تعالوا شوفوا محاكمه الحب

[عادل طه]

اهلا بكم احبائى
منورين قاعه المحكمه
النهارده فيه محاكمه للحب
المتهم والجانى هو( الحب)
المجنى عليه( قلوب العاشقين)
القاضى هو (العقل)
على يمين القاضى وشماله( الحاسيس والمشاعر)
الحب واقف داخل القفص وحيد شريد مش عارف مصيره ايه
داخل القضبان والوقت بيمر عليه بصعوبه
منتظر دخول العقل(القاضى) ليحكم عليه فى الاتهام
الذى وجهته له قلوب العاشقين
وكان من ضمن حضور هذه المحاكمه( الود) وكان حزين اوى
وكمان كان حاضر (العشق)اللى كان خايف ان الحب يحصله حاجه او يتحكم عليه
وبكدا هتكون نهايه للعشق
وكمان كان حاضر المحاكمه( الكراهيه)كانت مليانه حقد وشمتانه فى الحب

قالت القلوب
أنا ساتكلم بنفسى
سيدى العقل
أن هذا الحب قد تسبب
فى دخول الهم والحزن ألينا
وفى حيرة وسهر أصحابنا
فكم أذاقنا ويلاته.. وطعم ناره
وكم أذاقنا الوله والسهر بعذاب
ما جنينا منه الا الالم والدموع

سيدى العقل الحكيم

لقد تسبب ضعفنا امامه
في ضياع أحلامنا

والحكم لك .. فأنقذنا بعدلك مما أصبحت عليه حالنا

سأل العقل ( القاضى )
الحب ( المتهم )

ما رأيك فيما هو منسوب إليك
ما رأيك في هذا الكلام
هو صدق .. أم مجرد أوهام ؟؟

تقدم الحب حزينا متعجبا لما سمعه ....

سيدى العقل الحكيم
أننى برئ مما وجه ألى
برئ براءة الذئب من دم ابن يعقوب
فأنا روح الحياة ولا يمكن تصور الحياة بدونى
انا بدون الحياه تكون غابه
وأنت أيها العقل تعلم
أن دوام الحال من المحال
فهل تريد هذه القلوب أن تعيش سعيدة دوما ؟

سيدى العقل
أن حدوث أي مكروه أو حزن للقلوب
فمما لا شك فيه انها المسئولة الاول عنه
فهى من تختار من تحب
ولست انا

سيدى العقل الحكيم
ما عندى من كلمات قد سردته
ومع أحترامى وتوقيرى لك أوجزته
فأحكم بحكمك
وانا علي أتم اليقين بعدلك

قال العقل
الحكم بعد المداولة
فساد المكان صمت وترقب
ولم يمر الكثير من الوقت

مــــــــــــحـــــــــــــــكـــــــــــــمة

ألا وكان العقل بداخل القاعة مرة اخري

فقال
بعدما سمعت ما قالته قلوب العاشقين
وما قاله الحب
وبعد أستشارتى للمشاعر والاحاسيس

أنت أيها الحب
فأن ما عاش فيه العاشقين
من حزن وهم وأسى
فليس لك أى ذنب فيه

وأنتي أيتها القلوب
أحسنى أختيارك
ولا تسلمى هواك مرة أخرى لمن لا يستحق
ولا تلقى باللوم على من لا يستحق اللوم

الحكم
حكمت المحكمة حضوريا

ببرأة الحب مما وجه أليه
إنتهى ورفعت الجلسة

[سيــ ــف]

موضوع جميل

[nano.syria]

يسلمووووووووووووو اخي عادل
موضوع جميل لازم حسن الاختيار اول شي

[hasnaa.hassan]

برافو برافو برافو
جميلة اوى اوى اوى
مش معقول كتابتك للماحكمة روعة عادل
طبعا
الحب دايما مظلوم معانا
مش هو برضو اللى بيدخل السعادة فى قلوب المحبين
مش هو برضو اللى بيسهر المحبين احلى سهر واحلى ارق
واحلى عذاب
لالالا
مش ينفع نقول عذاب
عمر الحب ما يخلى فى القلوب عذاب
بس فعلا القلوب هى السبب فى عذابها
هى اللى بتختار غلط
مش ذنب الحب بقى

فعلا عادل
محاكمة عادلة جدا
شكرا لك ع العرض الجميل
تحياتى لك
دمت بكل الحب

[عادل طه]

اقتباس
المشاركة الأصلية كتبت بواسطة سيــ ــف




موضوع جميل

متشكر جدا
الاجمل مرورك الغالى يا برنس

[عادل طه]

اقتباس
المشاركة الأصلية كتبت بواسطة nano.syria




يسلمووووووووووووو اخي عادل
موضوع جميل لازم حسن الاختيار اول شي

متشكر جدا اختى نانو
الاجمل هو مرورك الغالى
نورتينى

[GOLD HEART]

انا ممكن اسجل اعجابى الرهيب بالمشهد الخيالى الجميل دة اشكرك جدا

[ELAZORII]

يسللموا الايادى عادل

[عادل طه]

اقتباس
المشاركة الأصلية كتبت بواسطة hasnaa.hassan




برافو برافو برافو
جميلة اوى اوى اوى
مش معقول كتابتك للماحكمة روعة عادل
طبعا
الحب دايما مظلوم معانا
مش هو برضو اللى بيدخل السعادة فى قلوب المحبين
مش هو برضو اللى بيسهر المحبين احلى سهر واحلى ارق
واحلى عذاب
لالالا
مش ينفع نقول عذاب
عمر الحب ما يخلى فى القلوب عذاب
بس فعلا القلوب هى السبب فى عذابها
هى اللى بتختار غلط
مش ذنب الحب بقى

فعلا عادل
محاكمة عادلة جدا
شكرا لك ع العرض الجميل
تحياتى لك
دمت بكل الحب

متشكر جدا حسناء
الاجمل هو مرورك وتعليقك الجميل
عجبنى بجد تحليلك للموضوع
فعلا الحب دايما مظلوم معانا
ودايما بنقول انه سبب عذابنا
شكرا حسناء
نورتينى يا قمر

[عادل طه]

اقتباس
المشاركة الأصلية كتبت بواسطة GOLD HEART




انا ممكن اسجل اعجابى الرهيب بالمشهد الخيالى الجميل دة اشكرك جدا

متشكرا جدا
ربنا يخليكى يا قمر
دا شرف كبير ليه طبعا
نورتينى