افتكر معانا ايام طفولتك

[nooody]

اقتباس المشاركة الأصلية كتبت بواسطة ابتسامة وردة تسلم علي الموضوع الجميل الميز الطفوله كنت حلوة وكانت اجمل ايام حياتى كنت شقي بس اما كبرت بقيت كويس كان الانسان حر وهو صغير ايامى كلها كانت لعب وسهر بس راحت خسرة بس دى الدنيا الصغير بيكبر والكبير بيصغر دمتم في رعاية الله

شكرا لمرورك

ابتسامه وردة

[nooody]

اقتباس المشاركة الأصلية كتبت بواسطة قلم بلا حبر اذيك يا نودى ,, معلشى انا وعدتك بالجمعه ,, بس الظروف خلتها السبت مش مشكله ولا يهمك ياسيد المهم أنك شرفتنا المهم ,,, قلتلك بلاش انا وانتى صممتى ,, ما كان بلاش احسن طفولتى يا ستى كانت منيله بعيد عنك ,,, اخر العنقود ومدلع + انى كنت أشطر واحد فى فصلى ,, يمكن اللى كانوا معايا هم اللى خايبين وانا ولا شاطر ولا نيله بس هى جت كده ,,, شطارتى دى كانت عامله زى حائط صد ,, مينفعشى حد يعديه ,, يعنى كانت حميانى بمعنى أصح كان عندى فريق كوره بدربه ,, ومتستغربوش ,, كنت بكسب بيه والله فى البيت مشاكلى كانت كتير بسبب خناقاتى بره ,, وطبعا المعهد لانى كنت فى ازهر ,, مشاكله كانت بتتحل المدرسين بيخلصوها بس افتكر فى مره ,, مدرس العربى طلبت معاه يمد البنات فى الفصل ,, وطبعا اختارنى علشان امسكهم اخوكم طبعا كان مكسوف ,, هتعمل ايه بقى حكم القوى هههههه فمسكت رجليهم بطراطيف صوابعى واول واحده كانت هى اطول واحده فى الفصل كنت مسميها (( لبلاب )) المهم مع اول خبطه ,, برجلها وفى بطن المدرس ,, بصلى وهو متغاظ منى ,, وراح لسعنى واحده على ضهرى وقاللى امسك عدل لامدك انت طبعا حكاية المد دى كانت عندى زى الموت بالظبط .. وانا كنت رائد الفصل فالبريستيج ميسمحشى خالص المهم قلت مبدهاش ,, وعينيكم ما تشوف الا الضلمه مسكتهم المسكه اللى كنت بمسك بيها الولاد تانى يوم واحده منهم كان ابوها شيخ ,, راحت اشتكتله وقالتله خلى زميلى ؟؟؟؟؟؟؟؟ افهموها بئى وقامت الدنيا مقعدتشى فى المعهد ,,, كنا فى سنه خامسه وانا قاعد بئى مستنى الناظر ييجى يمدنى ,, بس عدت على خير ولحد دلؤتى البنت تقابلنى فى الشارع تضحك عايزين كمان ,,, طويب افتكر واحنا صغير قبل ما ادخل المعهد كنت بحفظ قرأن عند شيخ ,, المهم انى من يومى والحفظ عندى زى الصينى عندكم بالظبط والشيخ ده كان مفترى ,,, اعمل ايه مع ده ,,, فكرت فى حركه اعملها وتنفع معاه لحد ما نشوفله حل تانى حفظت له سورة (( المطففين )) والمصيبه مش كامله ,,, يعنى نصها تقريبا وبقيت انشن على الوقت اللى فى زحمه عنده واروح ,, وكل يوم هى نفس السوره بسمعها مشيت الامور ميه ميه ,, لحد ما فى يوم لقيته بيقولى عايزك بكره يا سيد ,, وبكره ده المفروض اجازه ,, الفار لعب فى عبى ,,, بس ده مينفعشى تعمل معاه تعبان ولا الحوارات الفاشله دى قلت حله انى اروح له بدرى علشان يكون لسه قايم من النوم