ممكن طريقة عمل الباميه

[روميو مجنن البنات]

صباح العسل او مساء الخير
عاملين ايه
كانت عايز اعرف طريقة عمل الباميه علشان نفسى ادوقها (الباميه المفروكه ها )
علشان معدتى اتهريت من الدليفرى
بس عايز الوصفه بالملى ها علشان اوال مره اعملها

[روميو مجنن البنات]

ايوه يا جدعان ولا رد
انا جابت مكونتها بس بش عارف ازاى اعملها

[nano.syria]

اذا بدك بعلمك البامية السورية

[روميو مجنن البنات]

هو انا بعرف اعمل المصريه علشان اعمل السوريه
انا عايز المصريه يا جميله

[ميراي]

والله صعبت عليا يا (روميو يا مجننهم أنت) شوف ياأخويا
أنا مبحبش البامية المفروكة (الويكا بالمصري) بس حقولك طريقة البامية العادية بالطماطم
المقادير لو على قدك:
** ربع كيلو بامية زيرو (صغيرة)
** نصف أوربع كيلو لحمة مكعبات وياريت تكون ضاني ومعاها قطعة دهنة صغيرة ضاني
** عدد 2 بصلة وسط + 3/4 كيلو طماطم
** سمن - ملح - فلفل أسود
** قطعة ثوم مدقوقة مع فلفل أحمر
الطريقة
تقطع البصل قطع صغيرة وتحمرها في السمن حتى يصفر لونها (ذهبي)
بعد كدة تضع اللحمة في البصلة وتحمرها معاها حاجة بسيطة (لو اللحمة بتستوي بسرعة)
(متكونش زي اللي بيبيعها زوجي عايزة أنبوبة بوتجاز علشان تستوي)هههههههاااي
وتضع ليها شوية فلفل أسود مع التقليب الدائم (أوعى تحرقها)
وتكون فرمت الطماطم في الخلاط بشوية ماء
وتضعها على اللحمة والبصله وتسيبها تغلي وقرب سوى اللحمة تضع البامية
وقبل مايتم سوى البامية بقليل تضع الثوم أبو فلفل أحمر(المدقوق) ركززززز
وتسيبهم عل النار حتى يتم السوى ومتنساش تضع الملح في الآخر على حسب ماتحب
وأعمل معاها شوية أرز بالشعرية (وأدعيلييييييي) أوعى تنسى
(وبالهنا والشفا )

[روميو مجنن البنات]

منا خلاص رميت البميه الموضوع بقلو يومين انا شكلى بش عدوق الاكل البيتى فى الجنه انشاء الله بقى
شكرا بجد على تعبك الجميل داه
ويارب لو نفسى هفتنى تانى على اى اكله تكونى موجوده
تحياتى
روميو

[MoNa LeZa]

معلش يا قمر سورى ع التأخير
بقالى كام يوم مش هنــا

وعمــوما دى طريقه تــانيـه

الباميه

المقادير :-

ا كيلو بامية خضراء
بصلة - فلفل - ملح
2/1 كيلو لحم احمر مكعبات
1 كوب عصير طماطم
2 ملعقة سمنه
1 كوب بهريز لحم
2 فص ثوم
ليمونه

الطريقة :-

تغسل الباميه وتوضع في مصفاة حتى يجف ماؤها ثم تقمع
تحمر البامية في السمن قليلا على ان تبقى على لونها الاخضر وتصفى من السمن
تحمر البصلة حتى يصير لونها اصفر ثم يضاف اليها اللحم ويقلب قليلا ثم يضاف الثوم المدقوق
يضاف عصير الطماطم ويقلب ويترك حتى يتسبك مع اضافه الملح والفلفل
يحضر برام فخار ويوضع اللحم في القاع وترص البامية فوقه ثم تضاف الصلصة ويضاف كوب بهريز وعصير ليمونة ويغطى بورقة زبدة مثقوبه من الوسط
توضع في فرن حار مع مراعاة اضافة قليل من البهريز اذا احتاجت حتى تتسبك ويظهر السمن على الوجه
توضع في طبق وتقدم ساخنة مع حلقات الليمون

وعلى فكرة فى توبيكـ مخصوص للطلبـات
اتمنى اى طلب تطلبه فيه
وان شاء الله انا موجوده
~~
~

[روميو مجنن البنات]

اقتباسالمشاركة الأصلية كتبت بواسطة MoNa LeZaمعلش يا قمر سورى ع التأخير
بقالى كام يوم مش هنــا

وعمــوما دى طريقه تــانيـه

الباميه

المقادير :-

ا كيلو بامية خضراء
بصلة - فلفل - ملح
2/1 كيلو لحم احمر مكعبات
1 كوب عصير طماطم
2 ملعقة سمنه
1 كوب بهريز لحم
2 فص ثوم
ليمونه

الطريقة :-

تغسل الباميه وتوضع في مصفاة حتى يجف ماؤها ثم تقمع
تحمر البامية في السمن قليلا على ان تبقى على لونها الاخضر وتصفى من السمن
تحمر البصلة حتى يصير لونها اصفر ثم يضاف اليها اللحم ويقلب قليلا ثم يضاف الثوم المدقوق
يضاف عصير الطماطم ويقلب ويترك حتى يتسبك مع اضافه الملح والفلفل
يحضر برام فخار ويوضع اللحم في القاع وترص البامية فوقه ثم تضاف الصلصة ويضاف كوب بهريز وعصير ليمونة ويغطى بورقة زبدة مثقوبه من الوسط
توضع في فرن حار مع مراعاة اضافة قليل من البهريز اذا احتاجت حتى تتسبك ويظهر السمن على الوجه
توضع في طبق وتقدم ساخنة مع حلقات الليمون

وعلى فكرة فى توبيكـ مخصوص للطلبـات
اتمنى اى طلب تطلبه فيه
وان شاء الله انا موجوده
~~
~

يا نهار بتنجان مخلل ديه عايزه احمد زويل علشان يعملها
لا خلينا فى الدليفرى احسن بقى ههههه
ثانكس على الاهتمام واسف
مخدتش بالى من موضوع الطلبات بس اوعداك اى طلب يتعلق بالمطبخ عطلبو فى الموضوع اللى ذكرتيه
خالص تحياتى
روميو