يبقي اكيد دا مصري

[MĺŔǾ]

هوا اي يحد في الدنيا دي يبقي بالساهل كدا مصري .... لاااا طبعـــــا والدليل .....


1. لو سألت سواق تاكسي على عنوان وبدل ما يدلك

قالك إمشي ورايا.. يبقى مصري.

(وعلى فكرة ساعات بيغير إتجاهه عشان عنده رغبة صادقة يوصلك وخايف تتوه)

2. لو صليت في مكان وبعد الصلاة اللي جنبك مد إيده وقالك تقبل الله.. يبقى مصري

3. لو سمعته بعد ما يضحك بيقول " خير اللهم إجعله خير " .. فتأكد إنه مصري ...

4. لو إتصلت بيه في التليفون , وقالك من غير مناسبة " كل سنة وإنت طيب " .. فتأكد إنه مصري ...

5. لما تقابل واحد علامة وعمره مايقول "معرفش!" ... جينيوس مصري


6. لما تنزل تلاقي واحد ساند على عربيتك و أول ما يشوفك يضحك ويقولك لا موأخذه يا باشا

7. لو دخلت عليه وكان بياكل ولو حتى عيش وبصل لازم يقولك إتفضل كل معايا ويعيدها عليك ثلاث أربع مرات

8. و لما ركبه تخبط فى بعضها من الرعب و هو داخل القسم يعمل بطاقة الرقم القومى

9. و لما عربية تعمل حادثة فى الطريق الصحراوى أو الزراعى , و فى ثوانى تقفلها خمسين عربية ينقذوا المصابين و يعدلوا العربيات و لو اضطروا يشيلوهم منعلى الأرض ........................ هما دول المصريين

10. لما تلاقي ناس بتقضي العيد فى المقابر مع حبايبهم اللي ماتوا يبقى أكيد في مصر

11. لما تلاقي ست في الرايحة والجاية عمالة تدعي لأولادها ... تبقى دي أم
مصرية وطموحاتها وأحلامها الشخصية فى الحياة إن ولادها يبقوا مبسوطين

12. لو شفت واحد وقف فجأة و هو ماشى فى الشارع و مد إيده على حتة عيش مرمية على الأرض وقام رافعها لراسه قبل مايحطها جنب الرصيف... يبقى الواحد ده مصرى

13. لو شفت عامل أول ماخد أجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

14. لو إديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني ، ومع الورقة الثالثة: العدد ثلاثة .. يبقي
أكيد مصري إبن مصري

15. لو شاورت لتاكسي ووقفلك فى نص الطريق عشان تركب حضرتك بمزاج يبقي أكيد مصري

16. لما تيجي تدفع الأجرة لسواق أول مرة تركب معاه و يحلف عليك تخلي بأه

17. لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني تمن التذكرة

18. لما تلاقي سواق بينادي رمسيس و هياخدك من ايدك يركبك بالعافية يبقى اكيد مصري

19. لما تلاقي ست البيت بتحوش برطمانات المربى الفاضية سنين طوال بدون استخدام يبقى أكيد دي مصرية

20- لما الأم تفتح حنفية المطبخ السخنة وابنها يكون بيستحمى بمية سخنة.. تبقى أكيد أم مصرية

21. ولما تلاقى شعب فى أكبر أزمه بيمر بيها ... مبينساش يضحك
ويضحك اللى حوليه
وكل العالم يتكلم عليه....

لما يشوف موضوع زي دا ويقراه للآخــــــــــــــــــر اكيد مصري /ه

يبقى إنت أكيد تقصد أعظم شعب ... شعب مصر

[رنين]

فعلا اعظم شعب
مصريه وافتخر ^_^
تسلم يا ميرو

[MĺŔǾ]

اقتباس المشاركة الأصلية كتبت بواسطة رنين فعلا اعظم شعب مصريه وافتخر ^_^ تسلم يا ميرو

منوره الموضوع يا رنين ومشكوره للمرور دا يا قمر
طبعا مصري وافتخر