افتكر معانا ايام طفولتك

[nooody]

رونى يا قمر

دا انتى كنتى هاديه جدا ما شاء الله

ربنا يكملك بعقلك يا رونى



وكمان ماشاء الله عايزة تعتمدى على نفسك وتروحى المدرسه لوحدك

هههههههه وبعدين مش محتاجه تقوللى على اللى حصلك بعدها


اشكرك يا قمر على المرور الرائع

[SiLver Spectra]

طبعا الأول بشكرك يا هند على الموضوع

و على التدبيسه

:shiny01:

و آسف على التأخر في الرد ...أصلي نسيت

مش تفكريني....


الموضوع بيتكلم عن إيه بقى؟
:vb19:

عن طفولتي.....

و الله أحلى أيام عشتها هي أيام طفولتي

حكي إيه و لا إيه...

يا سلام على أيام الطفولة


كانت أيام و الله...


ياااااااااه

كنت صغير ساعتها


الله يرحم بقى....



يلا .....





سلام
















كفاية كدا بقى

هنقول.....

في البيت الأول كنت بحب أحدف الناس بالمشابك

دي كانت هواية

مشابك بطاريات فاضية يعني إلي يجي في إيدي

عشان زمان كنا ساكنين في عمارة عالية

(ناطحة سحاب الدور الرابع هههههههههه)

برضه الماية كانت شغاله....

لحاد ما الناس تطلع تشتكي و آخد العلقة


أما اللعب في البيت فكنت بحب أرسم و أقص

عربيات بقى و شاحنات

طبعا دا غير اللعب

و الشقة لازم أقسمها شوارع.....من السجاد

كنت برسم كتير

و أعمل أفلام....
مع صحابي

كل واحد أرسمله بطل يلعب بيه

و أنا ألعب بالأشرار و الباقي

:shiny01:

دا غير المراحل....

كنت برسم زي الخلفيات على ورق
المرحلة الأولى و المرحلة التانيه

و أعمل شخصيات

كنا بنسميها شريط....أيام السيجا...مش عارف تعرفوا السيجا هنا و لا لأ

أنا عاملكم شريط سيجا...
ههههه

بعد كدا باقيت بلايستيشن

بس هنا أنا إلي بلعب بكل الشخصيات....

إلي يلعب بس بيعد يقول AAA و BBB

أو XXXX و OOOOO(بلايستيشن بقى هههههههه)

عشان يضرب بوكسات و شلاليت

:shiny01:

أما في الشارع

فأنا كنت زي ما بيقولوا شوارعي

نظام أنزل من البيت الصبح أرجعلهم الساعه 12 بالليل

طبعا كانوا في البيت بيقيدوني شوية....مافيش نزول غير الساعه 4

دا في الأيام الأجازه

فيعني...

لو قاعدت أحكي للصبح مش هخلص


كفاية كدا....


ألف شكر على الموضوع يا هند

[خوخة6000]

ياااااااااااااااااااااااااااااااااااااه فكرتينى بالذى مضى

انا كنت ومازلت احب حاجه اسمها الشقاوه كان بابا يحب يتفرج على النشره
وانا افضل اعيط مليش دعوه عاوزه الكرتون وفى الاخر انا اللى اكسب واتفرج على الكرتون


وكنت احب اروح السوبر ماركت قوى علشان اركب على العربيه وبابا يزقنى بيها

اما بالنسبه للعب فانا بلا فخر مكنتش ببات فى بيتنا
مره عند خالى مره عند خالتى علشان ولادها بيلعبو معايا ونكون طول اليوم فى الشارع نلعب سيجا

نلعب عسكر وحراميه وغيره وكفايه كده عليكم

[nooody]