ولو فى باله ضرب والا حاجه ميقلش باصله ويعملها وقد كان رحت بدرى صحوه من النوم ,, نزل ,, دخل الاوضه بتاعته وندالى ,, وقالى سمع يا سيد طبعا سيد عارف هو حيسمع ايه ,, ولسه بقول (( ويل للمطففين .........)) لقيت الخبط بدأ ,, يا مولانا , يا سيخنا ,, مفيش فايده الحاج بدأ ضرب واستحلاها هو مفيش فى القرأن غير (( ويل للمطففين )) ونازل ضرب وبعدها عرفت ان واد كنت اتخانقت معاه فتن عليا ,, يلا منه له هههههههههه أوعى تقولى أنك لسه مش حافظ غير المطففين لحد دلوقتى فى ايه تانى ,, فى ايه تانى ,,,,,,,,,,,, اه ده بئى للزمن بدعى عليه كان السبب فى انى اجيب ملحق (( قرأن )) فى 6 ابتدائى مدرس الرياضه كان حاططنى فى دماغه كل الولاد والبنات كانت بتاخد عنده درس الا انا فمكنشى وراه شغلانه الا العبد لله ,, بس مصيبته السودا انى كنت بحب الرياضه قوى وشاطر فيها ,, فمكنشى بيعرف يعمل معايا حاجه الا فى يوم امتحان القرأن الشفوى ,,, المنيل عرف انى ضعيف فى الحفظ ,, ضعيف ده ايه ده انا مش حافظ اصلا لقيته داخل اللجنه وال ايه بيوصى عليا لا وتوصيه لذيذه ,, بيقول للمراقب ,, اللى قدامك ده اشطر واحد فى المعهد وحافظ القرأن كله ,, قلت فى سرى يخربيت سنينك ودتنى فى داهيه والمراقب نزل اسئله بئى من اول (( قل هو الله احد )) لحد سورة (( البقره )) وطبعا اخوكم قاعد بيسمع الاسئله بس ,, والنتيجه ظهرت لقيت نفسى ساقط فى القران وده كان الملحق الوحيد اللى جبته فى حياتى بس بعد كده استنفذت من هندسه علشان مش بحفظ قرأن برده بالنسبه بئى للشقاوه ,, ده على اعتبار ان اللى فات ده كله براءه انا اصغر واحد حبيت ,, اه والله حبيت وانا فى سنه خامسه الفصل بتاعنا كان دايما مسائى ,, وفى سنه خامسه طلبت مع الناظر انه يخلينا صباحى المهم لما اتنقلنا صباحى لقيت بنت داخله علينا وماسكه فى ايد والدها ,, بس بنت بجد كانت اموره قوى واللخبطه الىل كنت عاملها ,, انى رائد الفصل بس مكنشى بيلحى ليا القعده الا فى الديسك الاخير ,, المهم شفتها من هنا ,, ونسيت انى صغير والكلام ده وبدات احاول اكلمها وطبعا كان عادى علشان كنت انا اللى بقف على الفصل لو المدرس غايب واكتب اساميهم والمدرسين عارفنى يعنى متظبط الموضوع ده فضل لحد ما دخلنا الكليه ,, وكنا قاعدين بنتكلم وحكتلى عن سبب انها اتنقلت معانا ,, قال ايه ابوها كان ناقلها علشان انا كنت فى الفصل ده ده على اساس ان الشطاره عدوى وحتنتقل ليها ,,, والمشكله ان البنت كانت اشطر واحده فى البنات,, هى دلؤتى اتجوزت ولسه اصحاب زى ما احنا كفايه عليكم كده ده انا مش حكيت ده انا استهبلت وسرحت فى الكلام مش خساره فى نودى ,, دى طلعت بلدياتى ,, وكمان علشان اعوض موضوع الجمعه ده ,,,ولازم نكرموها ,, مبروك عليكى القسم يا شابه :500: بالتوفيق تحياااااااااااااااااااااااااااااااااااتى"""""""""

