أيـــــام زمــــــــــان ,,

[Mo chahin]

لما تركــب في الباصـات
أو تــروح وسط الحـارات
أو تكلم واحدة ست كبيرة سناً
أو شيخ عجوز أو ابوك كمان
تسمع حكــاوي كتير كتير
أغلبها كــانت من زمـان
***
لما تركـب نقـل عـام
وتشوف عجـوز أو مدام
في الزحمة واقفين تعبانين
وشاب قاعد مش ف بـاله
طبعاً دا مـوقف مش تمام
تلقـى عليه الكــل لام
ويقولوا فين الاحترام !!
يرد واحد فجــأة منهم
ويقولهم : دا كان زمـان
***
لما تكون واقف طــابور
تدفع فاتورة أو وصل نـور
وتشوف عجوزة عايزة تمشي
وتقول لشــاب اديني دور
معلـش يا ابني مستعجلـة
أصلـي لسه هجيب فطـور
يقولها : يا ستي ماحنا مستعجلين
شوفي اللي بعدي يديكـي دور
يجي اللي بعده يقولها: آسف كمان
الكل م الزحمة ابتدى شد الشعور
تقول خسارة على كل الجدعـان
الرجولة والشهامة كانو زمـان
***
لما تلاقـي ابن الجيــران
على بنت جاره ملهوف عشان
ناوي يضيع حبها من بين إيديه
طبعه الخيانه ومالـوش أمان
بدل الدفــاع عن حقهـم
ممكـن يبعهــم كلهــم
أصل الأمان دا كان زمـان
***
لما تلاقي الأب وابنه يتكلمو
عن اللي يحصل من بلاوي
ويقوله يا ابني عيب كــدا
كـل اللـي إنت بتعملـه
شيء مش تمـام من أولـه
دا احنا ماكناش أبداً كدا أيام زمان
وتحس ان كـل حاجـة..
حلـوة ماتت من زمـان
وكأننا عايشين في وقـت
ما بقاش فـِ ذره مـ الأمان
وسط الكلام ممكن يرد الواد عليه
ويقـول بكل بجــاحة ليه
يا عمي فكـك من زمـان
يقطع زمان وسنين زمـان
أيامكـو راحـت وانتهت
وكـل وقــت وله أدان
طب ليه كدا يعمل كدا ؟!!
مش عايزه فـن وفهلــوة
باين السبب ولامجال فيه للعجب
أصل الأدب .. مات من زمـان
***
لما تدخــل منتــدى
وتلاقي فيه أعضاء جداد
حتى اللي كانـوا فيه قدام
الكـل نــازل تريقـة
على بعض وبدون احترام
وتقول يا ناس بقى ليه كدا
منتدانا بالشكــل دا ؟!!
فين الحنان والاحترام ؟!!
يجي الكـــلام أوام أوام..
الاحترام ؟!.. دا كان زمـان
***
ماعلـش يا اخـوالنا بقى
أصـل الكتـابة معلقـة
فى دماغي من أيام زمان
أنا جه فى بالي اوصفلكوا
حبة حاجــات وأقولكـوا
إن الزمـان هو الزمـان
لكن المشــاكل كلهـا
فينا بقى.. مش فى الزمـان

[ساحر الأحزان]

ايام زمان والاحساس بالغير كان

والشهامة موجودة

بسى احنا دايما مستعجلين

وهى ايام زمان تتعوض

كلمات زجلية جميلة

تحياتى عليها

[زمن الغربة]

كلام جميل
تسلم على المجهود

[sokara]

توقفت اتأمل كلماتك
فالتزمت الصمت من روعتها
فلااملك من ابجديات الحروف ما اعبر به
عن روعه هذه الكلمات والاحساس الراقى
فالصمت فى حرم الجمال جمال
فكل ماذكرت كان زمان للاسف
ولكن يبقا الانسان بارادته ان يكون نفسه
ولاينساق خلف متغيرات الحياه
دمت بخير وتقبل تحياتى

[Mo chahin]

اقتباس المشاركة الأصلية كتبت بواسطة ساحر الاحزان ايام زمان والاحساس بالغير كان والشهامة موجودة بسى احنا دايما مستعجلين وهى ايام زمان تتعوض كلمات زجلية جميلة تحياتى عليها

اشكرك يا أمجد على كرم مرورك الغالى ,,

تقديرى لك ,,

[احمد الحلو]

المبدع دوماً وأبداً الاخ العزيز ميرو



اضئت هذا القسم



بهذه الالماسه المشعه


فوجدت نفسي



بين هذه السطور


التي مهما وصفتها لا اوفيها حقها



فعلاً للإبداع اناس وانت منهم




باقة من الياسمين والجوري



لأنفاسك العطره


تحياتي مع ودي


مررت هاهنا انا 000 احمد الحلو

[Mo chahin]

اقتباس المشاركة الأصلية كتبت بواسطة زمن الغربة كلام جميل تسلم على المجهود

مرور وتواجد اجمل تسلمى عليه ,,

[حياتي ذكريات]

تمآم أوي يآ محمد
مش عآرفة النهآرده يوم للمآضي ولآ ايه
انآ لسه سآمعه الكلمتين دول من وآلدي
عآرف
حسيت ان احنآ مظلومين عشآن مآ عشنآش أيآم زمآن
بس زي مآ قلت
مفيش حآجه اتغيرت .. إلآ احنآ

تسلم ايدك
بجد تحفة

[Mo chahin]

اقتباس المشاركة الأصلية كتبت بواسطة sokara توقفت اتأمل كلماتك فالتزمت الصمت من روعتها فلااملك من ابجديات الحروف ما اعبر به عن روعه هذه الكلمات والاحساس الراقى فالصمت فى حرم الجمال جمال فكل ماذكرت كان زمان للاسف ولكن يبقا الانسان بارادته ان يكون نفسه ولاينساق خلف متغيرات الحياه دمت بخير وتقبل تحياتى

للاسف .. نادر جدا وجود من لا ينساق وراء تلك المهاترات الحياتيه ,,

التى نتمنى ان تكون فى زوال دائم ,,

وان ننعم بالحضاره والسلوك الطيب ,,

دمتى بكل خير سكرة ,,

وتقديرى لكى على تواجدك المنير دائما ,,