حد يفهمنى مش فاهم

[عادل طه]

اهلا بكم احبائى
طبعا معظمكم عارف انى لسه خارج من حادثه
والحمد لله بقيت كويس وعدت على خير
اكيد طبعا بتقولوا هو عادل ليه بيقولنا
على موضوع الحادثه ده واحنا اصلا عارفينه
وسألنا عليه واطمنا عليه بعد الحادثه
فى الحقيقه المقدمه دى ليها دخل بالموضوع
اللى هتكلم عليه ناو
لما عملت الحادثه العربيه بتاعتى ادشدشت خالص
ولا تنفع بربع جنيه ناو
عشان كدا ابتديت اقضى مشاويرى
بتكسيات مع انى ليه اصدقاء معاهم عربيات
بس الاحراج بقى وانا حساس جدا فى كدا
امبارح فضلت مده كبيره انتظر تاكسى
عشان يعدى تاكسى مافيش ولو عدى تاكسى الاقيه مشغول
المهم ركبت ميكروباص نقل داخلى
قاعدت فى اخر كرسى والكرسى ده المفروض تلاته راكب
بالصدفه قاعدت جمب ولد وبنت عمرهم حوالى 14 سنه
صغيرين خالص لقيتهم ماسكين ايد بعض وهات يا حب وغرام
دا ناقص كمان يبوسوا بعض ولا عملوا ليه حساب
ولا اكنى قاعد جمبهم والمصيبه انهم بيتكلموا بصوت
عادى مش همس وهى تقوله عارف يا حبيبى
انا مش مصدقه انى معاك دلوقتى بجد اكنى بحلم
ال يعنى راكبين طياره مش ميكروباص ال
وهو يقولها انا طاير من السعاده حبيبتى
ابصلهم عشان يختشوا ولا حتى بصنلى
وفضلوا بقى هات يا حب وهات يا غرام
واخر اندماج مع بعض
ولما قربنا نوصل سابوا ايد بعض
وهى قالتله معلش حبيبى مش هننزل
من الميكروباص مع بعض لحسن حد
يشوفنا مع بعض تبقى مصيبه
انا همشى وانت تمشى ورايا من بعيد
لحد ما نوصل للمكان الفلانى نبقى مع بعض تانى
هو ايه اللى بيحصل بالظبط؟
هو كل من هب ودب وفى اى سن يقول انا بحب
هى كلمه حب رخصت للدرجه دى
هو الحب خلاص بقى مجرد سلعه تتداول بين الصغار قبل الكبار
بجد مش عارف اقول ايه غير ان الحب فى السن ده للبنت
مينفعش يكون حب ولا للولد
البنت اخرها فى السن ده تحب بابا
وماما واخواتها واصحابها فى المدرسه
ممكن من فضلكم تفهمونى
ليه بيحصل كدا
وايه السبب فى كدا

[nano.syria]

ههههههههههههه ياحرام ليك اذا بدك في عنا سيارة بدنا نبيعها بخلي بابا يعمل سعر
المهم نحن لوشافون الشوفير لهدون البنت والشب كان عملهون بهدله قياما وقعودا يعني كان هزئهون امام الكل ماعنا هالحركات والحمد لله

بس شو السبب يمكن لانو البنت يألبي مانها شايفة حدا بالبيت يغنجها ويقلها حبيبتي وشافت هالشب وعلى حب وغرام قالت ايوه هيدا هو حبيبي القلب هيدا بيحبني اكتر من اهلى
وبعدين هالمسلسلات والكليبات اي كلو ماعم يحكي غير عن الحب والكلام الفارغ وياريت يعرفو شوهيدا الحب كانت نص مصيبة ولي عليون شو هبلان

وانا برأي الحق اولا واخيرا عالاهل
يمكن طولت شوي بعتذر تحياتي اخي عادل

[نانـــــو]

ربنا يسترها علينا وعلى بنات الامة الاسلامية
نفسى اعرف هما متسربعين على الجواز كده ليه
بلا حرقة دم
مشكووور يا عادل

[ريـــــــم]

اقتباس والمصيبه انهم بيتكلموا بصوت عادى مش همس وهى تقوله عارف يا حبيبى انا مش مصدقه انى معاك دلوقتى بجد اكنى بحلم ال يعنى راكبين طياره مش ميكروباص

ههههههههههههه

دا زمن اسود بعيد عنك يخربيت المسلسلات التركى

[همس القلوب]

البنت اخرها فى السن ده تحب بابا
وماما واخواتها واصحابها فى المدرسه

هههههههههههه

ع فكره انت المفروض كنت جبت اتنين ليمون وشجره ونورت شمعتين كده هههههههه

جد بقى هو فعلا غريبه جدآ بس ده اكيد قلةوعى من الاهل لان المفروض قبل الجواز والاطفال يعرفوا كل سن واللى بيمر بيه ويعرفوا ازاى يكنوا محتويين ولادهم كويس
حاجات كده المفروض يعنى امال البنت من السن ده وبتقول كده وتمشى ورايا ونتقابل والحاجات الغريبه دى امال اما تكبر بقى وتبقى 20 هيبقى ايه النظام

انا لما كنت قدهم كنت بضرب زمايلى الولاد فى الكلاس جيل غريييب

[روح صامتة]