أنت مش عوضت يوم

الجمعه بس , دة أنت

عوضت الاسبوع كله

ههههههههههه


كنت طفل قمه البراءة

:vb19:

شكرا يا سيد

[A7meD]

SOOOOOOOOOOOOOOOOON




etisalat 3.75 G

[Karamela]

هوانا كنت في سبات ولا ايه

انا اول مرة اشوف الموضوع ده

>> شاهد ماشفش حاجة

ههههههههه

معلش بئه ياهنودتي

انتي عارفة يااختي المذاكرة والدح بتاع الامتحانات ده

والعيال مبهدلني والله

>> قال يعني بئه العيال مقطعين بعض

هههههههههههههه

دي دنيا جت ودنيا رااااحت ودنيا قاااامت وقعدت

وانا ولا هنا

هههههههه

[A7meD]

شكرا نودي على التدبيسة الجميلة
افتكرت بيها اجمل ايام ... ربنا ميعودها يا شيخة :vb19:


انا معرفتش ازاي اوصف طفولتي لأنها كتاب كبير ...

هبقى الف كتاب كبير وانشره تحت اسم "الخرابيش في رحلة المتاعيس"

لخصت ليكم في شوية نقاط منقولة :vb19: ولا البلاش ..

بالنسبة للدلع:
كنت اصغر واحد في بيتنا .. يعني دلع 24 ساعة وانا صغير >> ويا ريته فاضل كبرنا من هنا ولقينا الدلع اتعكس 180 درجة :500:
يعني كنت بس اقول عايز حاجة الاقي الكل بيجيبهالي
اخواتي تلاتة اكبر مني يجيبوا لي حاجات معاهم لمن يروحوا من المدرسة قال فرحانين باخوهم الصغير >> زمن اغبر كله راح كله اتدمر :icon1366:

الشقاوة:
مكانش حد يسلم مني ..
لا اخ ولا اخت ولا عم ولا خال و لا حتى ابوية :vb19:
خدوا الموقف ده
مرة صاحب ابوية بيركب لي اللعبة بتاعتي فراح كسرها
رحت مديه بالالم على وشه وشه طرقع :090:
للنهاردة الراجل فاكر الالم بيقولي فاكر وانت صغير كده كده بعمل نفسي مش فاكر :500: وبقوله معقول :vb19:




التهور:
مرة وانا عمري يجي 4 او 5 سنين كنت مع امي بالسوق وقرفت و عايز اروح و هي بتقولي بس نجيب شوية اغراض ونروح اهو انا قعد اصوت وعملت ليها فضيحة بالسوق و زوغت منها وروحت عالبيت مشي لوحدي معرفش ازاي عرفت السكة ربنا ستر كان زماني مش موجود هنا :bb7: و مبقولش الحكاية .... و امي تقلب السوق عليا و الناس تدور عليا و وصلت البيت و قعدت و بعد شوية امي جت تشوفني روحت ولا ايه الي حصلي و عينكم ما تشوف الا النور معرفتش الشلاليت بتيجيني من فوق ولا من تحت :090: و اهي عدت :vb19:


البراءة:
كنت مثال للبراءة الي الاسر بتطلبها ..
الغلبان :500: القطة المغمضة :500: كنت اخرب دايما الكمبيوتر وانا صغير
ولا كأنه حاجة حصلت اقفله قبل ما حد يشفني و اقعد عالتلفزيون كأنه مليش نفس عالكمبيوتر
اخلي واحد من اخواتي يهوب ناحية الكمبيوتر اجري وراه و اخليه يدوس بور والكمبيوتر ما يولعش اقوله بوظت الكمبيوتر و اسيحله بالبيت :vb19: >> أيام دلوقت انا الي بصلح وهما الي بيبوظوا سبحان مغير الاحوال

الفضول:
اما انا كنت حشري بكل حاجة
مفيش موضوع بالبيت الا وكنت اتدخل بيه و احاول اعرف كل الطقاطيق بتاعت الموضوع ..
كنت الملقب برويترز من كتر منا بجري ورى الاحداث بتاعت البيت بس الميزة الي فيا مكنتش انقل المعلومات الا بالمقابل قناة مشفرة ههههه
بس مع التوجيه بطلنا من العادة دي الحمد لله ...


