مش رجـــولة

[الروح أرق من الندى]

مش رجوله منك انك تروح الاستاد قبل الماتش 8 ساعات بدري في حين انك بتنزل صلاه الجمعه في الركعه التانيه

-مش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها (أياً كان لبسها بردو) ......

-مش رجولة منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك وترجع البيت متحاولش تبص ف وش أمك أو ابوك أو... حتى تكلمهم !!!!!

-مش رجولة منك تسقّط البنطلون ولما تتسأل ليه تقول بكل بساطة علشان حجره ضيق !!!!

-مش رجوله منك انك تفضل ماسك السجاره طول اليوم وانت لسه بتاخد مصروف من ابوك

-مش رجوله لما تبقي عارف انك غلطان وبتكابر لمجرد انك مش عايز تقول اني غلطان

-مش رجوله انك تكدب علي حد لمجرد انك تضحك

- مش رجوله لما تقف ساعتين تتخانق مع واحد صاحبك

عشان هو اهلاوي وانت زملكاوي ..في حين انك مش هتقف خمس دقايق تكلم في مساله دينيه


- مش رجوله منك لما تقف تتجادل مع واحد اذا كان عمرو دياب احسن ولا تامر (كتك ستين نيله)

- مش رجوله لما تضرب واحد اصغر منك في الجسم مع انك هتبقي كتكوت لو هو اكبر منك حبتين مع انه نفس

الموقف.

-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر

-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش..

-ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من

جنبها وتخبط فيها وانتا قاعد زى التلجة

ارق تحياتي

[لؤلؤة بالقران]

مشكوووووور والله يعطيك الف عافيه

[بسمة العمر]

موضوع جميل
تسلم ايدك

[لآرا لبنانيه]

راقت لي كلماتك جدا

الى الامام
ننتظر المزيد

[وردة السعوديه]

سطور راقت لي جدا

اهنئك على الابداع بصراحه ان كان الطرح بخط يدك
اما ان كان منقول فاهنئك ايضا على الاختيار!

ودي

[Lost Pearl]

فعلا دي مش رجولة
شكرا يا قمر موضوع مهم و الكلمات معبرة

تسلم ايديكي
و ف انتظار جديدك

[laroz]

حلوه جدا وصادقه جدا
مشكوره

[فيروزه]

	مش رجوله طبعا ميرسي بجد توبيك حلو

[عادل طه]

نايس توبيك يا قمر
عزفتى سيفونيه جميله رائعه
على اوتار السلبيات التى تحدث فى مجتمعنا
هذه السلبيات التى زكرتيها لو انعكست
صدقينى هنعيش فى مجتمع راقى ومتحضر
تسلمى يا قمر

[المرخماتى]

الرجوله


إن الرجوله إن سألت عن الرجوله... معنى تغلفه المروءه والفضيله

فترى بها الرجل الأبى مسارعا... كالليث يفدى الدين أو يحمى قبيله

كالنور يجلو الحق غير مجامل... فيه بنى الدنيا وأنصار الرذيله

كالغيث يبعث فى الحياه نضاره ... هى راحه الارواح من بعد المحوله

فيه شموخ الحصن ليس يسوءه ... أحجار من عاشوا بأحلام الطفوله

وتراه فى الاحداث تطغى دوحه... معطاء حانيه على الراجى ظليله

هذى الرجوله والرجال كما أرى ... لا المارد الجبار معوج الدخيله

إن المدل بقوه بدنيـــه ... وكأنما الاجداث ماطمرت مثيله

هو فى الرجال وليس منهم بته ... أو قد أجبتك إذ سألت عن الرجوله؟