محتاجه مساعده ساعدونى الله يرضى عنكم ضرورى ؟؟؟؟؟؟؟؟؟؟

[Mind language]

السلام عليكم ورحمه الله وبركاته من غير مقدمات كتير ملهاش فايده انا محتاجه منكم مساعده ضرورى لانى بحسكم كلكم زى اخواتى هنا بالظبط فاكيد مش هتبخلوا على اختكم بنصيحه ماشى كدا تمام اسمعوا حكايتى واللى فى ايده نصيحه ياريت مايتاخرش عنى لانى فى عرض نصيحه ولو صغيره ؟؟؟؟؟؟؟؟؟؟؟؟؟؟؟ من الاخر انا كنت فى انتظار تنسيق جامعه اداب انهارده ورحت مبسوطة وسعيده الجامعه كاول يوم ومبسوطه كالعاده اخدت اكبر خبطه فى نفوخى انهارده داخله على موظفت الشئون وكل تفائل بقولها انا فى كلية اداب وعايزة اعرف القسم بتاعى اية قالتلى اسمك الثلاثى اديتهالها وقالتلى على اسم قسم انا عمرى فى حياتى مسمعت عنه قالتلى مبروووووك قسم لغات شرقية قولتها نعم يعنى اية؟؟؟؟؟؟؟؟؟ قالتلى يعنى لغات شرقية قولتلها ايوة يعنى اعمل بيها اية دى ابلها واشرب ميتها على الريق قالتلى دا نصيبك سبتها ومشيت تجولت اشوية فى الجامعه لاقيت واحده صحبتى من نفس البلد داخله نفس القسم فرحت شوية قعدت اتقس على القسم قالولى دكاترته ممتزين وهدين ومع نفسهم يعملوا فى صمت قولت كويس قالولى هتدرسى عبرى وفارسى وتركى على حسب المعلومات اللى جمعتها كنت عامله زى التايها عماله اسال فى دا وفى دى شوية لحد ما دخلت المدرج وقعت استنى ميعاد محاضرة من المفترض اننا نخدها قولت يمكن الدكتور يساعدنى ويرفع من معنويات القسم فى نظرى للاسف مجاش حظ بقى ماهى لما بتقفل بتقفل من كل النواحى قاعده فى المدرج وجنبى كذا حد عمال يقول انا هحول مش هفضل هنا اعمل اية بعد ما اخد الجامعه دى انا رايح اشوف قسم احسن يقبله مجموعى المهم انى سمعت الجمله دى من خمس او ست طلبه نفس النغمه الله يسامحم دا انا ماصدقت انى هديت شوية من ناحية القسم فضلت دماغى تجيب وتودى طيب هعمل اية احول زيهم قولت ماشى هشوف اية الاقرب من ناحية مجموعى نزلت اقراء الاقسام المتاحه ليا لقيت قدامى انى احول لاثار اما اسلامية او اثار مصرية او لغه يونانية بصراح التلات كليات سمعت عنهم كلام من الاخر اللى ياخدهم ماما مستنياه فى البيت علشان يونسها لانكم عارفين طبعا حال البلد انا ياجماعه مش محتاجه الشغل فى حاجه والحمدلله انا محتاجه انى ارسم مستقبل متضحكوش عليا هو اه كليتى صغيرة واللى احسن عنى مقدرش يعمل حاجه بكليته وكل الكلام دا انا حافظاه صم بس اطمنوا انا من نوعية ما دامت انى نويت على كدا يبقى هوصل الحمدلله بس محتاج منى تعب شوية انا ممكن اخدها واشتغل شغل مع نفسى افتح مركز ادى فية كورسات للغات اللى انا اخدتها انا وكمان واحده من زميلى عادى يعنى وهو تبقى شغلانه برضوا انا كل اللى انا عايزاه منكم اللى يعرف معلومه عن القسم دا او صاحبة او قربته دخلها ياريت يرد عليا فى الموضوع ويقولى لو مشيت فية واختارته ياترى هندم بعد كدا ولا هيكون ليا مستقبل فية وكتير دخلوا ونجحوا فى انهم يحققوا ذاتهم ياريت اتمنى تفاعل من كل حد يعرف حاجه عن القسم دا ساعدونى انا محتاج لنصيحه حتى لو كانت صغيرة بخصوص القسم فاعرف انها هتفرق فى حياتى كتير هفكركم باسمه اداب قسم لغات شرقية شكرا ليكم اتمنى انكم تساعدونى........................... والسلام عليكم ورحمه الله وبركات

[AHMED SEVEN]

ان معرفش بس حاولت ابحثلك بشىء يمكن يفيدك (كل اللى اعرفه ان ده قسم لسه جديد ) حديث واللغات الشرقية مش وحشة ابدا اذا كانت تركية او عبرية او فارسية لاكن اظن العبري مش هينفع معاكي خالص والافضل تبعدي عن اللغة دي مش على شان حاجة غير ان مستقبلها للبنت مفيش خالص