خلاااااااااااااويص

وسوري عالتأخير


:vb19::vb19::vb19::vb19:

[احضان الحبايب]

السلام عليكم ورحمة الله وبركاته لو اتكلمت عن الطفوله يبئا الواحد مضطر يعصر مخه عشان يفتكر ولكن قبل اى شئ لازم الواحد يشكر NOoODY على الموضوع الجامد -********************- ندخل بئا فى الطفوله الاول لو الواحد اتكلم عن الدلع فانا مكنتش بحب الدلع او مكنتش بدلع يعنى ولا عمرى ادلعت على ابويه وامى ولا اى حد لكن ابويه وامى وجدتى الله يرحمها كانوا بيدلعونى بنائا على رغبتهم لكن كان اكتر واحده بدلعنى جدتى ام والدتى الله يرحمها -*********- غير الدلع نتكلم عن الذكاء الخااااارق يعنى انا مره ابى كان جيبلى عربيات يامه جده على اد عقلة الاصبع وانا من زكائى وانا صغنون كنت بحدفهم من البلكونة عشان كنت مفكر مكانهم مش عندى المفروض مكانهم فى الشارع ولا هعملهم شارع انا هههههههههههههههههههه -************************- وانا كان عندى احساس غريب لما كنت بدخل المدرسه وانا صغير كنت بحس بالوحشه والرعب من المدرسه وانى داخل مدرسة الاموات والعفريت سبحااااااااااااااااااااااان الله -************************-- تقريبا هى ديه بس الحجات ال انا فكرها بجانب البراد بتاع جديتى ال يامه اخد وقعات على دماغه على السطح عند جدتى فى البيت او على دماغ الراجل ال تحتهم :cv27: وفى النهاية الف شكر NOoODY على الموضوع مشكوره من الاعماق والى الامام وبالتوفيق يارب عبدو

[nooody]

اقتباس:
المشاركة الأصلية كتبت بواسطة AhMeD HaMaDa
شكرا نودي على التدبيسة الجميلة
افتكرت بيها اجمل ايام ... ربنا ميعودها يا شيخة :vb19:


انا معرفتش ازاي اوصف طفولتي لأنها كتاب كبير ...

هبقى الف كتاب كبير وانشره تحت اسم "الخرابيش في رحلة المتاعيس"

لخصت ليكم في شوية نقاط منقولة :vb19: ولا البلاش ..

بالنسبة للدلع:
كنت اصغر واحد في بيتنا .. يعني دلع 24 ساعة وانا صغير >> ويا ريته فاضل كبرنا من هنا ولقينا الدلع اتعكس 180 درجة :500:
يعني كنت بس اقول عايز حاجة الاقي الكل بيجيبهالي
اخواتي تلاتة اكبر مني يجيبوا لي حاجات معاهم لمن يروحوا من المدرسة قال فرحانين باخوهم الصغير >> زمن اغبر كله راح كله اتدمر :icon1366:

الشقاوة:
مكانش حد يسلم مني ..
لا اخ ولا اخت ولا عم ولا خال و لا حتى ابوية :vb19:
خدوا الموقف ده
مرة صاحب ابوية بيركب لي اللعبة بتاعتي فراح كسرها
رحت مديه بالالم على وشه وشه طرقع :090:
للنهاردة الراجل فاكر الالم بيقولي فاكر وانت صغير كده كده بعمل نفسي مش فاكر :500: وبقوله معقول :vb19:




