كيف تصطادين عريساااااااا؟؟؟؟ توبيك بطريقه ساخره

[ELAZORII]

كيف تصطادين عريساااااااا؟؟؟؟

بما ان ارتفاع سن الزواج ارتفع بطريق غريبه مريبه ,تلاقيلك بقى اكتر البنات الى لسه بيلعبوا ف سن 17 و 18 شغلهم الشاغل انهم يوقعوا واحد فيهم ,منجد بقى ينجدلهم مرتبه ف البيت , تقوم البنت شغاله الله ينور عليه " هتوفر تمن القطن برده ده بقى غالى اوى "

شكلها مسمعتش عن التاكى , ياله ما علينا

, بتاع السنترال , رايحه جايه تشترى ف كروت شحن

وغيره وغيره , وافلام بقى , والرقه تشتغل , والاغرب من الغريب

انها بتتخطبله فعلا ههههه , اه والله, اتلم المتعوس على خايب الرجا

واهو اسمها اتخطبت وفكت النحس وبدايه خير ان شاء الله

وتسيبه وتروح لغيره وهكذا .

يعنى وانا ف ثانوى والله من وانا ف اولى كنت بشوف ناس مخطوبه , وف الى مكتوب كتابها كمان .

و بدل ما نتكلم ف حياتهم ومستقبلهم

الاقيلك بيتكلموا عن الذهب , واسعاره الى مجنونه زى الطماطم

والى تقول

" حماتى دى ايه اووووف قنبله ذريه فعلا"

" انا نازله يا بنات اجيب البوتجاز النهارده "

طبعا ده كلام بسيط من الى بيقولوه

ف ناس كتير هيقولوا وانتوا مالكوا مالى يتخطب يتخطب

غيره ايه , حد الله عن الجواز بالشكل ده يا حاج انت وهى , وبعدين

اصل انتوا متعرفوش الى بيحصل بعد كده

" ايه يا بنتى الدبله فين؟"

" اصل انا سبته"

" اصل معرفتش احبه "

معرفتش احبه؟؟؟

معرفتش احبه ؟؟

.

وتلاقى الأمهات بيلعبوا نفس الادوار بيحاولوا يجيبوا عريس لبناتهم بأى طريقه

وده بنشوفه كتييييير اوى

والظاهره الغريبه الى مكنتش قادر استوعبها ف رمضان الى فات

وهى المسجد الى ماشاء الله كان مليان بنات لوز اللوز

وكل واحده على سنجه عشره

ف رمضان ؟

اه والله , ميكب اب كامل , والعبايه شييييك اخر حاجه , وتلاقيهم قاعدين بقى الرقه كلها فيهم

وطنط الى جمبها تكح بس , تجرى تجبلها ميه , وينفتح الحوار منها , وتفوز البنت دى والباقى يبصلها وهو مش طايقها

" شوف البت؟؟؟؟؟"

ده كان البارت الاول من موضوعى

نجى للجزء التانى والمهم بقى

ركزوا يا بنات هههههه

طبعا كلنا شوفنا مسلسل عايزه اتجوز وفاكرين حلقه كيف تصطادين عريسا؟

وازاى كانت بتدور على الكتاب

انا كنت فاكراه هزار وان من نسج خيال غاده المؤلفه .

بعدها بقرأ كتاب " الحب ف الرغيف"

الاقيلك بيتكلم ع الكتاب تانى

قولت مبدهاش بقى

وجريت ع جوجل , الله يصلح حاله يارب

ويخليهولنا

واتفاجأت بأنه الكتاب ده فعلا وصدر 2006 , ولاقى نجاح

كمان

يا خرااااااابى

وطبعا قولت اشارك معاكوا التلخيص بتاعوا

هههههه

ياله اسيبكوا مع الكتاب

ملخص كتاب: د/السباعى

د/ عبد الرءوف السباعى / كيف تصطادين عريساً وتحافظين عليه حتى كتب الكتاب ؟؟

*لو جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة

*لو واحدة من صحباتك جبتلك عريس إوعي تشوفيه أو توافقي عليه

لوكان عدل كانت خدته هي

*هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس هتصيّحي لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته ..قاعد مش على بعضه.. وشه إتخطف وبان عليه خيبة الأمل إعرفي إنك معجبتيهوش .. إسبقي إنتي وقولي إنك رافضاه؛ متخليش واحد زي ده يقول أنه مش عاوزك

متزعليش عليه ولا على غيره.. الرجالة زي الأتوبيسات واحد عدّى التاني جاي وراه

كمان الرجال زي الدبان هتهشي واحده هييجي عشرة غيره

*عجبتك ؟طب خدي دي: الرجالة زي المطبات كل ما تفتكري خلصت منهم هتقعي في مطب جديد مش عاملة حسابه

*لو معجبتيش أكتر من واحد إوعي تحسي بالإحباط بكرة هيجي اللي أحسن منهم ؛إلا ما كان واحد..فيهم عدل

*مهما كنتي وحشة متقلقيش فيه اللي أوحش منك وإتجوزوا

-بعد الخطوبة

*بصي ..عذبيه.. الراجل يحب يتعذب البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني الراجل ميحبش كده أبدا

*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر

*لو سألك عرفتي حد قبلي قوليله لا حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده، برضه خليكي ناصحه أنت عمرك ما عرفتي راجل غير باباكي طبعا

*هيقولك هسامحك وده ماضي متصدقيش برضه الرجاله قلبهم أسود وهيمسكهالك ذله العمر كله

*إحترمي أهلك متغلطيش فيهم قدامه حتى لو كانوا بيئة وربش علشان ميتجرأشي عليكي وعليهم

*هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي بروح امه

*بلاش زن ورنات تليفونات ورسايل حب وهيام دول عالم .... مش هيقدر الحاجات دي هيتغّر ويفتكر نفسه احمد عز وهو زي ما إنتي شايفاه قومي بصي لصورته ع الموبايل

*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم

*هيضغط عليكي باسم الحب ياسم العواطف باسم أنكم في حكم المتجوزين إنك تروحي الشقه معاه روحي بس المرة الجاية مش هيبقي لوحده هيجيب معاه أصحابه

سيبيه يرغي براحته وعدي الفشر اللي هيفشره عن البنات اللي دايبين في دباديب سيادته إعملي إنك مصدقاه مع أنك عارفه إنك لولا خايفة لا تبقي عانس مكنتش قبلتي بواحد زيه

*خليكي دايما في أحسن صورة هيقولك بحبك تكوني على طبيعتك بحبك من غير ماكياج متعمليش كده لأنه بيتلاءم عليكي عاوز يعرف أنتي حلوة فعلا وإلا دي بويه ..خليه على عماه

احنا ما صدقنا وقعناه...

يلا سلامو عليكووو..

[ساحر الأحزان]

موضوع جميل منك

ونصايحك حلوة

بسى مش ممكن بعد دة العريس يطير منها


تحياتى علىى الموضوع الظريف بجد

[غرور ملاك]

بجد نو كومنت

الواحد مش عارف يضحك ولا يزعل من الكلام دة

الحاجاااات الى بتعملها الامهاااات دى

بتقلل من كــرامة بنتها

البنت فى بيتها ويجيلها عريسها لغاية البيت

مش تصطاد والكلام دة

دة انا حاسـهـ أنها
قاعدة على البحر ههههههه

[سيــ ــف]

شكراً يا جميله

[عاشق القلوب الحزينه]

بجد موضوع جميل
وده الى بيحصل فعلا
واكتر من كدا كمان
ربنا يستره ان شاء الله
يسلمووووووووووووو