة بالحياة

وهى تحكمها عواطفها

ولكن ليس كل الاباء يريدون العريس الغنى ولكن يوجد

اباء ينظرون الى خطيب ابنتهم تظرة اخرى

مثل خلقة وتدينة وشخصيتة

لانهم الاساس فى الاختيار

موضوع قيم منك

تحياتى علية

[Ŝmilể Ḿőøn]

اسعدنى رأيك

[βεšħδ]

بثي يا سكر
هو الاب اللي صح طبعا مش معنى كدا ان البنوتة غلط بس
الاب أدرى واعقل من البنت ف الوقت دا
والبنت مش هتعرف قيمة كلام باباها دا الا اذا ادبست واتجوزت الفقير دا
وعمر الوالدين ما بيدلوا ع الغلط ابدا
لكن كله بيصب ف مصلحتنا
بس احنا اللي مش شايفين قدامنا بعقلنا احنا بنشوف بقلبنا وبس
تسلم ايديكي يا سكرة طرح مميز

[Mahmoud Mohie]

الحب مش كل حاجة

واناا شايف ان ابوها له خبرة اكتر منها ..

بس ده ف حاله انه فقير و و و و و

وبجد الفروق ف الطبقات دى مشكله كبيرة جدا جدا جدا

تسلمى ع الطرح

تحيااتى

ma7moud

[كبرياء رجل]

ممكن نقول اﻻب ﻻنه اكثر وعي
وفهم للامور
لكن البنت احيانا تري الموضوع من زاويه واحده
اني فقط احبه واريده
تركت القلب يفعل ما يشاء
ويتحكم ايضا بالعقل
تحياتي على اموضوع الجميل
دمتي بخير

[♥√ملكة الاحساس√♥]

بعد تحية الاسلام
السلام عليكم ورحمة الله وبركاته
من راي ان الحوار محتاج شوية توضيح عشان تكمل الرؤية قدامنا
يعني الولد بيحبها وشريها ولا هي بس اللي حاسة انها بتحبه دي حاجة
وحاجة تانية
الاب ايه مبرره انه فقير وهل هو الفقر عيب
هل سال عليه وعرف عنه كل حاجة ووقفت على الفقر
يعني ممكن يكون فقير لكن عنده عزة نفس
ممكن يكون مكافح عنده طموح بس الظروف معانداه

فانا شايفة لو البنت شايفة ان حبها ليه هو كل حاجة دة شيئ مرفوض تماما
فيه حاجات تانية لازم تتحط في الاعتبار غير الحب

اما بالنسبة للاب انا شايفة ان الفقر مش عيب ما هو اكيد لما ارتبط بمامتها كان عل قد حاله وكان بيكون نفسه وكافح لحد ماوصل لللي هو فيه
يبقى مايطلبش ان اللي يجي يتقدم للبنت يكون غني على طول كدة من قبل مايكافح ويعافر ويشوف ويتعب ويحس بقيمة الانسانة اللي ساعدته ووقفت معاه وكافحت معاه



دة راي واللي انا شايفاه ان الطرفين لازم يشوفوا الصح
والطرفين لازم ياخدوا في اعتبارهم حاجات تانية اهم بكتير من قصة الحب والفقر



ودي
احترامي
تقديري

[ملكة الهدوء]

البنت بتفكر ببقلبها

والاب بيفكر بعقله


والاول والاخر الاب بيكون له نظره مختلفه فى الى قدامه بيكون عارف الانسان ده هيقدر يسعدها ولا لا

مش شرط فقير او غنى

لان فى ناس فقره بس تقدر تحسن من نفسها

وناس لا


ميرسى للطرح المميز ده

[۩۩ elMagic ۩۩]

واللهى فى الموضوع دا
الاب له وجهة نظر
والبنت ليها وجهة نظر
والاب يتمنى لبنته تعيش عيشه مش فيها تعب وصعاب
وهتكون الحياه سهله يعنى اللى عايزاه هتلاقيه
ودى عيشه مش ليها طعم هتمل من كل حاجه بسرعه ..
والبنت عايزه تعيش مع اللى بتحبه حتى ولو فقير
هما بيحبوا بعض فا لما يكبروا هيكبروا مع بعض
ودى عيشه فى نظرى أفضل لأن هيكون فيها الحلو والوحش
وهيتعلموا من الدنيا صح ..

[أميرة الدفا والوفا]

أتوقع ان الأولويه للحب
بس أكيد برضو المستوي المادي والأجتماعي مهم
بس مش لازم يكون العريس غني اوي او مستوي اووووووووي
لأن الطبيعي انه شاب و بيبدأ حياته
اتوقع ان خير الأمور الوسط
و تسلمين علي الطرح المميز