التهور:
مرة وانا عمري يجي 4 او 5 سنين كنت مع امي بالسوق وقرفت و عايز اروح و هي بتقولي بس نجيب شوية اغراض ونروح اهو انا قعد اصوت وعملت ليها فضيحة بالسوق و زوغت منها وروحت عالبيت مشي لوحدي معرفش ازاي عرفت السكة ربنا ستر كان زماني مش موجود هنا :bb7: و مبقولش الحكاية .... و امي تقلب السوق عليا و الناس تدور عليا و وصلت البيت و قعدت و بعد شوية امي جت تشوفني روحت ولا ايه الي حصلي و عينكم ما تشوف الا النور معرفتش الشلاليت بتيجيني من فوق ولا من تحت :090: و اهي عدت :vb19:


البراءة:
كنت مثال للبراءة الي الاسر بتطلبها ..
الغلبان :500: القطة المغمضة :500: كنت اخرب دايما الكمبيوتر وانا صغير
ولا كأنه حاجة حصلت اقفله قبل ما حد يشفني و اقعد عالتلفزيون كأنه مليش نفس عالكمبيوتر
اخلي واحد من اخواتي يهوب ناحية الكمبيوتر اجري وراه و اخليه يدوس بور والكمبيوتر ما يولعش اقوله بوظت الكمبيوتر و اسيحله بالبيت :vb19: >> أيام دلوقت انا الي بصلح وهما الي بيبوظوا سبحان مغير الاحوال

الفضول:
اما انا كنت حشري بكل حاجة
مفيش موضوع بالبيت الا وكنت اتدخل بيه و احاول اعرف كل الطقاطيق بتاعت الموضوع ..
كنت الملقب برويترز من كتر منا بجري ورى الاحداث بتاعت البيت بس الميزة الي فيا مكنتش انقل المعلومات الا بالمقابل قناة مشفرة ههههه
بس مع التوجيه بطلنا من العادة دي الحمد لله ...


خلاااااااااااااويص

وسوري عالتأخير


:vb19::vb19::vb19::vb19:







شكرا يا أحمد على تواجدك

بس لما تعمل كتابك لازم تدينى نسخه منه

هديه هههههههه

[nooody]

اقتباس:
المشاركة الأصلية كتبت بواسطة احضان الحبايب

السلام عليكم ورحمة الله وبركاته لو اتكلمت عن الطفوله يبئا الواحد مضطر يعصر مخه عشان يفتكر ولكن قبل اى شئ لازم الواحد يشكر NOoODY على الموضوع الجامد -********************- ندخل بئا فى الطفوله الاول لو الواحد اتكلم عن الدلع فانا مكنتش بحب الدلع او مكنتش بدلع يعنى ولا عمرى ادلعت على ابويه وامى ولا اى حد لكن ابويه وامى وجدتى الله يرحمها كانوا بيدلعونى بنائا على رغبتهم لكن كان اكتر واحده بدلعنى جدتى ام والدتى الله يرحمها -*********- غير الدلع نتكلم عن الذكاء الخااااارق يعنى انا مره ابى كان جيبلى عربيات يامه جده على اد عقلة الاصبع وانا من زكائى وانا صغنون كنت بحدفهم من البلكونة عشان كنت مفكر مكانهم مش عندى المفروض مكانهم فى الشارع ولا هعملهم شارع انا هههههههههههههههههههه -************************- وانا كان عندى احساس غريب لما كنت بدخل المدرسه وانا صغير كنت بحس بالوحشه والرعب من المدرسه وانى داخل مدرسة الاموات والعفريت سبحااااااااااااااااااااااان الله -************************-- تقريبا هى ديه بس الحجات ال انا فكرها بجانب البراد بتاع جديتى ال يامه اخد وقعات على دماغه على السطح عند جدتى فى البيت او على دماغ الراجل ال تحتهم :cv27: وفى النهاية الف شكر NOoODY على الموضوع مشكوره من الاعماق والى الامام وبالتوفيق يارب عبدو

