حلقات برنامج ( حوار مع الكباااار )

[ĶǎnDO̳̿uChǎ ツ]

ميهـ ميهـ يـ ريس

شكله اكيد بروجرام توحفهـ

بالتوفيق ليكو

متابعه معاكو

و مستنيه اول حلقه و اول ضيف

^_^

[نانـــــو]

ان شاء الله برنامج موفق
بالتووووووووووووووووووفيق
ومتابعة معاكوا ان شاء الله

[مِسكُ الشَهادة]

فكرة رائعة جدا ً والله ِ
بتمنى لكم التوفيق
إخوتي الأفاضل ( محمد و أحمد )
ننتظر أولى الحلقات بشغف
دمتم بخير

[fankosha]

ان شاء الله يكون برنامج جميل
بالتوفيق ان شاء الله
فى انتظار اول حلقة

[بائعة الأماني]

فكره جميله تسلم ايديكم

[game010]

منتظرين اولى الحلقات يا محمد
اكيد هيكون برنامج جاااااااااااااااااااامد

[حنـــــون]

امممممم لا وضح الفكره ياعلاء
الموضوع هيناقش ايه
وشكله هيبئه عامل ازى
بالتوفيق ليكوا

[عاشقة الهدوء]

جميله الفكره يامحمد



ومنتظرين ان شاء الله أول حلقه

وأكيد هتبقى قيمه مووووفق انته والماجيك

ربنا يحفظكم

[Mo7aMaD 3aLa2]