هههههههههههههه
والله ضحكتني انا اصلا استغربت من اسم الموضوع ودا اللي شدني في الاول

على فكرة المواقف ياما بتعلم
لعلمك ممكن تقول انها

مشاعر غير ناضجة+ عدم اهتمام الاهل + ثقافة سلبية من الافلام +تقليد +عوامل اخرى )

بصراحة هوة مش حب انت عارف انه مش حب

ومش كل كلمتين تعتبر حب حتى لو اتقالت بتحس انت برخصها
وانت لسه قايلها فوق دلوقتي

الموضوع انا شايفة انه عاطفة زايدة حب للفشخرة وتجربة مشاعر جديدة من نوعها

وللاسف مجتمعنا ممكن تقول مش بيقدر يتعامل مع الشباب في مرحلة المراهقة

او يفهمهم لانه بيخاف من مواجهتهم في سن حرجة زي دي

وعشان كده هية راحت تعمل دا من ورا مامتها واهلها وقالت عليها مصيبة
لو حد شافها انما في الخفا هية عايزة داا

يمكن بتعاني من كبت او بتسمع كلام صحاباتها او غيره كتير

ومفيش احترام لاي انسان بره الموضوع دا لانه ببساطة

ما يقدرش يعاقبهم او يحاسبهم او يقولهم انتو بتعملوا ايه

الموضوع محتاج مناقشة وفهم من قبل الاباء ومراقبة اكتر

موضوع عجبني يا عادل كله مشاهد واقعية كده شكرا ع طرحك المميز

ارق تحياتي

[شاعرة الرومانسيه]

السن دا سن المراهقه للبنت والولد

ودا اخطر سن بيمر بيه الانسان ولازم مراقبه من الاهل والام خاصه

العواطف الجارفه والاحاسيس الجياشه دى عواطف ليست حقيقيه اى تكون هوجاء

وان لم توجه البنت بأسلوب سوى جدااااااااا

تنحرف تجاه هذا التيار وهى لاتدرى عاقبة مايدث

بيكون عواطفها اصعب واقوى من ان تتحكم بها

وهنا يبدأ دور التربيه والوااااااااااازع الدينى الذى نغرسه فى نفوس اولادنا

هذه الفتااااااه ضحيه أم غافله عن سن بنتها وخطورته

وهذه الام لم تفيق الا بعد وقوع المصيبه

ندااااااء لكل أم احتوى طفلتكى التى صرخت الأنثى بداخلها

انهضى وضميها وكونى لها الناصحه الصديقه الام

الله يسترها معاااااااااااااانا ومع اخواتنا

من هناااااااااااااااااا

أقول لماما انا بحبك قوى قوى لانك أم ممتاااااااااااازه وصديقه ممتااااااازه

ربنا مايحرمنى منك ابداااااااااااااا


موضوووووووووووووع ممتاز سلمت أخى عليه

[عادل طه]

اقتباس
المشاركة الأصلية كتبت بواسطة nano.syria




ههههههههههههه ياحرام ليك اذا بدك في عنا سيارة بدنا نبيعها بخلي بابا يعمل سعر
المهم نحن لوشافون الشوفير لهدون البنت والشب كان عملهون بهدله قياما وقعودا يعني كان هزئهون امام الكل ماعنا هالحركات والحمد لله

بس شو السبب يمكن لانو البنت يألبي مانها شايفة حدا بالبيت يغنجها ويقلها حبيبتي وشافت هالشب وعلى حب وغرام قالت ايوه هيدا هو حبيبي القلب هيدا بيحبني اكتر من اهلى
وبعدين هالمسلسلات والكليبات اي كلو ماعم يحكي غير عن الحب والكلام الفارغ وياريت يعرفو شوهيدا الحب كانت نص مصيبة ولي عليون شو هبلان

وانا برأي الحق اولا واخيرا عالاهل
يمكن طولت شوي بعتذر تحياتي اخي عادل

ههههههههههههه
لا خالتى مش راضيه انى اشترى عربيه تانى ناو
اتعقدت
عندك حق نانو المسلسلات
والكليبات وغيرهم
هما السبب وانا من راى انهم بيفلدوا كل حاجه
وليس حب لا ابدا نانو ليكى الحريه تكلمى زى مانتى عايزه
كويس انى فاهم كلامك السورى
مش قولتى هتكلمى مصرى؟
ههههههههههههه
نورتينى نانو

[عادل طه]

اقتباس
المشاركة الأصلية كتبت بواسطة نانـــــو




ربنا يسترها علينا وعلى بنات الامة الاسلامية
نفسى اعرف هما متسربعين على الجواز كده ليه
بلا حرقة دم
مشكووور يا عادل

امين يارب
مش عارف نانو بجد بقت ظاهره
تحسى فعلا انهم متسربعين على الجواز
برغم من سنهم الصغير
العفو نانو
واشكرك على تعليقك
ونورتينى

[عادل طه]

اقتباس
المشاركة الأصلية كتبت بواسطة ريـــــــم




ههههههههههههه

دا زمن اسود بعيد عنك يخربيت المسلسلات التركى

ههههههههههههههه
كلامك صح
المسلسلات دى خربت عقول البنات والشباب
نورتينى يا قمر
شكرا لتعليقك