نورت الموضوع

وشكرا على تواجدك وتفاعلك

وحلوة اوى انك ترمى العربيات فى الشارع

انت كدة صح ههههههه

[الأميرة الحالمة]

نودي موضوعك جميل زيك
هيخلينا نفتكر بيها اجمل ايام

الطفولة الايام ال عشناها في عالم البراءة والمرح واللعب بعيدا عن هموم الكبار
والمرحله التي لايوجد بها معنى للكراهية

يلا اتكلم بقا شويه عن طفولتي
الدلع:

اكيد مفيش طفله مش مدلعه مع اني مش الصغيرة لكن كنت مدلعه
وكانت أي حاجة يجيبوها لازم يخلوني انا اختار اول حاجة
وكان الموضوع ده بيضايق اخواتي جدااااااا

الشقاوة:

كنت شقيه جدا جدا وعالكل محدش نفد مني طول عمري
بحب اعمل مقالب في الناس حتى مامتي ماسلمتش مني
مره كنا في مجمع انا وماما بس وكانت بتشوف حاجه ومش
شايفاني جت في بالي فكره ادخل ورا اللبس واستخبى منها
وشويه وماما انتبهت ورمت ال في ايديها وقعدت تنادي عليه
وانا سامهاها وقاعده اضحك وجريت تدور عليه وبعد شويه
انا طلعتلها وماما ياعيني كانت هتروح فيها بس ربنا ستر الحمدلله


البراءة:
مره ماما كانت واعداني نخرج بكره وبعدين جي بكره ومخرجتنيش لان جه
عندنا ناس وطولوا
المهم انا زعلت واضايقت منها جدا انها مانفذتش وعدها وبعدين استنيت لما نامت
وكل البيت نام ورحت لميت لبسي ومش كله ال جايلي هدايا بس لاني كنت زعلانه منهم
مكنتش عايزة اخد حاجه من حاجتهم وبالشماعات زي ماهما ورحت عند الباب
وطبعا معرفتش افتح الباب لانه المفتاح كان بعيد عليه ونمت جنب الباب
والصبح ماما بتصحيني بتساليني نايمه هنا ليه وحكيت لها الحكايه وقعدت تضحك وتقولي
يعني لو الباب كان مفتوح كنتي هتمشي
ولسه فاكرينلي الموقف ده وحكوه لامة لا اله الا الله هههههههههه

وكنت ماطلعش من البيت الا وانا حاطه الجلوس والرجاجو ههههههه
مش بنت بقا ولازم اهتم بنفسي
وماكنتش البس أي حاجه لازم ياخدوا راي في اللبس والا ماالبسوش هههههه


وكفايه كده بقا يانودي عشان انا تعبت من الكتابه ههههههه

نودي اختاري بعدي قلب بريء اوك

[nooody]

الاميرة الحالمه


اكتر حاجه ضحكتنى بجد موقف دة

مره ماما كانت واعداني نخرج بكره وبعدين جي بكره ومخرجتنيش لان جه
عندنا ناس وطولوا
المهم انا زعلت واضايقت منها جدا انها مانفذتش وعدها وبعدين استنيت لما نامت
وكل البيت نام ورحت لميت لبسي ومش كله ال جايلي هدايا بس لاني كنت زعلانه منهم
مكنتش عايزة اخد حاجه من حاجتهم وبالشماعات زي ماهما ورحت عند الباب
وطبعا معرفتش افتح الباب لانه المفتاح كان بعيد عليه ونمت جنب الباب
والصبح ماما بتصحيني بتساليني نايمه هنا ليه وحكيت لها الحكايه وقعدت تضحك وتقولي
يعني لو الباب كان مفتوح كنتي هتمشي



شكرا على تفاعلك