اقتباس المشاركة الأصلية كتبت بواسطة silver spectra طبعا الأول بشكرك يا هند على الموضوع و على التدبيسه :shiny01: و آسف على التأخر في الرد ...أصلي نسيت مش تفكريني.... الموضوع بيتكلم عن إيه بقى؟ :vb19: عن طفولتي..... و الله أحلى أيام عشتها هي أيام طفولتي حكي إيه و لا إيه... يا سلام على أيام الطفولة كانت أيام و الله... ياااااااااه كنت صغير ساعتها الله يرحم بقى.... يلا ..... سلام كفاية كدا بقى هنقول..... في البيت الأول كنت بحب أحدف الناس بالمشابك دي كانت هواية مشابك بطاريات فاضية يعني إلي يجي في إيدي عشان زمان كنا ساكنين في عمارة عالية (ناطحة سحاب الدور الرابع هههههههههه) برضه الماية كانت شغاله.... لحاد ما الناس تطلع تشتكي و آخد العلقة أما اللعب في البيت فكنت بحب أرسم و أقص عربيات بقى و شاحنات طبعا دا غير اللعب و الشقة لازم أقسمها شوارع.....من السجاد كنت برسم كتير و أعمل أفلام.... مع صحابي كل واحد أرسمله بطل يلعب بيه و أنا ألعب بالأشرار و الباقي :shiny01: دا غير المراحل.... كنت برسم زي الخلفيات على ورق المرحلة الأولى و المرحلة التانيه و أعمل شخصيات كنا بنسميها شريط....أيام السيجا...مش عارف تعرفوا السيجا هنا و لا لأ أنا عاملكم شريط سيجا... ههههه بعد كدا باقيت بلايستيشن بس هنا أنا إلي بلعب بكل الشخصيات.... إلي يلعب بس بيعد يقول AAA و BBB أو XXXX و OOOOO(بلايستيشن بقى هههههههه) عشان يضرب بوكسات و شلاليت :shiny01: أما في الشارع فأنا كنت زي ما بيقولوا شوارعي نظام أنزل من البيت الصبح أرجعلهم الساعه 12 بالليل طبعا كانوا في البيت بيقيدوني شوية....مافيش نزول غير الساعه 4 دا في الأيام الأجازه فيعني... لو قاعدت أحكي للصبح مش هخلص كفاية كدا.... ألف شكر على الموضوع يا هند

طارق

بتحدف الناس بالمشابك وتيجى مامتك تنشر

الغسيل ما تلاقيش ولا واحد تقوم تديك اللى

فيه النصيب

هههههههههههههه


طفل موهوب كمان ... مخرج ... ممثل ... ومصمم

ديكور :vb19:


شكرا على مرورك يا طارق

[nooody]

اقتباس المشاركة الأصلية كتبت بواسطة خوخة6000 ياااااااااااااااااااااااااااااااااااااه فكرتينى بالذى مضى انا كنت ومازلت احب حاجه اسمها الشقاوه كان بابا يحب يتفرج على النشره وانا افضل اعيط مليش دعوه عاوزه الكرتون وفى الاخر انا اللى اكسب واتفرج على الكرتون وكنت احب اروح السوبر ماركت قوى علشان اركب على العربيه وبابا يزقنى بيها اما بالنسبه للعب فانا بلا فخر مكنتش ببات فى بيتنا مره عند خالى مره عند خالتى علشان ولادها بيلعبو معايا ونكون طول اليوم فى الشارع نلعب سيجا نلعب عسكر وحراميه وغيره وكفايه كده عليكم

هههههههههههههههه

خوخه ماهو لازم انتى اللى تكسبى

عياط الاطفال لايطاق بصراحه .


