يوميات مندوب دعايه

[nadine]

طبعا العنوان ممكن يخليك تفكر انه مندوب دعايه عادى لا ياجماعه ده مندوب دعايه فى شركة ادويه يعنى المفروض انه اتمرمط فى كلية صيدله او طب بيطرى او غلبان فى علوم والزمن فى الاخر حكم عليه انه يشتغل فى شركة ادوية (الله طب ومالها شركات الادويه ماهى شركات بتصنع ادويه ووظيفة المندوب ده انه يوصل للدكتور المعلومه عن الدواء) طبعا حضراتكم بتقولوا الوقتى ويعنى هو الدكتور محتاج حد يفهمه عن الدواء ارد عليك واقولك اه محتاج هو مش لا سمح الله لنقص معلوماته لكن عشان الدواء ده اختصاص المندوبين دول انا كده شرحتلكم جزء من طبيعة عمل المندوبين .
لكن ازاى الدنيا تبئى حلوه مع المندوب الغلبان ده اللى خد شنطته فى الصبح وطلع على المستشفى اللى المفروض كاتبها فى الخطه الاسبوعيه بتاعته يبدأ يدخل العيادات ويتكلم وياعالم الدكتور الفلانى سمع ولا اصلا ماكنش مركز معاه اه بجد احيانا الواحد يدخل على الدكتور ويقعد يتكلم ويزيد ويعيد والدكتور اصلا مش سامع وده نوع من الدكاتره او يروح لدكتور والحمد لله الراجل علمى خالص واهم حاجه ان الدواء يجيب نتيجه كويسه مع العيان بتاعه وده راجل انا بحترمه لانه اهم حاجه عنده مصلحة الناس فيه نوع بئى من الدكاتره اهم حاجه عنده هيكتب ليه وهياخد كم وكان الدواء ده صفقه حتى لو هيكتبه عمال على بطال عشان الشركه الفلانيه عامله معاه بزنس _(يووووووووه انا خرجت عن يوم الراجل الطيب اللى هو المندوب)
بعد ماربنا يسهل ويدخل العيادات كلها فى المستشفى يروح يشوف بئى هو هيعمل ايه فى الوقت الفاضى لغاية مايجى معاد العيادات وتبدأ رحلة العذاب مع مساعدات او مساعدين الدكاتره اللى هما الاسيستانت اللى غالبا يقف زى السد المنيع بينك وبين الدكتور وعندهم جملتين ماثورتين يااما بعد الكشوفات او الدكتور لسه جاى الوقتى مش هيعرف يقابل ببئى هاين عليا امسكها ارزعها فى الحيط عشان بكده بتضيع عليا الزياره والوقت كمان بس رغم كده الواحد بيصبر ويستحمل هو انا بقول ليه كده وعشان ايه عشان ياجماعه انا حسيت بملل وقلت اكتب شويه عن الشغلانه بتاعتى انا اول مره فى المنتدى هنا ومضطره ادوشكم بمواضيعى الملخبطه كانت معكم نادين من احد شركات الادويه:vb29:

[dr.marmar]

والله يانادين النقطه الي انتي اتكلمتي فيها مهمه جدا
ومش مندوب المبيعات لوحده
بقت مشكله كل طلبه الجامعه
يعني مثلا طلبه كتير خريجي تجاره وأداب وهندسه
وبعد كده بيشتغلوا سواقين تاكسي وباياعين في سوبرماركت وحاجات كتير
فعلا حاجات تحزن وانا مش عارفه هل هتخرج من الكليه هشتغل في تخصصي ولاايه الحكايه

[BANOTA COOL]

ربنا يكون فى عونك
يسلموا

[H&H]

والله حرام

ميرسي على الموضوع