ده سؤال اتسال على الشبكة .. شبيه بسؤالك


ايه الاحسن؟؟؟؟ اداب قسم اثار ولا قسم لغات شرقيه و لا قسم حضاره اوروبيه ولا قسم عبري؟؟؟؟؟

ودي اجابة الناس عليه

انا رايى تاخدى عبرى او لغات شرقية دول كويسين بس نصيحة بلاش يلاش قسم حضارة القسم دا صعب اوى اوى والدكاترة مابترحمش خالص ولو فى فرصة تبعد(ى )عن قسم اللغات يكون احسن لانهم فعلا صعبين اوى اوى وعلى فكرة ماحدش بيشتغل بالشهادة بتاعتة خالص واللغة عايزة ممارسة كتير لان الكلية للنجاح والشهادة فقط وليست لممارسة اللغة الاجابة عن تجربة عملية فى كلية اداب


اجابة اخري

بصراحة انا بحب دراسة الاثار ... بس مش رح تفيد كتير بعد التخرج .... لغات شرقي افضل ... و اكيد مش عبري





ودي معلومات عن قسم اللغات الشرقية بكلية الاداب


يهدف قسم اللغات الشرقية إلى تحقيق مجموعة من الأهداف المحددة تعد رسالته التي يسعى لتحقيقها بآليات ووسائل متعددة منها ما يلي:



1- تخريج دارس يجيد اللغة الشرقية – التي اختارها- إجادة تامة تمكنه من الترجمة منها وإليها ترجمة مكتوبة أو فورية.

2- التعرف على ثقافة شعوب اللغات الشرقية (إيران، وتركيا، ودول آسيا الوسطى، وأفغانستان، والهند، وپاكستان، والصين)؛ حتى يمكِّن التواصل معها في كافة جوانب الحياة .

3- تخريج طالب مثقف بآداب وتاريخ وحضارة اللغة الشرقية التي درسها.

4- تخريج طالب له وعي بالأحداث السياسية المعاصرة في بلد اللغة الشرقية التي درسها.

5- تخريج طالب يفي بحاجة سوق العمل في الترجمة – بكافة أنواعها- من وإلى اللغة الشرقية التي درسها بخاصة في مجالات: الجهات الأمنية المختلفة، والإعلام، والسياحة، والثقافة، والخارجية، والآثار، والتاريخ، والوثائق، والمكتبات، والمراكز البحثية الاجتماعية، والمراكز البحثية السياسية، ومؤسسات المجتمع المدني التجاري والصناعي والبحثي.

6- تقديم رسائل وأبحاث علمية متخصصة في اللغات الشرقية في مختلف علومها وثقافاتها الأدبية واللغوية والحضارية والتاريخية، وذلك عن طريق برنامج الدراسات العليا.

7- خدمة المجتمع في المجالات المختلفة التي تتطلب لغة شرقية .


المشروعات ذات الأولوية



· إنشاء كلية لغات شرقية تفي بحاجة المجتمع المدني في المرحلة الحالية والمستقبلية وأن تشتمل هذه الكلية على الأقسام الآتية : قسم اللغة الصينية – قسم اللغة اليابانية –قسم اللغة الماليزية - قسم اللغة الفارسية – قسم اللغة العبرية – قسم اللغة التركية – قسم اللغة الاردية ، وغيرها من أقسام اللغات الأخرى التي تفي بحاجة المجتمع .

· إنشاء مركز بحوث علمية في مجال اللغات الشرقية .

· تبني مشروعات ترجمة مثل الموسوعات والقواميس ومؤلفات العلوم التطبيقية الحديثة.

· تنظيم مشروع تدريبي للتخرج في مجال الترجمة في سوق العمل.

· العمل على توثيق دور العلاقات العلمية والثقافية مع الأقسام المناظرة في الجامعات المصرية والعالمية، وتفعيل العلاقات مع المراكز الثقافية والإعلامية الممثلة لشعوب اللغات الشرقية .

إصدار مجلة لنشر البحوث المرتبطة باللغات الشرقية .

[Lost Pearl]

بصراحة يا قمر انا عارفة القسم بس مش عارفة عنه حاجة ف شغله او كدة

و يا رب تلاقي حد يفيدك ب حاجة ان شاء الله :765:

بس انا عايزة اقولك علي حاجة

طالما ربنا اختارلك حاجة يبقي هي اكيد ان شاء الله الاحسن ليكي

خلي دايما عندك ثقة عالية ف ربنا يا قمر

و ماتسمعيش اوي لكلام الناس :445:

و طمنينا عليكي بقي عملتي ايه ان شاء الله يا جميلة )

[misho]