فـ البداية احب اوضح ان الهدف من البرنامج ,, هو التعبير بحرية عن الآراء فى اى حاجة تخص المنتدى . و البرنامج هيبقى عمل استضافة مع شخصية ذات فاعلية ونشاط فـ المنتدى ،، ومش مقصود بـ كلمة ( الكبار ) الادارة فقط ,, اى شخص كان لية نشاط وفاعلية واضحة فـ المنتدى هو شخص كبير . ضيف حلقتنا الاولى ومفاجأتنا هو ،، ماتركس قنـاص العـرب هنتكلم معاة عن منصب الادارى المنتخب وهنتكلم معاة عن آراءة فى بعض الظواهر اللى انتشرت فـ المنتدى وهنشوف كمان ردة على كتير من الانتقادت اللى بتتوجة لية ودلوقتى نشوف الحوار 1/ بعد فوزكـ بمنصب الادارى المنتخب بفارق كبير من الاصوات.. عايزك تقولى ازاى اكتسبت ثقة وحب كل الكم دة من الاعضاء ؟ انا مش من طبيعتي اقعد اقول انا عملت كذا وكذا لااعضاء علشان اكسب حبهم ليا انا بتعامل معا الاعضاء بدون تكبر وان اي عضو احتاج مني اي خدمه مش بتاخر عنه لازم اهم حاجه علشان تحبب الاعضاء فيك لازم تبقي متواجد معاهم في مواضيعهم واهم حاجه تتابع الاعضاء تسئل عليهم وبالذات الاعضاء الجد الاعضاء الجدد لما يلاقو عضو قديم وبعت ليهم رساله حتي ولو سلام تلاقي مبسوط ثانيا ردودك علي الاعضاء في المواضيع لازم ترفع معنوياتهم شويه وتساركهم في كل جديد وانا الحمدالله بتعامل معا الاعضاء بنيه صافيه مش اتعامل معاهم زي التعبان اضحك في وشهم واقرصهم من خلفهم 2/ بعد الانتخابات مباشرة شوفنا ناس بتتكلم عن المجاملة فـ التصويت .. تفتكر الناس بتعلق فشهلم على شماعة المجاملة ؟ ده اكيد المثل بيقوالك ايه حجه الخايب مسح الصبوره في ناس بتعمل كده علشان تقلل من عقليه الاعضاء اللي صوتت زي ما يكونو انو الاعضاء دووال كلهم مجاملين طيب افرض انهم مجاملين يعني 96 عضو مجاملين لو الفرق صوت والا اتنين والا عشره كنت اقوال ماشي لكن ده الفرق شاسع انا عايز اعرف دلوقتي ايه بيني وبين الاعضاء علشان يجملوني والله اني انا موجود هناء في المنتدي والله مليش غير 5 او 6 اصحاب معايا ايملاتهم والاعضاء ايه هيغصبهم يجملوني يعني كل عضو ليه وجهه نظر ناس شيفاني انا استحق المنصب فاخترواني بس لما الاعضاء يكونو حطين املهم انهم ياخدوو المنصب في الصدمه بتئثر عليهم بتخليهم يتكلمو من غير واعي والله انا مقدر الموقف ده حااسس بيه ههههههههه 3/ بعد توليك منصب الادارى المنتخب شوفنا حملات للاعضاء بتظهر (بغض النظر عن انها فكرة مكررة ) من رأيك اشمعنى فـ الوقت دة تحديدا ظهرت بعد فوزك بالانتخابات ؟ هو توقيت غريب فعلا مش عارف اية سر الوقت دة يعنى فى ناس مبتشتغلش فى المنتدى الا عشان تبين انها بتشتغل ودة طبعا لغرض شخصى ومصلحة يمكن دة يفيد فى الانتخابات الجاية مثلا كنوع من الدعايا او يمكن محاولة لتهميش دورى الخلاصة انة اتعمل فى التوقيت دة لان جاى من وراة مصلحة شخصية مش خدمة للمنتدى 4/ كان واضح جدا فرق الاصوات الكبير اللى كان لصالحك ... هل دة يدفعك انك ترشح نفسك تانى للانتخابات للفترة التانية على التوالى ؟ الحمدالله الاصوات دي ربنا كرمني فيها واخدها بطريقه مشروعه مش زي الاكازيب اليل بتطلع يقوال عمل جروبات والكلام الفاضي وعمل تسجيلات علشان اكسبها عايز اوجهه كلمه للناس اللي بتقوال كده الناس دي لما فااضيه تفتكرانا احنا فاضيين زيهم وممكن نعمل اكونت والا ندعي ناس علشان تصوت ليا وانا ان شاء الله هرشح نفسي تاني وهحاوال اخدم الاعضاء علي قد ما اقدر وحتي لو مكسبتش ليا الشرف اني خدمت الاعضاء مره وباذن الله اللي جاي احسن وهكون عند حسن ظنكم 5/ كلمنا عن القسم الجديد (شرح جميع متطلبات الاعضاء بالصور ) ووضح للاعضاء اية فايدتة ؟ اول حاجه القسم دي فايده للمنتدي قبل ما يبقي فايده لااعضاء القسم لسه جديد وفيه تطورات كتير جايه بس هيه مشكلتي اخر اسبوع عندي في الشغل وبعدين هاخد اجازه شهرين وهفضي للمنتدي ثانيا الفايده اللي للمنتدي اصلا احنا مش هنستكفي للشروحات الخاصيات بس لا بالعكس احنا هنكبر الاضفات ليه وهيه شرح مثلا كيفيه عمل ايميل وكيفيه التسجيل في الفيس وشروحت برامج وده هيفيد المنتدي في انو هنستقبل زوار كتير وبعدين هيزود من وجودنا في جوجل بدل ما مضهدنا كده ثانيا الافاده لااعضاء انا هشرح جميع الخاصيات ودي اولا هتفيد الاعضاء علشان محدش يغلب في حاجه ثانيا دي كفايه عليا انها هتبقي بصمه ليا في المنتدي حتي لو مشيت الاعضاء يتذكرواني سواء الموجودين او اللي لسه هيسجلو دي نقطه حلو بالنسبه ليا اني اسيب حاجه حلوه الناس تفتكرني والقسم ده هيبقي فيه تطورات كتير بس اصبرو علينا يومين تلاته مش قوالنا اللي جاي احلي 6/ شوفنا حملة هجوم عليك من قبل بعض الاعضاء وكلام غريب كان فـ التوقيعات بعد الانتخابات مباشرة لمجرد فوزك بها... تحب تقولهم اية ؟ والله انا مستغرب للمووضوع ده فاجئه لقيت عضو حاطتت كلام غريب في التوقيع طيب خلينا نفكر بالعقل شويه انا ليه هشوه صورتي بنفسي وانا فوزت كمان في الانتخابات بس اعتقد انو الكلام ده متفبرك وعامله كده علشان يشوه صورتي بس اللي ميعرفوش انو شوه صوره نفسه 7/ هل فى ناس اتغيرت معاملتها معاك بعد فوزك فـ الانتخابات؟ ... يعنى انا شفت ناس حاطة صورتك ف توقيعاتها ف يوم مع ان كان باين زمان ان العلاقة لا ترتقى لهذا المستوى ابدا ؟ مش لازم ياخدو الامان يعني واحد يحط صورتي يومين في التوقيع وتالت يووم القيه بيشتم وبيرمي عليه كلام انا مش هوصف الشخصيه دي ايه انا هخليكم انتو تقوالو الشخصيه دي ايه شخص يضحك في وشك ويضربك في ظهرك يبقي ايه ده ربنا اعلم بالنيات وكما تدين تدان الواحد مش لازم يتعامل بطيبه معا كل الناس 8/ بنشوف دايما تحيز من قبل البعض دون التفكير بطريقة عادلة وعقلانية ... اية تعليقك على الظاهرة دى عموما ؟ ده اكيد انا هقوالك موقف حصل في عضوه كانت مستضافه في برنامج وعلشان تتشهر راحت بقي غلطت في حقي في البرنامج علشان تتشهر وبتقوال كلام !!! وبعد ما فوزت لقيتها ضيفاني علي الايميل هههههههههه وتقوالي الف مبروك علي فوزك في الانتخابات شوفت وصله لفين المجملات يا جدعان 9/ سمعنا عن ظاهرة طلب الايميل من البنات مقابل تنفيذ خدمة او طلب ليهم ... اية رأيك فـ الطريقة دى ؟ دي تعتبر طريقه رخيصه جدا يا نهار ابيض هوه احنا جايين المنتدي علشان نستفيد والا علشان اخدم عضو لازم يبقي معايا الايميل بتاعه عايز تخدم حد هتخدمه ومفيش خدمه محتاجه الايميل علي فكره 10/ شفنا اكتر من مرة ناس بتتكلم عن نفسها ومجهودها فـ المنتدى مع ان دة شئ يوحى بالتكبر والغرور ... اية تعليقكـ على الكلام دة انا كمان شوفت ناس بتقوال انا عملت وسويت وانا وانا عايز اقوالهم وانا قوالتها قبل كده احنا كلنا معملناش حاجه للمنتدي كفايه انو المنتدي جمعنا وخلانا لينا اصحاب اللي عايز يعمل حاجه يعمل بسكات يبقي كتر خير الاداره طارق وحنون وميشوو بيعملو من غير ما يقوالو احنا بنعمل واكتر ناس بتتعب مش شخص عملي موضوعين تلاته يقوال عملت طيب ما الواحد بيعمل شروحات وبيعمل حجات والله ما في حياتي كنت مستني مقابل من حد معا اني انا عندي 21000 الف مشاركه يعني مفيش حد شارك اكتر مني بس عمري ما قوالت كده دي تعتبر في نظري دي ناس مغروره والغرور ده هوه اللي هيوديهم في داهيه وهيرجعهم لورا وكره الناس فيهم 11/ بخصوص برنامج سرى جدا ...