اشكرك يا قمر على مرورك

[مى الشقيه]

هههههههههههههههههههههههههههههههههههه ايه الفضايح ديه

فعلا ايام الطفوله كانت اجمل ايام فى حياتى

انا بصراحه كنت شقيه اوى بس فى نفس الوقت خجوله

يعنى مثلا كانت هوايتى وانا صغيره (الرقص ) ايوه والله الرقص مستغربوش وكان لما يجى عندنا ضيوف كنت لازم اخليهم يطبلو علشان ارقص ( بس غريبه مكنش حد بيدينى ليه مش عارفه مع انى كنت بتعب والله ههههههه)

وكنت فتانه جدااا لو حد من اخواتى عمل اى حاجه كنت لازم اقول لماما وافضحهم يا عينى (كنت ندله اوى )

اما بالنسبه بقا للمدرسه فكانت طفوله معذبه لان ماما كانت بتسرحلى شعرى ضفرتين وكانو اصحابى الولاد يفضلو يشدونى منهم ( طول عمرهم رخمه العيال دول )

وكمان كان فيه عندى عقده من الحساب كنت بكره كره كنت بليده جدا فى الحساب مع انى شاطره فى بقيت المواد وكان المدرس مش بيتبل فى بقه فوله كان دايما يتصل بماما او بابا ويقولهم ان انا معرفتش اجاوب النهارده وطبعا لما كنت برجع كنت باخد قدر لا احسد عليه من الزل و المهانه والعقاب الى كان اصعب من ده كله ان بابا بذات نفسه كان بيتطوع وويذاكرلى الحساب بنفسه ( كانت بتبقى تدبيسه مايعلم بيها الا ربنا )

اما اللعب بقا ماما مكنتش بترضى تخلينى انزل الشارع غير قليل اوووووى يعنى مع اخويا وهو بيلعب كوره كنت بقعد اتفرج عليهم واشجعه بقا وكده

وما خفى كان اعظم

[nooody]

مى الشقيه

حلو اوى موضوع الضفرتين دة

ههههههههههههههههه


وشكرا على مرورك

[Karamela]

احم احم انا جييييت اهو

بس هروح شوية ابص على الواد اخوي الصغير .. وافتكر المواقف بتاعتي

وارجع لكم تاااااااااااني

بي رااااايت باااااااااااااااااااااك

وماشي يا ست نودي

ولا يهمك .. بس ابقي افتكريها بئه وماتبقيش تعيطي لو ادبستي في كرسي الاعتراف

يلا ثثلام مؤكت

[nooody]

كراميلا

ده كله بتفتكرى ..... امال لما تكتبيها هتعملى ايه !

مستياكى برضه مش هسيبك

هههههههه

[doiss]

انتوا بقي اللي عاوزين تسمعوا

انتوا حرين لو حد اتريء او ضحك


ايام التشرد بقي بقي..هههههههه

الموضوع دة جامد جدا بينشط الذاكرة الجميلة وبيخلي الواحد فريش... هههههههههههههههههههههههه


كنت عامل فيها زعيم عصابة في المدرسة ..

المهم اية بقي ..هههههههههههههههه

عندنا مدرسة الفرنسيي كانت حامل .... هههههههههههههه

وهية بتشرح علي البورد ..


قمت مصوت بصوت عالي اوي اوي ههههههههههههههههههههههههههه

الست يا عيني ههههههههههههههههههههه وقعت مغمي عليها والفصل كلة ساب الكلاس وطلع يجري..ههههههه


المهم بقي اية ......... طلع المدير بتاع المدرسة وكان في ولد بياخد عندة درس خصوصي..

عيل فتان اوي المدير خدة غلي جنب وقال لة من يا شريف اللي عمل كدة ..

الواد الفتان عمال ابرق لة ههههههههههههههههه ما خافش وشاور عليا,,

المهم المدير قالي انت ومعاك حد تاني اللي بتعملوا شغب اكيد مش لوحدك .....

وقال لي هرفدك اسبوع .. ولو قولت لي مين اللي بيشاغب معاك هيبقوا ثلاثة ايام ... هاه هاه قولت اية..

قولت لة ورقة وقلم واكتب لك الاسماء وخليهم ثلاثة ايام ههههههههههههههههههههههههههههه

نفسي ثم نفسي ههههههههههه قمت كاتب لة اسماء الفصل كلها ما عدا الواد اللي فتن عليا هههههههههههه


هههههههههههههههههههههههههههههههههههههههههههههههههه ههههههههههه

هههههههههههههههههههههههههههههههههههه