ازاى تكسبى حماتك :)

[رنين]

السلام عليكم ورحمة الله وبركاته
احم احم
ازيكم يا بناتيت وزوجات المستقبل كدا قولو يارب
انا كنت قريت موضوع عن ازاى تكسبى حماتك وحبيت انقله
بس بأسلوبى بقى

طبعا احنا عارفين الافكار الرهيبه عن الحمى وال بنشوفه فى الافلام
فيعينى البنت من دول بتكون داخله كأنها داخله حرب
وبتتعامل معاها على اساس انها ضرتها
وبردو فى حماوات بيتاعملو بنفس الاسلوب
ويعينى الراجل ال فى النص دا بيجيله الضغط بدرى ويروح فيها ^_^

فاحنا بقى هنكون حلوين عاقلين شاطرين ونحافظ على الراجل هههههه
وفى نفس الوقت نعامل الست الوالده بما يرضى الله
دى بردو عطيانا جوهره ^_^

طيب نعمل ايه بقى بعد الرغى دا


بــسم الله

واحد/بلاش تدخلى حياتك الجديده وانتى عندك صورة حماة اسماعيل ياسين دى
لا حاولى تتعاملى معاها كأنها والدتك حتى لو زعلتيها هى اكبر منك سنا ومقاما

اتنين/متمسكيش الراجل وهو داخل امك عملت وامك سوت وطبعا دمعين حلوين منك كدا هتخليه يكره الدنيا بال فيها
لا خليكى عاقله وبلاش نقل كلام ومشاكل عشان دا ام وابنها وال ملوش خير فى اهله يا حبيبتى ملوش خير فى حد

تلاته/لو حسيتى ان معاملته مش كويسه مع والدته
مش تعملى فيها كبريت بقى لا حاولى تصلحى الامور وتساعديه على ان تكون المعامله احسن لان هيبقى ليكى اولاد وهتحتاجى برهم ليكى فى يوم من الايام

اربعه/لو مثلا جاب لوالدته هديه مش تتنطى بقى طول الاسبوع
والحقد يشتغل انا عارفه انا السواد دا
لا تقولى الله يا حبيبى ايه الجمال دا كأنك جبتلى بالظبط
وعلى فكره ممكن الكلام دا تلاقى عندك هدية تانى اسبوع

خمسه/لو زورتى حماتك خدى معاكى اى حاجه حلو من عمايل ايدك
اينعم ممكن دا ف حد ذاته هيكون انتقام
بس حاولى يعنى يكون حلو
ولو فى حاجه فى البيت عايزه تترتب او تتعمل اعمليها مش هتخسرى حاجه
ومتعمليش بقى انك ضيفه وبتاع لا خليكى مرحه واتكلمى
مش تقعدى بصلها من فوق لتحت مستنيلها غلطه ^_^

سته/اتكلمى عنها باسلوب جميل مع اطفالك لانك لو اتكلمتى باسلوب مش حلو احتمال ينقلو الكلام مثلا ههههههههه
لا بجد كما تدين تدان وهتلاقى اجوازات ولادك بعد كدا بيعملو فيكى نفس الكلام
ولما تزروها ياريت تحرصى انهم يعاملوها بكل ادب واحترام هيتعملو منك طبعا ^_^


وبس كدا الموضوع كفكره بصراحه قريته قبل كدا
كأسلوب نقلته بأسلوبى
يارب يعجبكم وتستفادو منه كلكم
وربنا يسعد الجميع
اللهم امين
،،،،،

[ღ Gի๐sτ ღ]

نقط مهمة جدا وجميلة يارنين
تسلم اديكي

[۩۩ سيد الشرقاوي ۩۩]

تسلمي اختي الكريمه بمعومات
قيمه جداا ويارب البنات تتعلم
منهااا ههه منوره بجد مجهود
عالي ويلا اقراءه يابنات التوبيك
دي وتعلمه منور يارنين

[ساحر الأحزان]

اسلوبك جميل رنين

ولازم ان كل واحدة تعامل حماتها

زى مامتها لجل ما تكسب ثقتها

وهى برضة حتعاملها زى بنتها

توبيك جميل منك

تحياتى علية

[رنين]

جوست
سيد
ساحر
بجد نورتو الموضوع
ربنا يسعدكم جميعا يارب
واحلى حاجه ان الردود جايه من رجاله يعنى البنات عملو من طنطا ^_^
نورتونى

[مهندسه بغداد]

تسلم الايادي معلومات بجد قيمه

تحيااااااااااااااااتي

[ماتركس]

الله الله الله علي الكلام العقلاني ده

ايوه هوه ده الكلام يا رنينوو ايوا اهم شي تكسبي حماتك احسن تطين عشتك هههههههههه

تسلم ايدك علي موضوعك الجميل اخر حاجه

ومنتحرمش من جديدك يارب

[αЛαstoOorα]

هههههههههههااااااي

واللى ملوش خير فـ آهله ملوش خير فـ مراته يا حبيبتي ههههههه

موووووشكلاااااه ههههه

المفروض والله يا رنين وعين العقل الكلام دا

طبعاً انا لما اتجوز مراتي هتعامل حماتها بنفس الاسلوب اللى بتقوليه دة

وآنا هعامل حماتى بالاسلوب دا



هههههههه

[الروح أرق من الندى]

تسلم ايدك يا رنين علي الموضوع