شفنا اكتر من مرة ناس بتتكلم عن تقليل مقدمى البرنامج من دور الادارة (حنون وميشو ) .. مع ان دة كان راى العضو مش راينا !!.. انا عايزك تتكلم بكل صراحة من غير ذرة مجاملة على دور (حنون وميشو) فـ المنتدى احنا في برنامج سري كنا بنجيب اسئله ونواجها للعضو وهوه اللي بيجاوب ولما كان بيكون في انتقاد كنا بنقوال فلان بيعمل كذا وكذا يعني مش بنلف وندور ثانيا عايز اقوال حاجه مش معني كانت الاسئله قاسيه شويه في البرنامج انو ميشوو وحنون انهم مش بيشتغلو والا طارق والله انهم مجهودهم باين في المنتدي بس ممكن اكون ضدهم في حجات انا كنت بقوال عايزين نشاط ملحوظ ننشط بيه الاعضاء الجدد بس الناس دي عايزه تشوه صورتنا ويقومو بفتنه انو احنا بنكره الاداره والله اني معاملتي معا ميشو وحنون اكتر من اخوات وطارق كمان هوه عالم بمعزتي ليه طارق وميشو وحنون بيشتغلو بدون مقابل مش بيقوالو احنا عملنا والا سوينا بس انا عايز اقوالهم ياريت الاكاذيب اللي بتحصل من مقدمي البرامج الاخري اللي بتفتن ياريت متئثرش علي روح الاخوه اليل بينا علشان دي بتبقي فتنه وبقوال اتقي الله يا اللي بتفتن دي الفتنه اشد من القتل 12 / فى وقت سابق نزل شكوى من عضو اتقال بعديها ان الشكوى دى اصلا كان الغرض منها التشويش على احد المرشحين ... مع اننا لما جينا نشوف الاصوات فـ الاخر لقيناة خارج نطاق المنافسة !! ..اية تعليقك على الكلام دة ؟ ههههههههههههههههههه ضحكتني النقطه دي ولفتت نظري علي فكره انا عايز اعرف دلوقتي احنا في انتخابات مجلس الشعب صوره ايه اللي هنشوها دي والاشخاص اللي بتقوال كده صورتها اصلا مش محتاجة تشوية ومكروها وده انا اعتبرو كره وحقد وحسد وتقليل من فوزي اللي اخدو بطريقه مشروعه 13/ كلمنا عن افكار جديدة هتضيفها الفترة القادمة للمنتدى ؟ الافكار الجديده مقدرش اقوالها كلها علشان كل يوم اكيد هحاوال اضيف حجات كتير للمنتدي بس انا كبدايه هحاوال انفذ برنامجي الانتخابي وهعمل موضوع اقترحات لصالح المنتدي وهحاوال اساعد الاعضاء وهوه توضيح اكتر للخاصيات اليل في المنتدي وعلي فكره انا بتكلم معا الاداره في برنامجي الانتخابي ونتناقش بس ساااعات الفكره بتترفض ولاادره بتقنعني سبب الرفض بس هحاوال علي قد ما اقدر اني اكون عند حسن ظنكم ويارب اقدر اسااعدكم علي قد ما اقدر 14/ تفتكر ان حملات الهجوم اللى حصلت عليك بعد فوزك فـ الانتخابات أثرت على ثقة الاعضاء اللى انتخبوك ؟ معتقدش انهم الاعضاء اللي واثقو فيا انهم علشان شويه كلام في الهواء هيغيرو ثقتهم فيا احنا معانا ما شا الله اعضاء عقوالهم ناضجه يعني لما بيختارو بيخارو صح واتقان وعارفين يفرقو بين الكلام الحقيقه والاكاذيب اللي بتطلع عليا وده اصلا بعتبرو هجوم لا يفيد يعني زي زيو قلتو ده اثر علي الاشخاص اللي عملو الهجوم ده وخلو الاعضاء كرهتهم 15/ سمعنا كلام كتير انك اتغيرت بعد ما بقيت ادارى منتخب .. هل دة صحيح ولا من ضمن حملة الهجوم ؟ انا الحمدالله انا ماتركس زي ما كنت عضو زي ما هكون اداري مفيش فرق حبي لااعضاء واحترامي ليهم هيفضل زي ما هوه وانا الحمدالله اي رساله ليا عمري ما نفط ليها والا حتي نشاطي قل انا هفضل زي ما انا بس حمله الهجوم عايزه تشوش عليا مش اكتر دي ناس حقوده لازم تستني منها كده ثانيا انا قوالت اللي جاي احسن والاعضاء في اخر يوم ليا في الاداره هيه اليل هتحكم انا وقفت جنبهم والا لا 16 / تفتكر ان انجازاتك فـ المنتدى بما تتضمنة من كونك ادارى منتخب ومن اصحاب اعلى مشاركات وبتضيف اقسام جديدة وغيرة .. تفتكر عملت عداوة بينك وبين حد اقتضاء بالمقولة اللى بتقول (الشجرة المثمرة يقذفها الناس بالحجارة) ؟ ممكن تكون كونت عداوه بين عضو او اتنين او تلاته بيكرهونى اصلا ناس حقوده لكن بقيه الاعضاء معاملتي معاهم زي ما هيه والاعضاء بتحبني وبتعزني زي الاول واكتر وانا كمان بحاوال اقف علي قد ما اقدر جنبهم 17 / فى ناس كتير بتقول انك متسرع فـ اتخاذ القرارت ... شايف ان فى افراط فـ التعبير دة ؟ انا الحمدالله ممكن اكون متسرع بس انا الحمدالله لما اتسرع واغلط في حق حد بروح اتأسف ليه وانا قوالت انو التسرع ده بيجي من استفزاز شخص قدامك وانا بعتبر نفسي انو التسرع ده بقلل منه كتير مش علشان حد علشان حياتي العامه والخاصه ومش معني اني متسرع واني منفعل يبقي الناس تعلق عليا اخطائها وانا زي ما قوالت بحاوال اقلل من الانفعال ده 18/ بعد فوزك بالانتخابات شفت توبيك ليك ومباردة طيبة منك بتصفية اى خلاف بينك وبين احد المرشحين نشب اثناء المناظرات .. تفتكر هل التوبيك دة نجح ؟ التوبيك نجح معا كل المرشحين ماعدا شخص واحد اللي قلبه اسود هيفضل اسود حتي مهما ما عملتلو في اشخاص قلبها اسود جدا وبتحقد وبتحسد وفي اعضاء قلبها ابيض من اللبن الحليب الصافي وانا عملت الموضوع دة عشان خاطر اصفى النوايا والله عاملة لوجة الله وانا اسمى عملت اللى عليا اعمل الخير وارمية فى بحر 19/ كتير بنسمع عن قوة علاقتك باعضاء المنتدى وشعبيتك الكبيرة .. تفتكر دى ميزة ولا عيب ؟ انا عايز اقوال حاجه وربي اني شوف قد ايه الاعضاء بتحبني مش غرور في نفسي ده علشان بعاملهم بنيه صاافيه واقف جنبهم وهفضل كده معاهم انا لو سيبت المنتدى النهاردة كسبت كتير وناس كتير بحبهم وطلعت باصدقاء كتير كفايه اني اتعرفت علي ناس قلبها طيب انا م هقدر اقوال الااساامي علشان انا بعتبر نفسي اني مصاحب الاعضاء كلهم كفايا اني في موده وروح المحبه بينا واي شخص شيفاني قصرت معاه والا غلط في حقه يجي ويعاتبني وانا اتأسف ليه قدام الاعضاء كفايه اني اتعرفت علي اعضاء مخلونيش احس بغربتي وحسسواني انهم اخوات ليه وهونو عليا غربتي ومش بيعملوني كصديق بيعملوني كاخ ليهم وربنا يديم بينا المحبه والاخوه يارب واي حد زعلان بقواله انا اسف وانا اخوكم وكفايه اني اتعرفت علي اعضاء رسمه البسمه علي شفايفي بحبكم يا احلي اخوات 20/ اخيرا وجة كلمة او نصيحة للاعضاء عايز اقوال حاجه ياريت تدوم بينا روح الاخوه والمحبه واحنا كلنا اخوات واحنا هنا علشان نفك عن نفسنا من ضغوط الحياه وعايز اقوال كلمه اللي زعلان معا صديق ليه او عضو ياريت يروح يصالحوو وياريت منمشيش وراء الناس اللي بتفتن ما بينا علشان عايزه توقعنا في بعض واللى عايز اقوالو في الاخر انا عارف اني مقصر معاكم بس الاايام الجايه هتلواني نايم نووم معاكم بس هوه اخر اسبوع ليا في الشغل وهجننكم بعد كده هههههههههه وكلمه اخيره اني احبكم في الله يا احلي اخوات فـ النهاية احب اقولك كنت منورنا يا احمد ,, ووضحت حاجات كتير كان واجب توضيحها ،، ويا رب تكون الحلقة عجبت الاعضاء وانتظرونا فى حلقات اخرى قريبا لبرنامج ،، ..

[واد حبيب]

اولا احياك يا محمد علي البرنامج الجميل

ومتركس علطول منور اي حلقه له

بس مش عارف ليه كده ان في بعض الاجابه فيها الغازوكلام بطريقه غير مباشره مش عارف ليه

بس بحيكم علي الحلقه

الحبيب