وعليكم السلام
بصي اولا مفيش كلية ملهاش لزمة او ملهاش شغل
او مستقبل دة اكيد
انا كنت بدرس لغات شرقية في الجامعة
بس انا درست فارسي بس وكلغة تانية مع لغتي الاولي ايطالي
من رأيي هي مادة حلوة جدا وسهلة اوي
وهتستوعبيها بسرعة
علي فكرة هي من الاكتر المواد اللي كنت بعتمد عليها
انها ترفع تقديري
اما بالنسبة للشغل بعد كدة
معاكي لغة وكمان لغة مش منتشرة
دة هيفتحلك ابواب كتير جدا
اللغات الشرقية بيحتاجوها في شركات الاتصال
و ممكن تكملي وتبقي معيدة ان شاء الله
وكمان ممكن تدي كورسات في اللغات اللي معاكي
و دة اللي انا كنت بعمله
بس في لغتي الاولي
زي ما قلتلك مفيش كلية ملهاش مستقبل
كل حاجة وليها الف طريق بس المهم ارادتك انتي
و ربنا يكتبلك الخير يارب ويوفقك

[أميرة الدفا والوفا]

يا قلبي
بصي
أنتي مبدئيا لازم تفكري براحه
أنتي متلخبطه أوي
بصي أنتي أكيد لازم تسمعي النصيحه
بس متخديش بيها الا و انتي عيزا كده
يعني
أنتي اللي هتدرسي و أنتي اللي هتذاكري
مش حد تاني
يعني بصي لغات شرقيه حلوه
بس هتحتاج منك حفظ كتير أوي
يعني لازم تكوني بتحفظي كويس

و اثار حلوه مش وحشه
"يعني انا فيها علي فكره"
و حباها جدا
و اخترتها و انا عيزاها
ف أنتي لازم تشوفي كمان أنهي
الأقرب لقلبك
عشان تعرفي تمشي فيها

و أبقي طمنينا عليكي
ربنا يوفقك

[SiLver Spectra]

و الله لو شديتي حيلك في الكلية ممكن تطلعي سفيرة
بجد مش هزار ,,أو تشتغلي في القنصلية
بصي أنا شايف انك لو هتدخلي القسم دا يبقى تحاولي تاخدي تركي ,,أنا معرفش النظام عندكم مخير و لا اجباري حسب التقدير
بس أعتقد المستقبل مع تركيا من حيث تبادل العلاقات
و كمان مصر بتحتاج عبري عشان جارتنا اسرائيل ,,يمكن تشتغلي جاسوسة ههههه
بس تركي أعتقد أفضل مستقبلا ,,أما الفارسي فما أعتقدش له مستقبل حسب الواقع السياسي لمصر حاليا

أما في انك تحولي لآثار
فدا يرجع لميولك ,,لو بتحبي الآثار و حاسه ان دماغك هتمشي فيها ادخليها
أما لو حاسه انك مش غاوياها فخليكي في لغات شرقية و اجتهدي فيها
معلش مش هقدر افيدك في دراستها بسبب ان مافيش خبرة

[بسمة العمر]

دودى لو مكنش عجبك حولى
بس انا متاكدة انك لو دخلتية
هتكونى ناجحة فية جربى
واكيد انشاء الله
هتنجحى فية
ربنا معاكى

[♥..pure]

بصي هو مفيش حاجة اسمها مش هتستفادي من اللي بتدرسيه
حتى لو كليه هامشيه بردو هتروحي وتيجي هتلاقي ليها وظيفه
زي ما قالولك ميشو وسيلفر .. حاولي تأخدي المواد اللي هتفيدك في الاخر
عامة اللغات دي مش بتخسر يعني مهما اخدتي فأني المستفاده في الاخر
واعتقد ان كل الشركات دلوقتي بتحتاج مترجمين عشان الشغل بتاعها
يعني الف شركه ممكن تتمناكي ..
وعن تجربه شخصيه .. جارتنا كانت السن عين شمس وكانت عامله زيك كدا
لما اتخرج هشتغل فين وبتاع بس بعد ما اتخرجت لقت مصادر شغل كتير اوي
في شركه ترجمه اشتغلت فيها في البدايه وبعدين طلبوها كـ مندوبه لشركتهم مع مدير الشركه
ودلوقتي ماشاء الله عليها ...
بصي الافضل انك تبصى للامام اكتر .. متشغليش بالك دلوقتي بـانها صعبه وان متشغلش وكدا
وحتى لو حصل واجوزتي واعدتي في البيت هيكون معاكي لغه وتكوني مثقفه وليكي برستيج قدام الناس
من الامام للامام دايما ..
تحياتي وتمنياتي للافضل ..

[لبا عيونك]

الله يختار لك الصالح اختى
اللغات حلوة ومستقبلها قوى
اللغات مثل الذهب عمرة ما تتغير قيمته
وانتى شوفى الاوضاع فى المنطقه وتعرفى الحاجة للعبريه والفارسيه
اتمنى لك التوفيق

[Mind language]

بجد انا متشكره جدا لكل اللى ردوا على الموضوع انا استفادت من كلمكم
ليا وان شاء الله هعقلها واتوكل على الله واكمل ومن عرف لغة قوما امن مكرهم
شكرا ليكم جدا جدا هعيد حسابتى وهنظم نفسى وهحط امام هدف هوصله هوصله
بالذوق بالعافية هوصله ههههه شكرا ليكم يا احلى اخوات فى احلى منتدى شكرا
ahmed/lost>misho<اميرة<دكتور طارق<بسمة>]دكتوره فارما <لباعيونك